📩س / دكتور انا عندي مشكلة أنه اي حدث بصير معي بعمله دراما خاصة من ناحية الدراسة وبحس حالي متأخرة دائما وفي نقص بالثقة بالنفس.

✔️ج/ التفكير بطريقة سلبية عمره ما كان مفيد. التركيز على الشيء السلبي بيكبّره، و بيزيد مشاعرك السلبية أكتر و أكتر و الأمور بتسوء؛ لذلك دايماً اقطع هذا الحبل، و وجه مخك لسؤال( ما الحل؟) ستقوم بتوجيه مخك للبحث عن الحل و التفكير بطريقة إيجابية بدلاً من الندب و المزيد من الطاقة السلبية. حاول تهدى و تاخد نفسك، و بعدها فكر في أبسط خطوة تاخدها تجاه الحل.

-------

📩س / ازاى اقدر اتحكم فى افكارى وخصوصاً السلبيه منها ؟

✔️ج / نفس الإجابة السابقة، و هضيف عليها... اللعبة كلها لعبة إعادة توجيه التركيز بتاعنا. أفكارنا هي المسبب الأول للمشاعر. مشاعرك اللي بتحسها بتعرفك انت بتفكر في ايه و ايه الأفكار اللي بتدور في بالك. لما تحس مشاعرك سلبية، فانت بتفكر بطريقة سلبية. توقف و اكسر الحالة بالتفكير المنطقي في المشكلة أو الموضوع و ضع حل بسيط لها. هتلاقي نفسك هديت و بدأت تاخد أبسط خطوة في الاتجاه الصح.

------

📩س / أعاني من ادمان السوشل ميديا والمرئيات الجنسية ، غير قادر على التوقف ، بسبب ذلك اعاني من كثير التشتت والتسويف
أرجو المساعدة.

✔️ج / اللعبة كلها لعبة تركيز و أهداف. لما الإنسان يكون عنده هدف في يومه المفروض إنه يعمله و محتاج إنه يركز عليه، ساعتها تركيزه تجاه الأشياء المشتتة و المرهقة هيقل جداً. الهدف يكون متعلق بذاتك و يكون هيفيدك انت، مش أي أهداف و خلاص. حدد في يومك هدف و لو بسيط كل يوم تشتغل عليه، و يكون جزء من رسالة أكبر انت حاببها. سيبك من التفكير في المشكلة نفسها اللي طرحتها، و فكّر معايا في أهداف جديدة تضيف لك. لا تجلس في البيت كتير. اخرج اتمشّي، أو روح العب تنس طاولة. مارس أي نشاط انت تحبه بالخارج. مع تحديد أهداف بسيطة جديدة تحبها و تضيف لك، و تبدأ كل يوم تشتغل عليها. و تاني هقولك سيبك من المشكلة نفسها و جرب تركز بس اللي ع اللي قلت لك عليه.

-----

💌س/ طريقة اجتياز شفوي من فضلك؟

✔️ج/ في حلقة كاملة على قناتي على يوتيوب مجاوب فيها شوفيها الأول و اسأليني بعدها.

-----

💌س/ كيفية التخلص من فخ المقارنات وأن الإنسان يفضل مركز في هدفه وبس

✔️ج/ هصور لكم صفحة من كتابي جراحة نفسية، كنت مجاوب فيها عن النقطة دي.

---

💌س/ نصيحة حاليا ممكن تقولها واعمل بيها؟

✔️ج/ ركّز. التركيز أصعب مهارة حالياً. الإنسان بيتعرض يوميا لكم رهيب من المشاعر و الأفكار المتداخلة بتفقده تركيزه تماما عن هدفه الأصلي. ركّز دي نصيحتي.

---

💌س/ ازاي أسيطر على كلامي وأكون قدوة ولي هيبة؟

✔️ج/ إنك تشتغل على نفسك. لازم تشتغل كتير أوي على نفسك. على كل المهارات المطلوبة. تتعلم تتكلم و تتعلم تسمتع للآخرين. تتعلم إزاي تنتبه للغة جسدك و تستخدمها بشكل مؤثر. إنك تتثقف و تقرأ و تتعلم أكتر. كل ده بينعكس على الشخصية الحقيقية.

بعد قليل هستكمل الرد على أسئلتكم💌

ألف مبروك لخريجي الدُفعة الأولى و الثانية من دبلومة ماستر مايند لاحتراف مهارات الدماغ 🎇🏆

رحلة كاملة على مدار شهر من ورش العمل التفاعلية أون لاين مُباشر في تعلّم و تطبيق مهارات متقدمة في التركيز و الذاكرة و القراءة و التعلُّم السريع💪

اللي بيدخل الدبلومة بدماغ بيتخرج منها بدماغ تانية خالص 💪🚀

جانب من شهادات الخريجين التي أُرسلت إليهم لتنضم لسجل شهاداتهم المميز، و لينطلقوا بمهارات قوية تزداد قوتها معهم بشكل لانهائي بتطبيقها 🚀

ألف مبروك مرة ثانية للجميع… و انت استعد تلتحق معنا في Round 3💖

واحد من أكثر المقاطع الملهمة اللي هتشوفها بحياتك🧪


على يوتيوب:
https://youtube.com/shorts/jS34ul-Zgdw?si=O_qIB2lTnqlZcEOE

على انستاجرام:

https://www.instagram.com/reel/DNX79hpIsbe/?igsh=MXBsb2UyNjg5a2YzMQ==

✉️س/ أنا ادرس طب ودرجاتي سيئة لاني ما اذاكر كيف اصبح احب المذاكرة ويكون عندي دافع؟

💡ج/ لو انت في سنة أولى ف انت محتاج جلسة استشارة عشان نعرف نحدد أصلاً هل هتكمّل في الكلية أم لا؛ لأن ده قرار مصيري و مهم هيترتب عليه إنك تكمل ٧ سنين دراسة في كلية صعبة جداً، و مستقبل محتاج مواصفات خاصة، و واضح من سؤالك إن حتى ما عندك الدافع للدراسة و لا بتحبها...


أما لو انت في منتصف الكلية و مشكلتك هذه مؤقتة هذه الفترة، فهو شعور طبيعي إننا ما نحب المذاكرة... حالياً انت محتاج تتعلم مهارات المذاكرة.. الأدوات اللي هتستخدمها في مذاكرة المواد ... مهارات كتير لازم تتعلمها (( هتلاقي كل اللي نفسك تتعلمه في فيديوهاتي على يوتيوب، و كتابي بطل دح و ذاكر صح، و لو عاوز تتعمق أكتر دوراتي الأون لاين موجودة))...

الجزء التاني هو العائق النفسي اللي بيمنعك عن المذاكرة... ضياع الهدف و ضياع القيمة و الإحساس بالملل و الضجر و الإحباط... ممكن تكون المشكلة إنك مش عارف انت عاوز تروح فين أصلا،، أو ممكن تكون بسبب إحباطك بسبب محاولاتك السابقة ((وهنا زي ما قلت لك بحاجة لتعلم مهارات المذاكرة)) ،،، و ممكن تكون المشكلة لأسباب نفسية بتأثر على مذاكرتك و قابليتك و دافعيتك. حاول تعطيني بيانات أوضح عشان أقدر أرد عليك و أفيدك أكثر.

أوقات كتير بنكون في حالة بتحتاج إننا نعيد تغيير أنفسنا من الجذور.. و متقلقش كل مشكلة مهما كانت ليها حل.. فقط بحاجة إلى الاجتهاد في الطريق الصحيح... لما تكتب لي داتا بشكل أوضح هقدر أساعدك و أوجهك.