tgoop.com/the_bakiroo/9650
Last Update:
Реновация инсоний қиёфага кирадими?
Давлат раҳбари фармонига кўра,
2025 йил 1 мартдан реновация асосида кўп квартирали уй-жойларни барпо этишда реновация лойиҳасини бошлашга барча мулкдорлар билан нотариал тасдиқланган келишув битими имзоланганидан сўнг рухсат берилади.
Шунингдек, мулкдорларга, уларнинг хоҳишига кўра, қуйидаги компенсация турларидан бири тақдим этилади:
• бузилаётган турар жой объектлари ўрнига уларнинг майдонидан кам бўлмаган реновация дастурига мувофиқ янги қуриладиган турар жойлардан яшаш учун тайёр ҳолдаги квартираларни мулк ҳуқуқи асосида бериш ҳамда қурилиш даврида кўчиш, шу жумладан, бошқа тураржой объектини вақтинчалик ижарага олиш билан боғлиқ харажатларни тўлиқ қоплаш;
• бузилаётган турар ва нотурар жой объектининг бозор қийматини тўлиқ қоплаб бериш;
• реновация лойиҳаси ташаббускори билан келишилган ҳолда бошқа турдаги компенсацияни тақдим этиш.
Эслатиб ўтамиз, Ўзбекистонда ҳалигача Реновация тўғрисидаги қонун йўқ. Ўтган йили эълон қилинган қонун лойиҳаси таклиф этилган мундарижада қабул қилинса, уй-жой эгалари ҳақларини ҳокимият органлари билан чатишиб кетган инвесторларнинг босимига қарши тўлиқ ва тўкис ҳимоя қила олмайди. Бу лойиҳа халқ манфаатларини эмас, ҳокимиятлар билан чатишиб кетган "инвестор"лар манфаатларини ҳимоя қилади ("инвестор" бу контекстда аллақачон "қароқчи" калимасининг синонимига айланиб бўлди)..
Қатор шаҳарларда, айниқса Пойтахтда қонунсиз Реновация аллақачон бошланиб кетган. Пойтахт ҳокими реновация лойиҳалари амалга ошириладиган ҳудудларни ўзича белгилаб, инвесторларни танлаб олиш учун "танлов" ўтказишга ҳам киришган.
Давлат раҳбарининг фармони халқпарвар қонун қабул қилингунича бўлган жараёнда мулкдорлар ҳуқуқларини ҳимоя қилишига катта умидлар беради.
BY bakiroo
Share with your friend now:
tgoop.com/the_bakiroo/9650