.      واويـلاه     داره خـلــيـــه
       واويـلاه     سـيد الـبــريـه
       واويـلاه     هــاي الـرزيّــه

                                     *---------------*---------------*

اللـيلـه الـكـون مـظـلـم كـلـه بـغـيـابـه
نـبـي الرحمه الـوكـف جبريل بـعـتـابـه
دمــوع العين لـجـلـه بحسره سـجـابـه
بـوداعـه الـحـزن لـيـنـه انـفــتـح بـابـه  

      لـلـمـخـتـار     نـنـصـب عـزيـه

                                     *---------------*---------------*

خـلـه بـكـل گـلـب نـيـرانـه والجـمـره
الـلـه ايعين گـلـبـچ فـاطـمـه الـزهـره
كـسـر المصطفى يصعب بـعـد جـبـره
تـرك بـيـنه الـدمـوع الجاريـه وعَـبـره

       مـانـنـسـاه     حـد الـمـنـيـه

                                     *---------------*---------------*

الـهـادي الـچـان نوره مـنـوّر الـسـبـعـه
رحـل والـدار ضـلـت تـلـطــم وتـنـعــه
انفجعت كلهه بـمـصابـه وتـهـل دمـعـه
ونـظـام الـكون هاليله اختلف وضـعـه

      يـامـعـبـود       صـبـر الـزچـيـه

                                     *---------------*---------------*

على الـعـتـره الصحابـه اتـأمـروا بعـده
ركـضـوا لـلـسـقـيـفـه ومـاوفـوا وعـده
بس حـيـدر عـلينـه الـوسـّده بـالـحـده
وتسيل ادموعه حسره وحفـرت بخده

     بـالـدمـعـات      حامـي الـحـمـيه

                                     *---------------*---------------*

عـافـوا نـور ربـنـه وعـاشـوا بـظـلـمـه
الگالـوا صـحـابـه اهـل الـجـهـل هُـمـه
بجـهلهـم مـارعـوا عـتـرت نـبـي الأمـه
حـيـدر ينچتف هظمـه وشـنـو جـرمـه

     يـالأصـحـاب     ويـن الـوصـيـه

                                     *---------------*---------------*

مـنـهـم راح يـشـكـي المصطفى الـربـه
كظم غيضه وأذيتـه بمضامره وگـلـبـه
أنـحرفـو عـن طريـقـه وخـالـفـو دربـه
ذولـه أعـداء كـلـهـم ما اظـن صـحـبـه

      مـايـدرون     عـدنـه قـضـيـه

                                     *---------------*---------------*

✍خادم الرسول الأكرم
الشاعر رعـد الجـريـخـي

مولاتنا الحوراء عليها السلام ورجوع الضعن المقدس الى المدينه

يهل تنشد علينه وين بتنه
ابهيمه وماتت امن الحزن بتنه
رجعنه وشفت من ابعيد بيتنه
مُضلم والهجر شَب نار بيه

حُجَج عالخَلگ رب العرش رادنه
نموت ابكربله اويه حسين رِدنه
تالي الوكت لرض الوطن رَدنه
بلا وليان والوَنَّه شِجِيَّه


السيده ام البنين عليها السلام
ورجوع الضعن الشريف الى المدينه


ماضل للمصيبه عگل ماجن
وابحور الحزن والهظم ماجن
بنات حسين وَيَّه الضعن ماجن
وساعه الخوله اون ساعه الرقيه

سيد علي الموسوي

قصيدة لاستشهاد رسول الله عليه وعلى آله الصلاة والسلام

،،،،،،،،،،،،،،،،،،،،،،،،،،،،،،،،،،

الما يمهه والد تنكسر   وتطول الونه
يابويه  مو مالت بعد يلشوفتك جنه
ونيت يم   راسك   واحاچيك
غمضت عينك وانه اشم بيك بويه

،،،،،،،،،،،،،،،،،،،،،،،،،،،،،،،،،،،،،،،،،،،


يا ماي عطشانه وردت من وجهك الماي
الما عدهه والد ما تسد وحشتهه الهواي
يا موت حيل استعجلت شو من وكت جاي
العايفهه ابوهه  شما   تون  ما تطلع براي

تانيني يا موت انتظر
يا  جنه مدفونه بگبر ؟

وي   والدي  بهداي  اوصيك
غمضت عينك وانه اشم بيك بويه

،،،،،،،،،،،،

مهيوبه بويه ولا يمر خوف اعله بالي
ما دام   سالم    ما  يهم كل  الجرالي
يا غالي مثلك وين اكو  يا اغله غالي
حاچيني  چنهه اتحزمت سود الليالي

افتحلي صدرك والحظن
بنتك   تره   ويمك  تون

شنهي اليبعد الروح ماذيك
غمضت عينك وانه اشم بيك بويه

،،،،،،،،،،،،،،،،،،،،،،،،،،،،،،،،،،،،،،،،،،،


شبساع  تذبل  يا ورد متگلي شبساع ؟
يلساكن بنص الگلب لا تسكن    الگاع
لا وحگ شيبة والدي  ما  أحمل وداع
ضيعت كلشي بغيبتك حتى العمر ضاع

معذور  يا نبض الگلب
فگد الابو كلش صعب

لو راح منك  ما   اخليك
غمضت عينك وانه اشم بيك بويه


،،،،،،،،،،،،،،،،،،،،،،،،،،


محتاره   اظل   بدنيتي  لتغمض  العين
وياي   شد  حيله  الدمع  ما قصر  البين
چلماتك  الكلهن  هلا  والملگه چا  وين ؟
يمك   واريد   امروتك   لتمد   الايدين 

لتسبل ايدك مو   متت
چاوبني بويه اتمرمرت

باريتني  وكل ظني اباريك
غمضت عينك وانه اشم بيك بويه

،،،،،،،،،،،،،،،،


يا بويه خلصت  وانتهت  غطاك   التراب
من بعد عينك  يلأبو  ما   ظلت   أحباب
راح  الامان   بموتتك  وگليبي    ينصاب
من هسه محسن يستعد للعصره  والباب

والدار  باچر  تحترگ
وتخلص الناس الصدگ

الينسطر خدهه اتعاين اعليك
غمضت عينك وانه اشم بيك بويه


،،،،،،،،،،،،،،،،،،،،،،،،،،،،،

  كلمات  الخادم
   رعد الفريجي

ياناكه ودي بالمشي كونج تسرعين
تعبانه ويفور الدليل الشوفة حسـين
***

ياناكه تعبانه اشـــــكثر جــــدي بالمسير
في بالي احزان وهظم واشــكد تصاوير
مالت بنا ياناكتـــــــي كـــــل المكَـــادير
ياوسفه عيني شافتو وصار الي ميصير
واعيوني مر الشافت فوكي الهموم اتلاكت
من يوم فاركته عزيزي وذاك الحنين
***

ياناكه مشتاكه الهلي واهـــــل المحنه
شاف المصايب بالسبي والهم ضعنه
ودي الاكيها اخوتي واشجي الهظمنه
ادريبهم من اشتجي ايفزعـــون اهلنه
عالهظم لامايرضون حيف بتراب اينامون
اهلي زعايم بالكبايل موش سهلين
***


اهلي زعايم عالكبايل هيبـــه واعلام
اشيوخ المظايف ياكفوهم كلهم ازلام
هينه يناكه جانت الهم ناصبــه اخيام
هاذي للأكبر والكفيلي وذيجه جسام
ذولي محاري الهيبه اهل الكرم والطيبه
هاذي مضاربهم اثرهه شافت العين
***
ذوله هلي ياناكيتـــــــي واهلي المعازيب
اهل الحميه والفخــــــــــر ذوله المذاريب
صحراء جاليش اصبحت وين المحاريب
كلبي تجوى وانكسر واجروحـــه متطيب
ودي هلي يلاكوني وعن السبي اينشدوني
رد الضعن ياناكيتي بس النسواين
***
ياناكه من نوصل هلـي فتري بالرواح
كل السبايه البالضعن ماذيهـــــا النياح
نوخي بعد مافي صبر تلجمه الجراح
خلينه نبجي وعالاهل نومي بالصياح
بلكت تفز احبابي وتنشدنه عن اغيابي
ماصدك احباب الكلب بالرمل ميتين
***



ابو علي الركابي

استشهاد الرسول ص

( عگيلي )

گومك شبو نار ابابك
گومك شبو نار ابابك
****
من غمْضت عينك يالهادي
طاحت هاي الامه بوادي
بس حيدر للحگ اينادي
انكشفت يالمختار اصحابك
****
نهجك بابو العتره اتغير
الباطل فوگ الحگ اتصدر
الگلك تهجر وسفه اتبختر
وما ناشف لساته اترابك
****
بعدك صار ايحقق طيفه
ظل ايشرّع وسفه بكيفه
لجل السلطه جرد سيفه
حيف ارخيص ابعينه امصابك
****
قرآنك چان الهم غصه
يدرون الكرار اموصه
يالهادي اغتنموها الفرصه
التمو كلهم يم اعتابك
****
هجموا ياويلي اعله البضعه
واحد گال الباب اندفعه
وگال الثاني الباب انقلعه
ما تدري اشسوو بحبابك
****
آسف باب الزهره اتكسر
وبنيران الگوم اتوجر
خد فاطم بصواب اتفطر
بانت غايتهم بغيابك
****
فجعو بنتك يابو العتره
ابسمار انطر ضلع الزهره
وطاح المحسن فوگ الغبره
يشبه ويلي اصوابه اصوابك
****
انبث اخبار احنه ونتأسف
حيدر يابو الزهره اتچتف
ضيم الشافه ما يتوصف
اتعذب يالمختار اكتابك
****

الشاعر اياد الديراوي

ليلي شيخلصه بغياب الغالي
هجر ابو القاسم مرد دلالي
روحي ما تحمل غيابك يالحنين
ريت تبقه وتحضر مصاب الحسين
يا محمد يا محمد
~
راحه ما شفت بحياتي وروحي مليانه عذاب
سنيني مطويه يبويه مثل طيات الكتاب
خاطري مكسور بعدك نايم بگلبي المصاب
انته شمس الله وعجيبه اينام جسمك بالتراب

سورة الكوثر تواسي المرسلات
عن غيابك وانته سيد الكائنات
والرحيلك تبچي كل الثقلين
ريت تبقه وتحضر مصاب الحسين
يا محمد يا محمد
~
عشت وكت الجاهليه وانقذتهه امن الجهل
مُحكم الآيات عندك واقع ومو محتمل
كل نبي قبلك مهمته بيك بشر وابتهل 
بسمك وبسم الصميده بويه دين الله اكتمل

يارسول آلله العرب تدريهه
بجاهليه عاشت أو ماضيهه
بالسلب تتنافس وماعدهه دين
ريت تبقه وتحضر مصاب الحسين
يا محمد يا محمد
~
انقلبو اصحابك يطاهه بعدك وخانو عهد
بعد ما غمضت نكروا قل هو الله احد
دين ما عدهم يبويه وابد ما بيهم سند
كل قرارات السقيفه منهو يحكم هالبلد

وللغسل محد حضر يا طاها
والربع تدري شني منواها
واهل بيتك فقط همه حاضرين
ريت تبقه وتحضر مصاب الحسين
يا محمد يا محمد
~
بيت الاحزان البنيته منّه هم حرموني
امن البچي بعدك يبويه تدري هم منعوني
كسرو ضلوعي بغيابك وبس اون خلوني
وابد ما نشفت يبويه من بچاها عيوني

أو وجهت وجهي الى رب السماء
لو اشيل شويه من راسي الغطاء
اگلب الدنيا على هالحاقدين
ريت تبقه وتحضر مصاب الحسين
يا محمد يا محمد
~
حسين مني وانه منه وشكثر سمعوها
بغضاً الجدك محمد چنهم يگولوها
خايفه النام اعله صدرك جثته يدوسوها
اوخيمه ما تبقه البناتك باچر يحرگوها

يعني نيتهم يجيبون الخيول
تسحك حسين وصدر طه الرسول
بكربله رادوا قتل اسم الامين
ريت تبقه وتحضر مصاب الحسين
يا محمد يا محمد
~
حيدر بشار الدراجي

قصيدة في شهادة الرسول المصطفى الأكرم صلى الله عليه وآله وسلّم  ...
ـــــــــــــــــــــــــــــــــــــــــــــــــــــــــــــــ


بِالدمـــــــوعِ الفاطميّة
اللّيلة نِبچي ٱويَالزچّية

ـــــــــــــــــــــــــــــــــــــــــــــــــــــــــــــــ

إنتَه يا نورِ الهِــــدايَة
نِزلَتِ الرّحمَة بوِجودَك

والشمِس ضَيّك يِمِدهَه
والگُمَر غافي بخُـدودَك

تخَضّــــرِ الگاعِ بسَحِكتَك
وتِسجِدِ الشجرَة بسِجودَك

يا أبو الطّــــــلّة البَـــهِيّة
اللّيلة نِبچي ٱويَ الزّچيّة

ـــــــــــــــــــــــــــــــــــــــــــــــــــــــــــــــ

يا حَبيبَ الله ورَسولَه
شوفِتَك كِل هَم  تِزِيلَه

بِيتَك الكَعبَة الشّريفة
وكِل عِبادَ الله تِجيلَه

وتِرتِجي مِنك شفاعَة
والذّنوب شگد ثِجيلَة

بِالحَيــــــــاةِ الأُخــــرَوِيّة
اللّيلة نِبچي ٱويَ الزّچيّة

ـــــــــــــــــــــــــــــــــــــــــــــــــــــــــــــــ

يَالچنِت كَهفِ الأرامِل  بگلبَك تعِيشِ اليِتَامَه
غَرّگِ العَــــالَم حَنانَك  والكَرَم شايِل وِسَـامَه
ولِلعِـــلِم إنتَه المَدينَة  وِالجَهَل كابِح  لِجامَه

وِالصّــــــبُر عِندَك سَجِيّة
اللّيلة نِبچي ٱويَ الزّچيّة

ـــــــــــــــــــــــــــــــــــــــــــــــــــــــــــــــ

هَبّـــت ٱرياحِ الكــــــآبة
ولَاحَت اغيومِ المُصيبَة

والزّبورِ أعــــلَن حِـــدَادَه
وموسَى مِتواصِل نَحِيبَه

والصُّحُف تِبچي ٱويَعيسَى                                                  
ومَريَم أم عيسى النّجِيبَة

وكِل نَبِي بهَـــاي المِسِيّة
اللّيلة نِبچي ٱويَ الزّچيّة

ـــــــــــــــــــــــــــــــــــــــــــــــــــــــــــــــ

بغَيبتَك فاطِم حَزينَة
تنَادي وَينَك يا مُحمّد

والدّمِـع جَـــــرّح جِفِـــنهَا
وبَيتِ الٱحزان الهَا يِشهَد

تُخـــبُطِ الزّادِ ابدَمِعهَه
ولا نَعِيهَه بلَحظة هَوّد

بكِل صُـــــــباحِ ومَغرِبيّة
اللّيلة نِبچي ٱويَ الزّچيّة

ـــــــــــــــــــــــــــــــــــــــــــــــــــــــــــــــ

يا مُحمّد هذا حَيدَر   گابِعِ بحِزنَه وحَسُـرتَه
بروحِتَك عَنّه تِـيَتّم    يَالنّبِي ورَيتَك نِظَـرتَه
والصّخَر نَاح لوِنِينَه    وبِالدّمَه يِذرِف عَبُرتَه

يِنعَى بِالوَنّة الشَــــجِيّة
اللّيلةنِبچي ٱويَ الزّچيّة

ـــــــــــــــــــــــــــــــــــــــــــــــــــــــــــــــ

امّدّد  وكِلــهَه  تِعوفَك
بَس عَلِي شَالِ الجَنازَة

غَسّلَك وِدموعَه نادَت
عَازِتَك يا خويَه عَازَة

أمّتَك نِكرَت وَصِيتَك
ولِلحُكُم  رَادَت حِيازَة

مَا رَعَــــوا ذِيچِ الوَصِــــيّة
اللّيلة نِبــــچي ٱويَ الزّچيّة

ـــــــــــــــــــــــــــــــــــــــــــــــــــــــــــــــ

كِل سَنَة ٱمصابَك يِجِينَه
يا أبا القـــــــاسم  يَغالي

نِحيِي ذِكـرَاكِ الأليمَة
ونِــحزَنِ بهَاي الليالي

شمَا گِصَت دِنيانَه بِينَه
نِصبِر إحــنَه ومَا نِبالي

وِحــنَه  يا خَيـــرِ البَرِيّة
اللّيلة نِبچي ٱويَ الزّچيّة    

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

نعي بحق النبي محمد صلى الله عليه واله وسلم عن الزهراء عليها السلام


علية البيت موحش يالعفتني
اجر حسرات والونة اتركتني
وحگك بالگلب بوية صبتني
رحت عني يبوية وما خذتني
==================
اچلب بالنعش بثنين ادية
عزيز وفرگتك تصعب علية
اضل ارجاك كل صبح ومسية
بگبر واحد يكون انطب سوية
===================
مدري شلون عمري ايصير بجفاك
وانة كلساع گلبي ايريد ملگاك
اخذني للگبر يا بوية وياك
عزيز وبالگلب يچويني فرگاك
=====================
ليل انهار انوح عليك وانحب
يبو القاسم ترة گلبي تصوب
يبو طول الحلو گلبي تعذب
احس موتي بعد شخصك تگرب
=====================
أسألكم الدعاء رائد الاسدي

استشهاد الرسول (ص)


رايح.. يا فرحت روحي. وبلسم لجروحي.
وكل احلامي
رايح.. ياشمعة عيني.. بغربه تخليني.
هواي الامي
عني من تغيب
جرحك مايطيب
.....................

الزهره اني . والله بويه. موسهل هذا البُعد
بگلبي يجرح. واني ادري. بعد ليه ماترد

عفت بنتك فاطمه بدنية اذيه
بويه گلبي ينعصر كل مغربيه
منهو يستأذن يدك بابي عليه
الناس ماترحمني ياسيد البريه

بويه.. غمضت عيونك.. كبالي ايشيعونك
يابو الزهره
بويه.. حاجيني مروتك.. خل اسمع صوتك
گلبي تكسره
بنص روحي اللهيب
جرحك مايطيب
........................

نور وجهك.. غاب عني.. ونفتح باب الحزن
شلون اودعك.. بيمن ابدي.. وروحي لعيونك تحن

انته شاهد بويه لجروحي وعذابي
نار گلبي تصير باجر نار بابي
كلهه شمات ويفرحون بمصابي
مايراعون النبي وحرمة حجابي

داري.. منهه يحرموني.. ابجي يمنعوني
وذايب جبدي
داري..بنار ايحركونه.. وضلعي يكسرونه
وسطره بخدي
تعيشني بنحيب
جرحك مايطيب
...........................

شوف حيدر.. بويه حاله.. تغير وحيله انهدم
عله فراكك.. كوه يمشي.. وجدم يعثر بالجدم

الليله بفراكك علي الله اليعينه
قالع احصون الكفر ترجف يمينه
ماكطع نوحه ولا بطل ونينه
حزام ضهرك ضل غريب وتجري عينه

ذابل.. بغيابك ذابل.. يابويه وناحل
قالع خيبر
ذابل.. ومتغير لونه.. وكوه يكومونه
لامايكدر
ينده يالحبيب
جرحك مايطيب
.......................

حسين هذا.. ايسيل دمعه.. وشابج العشره بقهر
منهو غيرك.. بعد بويه.. ايشمه ويبوس النحر

يالحنين وبعد شيعوضه حنانك
بكل گلب يابويه ضل خالي مكانك
بكل مكان وكل وكت سيد زمانك
اذن اذان الحزن من راح امانك

روحي.. منك محرومه.. وضلت ملجومه..
غيابك حيره
روحي.. اذاهه مصابك.. ودعت احبابك
ضلمه الديره
يالنورك عجيب
جرحك مايطيب
..................

بكسر گلبه.. ينوح يمك.. والعيون شكد بجن
اينادي جدي.. رد عليه.. جبدي ذاب انه الحسن

اهل بيتك هاي حالتنه برحيلك
يامحمد هدلت امتون التشيلك
جنازتك مهيوبه يالماصح مثيلك
تلتقي هليله يالغالي بخليلك

ليلة.. موتك موسهله.. ياگلب يحمله.
اوداع الغالي
ليلة.. حزني ودمعاتي.. ووني وحسراتي
وهضمة حالي
بدلالي يصيب
جرحك مايطيب


محمد هادي العقابي

بدمعه ناديناك ياسيد البريه
ليش مايمك مـواكب للعزيه
ــــــــــــــــــــــــــــــــــــــــــ
هل امر بـگلوبنه ايـحز يبـو القاسم
والعفه اعلى الدنيا ياشيخ الهواشم
ابحضرتك مانسمع اقرايـه  ومــآتم
ولانواعي اعله المصيبه الاحــمديه
ــــــــــــــــــــــــــــــــــــــــــ
بالمراقد نـنــظر اتــــصير المراسيـــم 
تـزدحـم زوارها وبـالتـعزيـه اتـهيــــم
وحظرتك مابيها مجلس يبو ابراهيم
ولا شهاده العلــي حـماي الـحـمـيــــه
ــــــــــــــــــــــــــــــــــــــــــ
والله نـتمنه نجـيك ابلطم الاصدور
وبعزه الزنجيل يمك نحني الاظهور
نصيح زينب ياغريبه ابگلب مكسور
ونــقره بالله امنين اجتها الغاضريه
ــــــــــــــــــــــــــــــــــــــــــ
يمته آيـحسيــــــن نسمع عالمنابر
والبـيــارغ سوده وتــسر النـواظر
والعزاء بــحـظرتك يجبر خـواطر
وتسمع الزهره النواعي اعله السبيه
ــــــــــــــــــــــــــــــــــــــــــ
هم تجي الساعه ايتحقق بيها املنه
وتـحـت گبتك سيدي تـجمع شملنـه
والمواكـب تـحــــظر وتـخدم اهلـنـه
والزيـــاره اهنـاك تـصبح عـالمـيــــه
ــــــــــــــــــــــــــــــــــــــــــ
حيدر بشار الدراجي

‏مقطع صوتي من mlahythmallamy

نزله  ...  في مصاب رسول الله محمد صل الله عليه وآله

وسفه ياهادينه         گلبك مأذّينه
..........

سيّد الاكوان كلها يانبينه الغالي
الله خصّك بالنبوّه يالمقامك عالي
تنجرح ساعة وفاتك من صحيبك تالي
ظلمه وتنوح المدينه يالمكانك خالي

والزچيّه تنادي         بويه بويه الهادي
.......

تهجر يگولون عنك وانت اقدس واحد
الگالها يعرف اثرها هوه اوّل حاقد
ما يريد يكون بعدك علي هوه القائد
تآمروا ضد التريده والسقيفه الشاهد

والخلافه اخذوها         عن علي بعدوها
.......

بس علي الكرار يمك ماكو من صحابك
جتمعو بدار السقيفه عالأمر بغيابك
قرّرو نار السقيفه كون تحرگ بابك
ظلمو الزهره الزچيه من غبت بترابك

فاطمه اذًوها        والله ما رحموها
.........

بعدك باول غيابك والفتن شعلوها
ألخلافه من وصيّك بالعلن اخذوها
يارسول الله محمد فاطمه اذّوها
من بعد يومين دفعوا بابك وحرگوها

بضعتك هضموها       بالقهر خلّوها
...........

بالصبر وصّيت حيدر يانبينه الطاهر
لا يسل سيفه عليهم لأن مامن ناصر
عرفوا بهاي الوصيه وعتدو عالصابر
چتفوا الكرار وسفه ذوله حزب الكافر

كلمتك نكروها         سيرتك حرفوها
............

علي ذوالفقار بيده كلهم يعرفونه
والله لوما هالوصيه فنهم يلاگونه
ممتثل امرك يطاها علي ما يثنونه
چتفت چفوفه الوصيه فنهم يچتفونه

ممتحن بغيابك         معتكف بكتابك

سيد زيد الفحام
__

ليلي شيخلصه بغياب الغالي
هجر ابو القاسم مرد دلالي
روحي ما تحمل غيابك يالحنين
ريت تبقه وتحضر مصاب الحسين
يا محمد يا محمد
~
راحه ما شفت بحياتي وروحي مليانه عذاب
سنيني مطويه يبويه مثل طيات الكتاب
خاطري مكسور بعدك نايم بگلبي المصاب
انته شمس الله وعجيبه اينام جسمك بالتراب

سورة الكوثر تواسي المرسلات
عن غيابك وانته سيد الكائنات
والرحيلك تبچي كل الثقلين
ريت تبقه وتحضر مصاب الحسين
يا محمد يا محمد
~
عشت وكت الجاهليه وانقذتهه امن الجهل
مُحكم الآيات عندك واقع ومو محتمل
كل نبي قبلك مهمته بيك بشر وابتهل 
بسمك وبسم الصميده بويه دين الله اكتمل

يارسول آلله العرب تدريهه
بجاهليه عاشت أو ماضيهه
بالسلب تتنافس وماعدهه دين
ريت تبقه وتحضر مصاب الحسين
يا محمد يا محمد
~
انقلبو اصحابك يطاهه بعدك وخانو عهد
بعد ما غمضت نكروا قل هو الله احد
دين ما عدهم يبويه وابد ما بيهم سند
كل قرارات السقيفه منهو يحكم هالبلد

وللغسل محد حضر يا طاها
والربع تدري شني منواها
واهل بيتك فقط همه حاضرين
ريت تبقه وتحضر مصاب الحسين
يا محمد يا محمد
~
بيت الاحزان البنيته منّه هم حرموني
امن البچي بعدك يبويه تدري هم منعوني
كسرو ضلوعي بغيابك وبس اون خلوني
وابد ما نشفت يبويه من بچاها عيوني

أو وجهت وجهي الى رب السماء
لو اشيل شويه من راسي الغطاء
اگلب الدنيا على هالحاقدين
ريت تبقه وتحضر مصاب الحسين
يا محمد يا محمد
~
حسين مني وانه منه وشكثر سمعوها
بغضاً الجدك محمد چنهم يگولوها
خايفه النام اعله صدرك جثته يدوسوها
اوخيمه ما تبقه البناتك باچر يحرگوها

يعني نيتهم يجيبون الخيول
تسحك حسين وصدر طه الرسول
بكربله رادوا قتل اسم الامين
ريت تبقه وتحضر مصاب الحسين
يا محمد يا محمد
~
حيدر بشار الدراجي

‏مقطع صوتي من mlahythmallamy

ذبلت عيون ٠٠ فاطمه الزهره
امن البواچي ٠٠ السيد العتره
طگ گلبها ٠٠ وهاجرت بعده العمر
وعله ابوهه ٠٠ ظل ظهرهه منكسر
امن البواچي ٠٠ السيد العتره
____


عاشت ايّام السعد
عُمُر احله من الشَهَد
وي ابوهه المصطفى
ترجع تسولف بعد ؟

ام ابوها فاطمه
تجري دمعات ودمه
وبفگد سيد البشر
نجمه تاهت بالسمه

واظلم الكون ٠٠ من رحل طاها
والشمس ليش ٠٠ غايب اضواها

وبحزنها .. ذوّبت صم الصخر
شسوه بيها .. عگب والدها الدهر
امن البواچي ٠٠السيد العتره
_

وجه والدها اختفه
نور الأكوان انطفه
صاحت بصوت الحزن
من عله الدنيا العفه

امن الارض شال الامن
بعد بيمن تطمئن
العاشت وياه بالحنان
بالترايب يندفن

اندفنت احلام ٠٠ بضعة الهادي
وعمّ حزنهه ۰۰ وناده المنادي

والزچيه ٠٠ بعده ما شافت فرح
بعد عينه ٠٠ باب للهم انفتح
امن البواچي ٠٠السيد العتره


فاطمه ابفگده انحنت
من مصابه حدّبت
غرّبت شمس النبي
اسنينهه وحشه صفت

ابكل أذان اسمه يمر
گلب فاطم ينكسر
لمن اينادي بلال
ايگطع ابتوت الصبر

تلبي الاذان ٠٠ تذرف الدمعه
تنسحن روح ٠٠ فاطمه البضعه

والمنارات ٠٠ سولفت بيك اشكثر
صوت الاذان ٠٠ ينوح بسمك كل فجر
امن البواچي ٠٠ السيد العتره
__

ما مشو بوصيّته
بعده آذو عترته
العاشو ابسده وغفو
بساع نكرو نعمته

الغدر الهم طبع
كسرو البنته ضلع
يامصيبة فاطمه
ما نشف منهه الدمع

واحرگو باب ۰۰ كعبة الباري
شبو النار ٠٠ والدمع جاري


بيت الاحزان ٠٠ من بناه ليهه علي
بصوت الآهات ٠٠ والنوايح ممتلي
امن البواچي ٠٠السيد العتره
____

الزهره عالخد تنضرب
والمتن دمّه يصب
فوگ كل هذا الظلم
حگ فدكها ينغصب

حيدر امقيده العهد
چان سواهم بدد
ذياب واحدهم جبان
شلون يجرء عالأسد

حيدر شلون ٠٠ حزنه يتوصف
بالوصيه ٠٠ وسفه يتچتف

الله موجود .. هو يعلم بالجره
ياخذ بثار .. الزهره يوم الآخره
امن البواچي ٠٠السيد العتره
_

ذابت گلوب ومهج
هرج دنيانه ومرج
دعوة المضطر تصيح
ربي عجّل بالفرج

صاحب الثار شوكت
اينادي يامنصور امت
عالجذع يصلب بديه
هناك طاغوت وجبت

ويجبر الام ٠٠ احمد وگلبه
ليل ونهار ٠٠ الغايب اندبه

تنزف جروح .. هل الگلوب بغيبته
يابو صالح .. تظهر وتشرق مته
امن البواچي ٠٠ السيد العتره
__

حيدر بشار الدراجي

‏مقطع صوتي من mlahythmallamy

نزله»» استشهاد الرسول. ص

يا أبا الزهراء»»»» جينه الك بل آه
♕♕♕♕
مصيبتك يل هادي»»نار وسط قلوبنه
فركتك موهينه»» والله يامحبوبنه
خلصت المشايه»» وماتركتنه دروبنه
هل عهد منعوفه»»ثوب الأسود ثوبنه

بحركه ناديناه»»» يا أبا الزهراء
♕♕♕♕
الهلا لا ماتبرد»» والخدم موجوده
السنه كلهه أنادي»» العوده ربي العوده
كربله أختمناهه»»والحزم مشدوده
النيه صفيناهه»» للنجف معقوده

عهد وفيناه»»»» يا أبا الزهراء
♕♕♕♕
أمنيتنه الكُبره»» نوصل أحنه الكَبره
بل مدينه أنزوره»» نشم عطر الحضره
نروح اله مشايه»» نجري يمه العبره
من العراق الصحنه»» نمد أحنه السفره

موكب أنصبناه»»»» يا أبا الزهراء
♕♕♕♕
نشاء الله ويه المهدي»» نضل موقف واحد
أفواج   نتعنالك »» وبو  صالح  قائد
رايته  التجمعنه »»  الدنيه كلهه أتشاهد
الشاب ويه الشايب»» عهد كلنه انعاهد

بدمنه خطيناه»»»» يا أبا الزهراء
♕♕♕♕
الخادم»» عباس طالب الجنابي