حد فاكر الرسالة دي؟😉 و حد فهم الإسقاط على اللي حصل خلال هذين اليومين؟

الصورة التي تراها الآن في هذا العالم الذي تحكمه الأرقام و المادة ما هي إلا زِيف. هي صورة مادية بحتة محدودة جدًا، ليس لها أي علاقة بعُمق الحياة الحقيقية. ليس لها أي علاقة بمعايير السلام النفسي، و معايير النجاح الحقيقي، و الحياة الحقيقية الممتلئة بكل الأبعاد. عارف يعني ايه حياة حقيقة؟ و لا نسيت يعني ايه Reality من كثرة ما أحاط بك العالم المادي؟

الأرقام و التريند و الفلوس و الشهرة لا تُكسب إنساناً احتراماً أو قيمةً أبداً. و لو تأملت و شُفت هتلاقي كل اللي ع الساحة اللي بتشوفهم محققين الأرقام، هل الأرقام أكسبتهم احتراماً في ذاتهم؟ هل أكسبتهم احتراماً و خُلُقاً و قيمة؟ مستحيل. هو حقق الأرقام فقط، لكن الأبعاد الحقيقية لنفس الإنسان و حياته المملتئة بالأمان و السلام و المُتعة و البهجة، و شخصيته بجوانبها الممتلئة المحترمة، لا.

فرق كبير بين من يعمل لغرورِه، و بين من يعمل للخلود. مهما علا صوتُ الزِيف و اهتزّت المعايير؛ فليس على يمين الحق و لا يساره سوى الباطل. الأخلاق و النُبل و القيمة الحقيقية هي أشياء ليست بها وجهات نظر. "قل هل يستوي الذين يعلمون و الذين لا يعلمون" - "ليميز الخبيث من الطيب".

هو قانون أزلي واحد يحكم كل شيء: "فأما الزبد فيذهبُ جُفاءَ و أما ما ينفع الناس فيمكث في الأرض"

هي دي طبيعة الحياة و سُنتها الأزلية منذ قابيل و هابيل. الخطأ واضح، و الزِيف واضح، و النُبل و الخُلُق و القيمة واضحة. مهما كان التريند و مهما كان التوجُّه. النحاس لا يرقى للذهب مهما كان برّاقاً، و الزجاج لا تعلو قيمته أبداً فوق الألماظ مهما تمثَّل بهيئته… مش ممكن.. هذه طبيعة الكون و سنته الأزلية.

#صلاح_قطب

هبدأ الآن في الإجابة على أسئلتكم بإذن الله... هاخد جزء جزء في رسالة خاصة.. هنسخ السؤال و تحته الإجابة. و السؤال اللي هجاوبه هعمل عليه لايك.

قانون أزلي واحد يقيس نجاحك☝️
https://youtube.com/shorts/OImdM8TgjHI?feature=share

س /
في كتاب حضرتك 'بطل دح وذاكر صح' والكورسات هو ممتاز وكل حاجه بس لية مش مركز علي التكنيكس المهمه اللي بتضاعف الحفظ والتثبيت زي ال active recall , fine man
بس وشكرا لحضرتك علي التفاعل معانا


ج/
عشان ده مستوى متقدّم محتاج كتاب كامل آخر، و ده أنا بغطّيه في دبلومة ماستر مايند. متخصصة و متقدمة أكتر في تقنيات الحفظ و التركيز و القراءة و التعلم السريع. انت طبّق اللي اتعلمته ف الكتاب و لو محتاج جزء معين تتعمق فيه أو محتاج أضيف لك فيه اسألني في جزئية محددة و هجاوبك طبعاً. و أكيد اذا توفر لديك امكانية الالتحاق بالدبلومة فلا تتردد فيها كنوز جديدة.

س/
كيف ابني شخصيه قويه ناجحه واثقه من نفسها بتعرف تتكلم قدام الناس واجتماعية لو كنت عكس كدا تمام بس اريد اكون هذه الشخصيه

ج/ انك تتعلم و تقرأ و تشوف فيديوهات و تحضر كورسات في هذه المهارات. كل هذه مهارات مكتسبة بالمذاكرة و التطبيق بتطوّر. اللي متابعني من زمان هيقدر يشوف تطوّري الحمد لله في المهارات دي من اول لقاء تلفزيوني لآخر مناظرة في التلفزيون. السر هو اللي قلتهولك… المذاكرة و التعلم و التطبيق و الشغل على نفسك باستمرار و دايماً بعمل ده في كل مهارة ربنا بيرزقني بيها. راجع يوتيوب بتاعي هتلاقي حلقات او الرسايل الصباحية هنا مغطي مهارات كتير شرّحتها، و ممكن نزيد في الرسائل القادمة ان شاء الله.

أنت فيك من روح الله حقيقة و ليس مجازاً!

https://youtube.com/shorts/7T3ZVitQOq4?si=fK7OVXKi2i7ryQD5

خطوة واحدة تجعل يومك مثالياً و تضاعف إنجازك! اكتشفها الآن في آخر لقاءاتي التلفزيونية على قناتي على يوتيوب:
https://youtu.be/qvFCoFRodNY?si=EHiio...

س/ دكتور هو ممكن طريقه نتخلص فيها من إدمان السوشيال ميديا ونركز على الدراسه
انا في الكليه وجربت كل الطرق ولا نفعت
وداخله على إمتحانات مهمه.

ج / لما تحط لدماغك إطار زمني و هدف محدد و واضح في اليوم يركز عليه، هيقل كتير معدل تشتتك على السوشيال ميديا. هو ده السر. دماغك بيحب يمشي على تارجت واضح في إطار زمني واضح جداً و محدد. غير كده أي حاجة هيهرب بيها من وضع المذاكرة أو الشغل أو القراءة. إطار زمني واضح يعني (حدد عدد ساعات معقولة و منطقية لدماغك يركز عليها في العمل اللي بتعمله). كده انت هتربطه يركز غصب عنه. استخدم تقنية (الـ timer( اللي اتكلمت عنها قبل كده. هتفرق معاكي فرق السما عن الأرض.

#صلاح_قطب

س / بقرأ كتب كتير وبيكون تركيزي عالى أثناء القراءه، بس ليه لو حد سألني عن ملخص للكتاب مش بعرف ألخصه ومش بفتكر غير نقاط بسيطه جدا منه واي الحل يا دكتور؟!

ج/ أينشتاين كان ليه مقولة مهمة جداً في المنطقة دي… كان بيقول "إن لم نستطع شرح نظرية النسبية لطفل عنده ١٠ سنين ف انت لم تفهمها".

يعني الفكرة الجاجة اللي تقدر تقيس بيها مقدار فهمك و استيعابك لشيء هي قدرتك على شرحها لطفل؛ لأن الطفل بتحتاج تبسط الفكرة بشكل كبير و محاولة توضحيها و ده مستحيل تعمله الا لو انت فاهم كويس أوي.

لذلك ملاحظتك مهمة لأنك محتاجة فعلاً تتدربي على الشرح للحاجة اللي قرأتيها و تنقليها لصديقتك مثلا او اي حد… ده بيعمق فهمك و استفادتك اكتر.


#صلاح_قطب

س/ أعاني من تشتت بسبب السوشيال ميديا و غير قادر ع التركيز بعد قفلها حتى؟؟!

ج / الإجابة ع انستاجرام:

https://www.instagram.com/p/DNV_YXYI1N1/?igsh=MXVxa3FlY2gwOHF0aA==