#الرسالة_الصباحية_الجميلة (الخطوة ١ للاتزان النفسي)

الإنسان المُطمئن لغيره ده إنسان عظيم، و بيعمل أعظم شيء في الحياة والله. لما تطمّن حد لله؛ فانت بتقوم برسالة الله لك. ربنا هيطمّنك و هيكون جمبك، و هيوقف لك ولاد الحلال. مش كل شيء حسابه مادي. حسابات كتير أوي و نِعَم كتيرة أوي و رزق كبير أوي بيكون في كونك إنسان مُطمئن و خليفة الله في أرضه، و كون ربنا يسخر لك اللي يخليك تشعر بأمان و اطمئنان في أكتر الأوقات ضِيقاً و خوفاً. شكراً لكل إنسان قادر يبث الطمأنينة لغيره و يكون سَنَد حقيقي حتى لو بالكلمة الواحدة.

في مرحلة كده هتحس إن حياتك بتترقص. كل حاجة فيها بترقُص و مش مستقرة. مفيش حاجة عاوزه تهدى. علاقاتك ناس داخلة ناس خارجة ناس عماله ترقص، صحتك، فلوسك بتترقص، حتى نفسيتك بتترقص طالعة نازلة. يومك و اللايف استايل بتاعك مش عاوز يثبت و يظبط. في المرحلة دي ارقص معاها. اهدى. متاخدش حاجة على أعصابك. اهدى عشان دي أول خطوة عشان ترجع تستقر تاني في كل حاجة. اهدى دي مرحلة جديدة انت داخل عليها. اتحرك معها بسلاسة و هدوء و امشي واحدة واحدة لحد ما تستقر حياتك مرة تانية.

لا مجال للإبداع، و العمل الجاد، و الاتّزان من دون الاستمتاع بعُزلة حقيقية.

ايه المختلف في بكره عن النهارده عشان الناس تشتري كل هذا الكم المهول من الأكل و الشرب؟! هل في مجاعة لاقدر الله؟ الطبيعي حجم استهلاكك للأكل و الشرب يكون أقل في رمضان؛ ف ازاي يزيد بالمعدّل الغريب ده؟ و ايه كمية العزومات و السهرات والخيم الرمضانية و القفطانات و التقاليع دي كلها و تكاليف ده كله؟ هل ده طبيعي؟ و هل كل ده صحّي أصلاً؟ و هل كل ده مريح للنفس؟ انتوا بتعملوا ايه؟! شهر رمضان المفروض عاداتك و سلوكياتك الغذائية تتحسّن و تتهذّب، مش تبقى أسوء.

في الوقت ده من سنة في شهر رمضان، كنت عايش في timeline لوحدي: لا باكل حلويات، و لا بشرب قمر الدين و لا بلح على تين، و لا باكل سمبوسة و لا مكرونة باشاميل اللي بحبها و لا محاشي، و لا أي حاجة من ده كله. كنت محافظ على الرياضة بمستوى متقدّم و قاسي. بلعب رياضة في حدود الساعة ١١ تقريباً و باخد وجبة خفيفة بعدها و وجبة السحور و وجبة الفطار. الحاجة المسكرة الوحيدة كانت التمر بالحليب ع الفطار. مش محتاج أقولكم إزاي جسمك هيتحسّن أكتر، و صحتك. استغليت الصيام لصالحي و انتبهت لصحتي و جسمي أكتر. هتتعب شوية أول يومين، بس هتتعود. مهم تعمل كل حاجة صح، تمد جسمك بالعناصر الغذائية الهامة. متعملش تغير عنيف من اول يوم، خلي تغيرك بسيط، او مع حد متخصص يساعدك. رمضان كله خير و بركة استغل الفرصة دي. اه نسيت اقولك ان مستوى الرياضة اللي حكيت لك عنه كان ف البيت. كنت بتمرن ف البيت.

أنا بحب الفنّ و الموسيقى و الأغاني… بحب القهوة جداً… بحب الشوكولاته… و بحب إني لا أتعلّق بالأشياء… إنّي أربّي نفسي و أهذّبها… في رمضان بقلل كل هذه الأشياء إلى ١٠٪؜ من معدّلها الطبيعي… على رأي العظيم د.مصطفى محمود: أن تقاوم ما تُحب و تتحمّل ما تكره.

#اتزان
#صلاح_قطب

يلا استعدوا .. اول رسالة من #رسائل_اتزان في رمضان .. غداً.

تخلص من الأشياء الغير مهمة؛ لتجد مساحة للأشياء المهمة.

#رسائل_اتزان
#صلاح_قطب

رسالة صباحية جديدة بعد قليل