tgoop.com/salahkotb/1906
Last Update:
س/ بتلقي كلام سلبي كتير من عائلتي ازاى اتعامل معاهم كل يوم مشاكل؟
ج/ المشكلة دي اتعرضت عليا كتير .. الحل البسيط اللي لن تتخيل كيف هيفرق معك هو في تغيير اتجاه التركيز بتاعك... أول حاجة لازم تبقي موقِن إن أهلك بيحبوك... ده شيء أساسي... تأكد إنهم بيحبوك.. كل المشكلة هي في تعبيرهم عن هذا الحُب بخوفهم عليك أو حتى بأسلوب ممكن يكون مُحبِط و سلبي... أول حاجة النية وراء السلوك إيجابية...
تاني حاجة ركز على نفسك... يعني لا تعطي مساحة كبيرة للتركيز في كلامهم.. لأن طول ما انت بتعمل كده هتزداد إحباطًا و هتزيد المشاكل... قلت لكم قبل كده في كتابي جراحة نفسية إن أي مشكلة بين طرفين فهي بين طرفين! يعني الطرفين مسؤولين عنها... يعني انت جزء من المشكلة! ردود أفعالك و تفاعلك و تركيزك جزء أساسي و كبير من المشكلة اللي انت بتعاني منها..
لذلك لازم تغير ردة فعلك و تركيزك و تفاعلك مع كلامهم السلبي... بإنك تهدى و لا تركز و تقلل الاحتكاك و تبعد و تهدى و لا تنفعل و لا حتى تصدق كلامهم السلبي و ركز على نفسك و شغلك و حياتك و بس... لن تتخيل هذه العقلية اللي علّمتهالك دلوقتي لما تشتغل بيها هتلاقي مفعولها زي السحر.
#صلاح_قطب
BY د.صلاح قطب
Share with your friend now:
tgoop.com/salahkotb/1906