Telegram Web
У Будславе 21 ліпеня пачалі новы этап археалагічных раскопак каля касцёла з удзелам валанцёраў. Ксёндз Дзмітрый Дубовік расказаў пра вынікі першага дня працы.

Ксёндз меркаваў, што яны выявілі вугал старога касцёла, дзе магла быць вежа. Планавалі зрабіць шурф даўжынёй 14 метраў, каб прайсці ўздоўж меркаванага галоўнага фасада старога касцёла і адшукаць колішні ўваход у храм.

"Калі хто мае магчымасць, прыязджайце. Толькі з лапатамі, нашы лапаты ўжо закончыліся".

Але другі дзень раскопак прынёс нечаканае адкрыццё.

"Думалі, што гэта ўжо вугал касцёла, але так нечакана знайшлі, што вельмі блізка да гэтага вугла, літаральна праз метр ёсць бабінец. Хутчэй за ўсё, бабінца гэтага было мала, бо ён два з паловай метры. І бабінец дабудавалі далей, я думаю, што агулам ён будзе восем метраў — да падмуркаў кляштара. Археолаг кажа, што можа менш. Ну, паглядзім, што будзе.

Таксама атрымалася нам крыху раскапаць сцяну (фасада), думалі, што яна будзе ісці далей, але вось тут не бачым. Вельмі так складана капаць, бо шмат гліны. Шмат знаходак, у асноўным кафля"".

"Калі хто мае жаданне, прыязджайце, будзем капаць. Адзінае, што можа не ў сераду, бо заўтра дажджы."


Крыніца
#Будслаў #касцёлы #археалогія
29👍6🙏3🔥1
Мозаики на подъездах дома Хоружей, 16.

Сюжеты разные: птички, музыка, химия и жизнь, растениеводство и рыбоводство.

Авторство, к сожалению, неизвестно (но мозаики довольно известны и постоянно всплывают в тематических подборках разного рода каналов и пабликов, не мог пройти мимо и я) || #архминск

🔸Источник: Минск и минчанин
🔸Мои каналы: о Беларуси | о мире | абстракт
🔸Инста: blisch
28👍6
Веткаўскі музей стараабрадніцтва сумесна з археолагамі Эрмітажа капаюць бескурганны могільнік зарубінецкай культуры ў вёсцы Гарошкаў Рэчыцкага раёна.

Ужо падрыхтаваны раскоп памерам 8 на 24 метры, на якім знялі верхні слой, "пахатнік", глыбінёй 30 см. Далей будзе праводзіцца зачыстку: пошук костак, якія пакажуць, дзе ёсць магчымыя пахаванні.

Побач знаходзіцца яшчэ надзел памерам 8 на 50 метраў, які таксама плануецца даследаваць сёлета.

Усе археалагічныя знаходкі ў далейшым паступяць у фонды Веткаўскага музея.

У Гарошкаве захаваўся ўнікальны помнік зарубінецкай археалагічнай культуры III стагоддзя да нашай эры — пачатку I стагоддзя нашай эры, якая лічыцца найбольш ранняй славянскай культурай. Яе адметная асаблівасць у тым, што яна сфарміравалася пад моцным уплывам кельтаў. А той факт, што зарубінецкая культура суседнічае з папярэдняй мілаградскай, дае рэдкую магчымасць прасачыць іх узаемасувязь і пераемнасць.


Веткаўскі музей запрашае валанцёраў да другой паловы жніўня, якія змогуць прыехаць на ўвесь час ці на пару дзён. Пражыванне і харчаванне - бясплатна. За падрабязнасцямі просяць звяртацца да Ларысы Варацінскай, навуковай супрацоўніцы аддзела археалогіі Усходняй Еўропы і Сібіры Дзяржаўнага Эрмітажа, кіраўніцы археалагічнай экспедыцыі: +375292708996.

Крыніца
#археалогія #Гарошкаў
👍264🤔4🔥1
Мясцовыя ўлады пасля таго, як усплыла гісторыя з пошукам тых, хто дапаможа выключыць з-пад аховы касцёл Святога Духа ў Язвінах (Вінча) Драгічынскага раёна, заявілі, што гэта ўсё фэйк, нягледзячы на тое, што заяўка працягвала вісець на сайце Дзяржзакупак.

А ўчора, 22 ліпеня мясцовыя ўлады Камянецкага раёна разаслалі па праектных арганізацыях дакумент, у якім просяць ацаніць іхнія паслугі ў падрыхтоўцы навуковага заключэння "аб немагчымасці навукова абгрунтаванага аднаўлення" часткі сядзібы Пузынаў у Грымячы: фрагментаў трох гаспадарчых пабудоў, бутавай агароджы і нават брукаванкі, якая вядзе ад дарогі да сядзібы.

Такое заключэнне патрабуецца толькі з адной мэтай: выключыць аб'ект з Дзяржаўнага спісу гісторыка-культурных каштоўнасцей.

Цікава, што пазбавіць хочуць не ўвесь комплекс, а толькі частку яго неад'емных элементаў, сам палац і парк быццам бы не чапаюць.

Я б хацеў паглядзець на членаў Рады пры Мінкультуры, якім на стол ляжа абгрунтаванне, што тры гады таму, калі ў 2022 годзе праводзілі ўдакладненне Дзяржаўнага спісу, яны не мелі рацыі, дадаўшы туды фрагменты агароджы і брукаванкі — не вельмі прыемная для іх сітуацыя :)

У адрозненне ад іх, гаспадарчыя пабудовы былі ўзятыя пад ахову яшчэ ў 1980-я гг. у Зборы помнікаў гісторыі і культуры, а пасля ў 2002 годзе перакачавалі ў новаствораны Дзяржаўны спіс гісторыка-культурных каштоўнасцей.

У 2014 годзе быў зацверджаны праект зон аховы сядзібы, у якім чатыры(!) гаспадарчыя пабудовы і агароджа абазначаныя як часткі сядзібы, якія ахоўваюцца на роўні з палацам і паркам, і іх знішчэнне забаронена. Брукаванка не вылучана асобна, але ўздоўж яе намаляваная зона аховы ландшафту, у рэгламентах якой забаронена пракладках новых транспартных камунікацый, то бок дарог.

Так што выпадак у Язвінах не быў нейкім унікальным. Відаць, у Брэсцкай вобласці распачалі праграму "аптымізацыі" Дзяржаўнага спісу і пачалі з аб'ектаў, якія вісяць на дзяржаўным балансе.

#ахова #сядзібы #Грымяча
🤬32🤯6👎32
2025/08/29 15:22:17
Back to Top
HTML Embed Code: