Пабачыў рэкламу гульні «Знамя Победы». Гэта нашу Віцебскую ратушу на постары намалявалі? Малюнак недакладны, але шасціграннае завяршэнне я бачыў толькі ў Віцебску.
🤔

На Свята-Успенскай царкве ў вёсцы Дабраволя Свіслацкага раёна спачатку ў канцы 2021 года паставілі залатыя цыбуліны, а пасля разабралі традыцыйную для беларускага ландшафту слупавую адкрытую званіцу, ператварыўшы ў званіцу нейкую хатку побач. І гэта пры тым, што царква мае статут гісторыка-культурнай каштоўнасці.

Апошняе фота
#Дабраволя #цэрквы #драўлянаедойлідства #антырэстаўрацыя #знішчэнне

Ой, а што гэта такое 😮
А гэта Шарыўскі палац у Харкаўскай вобласці, пабудаваны цукровым каралём Слабажаншчыны Леапольдам Кёнігам, які выкупіў маёнтак у 1881 годзе. Пасля яго смерці ў 1903 годзе рэканструкцыю сядзібы працягнулі сыны. Скончана яна была ў 1912 годзе.

Насамрэч цікава, чаму яна настолькі паўтарае сядзібу Пуслоўскім у беларускім Косаве, якая была пабудаваная ў 1830-я гг. Нават тэрасаванне тэрыторыі ёсць. Можа мы выпускаем з увагі нейкі вядомы еўрапейскі палац, які пераймалі напрацягу некалькіх пакаленняў у нашым рэгіёне?

#Украіна #сядзібы #аналагі

У Сцяпанках Жабінкаўскага раёна згарэла барочная Свята-Міхайлаўская царква, пабудаваная ў 1780 годзе з дрэва. Гэтая царква была прапанаваная на ўключэнне ў спіс сусветнай спадчыны ЮНЕСКА

#Сцяпанкі #драўлянаедойлідства #цэрквы #знішчэнне #пажары

Пачыналі тушыць калі яшчэ стаяла званіца, скончылі, калі застаўся толькі абпалены ніжні ярус.

#Сцяпанкі