.ياروحي اشتگولين...ماضن يرجع حسين
ماضن يرجع حسين..ياروحي اشتگولين
-------------------------------------------
حني ياروحي عليه وجاوبيني
كافي بضنون المصيبه اتعذبيني
من كثر نوحچ طفت ياروحي عيني
وايست من جية حسين وبنيني
گلبي ايگلي ميعود..هو وصاحب الجود
وفگد ولدي الاثنين...ياروحي اشتگولين
--------------------------------------------
من توادعنه شفت بعيونه دمعه
چن يگلي وداعة الله مالي رجعه
سار بهمومه وسرت بدموعي اتبعه
يتمتم بكلماته ياروحي اسمعه
يحچي وي الله بهداي...مني اتحير الراي
يحچي بدمعه العين..ياروحي اشتگولين
------------------------------------------
من مشوا عني يروحي بلوعه رحتي
وياهم وعفتيني مخنوگه ابعبرتي
ارد اسألچ خبر منهم ماسمعتي
هم يردلي الغالي لو ابقه بحسرتي
ليش السكته ياروح... ردي وداوي الجروح
شمالچ بس تونين... ياروحي اشتگولين
--------------------------------------------
ضنوني ياروحي تصور حالة حسين
حاير وضامي وغريب وشابح العين
چنه واگف عالنهر بچفوفه چفين
چن يگلي استخلفي الله يم البنين
چن زينب والايتام...ترگض بين الخيام
وتشاگف بالايدين...ياروحي اشتگولين
------------------------------------------
لحضه مافاركني ايد دوم اعله بالي
طيوفه حرمت عيني من نوم الليابي
مره اشوفنه صريع وراسه عالي
ومره اشوفن ضعنه يمشي بهيمه خالي
خالي وبالحزن غاط..تحدي بنوگه السياط
بيتام ونساوين...ياروحي اشتگولين
-------------------------------------------
وي جور الدنيا شو صرتي عليه
ليش ياروحي ولاگلتي خطيه
ترادفن كل المصايب بيه بيه
وهذا اخرها مصاب الغاضريه
لايادنيا المصاب...يلباعدتي الاحباب
من عندي شتريدين...ياروحي اشتگولين

جواد كاظم الگرعاوي

عنكم....وسفه باعدنه الدهر
عنكم....وصرنه مانسمع خبر
عنكم....نسأل انجوم السحر...عنكم
------------------------------------------
يالمشيتو بليله وحده وشلتو عنه
وخذتو وياكم يالاحباب المحنه
الله لاينطي الي من عدكم حرمنه
ليش بيكم ليله الفرحه هظمنه
رحتو....وعفتو لچمه بكل گلب
رحتو....وعين تربي اعله الدرب
رحتو....بدمعه تسأل كل محب...عنكم
--------------------------------------------
مانصدگ بالعجل رحتو من ادينه
وعفتو ذكراكم حزن خيم علينه
لهسه نذكركم يهلنه ومانسينه
هنا گعدنه هنا ضحكنه هنا بچينه
تبچي...ضلت عيون الاهل
تبچي...بكل مكان بكل محل
تبچي...لو وگف ضيف وسأل.. عنكم
--------------------------------------------
گلب اليفارگ محب تنزف جراحه
يضل يعيش بونته ليله وصباحه
من مشيتو لهلوكت ماشفنه راحه
اخلافكم راحتنه يحباب النياحه
ناحت...الكم سنين العمر
ناحت...وعاشت المحنه جمر
ناحت...ولبست ثياب الصبر..عنكم
-----------------------------------------
يلي من عمرالورد اترف عمركم
بعده بيدينا ولايخلص عطركم
من مشيتو هامت الروح بأثركم
وضلت عيون المحب تنظر صوركم
عينه...يلي طولتو السفر
عينه...هامت بليل السهر
عينه..بس تناشد بالصور...عنكم
----------------------------------------
ساعد الله اليدفن بأيده حبيبه
يعيش ذكرا دمعه دمعه بكل مصيبه
گلبه مايبرد ولا يخمد لهيبه
تاخذه اهات البعد يمه وتجيبه
دمعه...مابطل ساعه ونشف
دمعه...مودمع من دم نزف
دمعه...يسأل اتراب النجف...عنكم

جواد كاظم الگرعاوي

بروحتك گلبي انكسر...
طاوعت عيني السهر....
مارحم بيه الدهر....
يبني يحسين...يبني يحسين
------------------------
بلحضه وداعك..ودعت روحي وحياتي وياك يالغالي
شودعت عندي.. بس دموع وهم مصابي وحزني يبرالي
مانفع صبري..من شفت ضعنك سره وجد خابت امالي
نضره عيونك..وكلمتك رايح ييمه ضلت ابالي
يبني يوم الي رحت...
چن الف موته متت...
من نويت علسفر...
مارحم بيه الدهر...
يبني يحسين..يبني يحسين
-----------------------
بدمعه الفاگد..عيني تنظر عالرواحل تبعد عليه
بس صدى صوتي..ينادي يمه وداعه الله راشده النيه
صوت البگلبي.. يگلي لحسين واخوته مابعد جيه
صرت اتابعكم.. وانثر الماي بأمل بلكت ترد ليه
امشي واتعثر صرت....
ردت منك تلتفت....
من بعدت علنظر....
مارحم بيه الدهر....
يبني يحسين..يبني يحسين
----------------------
ضلت عيوني..عالدرب تربي وتراقب وانطر اخبارك
بونتي ونوحي..وحسرتي بروحي العليله وبالگلب نارك
خوفي وامالي.. يذبح بروحي الحنين واعتني الدارك
عيني بس تدمع..لوسأل عنك ينور العين خطارك
احسب ايام وأعد....
يمته يالغايب ترد...
وانت مامنك خبر...
مارحم بيه الدهر....
يبني يحسين..يبني يحسين
------------------------
دارك افرشها..بكل صباح وي العليله ونگعد نتاني
ماتجي يبني..بس يجيني الليل يحمل همي واحزاني
فاطمه تناشد..تگلي معقوله يجده الوالي ينساني
بدمعي اصبرها.. وسهر الليل بأمل يطلع صبح ثاني
صرت محتاره شأرد...
يلي طولت البعد...
شهر ضل يتبع شهر...
مارحم بيه الدهر....
يبني يحسين..يبني يحسين
-----------------------
تيتمت يبني..من سمعت الناعي ينعه وبسمك ينادي
گتله خبرني..عن عزيز الزهره روحي ومهجه الهادي
گلي اولادج.. بكربلا ضلو ضحايا وسكنوا الوادي
گتله يالناعي..عن ابو الاكبر سألتك مو عن اولادي
گلي يم الاربعه....
حسين جثته مگطعه...
وعالنهر طاح الگمر....
مارحم بيه الدهر....
يبني يحسين..يبني يحسين
---------------------
يمه يايمه..من سهرها ودم دمعها عميت عيوني
يمه يايمه..لياحزن يبن الزجيه لوحدي عفتوني
حسين يايمه..ردتك بساعه مماتي وي اليشيعوني
حسين يايمه.. عگب عينك ياحبيبي خابت ضنوني
راح اموت بحسرتي...
وحين تگرب ساعتي...
لگبري اروح وي القهر..
مارحم بيه الدهر....
يبني يحسين...يبني يحسين

( جواد كاظم الگرعاوي)

گومي يم جاسم الليله وشعلي الشموع
خل نواسي ام الشهيد بفيض الدموع
للمگابر زفته....مثل جاسم حنته... بفيض الدموع
--------------------------------------
فاطمه بكل حزني جيتچ يلي بالطف شاهده
گومي نحضر هالمسيه نواسي حره اوالده
مثلچ اتخضب ابنها ومثلي ام وفاگده
من الحزن ذايب گلبه خل نروح نساعده
خل نواسي ام الشهيد الماتاخر
عن نداء المرجعيه ولا تعذر
والنعم من ربته....مثل جاسم حنته... بفيض الدموع
---------------------------------------
اخذي وياچ الخضاب واخذي يم جاسم ورد
خل نحني اچفوف ابنها منها راح ومايرد
خل نطش الورد كله فوگ راس ابن الحشد
شيعتي اصحاب العقيده الردو جيوش الحقد
بيهم بعمر الورد رخص وريده
بيهم خضاب العرس مالامس ايده
ولاتهنه بدنيته....مثل جاسم حنته.. بفيض الدموع
-----------------------------------------
خل نواسي ام الشباب ارد اشعل بأيدي الشمع
وي دمعها اليوم اهلن عالنعش دم ودمع
امس باحزان المصيبه تنحب لكسرالضلع
اليوم اردلها الخدامه بنوح ابد ماينگطع
ارد انوحن يم ابنها بدمعة العين
بالحزن خلص عمرها وخدمه حسين
وماتعوف زيارته....مثل جاسم حنته.. بفيض الدموع
-----------------------------------------
خل نواسيها بحزنها والده وضحت ابن
بكل نفس تشهگ عبيره يمرن رسومه وتحن
خل نون وي الحزينه بكثر ماچانت تون
من تمر ذكرانه بيها وتلبس هدوم الحزن
شماتميل الدنيا ويعاند زماني
ابد ماانسه الذكرني ومانساني
بكسري اروح لمحنته...مثل جاسم حنته.. بفيض الدموع
--------------------------------------
خل نواسي ام الشباب المالبس ثوب العرس
الچان يحضربالمواكب يخدم الزوار امس
اليوم من اجل الأمامه ضحه يارمله النفس
مثل جسام بصموده علم العالم درس
من سمع. صوت المنادي قرر يروح
ولجل دين الله ورسوله ضحه بالروح
الدنيا ابد ماغرته... مثل جاسم حنته .. بفيض الدموع
----------------------------------------
نشوف اطفال وثواكل يمها يارمله شكثر
غرب الموت بأملها واليتم اصبح يسر
شكم حميده شكم سكينه العاشت بحر الجمر
شكم رقيه المات ابوها والدهر صار الشمر
شكم يتيم من الهظم صاح الضليمه
شكم رقيه بهلوكت صارت يتيمه
دامي ابوها شافته...مثل جاسم حنته.. بفيض الدموع

جواد كاظم الگرعاوي

يتيمه...وحرگو الخيمه عليها
يتيمه...وضلت اتشاگف بديها
لامحامي ايحامي عنها
من السياط ازرگ متنها..يتيمه
---------------------------------------
عگب ماطاح العميد اعله الوطيه
وشبت النار بخيمها الهاشميه
فرت اطفال وحرم بالغاضريه
بس يتيمه ضلت بسوح المنيه
رقيه...ركضت ادور اعله ابوها
رقيه...والعساكر من لگوها
مارعوها الزغر سنها
من السياط ازرگ متنها...يتيمه
-------------------------------------
ركضت وخيل العده تبعت اثرها
حوطتها وضيعت منها مفرها
ظالم بچفه عله الوجنه سطرها
وظالم بچعب الرمح يطعن ظهرها
يظالم...نادته ارحم دموعي
يظالم...سوطك اتلوه ابظلوعي
انشلت ايمينك عسنها
من السياط ازرگ متنها...يتيمه
-----------------------------------------
حافيه وفوگ الرمل تتچوه بالحر
مره تركض مره بالموته اتعثر
تنادي وينك بويه شمر بسوطه يفتر
ورم امتوني وضلع مني تكسر
هظيمه...خايفه وشافت وليها
هظيمه...والعدو ايدور عليها
ركضت عليه ابحزنها
من السياط ازرگ متنها...
---------------------------------
ضمني بويه اتگله خل اگطع ونيني
خل أمن لحضه وحده وتغفه عيني
من ابچي يسمع صوتي شمر ويعتنيني
ابد مايرحمني تعلم من يجيني
يغالي...خل الوذ واخفي روحي
يغالي...وغطي بجروحك جروحي
جروحك الينزف طعنها
من السياط ازرگ متنها...يتيمه
-----------------------------------------
ليش ساكت بويه ياحلو المحاچي
احچي وي روحي يغالي المن احاچي
اتريد اصدگ ماتهزك هالبواچي
بويه اخبرك سلبو حتى التراجي
غريبه...ساكت ومترد عليه
غريبه..العزيزه اني رقيه
المادمع يمك جفنها
من السياط ازرگ متنها...يتيمه
-----------------------------------------
شلون اعيش وماتشوفك ساعه عيني
وانت بلسم روحي واشواگي وحنيني
هواي منا للخرابه الا تجيني
ريتك اتعجل يبويه وتعتنيني
سبيه...راح اروحن وي حميده
سبيه...واندفن عنك بعيده
وعمتي اترد الوطنها
من السياط ازرگ متنها....يتيمه

جواد كاظم الگرعاوي

قصيده بحق اصحاب الحسين عليه السلام....

تبعناك..تبعناك..
بعزم نمشي اعله ممشاك
نريد الخاتمه وياك..
حسيناه...حسيناه..
------------------------------------
العشگ يحدينا يالغالي..تبعناك وتعنينه
اعله ريحة جدك الهادي..ركض جابتنه رجلينه
عطاشه وجينه نتوسل....بحر جودك يروينا
عرفنه الغانمه بدربك..على الجنه يودينا
هويناك..هويناك
بالروح اشتريناك
نريد الخاتمه وياك
حسيناه....حسيناه
-------------------------------------
حبيب وشوذب وعابس..زهير ومسلم ونافع
بوهب مرسول ابن مريم..اجينه الكربله انسارع
موبس كلمة هالبيعه....ولكن بالدمه نبايع
لعد اخر نفس بينه...نضل عن شخصك اندافع
عشگناك...عشگناك
يمن نهلك بلياك
نريد الخاتمه وياك
حسيناه....حسيناه
-----------------------------------------
نعوفك لاتضن ساعه...ونعيش الدنيا من دونك
نروح وكل اهالينه..فدوه لنظره اعيونك
عليك اهل الغدر دارت..تبايعهم يريدونك
مازال النفس بينه...شحدهم لو يگربونك
فديناك فديناك
من يوم التقيناك
نريد الخاتمه وياك...
حسيناه...حسيناه
-----------------------------------------
شنگول لامك الزهره..لون تسألنه بالمحشر
وحيد وماله كل ناصر..تركتو ليش ابو الاكبر
عليها بياوجه نقبل...وبياكلمه نتعذر
لذلك جينه بالدمعه..بأمل تقبلنه مو اكثر
گصدناك..گصدناك
بس روح اعنيناك
نريد الخاتمه وياك..
حسيناه..حسيناه
-----------------------------------------
سفينه لكل نجاة انت...وملاذ لكل گلب حاير
تجارتنه الي ماتخسر...چذب وي غيرك انتاجر
اجيناك بمهج نسعي..ونريدك بالحشر باچر
.يم جدك تزكينا..وعلينه اتوجه الناظر
وعيناك... وعيناك
شفيع المذنب اهناك
نريد الخاتمه وياك
حسيناه......حسيناه
-------------------------------------------
يربان السفينه ابحر...عليك بامك البضعه
نريد ابحضرتك نحرم...نريد بجنتك نسعه
تركنه الدنيا هالساعه...بطلاگ ومابعد رجعه
واجينه لموتك بهمه...نريد العزه والرفعه
محياك... محياك
الفتح غازل محياك
نريد الخاتمه وياك
حسيناه....حسيناه....

...جواد كاظم الگرعاوي..

ليش مانسمع بعد كلماتچ
هودن فوك النحر وناتج
الله يعلم بالجره. .من شبگتي منحره
يارقيه. ............يارقيه
____________________________

فوك رأس حسين اشوفج عمه بس بياوضع
ثغرج ونحره تلاگن بين عبرات ودمع
ساعه لن صوت المناحه هود وماينسمع
وصرتي باحضان المنايا وعمرچ الغض منصرع
اشفتي من حاله وتغير حالچ
خلت طيوف الاجل تبرالچ
ويامنيه مقدره... من شبگتي منحره
يارقيه.............يارقيه
----------------------------------------------

الروعچ شوفه جبينه وشعمل بيه الحجر
عمه لو رمح الشماته التارك بنحره اثر
شفتي ثغره الچان زمزم يروي چم طبره انطبر
عمه لوطاحت عيونچ فوگ اثر حز النحر
نياط گلبچ گطعنها رسومه
لوشفاه الذابله المحرومه
المن ضماه مفطره..من شبگتي منحره
يارقيه............يارقيه
---------------------------------------------
هدم اركانچ سكوته من بديتي بشكوتچ
ومالگيتي اچفوف اديه البيها يمسح دمعتچ
بين ذرعانه يضمچ يارقيه معودچ
صدره ضل بالغاضريه وين طاحت دمعتچ
الچان باللثمات يسگي سنينچ
شفتي شيبه مخضبينه بعينچ
من دماه الطاهره..من شبگتي منحره
يارقيه...............يارقيه
-----------------------------------------------------
الله يعلم يارقيه شلون چانت حالته
مثل ونتچ ياحبيبة گلبه طلعت ونته
بعيني شفت دموعه نزلت مودمع دم دمعته
وكلمتچ وينك ييابه يارقيه اذته
روحه ضلت تنتحب وي روحچ
تاركه جروحه وتداوي اجروحچ
يدري بيچ امرمره..من شبگتي منحره
يارقيه...........يارقيه
----------------------------------------------------
يادمع يگدر يواسي هالامر ويوصفه
بس خمس وردات عمرچ ولاجل يمچ لفه
عمه ياگلب البتول المملي طيبه وعاطفه
من بعد عينچ رقيه عمه عالدنيا العفه
ياعزيزه گلب اخوي الضامي
زدتي نوحي ومحنتي والامي
وصرت بيچ امحيره..من شبگتي منحره
يارقيه............يارقيه
----------------------------------------------
الليله اخرليله يمچ وي فجرها راحله
عنچ بدمع المحاجر وگصد الطف كربله
انتي ضلي بالخرابه واني ارد بالعايله
لگبر ابوچ وراح اخبره حالتچ يمدلله
راح اخبره عن زراگ متونچ
وشلون من بعده العده يضربونچ
وانتي طفله ميسره...من شبگتي منحره
يارقيه..........يارقيه


جواد كاظم الگرعاوي

يازهرة ايامي
يادمعة الامي
ضاعت كل احلامي...ياعبدالله
------------------------------------------
ياوردة حياتي المنهاچنت اشتم
عبير الجنه وانسه الدنياونسه الهم
چنت انظر الك بدموعي واتبسم
وگولن تكبر ومن خيرك اتنعم
مامر مره ابالي
يوم الطف يلغالي
ضامي اتلوج اگبالي...ياعبدالله
-----------------------------------------
بوهامي صفيت ودمعتي انتظرك
ترد اردود اليه ومنتعش عمرك
لچن ردوك دامي منگطع نحرك
مولچفوفي اجيت استقبلك گبرك
فزيت من اوهامي
شفتك ضامي ودامي
ومتخضب گدامي...ياعبدالله
----------------------------------------
سهم الموت گاطع زهرة اوريدك
وبلون الشهاده الدم صبغ جيدك
عجب من المهد لله رفعت ايدك
تدعي اتعود الي لوللسمه ايعيدك
يالرايح للجنه
الله وياك اتهنه
خلي امك للونه....ياعبدالله
------------------------------------------
رقيه اتنظرك بهالحاله وتشوفك
وبيديها الحنينه اتگلب اچفوفك
تگلك لوعفتني الوحدي ماعوفك
منا للخرابه اتسله بطيوفك
ماعوفك تدريني
ياروحي وضي عيني
يم محسن تانيني....ياعبدالله
---------------------------------------
ست ضحكات عمرك ياضوه اعيوني
والباقي دموعي وخيبة اضنوني
فوگ اهمومي ترضه الگوم يسبوني
ويبني بمهدك الدامي يچتفوني
مهدك شدو بيدي
راح ارحل يوليدي
ضل نايم يوحيدي....ياعبدالله
-----------------------------------------
روحي وگلبي يمك راح اخليهن
يناغنك يعبدالله وتناغيهن
سهم نحرك يبعد امك فتك بيهن
ضحكتك يبني بس تگدر تداويهن
بلا گلبي بلا روحي
راح امشي وي اجروحي
بعدك يكثر نوحي.....ياعبدالله

(جواد كاظم الگرعاوي)

وينك...يالمشيت وكاصد اديارالبعيده
وينك..يلعفتني بدنيا ماترحم وحيده
فكري محتار...دمعي مدرار
يلعفتني بدنيا ماترحم وحيده
---------------------------
بويه مسلم من نويت السفر والفركه دنت
روحي راحت مني احسها ودمعه لعيوني اعتنت
من سالتك وين اروحن لوسفرتك طولت
جاوبتني كلمه وحده بيها روحي امنت
ياحميده...موبعيده..سفرتي راجع الج يانور عيني
لكن العين..سألتك وين..بعد اشوفك بويه ماظنك تجيني
عيني..شابحه وتترقب بدربك يغالي
عيني..ساعه ماشافت هنه بنوم الليالي
انطر اخبار...دمعي مدرار.....
يلعفتني بدنيا ماترحم وحيده
--------------------------------
بويه اتعنه لمجانك واشعل بايدي الشمع
وارسم بدمعاتي طولك وانظر لوجهك يشع
احلم ولني برقيه اتنشف بجفها الدمع
تكلي كافي ياحميده الليل صوته ينسمع
يارقيه...موبديه..والدي واحلم يدفيني بحنانه
كلبي ممرود..ضني ميعود..يمكن الغالي يبت عمي نسانه
ليلي..صار مايفرق يبويه من نهاري
ليلي...حامل اﻻمي وهمومي وبانتظاري
بعتبه الدار...دمعي مدرار
يلعفتني بدنيا ماترحم وحيده
-----------------------------------
يبتدي ليلي بمناحه بلوعه ساعاته تمر
وينتهي بدمعه حنيني التغزل خيوط الفجر
من همومي ومر عذابي ركضت سنين العمر
وتركت اهوال المشيب الغطه راسي من الزغر
هذا حالي...وي الليالي...شما انامن صوتك يفزز منامي
تغفه الضنون..بين العيون..جني اشوفك حاير بنص صحرا ضامي
ضامي...كلبك انت من العطش بالكوفه حاير
ضامي...كلبي اني لشوفتك يكسر خواطر
مشتعل نار...دمعي مدرار
يلعفتني بدنيا ماترحم وحيده...
---------------------------------
تغفه عيني بسد دمعها وترسمك لوعه والم
بعيني اشوفنك حقيقه ﻻخيال ولاوهم
جنك بذيج البوادي دامي وبعينك سهم
بجسمك حبال واشوفك تنظر لصوب الخيم
تنادي يحسن..وجهتك وين.. ﻻتجي ياسيدي ضل بالمدينه
التدعي انصار..تطلبك ثار..الناس موالنه يبو اﻻكبر علينه
روحك...تشكف سهام اﻻجت صوب اليتامه
روحك...ورحي بويه تراقبك مثل الحمامه
انظر الصار...دمعي مدرار
يلعفتني بدنيا ماترحم وحيده...
----------------------------------
انظر بعينك دمع بس مودمع جن دم حمر
انت وحسين التقيتوا وعتنيتوا للنهر
جن اشوف حسين عمي يسيل دمه من النحر
جن يكلك ياحبيبي يالله نكصد للكمر
بصرخه فزيت..تنحب الكيت..بدمعة الرايح وﻻيرجع رقيه
تكلي هليل...ﻻزم نشيل...ياحميده ونمشي لرض الغاضريه
ماضل...كل امل بيك انتهت قصه حياتي
ماضل...حلم اشوفك بويه ضاعت امنياتي
الضعن من سار...دمعي مدرار
يلعفتني بدنيا ماترحم وحيده
-------------------------------
(جوادكاظم الكرعاوي)

جرحك بالروح...ياسجاد ياسجاد
دمعك مذبوح...ياسجاد ياسجاد
گلبك من يوصل صبره
هالكون اتحير بمره..ياسجاد ياسجاد
---------------------------------------
هواي جروح روحك نخجل نعدها
ياچف. اليداويها ويضمدها
غير النوح ماضل كل ضمد عدها
جمره گلبك المدمع يبردها
دمعك سفاح..ياسجاد ياسجاد
بنوحك ترتاح..ياسجاد ياسجاد
صدرك مرسات العبره
هالكون اتحير بمره.....
----------------------------------
لربع صبرك فلا يوصل صبر ايوب
ودمع عينك تعده كل بچي يعگوب
بكل طيحه نجم مولاي شمعه تذوب
من عمرك وتدفن بالگلب محبوب
الاكبر من طاح...ياسجاد ياسجاد
كل عمرك صاح...ياسجاد ياسجاد
ليش الطبره عله الطبره
هالكون اتحير بمره.....
----------------------------------
الكسر ظهرك علم يم النهر مرمي
وجود مترب بدم الگمر مدمي
صحت فوگ الجسد ويلاه ياعمي
اليذبح روحي سهم العين مو سمي
بگلبك نارين...ياسجاد ياسجاد
رايه وچفين...ياسجاد ياسجاد
من يوم الطف مستعره
هالكون اتحير بمره
-----------------------------------
نحر حسين هو الهدم بيك الحيل
وحرم عينك يبو الباقر منام الليل
صدره الصار بالميدان ملعب خيل
خله دموعك ليوم الممات تسيل
صدره المهشوم...ياسجاد ياسجاد
ارداك اليوم....ياسجاد.ياسجاد
موبالسم مت بقهره
هالكون اتحير بمره
--------------------------------------
ذبح سهم الرضيع بدنيتك احلام
وخابت كل ضنونك من وگع جسام
ماتدمع عيونك تجري دم وايتام
تموت وتحيا من تذكر طريق الشام
روس وظلام...ياسجاد ياسجاد
بموكب ايتام...ياسجاد ياسجاد
الموت اهون حين اتذكره
هالكون اتحير بمره
-----------------------------------
ابد سم المنيه ماوصل روحك
ماهمك ولاگرب لعد سوحك
من يوم الطفوف انولدت جروحك
تموت بكل وكت ويرجعك نوحك
من تذكر حال..ياسجاد ياسجاد
سبي الاطفال...ياسجاد ياسجاد
بموكب عمتك متيسره
هالكون اتحير بمره
-----------------------------------
تنظر حال عمتك والدمع همال
ياشرع اليقر زينب بديها حبال
الم گلبك على احبابك يصدع جبال
سهم يوم الخرابه اتعنه الك چتال
طفله عله الراس...ياسجاد ياسجاد
گطعت الانفاس..ياسجاد ياسجاد
موقف هز شخصك بسره
هالكون اتحير بمره....

جواد كاظم الگرعاوي

ياحبيبي ياحسين..نورعيني ياحسين
********************
ياحبيب الله ياسبط الرسول
ياسليل المصطفى وابن البتول
لك في الارواح اهات تجول
ودموع ترتقي في كل عين
*******************
ياذبيح الله يانور الهدى
نحرك المغروس في سيف الردى
سوره الاخلاص جهرا رددا
وتلى الكهف وابكى الثقلين
*****************
ياخضيبا من ينابيع الدماء
ياصريعا بسيوف الادعياء
مااكتفوا بل سلبوامنك الرداء
قوم هند وعبيد الصنمين
********************
قلبك المهموم كنف للقراح
قد ابوأن يرتوي الماء المباح
بئس قوم اثخنوه بالجراح
وسقوه الحتف بالسهم اللعين
********************
جسمك المسلوب في وادي الحتوف
سيدي قد صار غمدا للسيوف
بات زمزم ومنى رغم الانوف
كعبه تأوي قلوب المؤمنين
*********************
صدرك الميدان الفته الخيول
فوق اسرار الهدى امست تصول
لك اضلاع كأضلاع البتول
حطموها واعتلى منها الانين
*******************
راق دمع المصطفى ثم انفجر
لجبين صوبوه بالحجر
فهوى سيل الدماء وانهمر
فوق وجه هوشمس المشرقين
*********************
لك رأس قد على فوق القنا
لقن الأعداء درسا لقنا
في صمود الصابر الممتحنا
ورضاه بالقضا في كل حين
********************
لك طفل ضاء كالبدر التمام
قد ابى ان يبقى في جوف الخيام
قصد الميدان كي يلقى السهام
بوريد ملئه دم الأمين
***********************
فوق عرش العشق نصبت الأمير
سيدا في جنه الرب القدير
ياقتيل الوجد والدمع الغزير
ياحسين ياملاذ اللاجئين

جواد كاظم الگرعاوي

اييمه...حاير ابين العده الوحدي
اييمه..من العطش والحر يبس چبدي
-------------------------------------------
الابن يايمه لوحار وكثر همه
ينسه اهمومه حين اليشتكي الأمه
ونه بحيره وعليه الدنيا متحزمه
وعليه الناس من كل صوب ملتمه
طاح اخوي وحيله ماضلت بعد عندي
اييمه..من العطش والحر يبس چبدي
-------------------------------------------
نكروني ييمه الگوم نكروني
جهلوني ولاچنهم يعرفوني
بغضاً بيه شرب الماي حرموني
وصرت من العطش ماشوف بعيوني
گلبي ضامي وناري مستعره وحق جدي
اييمه ..من العطش والحر يبس چبدي
---------------------------------------------
لون شفتيني ماضنچ تعرفيني
فضخ راسي الحجر والدم يغطيني
ييمه حرورة التربان تچويني
وسهم گلبي ضهدني وحيل ماذيني
يالحبيبه اعله الرمل نايم صبح خدي
أييمه..من العطش والحر يبس چبدي
--------------------------------------------
عمه عيوني وهدم حيلي نزف دمي
صرت نيشان لسهام العده ومرمي
اعاين خيلهم دارت على اخيمي
تمنيتچ ييمه بهالوضع يمي
وي العقيله تحامن اطفال وحرم بعدي
اييمه من العطش والحر يبس چبدي
-------------------------------------------
توسدت الرمل يايمه وسط الحر
وعليه بسيفه شمر النايبه يفتر
يروح ويرجع وعينه عله المنحر
وانه بعيني اراقب اهلي واتصبر
لوذبحني بالضعن شمر الخنا يحدي
أييمه من العطش والحر يبس چبدي
--------------------------------------------
زينب زيدت هم العلي همين
عله التل من شفتها شابچه الچفين
اسمع صوتها تنادي يخويه حسين
منين الحيل اجيبنه وگوم منين
لاتجيني جاوبتها الخيمتچ ردي
اييمه من العطش والحر يبس چبدي

جواد كاظم الگرعاوي

قصيده التوسل.......

ياوجيها عند الله..
. اشفع لنا عند الله..
ياسيدي....ياسيدي
----------------------------------------
يارسول الرحمه ياوحي السلامه
خصك الباري تعالى بهالكرامه
تشفع لكل مذنب بيوم القيامه
وترسم بوجه الموالين ابتسامه
سيدي طه الامين
انت كهف الخائفين
يارحيما عندالله
اشفع لنا عند الله...
ياسيدي.....ياسيدي
-------------------------------------
ياأمام الأمه ياوارث نبينا
ياعلي الكرار ياعزنه اوليينه
بنهجك الحق سيدي احنه اتمسكينه
وغير دربك لاسلكنه ولامشينه
نندبك يوم الشدد
بلهفه ياحيدر مدد
ياوصيا عند الله
اشفع لنا عند الله
ياسيدي...ياسيدي
-------------------------------------
فاطمه ياسر الاسرار الخفيه
وبيچ قاس الباري ايمان البريه
انحلفچ بشيبه غريب الغاضريه
تشفعين لشيعتچ يوم الرزيه
بحضرتچ نرفع ادين
وننتخي بسم الحسين
ياشهيدا عند الله
اشفع لنا عند الله....
ياسيدي....ياسيدي
------------------------------------
ياكريم من الكرم مافرغت ايدك
الحلم يبن النبي يمشي بوريدك
مهجه الزهره الحزينه انت وعضيدك
يالحسن مولاي تكرمنا نريدك
نحلفك بدم الشهيد
تشفع بيوم الوعيد
ياكريما عند الله
اشفع لنا عندالله
ياسيدي...ياسيدي
---------------------------------------
ياعلي السجاد يازهو العباده
ياشهيد وشاهد بيوم الشهاده
ياشفيع وتملك اوصاف القياده
انت والباقر لبو اليمه امتداده
باقر علوم الأزل
سيدي انت الأمل
ياشفيعا عند الله
اشفع لنا عند الله
ياسيدي...ياسيدي
---------------------------------
جعفر الصادق يالمثبت المناهج
بالحجج مولاي فندت. الخوارج
لكل مسائل صعبه بالحكمه تعالج
وتنقضي الكلفات يم باب الحوائج
موسى مفتاح الحلول
نوگف ابابه ونگول
ياكظيما عند الله
اشفع لنا عند الله
ياسيدي.. ياسيدي
--------------------------------------
لرضا لودارت الدنيا. تعنه
واعرض الحاجه بدمع واطلبها منه
يردله چف ملهوف ابدا لاتضنه
ولايخيب طلبتك قطعا لأنه
والد الينطي المراد
لليندبون الجواد
يانقيا عندالله
اشفع لنا عند الله
ياسيدي...ياسيدي
---------------------------------------
يم علي الهادي ينابيع الهدايه
يرتوي كل ضامي من نهج الولايه
صدقت وماكذبت بيوم الروايه
من ارض سامره مكتوبه النهايه
العسكري يتوج امام
تنتظر عدله الأنام
يامغيب عندالله
اشفع لنا عند الله
ياسيدي...ياسيدي

جواد كاظم الگرعاوي

من قصائد شهر محمرم الحرام

جاسم طلع من خيمته
شمس الله تضوي بجبهته
بالحنه امه اتلگته
بس الله يدري اشوصته
---------------------------------
وي الهوه..ركضت سوه..رمله وتعنت للولد
لاينحسد..عود الورد..خافت عليه من الحسد
بوجهَ السمح..تقرا الفتح...وي قل هو الله احد
وتحزمه...وتحشمه ...يوليدي لاتنسه العهد
صارت تقبله بمنحره
امه وبديها اتبخره
بالقل اعوذ رَقته
بس الله يدري شوصته
----------------------------------------
جلَ شخلق..رب الفلق...نوره بوجه جاسم سطع
يوم الظهر...حار البصر..جسام لويوسف طلع
صار الهمس..وي النفس..حتى الهوى عليها انگطع
هيبة علي..رسوم النبي...كل الوصف بيه انجمع
من الحسن ماخذ عزته
وعزم الحسين وهمته
ولعمه ترجع غيرته
بس الله يدري شوصته...
----------------------------------------
شبه الگمر..يسبي النظر..بيه المحاسن تتضح
حين اليمر..يترك عطر..يفتن فراشات الصبح
شمس الضحه..من تلمحه..خيط الشمس بي ينذبح
رب العلا.. بطف كربلا.. راد الله جاسم ينذبح
رايد يعطر جنته
بنرجس محاسن وجنته
هالجنه ياما اتمنته
بس الله يدري اشوصته
--------------------------------------
طفه الشمع..مجرى الدمع..بصينيه القاسم همل
صوت البچي..وصمت الحچي..والحنه معجونه بخجل
من صيد امس..منطي النفس...منذور ابن خير العمل
ماكو عذر..ماينتظر...والحومه تبراله بغزل
تشبه زليخه حومته
عميه وسنين انتظرته
رجع بصرها بحملته
بس الله يدري شوصته
--------------------------------------
غاض وغضب..شد وركب..ماهمه كل ذاك الجمع
مثل الحلم..مر بالزلم..شايل بديه سيف وشمع
يلي احملت..لاتلتفت..لصوت امه جاسم يستمع
يبني الصبر..يبني الصبر..ساعه وي عمك تنجمع
طاح وتحنت رگبته
وللجنه صارت زفته
مبارك يجاسم نادته
بس الله يدري اشوصته

جواد كاظم الگرعاوي

بينك وبين الخيام...سيوف ورماح وسهام
بجودك ارواح اوصيه...ياكفيل الهاشميه
-------------------------------------
والدك من ناده بسمك گتله ياحيدر نعم
اني كافل اختي زينب واني حماي الحرم
دورك البلغاضريه بدمعه الزهره انرسم
جود واحلام ويتامه وخدر زينب والعلم
يلي مامثلك مثيل...للعقيله انت الكفيل
تنخت الزهره الزجيه...ياكفيل الهاشميه
----------------------------------------
ساعه الماضل مناصر واشتعل جمر الضمه
صحت عدعيناج سيفي اليوم يمه فاطمه
اليوم ثارالباب اطلبه وثارحماي الحمه
اليوم باصحاب السقيفه الا اشب الحاطمه
من وگفت عله الفرات...انگطعت اوداج الحياة
وجدت بالنفس الابيه...ياكفيل الهاشميه
-----------------------------------
تنتظر سكنه ورقيه عالنهر عدهن امل
وصل صبرالعطش حده والتكفل ماوصل
ماحمل سيفك عتبهن بالجمع صال وزعل
وي ملك الموت صار ينفذ بحده الاجل
صاريحصد بالرؤس..وي الملك يخطف نفوس
سيفك بحده المنيه...ياكفيل الهاشميه
----------------------------------------
نفسك الي هونتها صارت لجودك وقه
وعينك تصارع نزفها وللمخيم رامقه
صرت عكس الزمن تسرع مهرك الي يسابقه
ماي جودك صارينزف همك توصل البقه
همك تروي الرضيع...ويرجع بعمره الربيع
وترتوي سكينه ورقيه..ياكفيل الهاشميه
-----------------------------------
بالسهم مذبوحه عينك ونطفه منها الضوه
وطاحت ايمينك گطيعه وچفك الايسر هوه
صارماي الجود يجري وي نزف عينك سوه
الأجل يمك تحير والوفه بيك ارتوه
من وگفت بلاچفوف..خجلت وادي الطفوف
وحيرت جيش ال اميه..ياكفيل الهاشميه
--------------------------------------
حاطتك خيل وعساكر گطعت اعليك الدرب
بعين وحده تشوف جودك والعلم فوگ الترب
صحت عذرا يختي زينب راح اضل بارض الحرب
سامحيني وقبلي عذري لومشيتي وي الغرب
سامحي يختي الكفيل..هذا امرالله الجليل
يشوفچ وانتي سبيه..ياكفيل الهاشميه


جواد كاظم الگرعاوي

اهزن مهدك بحسراتي والنوح
وناديك بدمع يبني يمذبوح
يعبدالله شبكالي
من بعدك يغالي
-------------------------
يوليدي الامل راح...ماي وعالارض طاح..من رحت امن اديه
يورده يفح عطرها..وباول عمرها...ذبحتها المنيه
يعمري المابديته...نحر ينزف لكيته.. برمال الغاضريه
يحلمي المات سكته...غصب مجبوره عفته...صريع اعله الوطيه
مشيت وعفته بالتربان مدفون
ونيني يصدع كلوب اليسمعون
العدوا ون اعله حالي...من بعدك يغالي
-------------------------------
يبني وينك اوين...ساحات الميادين...ياصوت الحمايم
المثلك يمه موجود..غصن مابين الورود..موعالغبره نايم
الدهر ماانصف وياك...لشمس الحومه وداك..الدهر يوليدي ظالم
السهم من ذبح نحرك....دليلي احتار بامرك..والله بحالي عالم
انكسر ظهري ويون بعدك دليلي
وصار النوح والمدمع خليلي
عمت عيني الليالي
من بعدك يغالي....
--؛--------------------------------
اجيت لكربﻻ بيك..الوليلك وناغيك..ياعمري وهيامي
شلتك موبالايدين..يبني بمدمع العين..جنت عنك احامي
ابد ماحسبت هاي..تلوع كبال عيناي...وشوفك يبني ضامي
وشوفك يبني مفطوم...بسهم ومخضب ادموم..ورد بالمهد دامي
اشمن مهدك الدامي يملول
وهزن بي ولوليلك دللول
نسيت المهد خالي..من بعدك يغالي
--------------------------------------
ينور عيون امك..صحيح الگبر ضمك...وبعد هيهات اشوفك
خذك من حجري الموت...وبقت ذكراك بسكوت...تحاچيني بطيوفك
يعبدالله بمنامي...تمر احلى الاسامي...وسولف وي حروفك
چنت يوليدي وياي...شمس ومنوره دنياي... ذبل عمري بكسوفك
يفرحه عمري بعد شهور تسعه
يمر صوتك صدى بنوحي واتبعه
بافكاري وخيالي...من بعدك يغالي
---------------------------------
الاجل حام علعمرك.. رغم يالغالي زغرك..الأجل بالطف يريدك
الرحيل انت طلبته..السهم حين الي شفته..شلت يالغالي ايدك
ردت بس ماي منه..ماصدگ تعنه.. انكشف لعيونه جيدك
نبلته تحيرالبال..مامصنوعه لاطفال..اكبرمن وريدك
ترف نحرك مثل روح الحمامه
ولايحمل اسى الموت وسهامه
الأجل يبني حلالي..من بعدك يغالي

(جواد كاظم الگرعاوي)