للموفق ضياء ستار الفرطوسي

الامام الصادق ع يقول

#مره_بداري

مره بداري شبت نار
صرت اتخيل طف بالدار
حركو داري وبيها احباب
تخمد ريت ب ريح الهاب
مره بداري شبت نار

------------------------------------------

جعفر الصادق انه النار الشفتها
ذكرتني بنار اهلنا الما عشتها
ذكرتني بعمتي زينب واعرفتها
هيه نفس النار اظنها اتذكرتها

بنفس الموقف ركض اطفال
بس التفرق سبي اعيال
وبيها رماح وروس اكبار
مره بداري شبت نار

------------------------------------------

انه حرگوا داري واذكر بالغريبه
عمتي زينب بالخيم عاشت مصيبه
انه بره البيت ويأذي لهيبه
عمتي من وسط الخيم تركض عجيبه

زينب تبجي بكلمة وين
تحشم وين حسين حسين
احتركت خيمه وبيها ازغار
مره بداري شبت نار

------------------------------------------

ركضو عيالي برعب وابجي واراقب
ركضت المرعوب وجهه لونه شاحب
تخيلت بيهن رقيه وعمها غايب
شجابها اجدام الطفولة اعل المصايب

بنص الصحره وظلمة ليل
وامست ترعب بيها الخيل
وتراب الصحره ايأذي وحار
مره بداري شبت نار

------------------------------------------

وي لهيب النار افكر بالضلامه
ليش محد يرحم بحال اليتامه
اتخيل سكينه المحت طاحت عمامه
نادت العمها ولگت حرگوا خيامه

سكينه اتخيل تحجي بهاي
عمي الكافل عوف الماي
عمي لصوب الخيمه اندار
مره بداري شبت نار

(المحت = لمحت = نظرت)
------------------------------------------

انا ما ميت سليب ويجري دمي
وانه لا شايف اخوي بموته يمي
لاني خيل الاعوجيه مطشره جسمي
وانه ما طايح بعيد وأختي همي

سالم صدري ابلايه خيول
لا فوك الحر من مكتول
‏واكدر امشي وما محتار
‏مره بداري شبت نار

------------------------------------------

#ضياء_ستار_الفرطوسي

#لمولاي_الحجه_عج


تسد بيبانها وترتاح..العالم من يصير غروب
ويا عمتك تسد ياباب.. ما بيها الخرايب بوب
ها يا يوسف الزهراء..بناسك ماكو شح يعگوب

ومن نامت الحره بخرابه
هم غمضت بالليل عينك...؟؟
وتسمعها كل ليلة تندبك
فك حبل ادي يا مهدي وينك

لحد هسه من الشام گلبك محروگ
اذنك تسّدها لو يمر طاري النوگ
وتختنگ كل ما ذكروا العلويات
وصاحب الثار يموت لو ضل مخنوگ
________________________________
ضعنك هذا مو سبحه..ليش العالم تفره
وحبلهن مو دلو بنص بير..شجاها الناس وتجره
عيونك جن عبايتهن...من كثر البچ‌ي حمره

بعينك تشوف ادموع ضعنك
وتجيب ماي و تبچي يمهن
وبذنوبي اعثرهن اجدامك
وما اخلي مايك يوصل الهن

اچم مره ناوي تنام وبهيده تبات
ويعرض على عيونك ضعن مسبيات
ومن نومك تفز يابوصالح وتصيح
اذبحني انه وعوف هالترچيات
_____________________________
عمرك ينحسب ضعفين..الغربه اتكبر الفاكد
تشابيهك ولا تمثيل..بس تغمض تشاهد
تشوف الشمر وفعاله..وين بيا صدر كاعد

شرد احچي ودري الطف يغايب
مثل الرمش ما عاف عينك
اچم مره متحلم يمهدي
وي السبايا امچتفينك

شمسوي بيك الشيب ها يمولاي
گلبك يضل يرجف اذا تشرب ماي
تتخيل اشصار بمحرم بحسين
يركض يلملم ذيج تتطشر هاي
__________________________________
يمهدي الهزله من تميل..تميل وياهه علوية
يالبعينك حمّار اغروب..ذبحو ضحكت ارقيه
بس گلبك صدك مچوي..ماكو اگلوب مچويه

ونوم الخرايب يابوصالح
مو زين عالطفله الصغيره
الثامك يمهدي ذبه فدوة
يا اخر ازلام العشيره

مولاي اشهر سيفك وشد اعنان
بس انته طلاّب البقيت العدنان
كل القبايل خذتهه نسوتهه هناك
وبس الهواشم ضاعتلهم نسوان
___________________________________
اعلكد حاجتنه من نتوب..ومن تخلص نرد نذنب
تره يغير الحب الناس..ومتغيرنه اذن منحب
خايف لو رجع ضعنك..المثلي بضعنك يسلب

وبذنوبي عطلتّك على اهلك .
وانوب أگلك عجّل النه
كل خوفي طف ثاني نسوي
وهم تنغدر لو ترجعلنه

شكد بايعك بس مشتريني بكلهن
شما اغلط انته اغلاطي لتصلحهن
الباعاني بعيوبي يعدد مولاي
وگتله اسكت انه المشتري وقابلهن
__________________________________

رزقهم

مصطفى صادق اللامي

ثكيل لمولاتي العليله (عليها السلام )


الونة ثجيلة ... بنيتةالعليلة
وانة ارتجيلة... امشي وياه
_ _
يا سند عمري وحياتي خلني بحضانك ابات
حسبت امشي يبوية حالي من حال البنات
لاتركبني اعلة محمل اكعد ابصف الخوات
يا عزيزي اخلاف عينك ماكو معنة للحياة

ميتة بغيابة... كلة مهابة
حرك ركابة... زيدني اه
_ _
من يسافر علة الموعد انة ابقة ساهرة
اغفة ليلية وافزن وابقة ليه امناطرة
شو اشوفن كل خواتي صفة وانة مكترة
انة كل ضني اروحن ما اضل امحيرة


غركن عيوني... خابت ضنوني
ذبلت جفوني... من البجي
_ _
نزلت الدمعة ابعيوني وابجي لمن سافرت
ابعتبت الباب انة اوكف بوية ليك اتنطرت
ما تكلي صعدي بتي هالكلام انة ردت
انة بغايبك يروحي هجرتني وهاجرت


يالماخذتني... يالودعتني
لمن عفتني... انغة عليك
_ _
من وكفت اباب داري الناس كلهة اتنوعت
كامو ويحجون عني هاي هية الما مشت
ليش عفتوني ومشيتو وليلي كلة انة انحبت
انةكمت ابجي يغالي وروحي من كلبي اطلعت


انة ابونيني... ولهفت حنيني
ما جن تجيني... وية العيال
_ _
حسين الفاطمي

سماعي لمولاتي العليله ( عليها السلام )

_ _
وياك اروحن اجيت
وناتي طلعت
وعيوني حنت.. بجيت


اصفن عليك وبجيت
لمن عفتني
من نومتني.. ومشيت


يبوية بروحتك باجر
ابنيتك تكسر الخاطر

ابه ياحسين
— —
يابوية ردت انتضار
اجمع غراضي
كون انتة راضي.. اروح


من البنات انة اغار
كلهن يروحن
بس انة اضلن .. انوح


عليلة ابحدي ابيتك
ابنيتك ونت ابنيتك

ابه ياحسين
— —
بس لاسفرتك تطول
شنهو القضية
بس رد علية .. الجواب


جنهة طويلةوتكول
ماجن تجيلي
هدالي حيلي .. العتاب


يريحانة رسول الله
عزيزي مودع اب الله

ابه ياحسين
— —
مادارة ابوي الضهر
انة الزغيرة
بلكت يديرة..الضهر


خلاالي دمعة وقهر
ياريتة يرجع
من شوفتةاشبع..نضر


تمر الناس من يمي
يغالي وزيدو همي

ابه ياحسين
— —


ما اگدر اغفه ونام
ذبلانه عيني 
وزايد ونيني ... عليك


يابويه ابعث سلام
انه العليله
ياهو ارتجيله  ...  واجيك

مشه ضعنك يگلولي
گلت بلكت يردولي

ابه ياحسين
_ _

حسين الفاطمي

#بعيداً_عن_التكلف_الشعري
#رزقهم
#ارتجال_١١:٠٨م


يوم يوم امنيتي اكبر
اله من يگرب محرم..امنيتي ارجعلك صغير
حته اقدم شكو بيه وخل يصير الي يصير
وابدي احضر خشب خيمه
انوب احاچي امي تدايني عباية
قماش للخيمه تصير
اوياك اغمض وافك جيبي
وجفك بجيبي يدير
وابقه ادور جيوبي ابوي الخرده المهه
الخرده من تدخل الموكب..گبل يتغير اسمهه
..تصيرك خيرك..شكبره اسمهه
وروحي خرده..راح اذبهه وي صناديگ المواكب
بلكي تحسبني اعلخيرك
وانته خيرك لاله حد ولاله اخير
راح اذبن روحي خرده وخل يصير الي يصير
راح اغير وضعي كله
وابدي افز وي صوت طگات استكاين الاربعين
ووجهي ما اغسله امن افزن
لاااا...لا احط لوجهي طين
لو اذبح شمر البروحي..لو اجرحك يا حسين
جنت وي چايك افور
وقبل لا اعرفهه قصتك
جرس نوگ ضعونك براسي يدور
وهسه ما اسمع الصوت امن القصور
امنيتي ارد لبيت اهلنا
الجان من ينفطر حايط..نركض انعلگ اصورّك
حته لا تمشي الفطور
امنيتي اعيش بفطرة امي
من تفك شيلتهه بالطرمه وتزور
جنت اشمر عالشمس سني واگول
يا شمس بدليلي سني بسن عقل
وحلمي كله گلبي اشمرنه عليك
وابدي اگلك بدله الي بگلب الطفل
طلبي اصغير قبل جية محرم
وانته احسانك جبير
فدوة رجعني لفطرتي وخل يصير الي يصير

الشاعر مصطفى سلمان
يكــولــون اليــحـب يــنــذل
اشــو كــل مــا احــبــك حــيــل
اصيـــراًواحــد مــعــدل...

للاستفسار ( @MUSTAFAsalm )#
https://www.tgoop.com/Abadzenab

ثگيل الى مولاي مهيج احزان الطفوف
علي ابن موسى الرضا (ع)
لاستقبال محرم الحرام

_______________
گلب خادم اجالك
دمع وابهم بچالك
رزق خدمة محرمه
عبد حر وارتجالك


حزمنة المحرم
>>>>>>>>>>>>>>>>
گلب متعوب اجه البابك .... اسير ودمعتة ابخدة
گرب شهر الهضم والاه .... وحيلي ردتك اتشدة
نخيتك سيدي وارجاك .... لا تخلي العبد وحدة



اجت مخنوگة روحي
وازيد ابهم جروحي
احب طاري المجالس
طلب زيدلي نوحي


حزمنة المحرم
<<<<<<<<<<<<<<<<<<<<<
مدد ها يالرضا والعون.... ماضن خادم اترجعة
اريد السمعة بين الناس .... خادم جدك السمعة
لحسين الدمع مريود .... انريدك تقبل الدمعة



بقة اعلة الغبرة عاري
ابو اليمة ابصاحري
بهموم وبواجي
الدمع عالخد يجاري

حزمنة المحرم
<<<<<<<<<<<<<<<<<<<<<
يالمهيج حزن لحسين .... جمرة ومن خيم زينب 
يسلطان الدمع والنوح .... بالمجلس اريد انحب
والله امن الذنب مولاي .... مو شعري الگلب شيب




عمت عيني ابخضابة
حبيبي اعلة الترابة
والطفلة الزغيرة
تصيح الحگ يبابة


حزمنة المحرم
<<<<<<<<<<<<<<<<<<<<
حزمنة لشهر عاشور .... لمحرم خادمك عينة
ابلطم وانياح مايهدة .... گالو ضيع اسنينة
الضحة ابأهلة واطفالة.... وشبابي فدوة لسكينة



اجالك گلبي ضايع
تهل عيني المدامع
سوالف عن محرم
جرت بيه الفواجع


حزمنة المحرم
<<<<<<<<<<<<<<<<<<<<<
گلبك ما يرد گلوب .... الخادم بالحزن يربه
غريب ابطوس متغرب .... وغربه كربله غربه
نحسب للدمع ايام .... وساعة عاشرك صعبة




يمولاي الصراحة
التعب بالخدمة راحة
نحسب بالاصابع
على ايام المناحة


حزمنة المحرم
>>>>>>>>>>>>>>>>>>>>>>>
حسين الفاطمي
اللحن 👇👇

#راعي_الصعايب
#نزال_لمولاي_القاسم



حي الله جاسم حي الله جاسم

حي الله جاسم سيف ابوه البتار
راعي الحرايب لو علت بيهه النار
جاسم لهـاشم هاشم ازلام حـيود
والزود من جده الرسول المختار

ما ثنه ضربه و وحده ضربة سيفه
يتخير الروس الصعيبـه ابـكـيـفـه

حي الله جاسم حي الله جاسم
______________________________

جسـام فارس لو تلاگـت صـوبيـن
يشمرهم و يتنـخه يا زود حـسـين
البيـن منه تخـاف مـعروفه الـناس
بس ابن هاشم خاف من عده البين

يخلس البين و يرتجز بالحـومه
زلمة الكلفه الواضحات اعلومـه

حي الله جاسم حي الله جاسم
______________________________

راعي المـضايف و الكـرم و الـدله
يثني المعسره وتغدي يمه السهله
فوگ الشجاعه الكرم صاير عنوان
عالـي المـجود و يا بـشـر يـوصله

راعي الصعايب والكلايف دوره
لحسين گله الروح الك منذوره

حي الله جاسم حي الله جاسم
______________________________

من يعله مهره و يدخل عله الميدان
تطبگ الحومه و خيل تسحگ فرسان
بس ابن هاشـم يبـقى بيها الخَـيـال
تـردم أجـموع الحومه لو جر عـنـان

لو جـر العـنان و لكـدهه المـهره
اول الجيش يصـير كله بـظهره

حي الله جاسم حي الله جاسم
______________________________

من يحدب المهره و يصول بزوده
الثـوب يـتـچوه بـضـريم زنـوده
موعود جان ابهاي الايام البـيض
والبيض چـانـت للـشبل موعوده

مضموم للصعبه اليردهه العيله
مثل البرق لو فات راكب خيله

حي الله جاسم حي الله جاسم
______________________________
#راعي_الصعايب
#نزال_لمولاي_القاسم
#ابو_نوح_الكناني

www.tgoop.com/abonoh1

يالخدام انتو اول وادم ماعدكم شكوى اعله الحاكم
والي تخدمونه بكلشي تلاكونه
■■■■■■■■■■■■■■■
اول بشر للينخدم ماملو امن الخدمه
يخدمونه بس وقت الذنب يلكونه باب الرحمة
هي الحقيقة المنذبح منطيهم شگد نعمه
خدمتهم الشمعة وقبل دنياهم شگد ظلمه

وسيذكُرنا السوادُ والحزنُ ضَرباتِ الظلوعِ
واذا بالقلبِ نارٌ تُشعلُ منها الشموعِ
خُدامُ المظلومةِ والمظلومةُ دامت اميره
فحديثُ المسبيةِ فينا هلالُ للدموعِ

عدهم زينب مو مسبية علوية ودامت علوية
بيهم خيعونه بكلشي يلاكونه
■■■■■■■■■■■■■■■
من مال الحسين العزا محد دفع من مآله
وحتى الخدامه بيها اجر محد يعد افضاله
اجرك قبل جفةِ العرگ والدمعته همآلة
ايحسبه من ضمن الخدم ويحسبه من اعياله

لن يفهمكَ الاناسُ والحقُ انتَ ب الاسمِ حاكم
اذ انتَ للأيتامِ والمسكينِ والمحتاجِ خادم
ف رفضنا العقليةَ دامَ الجنونُ فيكَ جائز
فبديعُ العقلِ جُنونٌ في الحُسينِ والمآتم
بحسينك مادامك هايم كل العقل العندك سالم
لمن تدعونه بكلشي تلاكونه
■■■■■■■■■■■■■■■
شامة الخدم فوك الارض والكل تباوع ليهم
هنيالِهم خدموشخص هو الي يبجي اعليهم
وشما يعوفون الدرب يسحبهم امن ايديهم
ما يحجي اي كلمة فقط عالمجلس يدليهم

لن ينتهي المصابُ والحزنُ ذاكَ يومٌ بعيدُ
ما دامتِ السماءُ في المغربِ حمراْ تزيدُ
فكمالُ الكفينِ مروراً على الصدرِ تُضارب
لِوصالِ المعشوق دموعُ العزا وسطَ البريدُ

ياخدام بيوم العاشر حاكمكم فايز ماخاسر
وانتو تعرفونه بكلشي تلاكونه

■■■■■■■■■■■■■■■■

دلوني وين المثله اكو بس(الحسين) المثله
هيهاته مو لجلِ الحكم هيهاته من الذلة
حاكمكم يوزع ضوه وين اكو حاكم قبله
لوخادم بغلطه مِشه ستراٍ بطيف يگله

لاتنثنون قطعاً فمادام الهوى حُبَ الحسينُ
والطوعُ لِلمعشوقِ فرضاً انهُ السبطُ الأمينُ
لازلتُمْ تتخِذون الليلَ دهوراً للسوادِ
ومحرمُ فيكمُ يشهدُ كيفَ المنظارو الحزينُ

كل واحد من عدكم ينعد الگلب ابيض والثوب اسود
ماي تشَربونه بكلشي تلاكونه
■■■■■■■■■■■■■■
خادم سألته الياسبب تخدم ابنادم منذبح
رد جاوباني بس سأل يافتره ماشفت الصبح
قائدنه الحسينِ الذي علمنا بالحبِ الفتح
يدعي السلامتنه وبعد نص نحره بي ماشي الرمح

لاينطوي الكتابُ والذكرُ أننا مُذ عشقنا
لِحُسينِ الذلِ عباداتٍ وفخراً اتفقنا
اصبحنا احجيةَ والاحجيةَ تهوى جواباٍ
ولغيرِ بابهِ المذبوحِ قطعاً ماطرقنا

واليدعي بغيرة يضل طايح بس انتو تعرفون الواضح
حي تشوفونه بكلشي تلاكونه

احمد رحيم

اللحن👇

اعظم صلاة في يوم الغدير لاتفوتها"
https://youtu.be/X1fCHaudN4U

#شور_عشگ

يحسين ببياض الوجه..رايد الاگيك
بس دنيتي تهزلي الگلب..هز الكواريك

رايح..گلبي يا جاي
عايش..بس بلا راي
ثبّت..خدمتي وياي
ياحسين(ابدي بسم جروحك)

وحته لو عثره البداية...المهم حسن الخاتمه
ليه ثبت قدم صدق..بدمعي اليسر فاطمه
يا ضباب يغطي شمسه..الشافك بروحه سمه
الجابلك گلبه واجالك..هذا جاب الغانمه

اسمك..عوذه وياي
حزنك..حرزي مولاي
____________________________
بتوزيعك امرادي انچوي..ولمرادي ممنون
دخانك يدلي الدرب..ما يعمي العيون

تفرق..عن الاسياد
كلشي..منك امراد
حته..املوحة الزاد
ياحسين(املوحه بسم جروحك)

بيت طين وشايل اسمك راحته تعادل قصر
والعگدلك طرف راية اتصيرله الرايه ذخر
اليحترگلك مچوي گلبه بماي جربة ومو جمر
انه ما شايفلي خادم الناس تخدم بي عمر

جمرك..ابروده وفياي
حزنك..حرزي مولاي
_________________________________
ميهمني لتريده البشر..ويهمني لتريد
يحسين طينة تربتك..عرفان اجاويد

طينك..يحيي الگلوب
وثوبك..مثله يا ثوب
خله..بيتي مجهوب
ياحسين(بيتي بسم جروحك)

لالي جاه ولا لي چلمه وطينك الغيرلي حال
البواچي البيهه زينب مصنع اگلوب الرجال
ما محضر روحي احبك حبك بگلبي ارتجال
خدمتك مطلع قصيدة انسه وتگلي تعال

انسه..ويعرض الماي
حزنك..حرزي مولاي
____________________________________
ماخذني عوزي..ومقصر وياك
عندي اغله شي مي گصتّي..ومي گصتي جواك

گصتي..وميها جواك
يل ما..شفنه مگفاك
دربك..بس هلا وهاك
ياحسين(الهلا بسم جروحك)

سوگ ماي اوجوه ناسك تشتري باغله ثمن
الباعلك مي كصته شامخ جن منارات الصحن
انته المقايض دموعي بعزوة وواخوان ووطن
الرمح غص بكرم راسك نحرك اربات الحسن

لگصتي..وميها شراي
حزنك..حرزي مولاي
______________________________________
ما ارد اواسي بمجلسك..برغم المواساه
المحسوب من اهل العزه..بحزامه تلگاه

احزامي..خله مشدود
اخلافك..كلشي مسدود
اليبچي..نحسبه چادود
ياحسين(احزامي بسم جروحك)

اعگال خدامك حزمهم ما تطيح وتنرفع
كافي ادگ ضلعي اعلكيفي وانته رايحلك ضلع
للحرگ سوو الشمعه ابلا حرگ وين النفع
وگلبي مخلوق لحرگتك للنعاوي وللدمع

احرگني..ونارك هواي
حزنك..حرزي مولاي

مدري شلون صارت هاي
ماي وما يحصل الماي
لا والصعبه تهضمني
مالاكيله خيط فياي


والله صعبه
الكاع تشرب دم الي سواهة تربه
والله صعبه
ضعنه يرجع كله حيره بنفس دربه
والله صعبه
منين مايندار سهم الي يصوبه

___

عيال حسين عطشو حيل
بديره ما تدخل ادخيل
حارت بل خدر زينب
لو تمشي توكف الخيل


لكافل وين
بعازت العباس ضلو وعازت حسين
لكافل وين
لكافل علا الشريعه بلايه جف وعين
لكافل وين
لكافل طاح بس كبر حسين سنين

__

مصيبه مصيبه جرتهم
عيال بغربه وحدهم
بس الغربه تشمت
وبس الروس تنضرهم


عيال حسين
أزغار كبار ايد ابيد مشدودين
عيال حسين
بعد حسين وادم كلها شمتانين
عيال حسين
من الطف لحد الشام يتنفسون بس ميتين

_

المحابس ولخنصر راح
والملابس باكها الذباح
العطش منباك من حسين
ضل بيه بس عطش وجراح


لا ما راح
العطش بحسين ضل بحسين لا ماراح
لا ما راح
الفطر لبشفت العطشان بكل مصباح
لا ما راح
كلشي راح
الجسم مابيه اضفر سالم من جراح
@@@@
حسين كريم اللامي

متحزم بجفيته هد عله الجيش
يمه الوصل ما مات من ضربت سيف
حيله انهدم لمن وصل يم عباس
عباس يخزرهم يطيح اعله الكيف

يم النهر..طشر المل مومه ..وشرد زلم
بطيف السفر ..وقع عله الحومه..ويلمع نجم

*************************

ها يا جمال انكتب من وجهك ماي
عطشان بس من كصتك تروي الكاع
وجفوفك الحلوات ينكطعن ليش
أتكطعن لحسين صارله شراع

حيل الزلم..ياعجيد الحومه..وسيفه فحط
الجيش انهدم..الفحل لم هدومه..وريجه أنشحط

************************
ياساقي ساقيهم وفه لا مو ماي
يعطش نهر لو اجه طاري العباس
يل عزبت بجفوفك الئجل حسين
ضامي وتحارب بل جيوش الانجاس

راعي الوفه..غير ابن بدويه..ام القمر
ما أوصّفه..ديرة للحنية..سبع النهر

*************************
الغيم انثلم من شاف طول المهيوب
يتثلم شما شاف بل كاع الخير
غار النهر من جفه چي شال الماي
چي ما شرب حس روحه كلها تقصير

عيونك وطن..لملمتنه بفيها..يا ابو الستر
خيمه وحزن..جن بواجي سكينه..بهاذه العسر

**************************
عل كنطره ماخذه ابن حامي الجاه
معروفه صولتكم يسيد النوماس
غيره وشجاعه تفرزنت بل عباس
شيخ الفرات يصير ابن خير الناس

ديرة بخت..ال هاشم بيهم..ومصدر عشك
الغيره استحت..من يجي طاريهم..ومعنا الصدك


حسين كريم اللامي

هلال مجيئك حافر بالعاشر تجيبه
هلال مصايب جايب مو وحده المصيبه
هلال حُسين ابجيتك شيباته خضيبه

مضيعلي جم نجمه من هلتك
يالماخذ النعمه وي جيتك
ومعزبك خذته ميت عطش
يهلال اسألنك عن غايتك؟
بسم الله
كلشي ما خليت من عياله
كل قدومك يتماها اطفاله
جسمه كله ابساط واحمر لونه
كثر ما سحكت عليه خياله
■■■■■■■■■■
دلال ..رحل وي جيتك والحره الاميره
دلال .. مشه وبالعاشر خلوها الاسيره
دلال..رقيه اعله الدم صدكني زغيره

ماتكطع ارقية من الدمع
لو ينكطع دمعه ايموت الشمع
تاذيها بهلالك راس ورمح
ممخلي للوالد سالم ظلع
بسم الله
باوعت بالسبي رأسه اوياها
اتذكرت هو الصبح باساها
كلمت راسة وتكله شلونك
والحسين بعينه من حاجاها
■■■■■■■■■■
عتاب ...تموت الغيمه وكل شمسك جريبه
عتاب.... تكلمك حره وبهلالك غريبه
عتاب... ولو ماينفع بالكاتل طبيبه

والصعبة يوم الطف كلشي صعب
من ذبحة الكافل ضاع الدرب
زينب حجت كلمة بوقت السبي
مو من عوايدنه نماشي الغرب
بسم الله
يوم واحد من محرم شافت
جن على جثة حسين وطافت
وذرة عن وذرة متر مكطوعه
ومنها للمنظر ابد ماعافت
■■■■■■■■■■■
حبال اجن وي جيتك غايتهن مآسي
حبال جفوف الحره المطلوب الأساسي
حبال اكيد يريدن بالطف الكراسي

مايرهم اوياهن ضك الحبل
بسمار اضن جانن ضد الطفل
ياوادم التمن مثل العثك
اي وحده تتعثر ثق تنوكل
بسم الله
كل محرم يعبر يبجيهن
ولو هنه الذكره شينسيهن
لاكن اكثر شي مجيئك مغرب
ياهلال اشمالك اتأذيهن

احمد رحيم

كل اعضاي وگلبي ليك انملك
يا شيخ اعللساده اتوسلك
لو بكنوز الدنيا ما بدلك



ياعشگ ايامي خليني اعتنيلك 
مد علي ابخيرك واشرب من سبيلك
ارد اجيك مدنگ خليني ذليلك



يا محبوبي ... ستري وثوبي 
انته ملهم روحي
همي اشكيلك... والله ابچيلك
يادوه اعله اجروحي
>>>>>>>>>>>>>>>>>>>>>>>>>
مشتاگات عيوني الفي گبتك
ضعنه وشفنه الحب بنص رحمتك
خسرانات عيوني لو عافتك



بالشدد من ضاگت مديت انته ايدك
انته اول واحد تعطف وي عبيدك
كلهة اريد اخسرهه وبس انته اريدك



بحبك طامع .... باسمك شابع
خل اضيع ابحبك
هاي الخدمه .... اصل النعمه
صرت والله ابدربك
>>>>>>>>>>>>>>>>>>>>>>>>>
يامحبوبي وروحي وكل الايام
بكل صورة تضل ساهر ما ترضه تنام
وعيونك بالصورة تضل عالخدام



نضره من عيونك هاذه كل طموحي
روحي باسمك سجلهه وزيد جروحي
روحي إذا متريدك ماريد انه روحي



وي خدامك ... كل ايامك
واهب الهم نعمه
حبنه الأول .... كلشي اتأمل
وياك تحله الخدمه
>>>>>>>>>>>>>>>>>>>>>>>>>>>
لو ما اذكر اسمك ماتغفه العين
لو سئلوني شلونك ماگلهم زين
يا لون يضل بيه ومسلوب حسين


من الأسوء لفضل حزنك غيراني
منفطر دلالي ودهري لوعاني
اقسملي وي اطفالك بلكت اركض اني


ينفذ صبري .... غايه عمري
مر علي بحلامي
فدوة ادموعي .... كسر اضلوعي
ياعشگ ايامي
>>>>>>>>>>>>>>>>>>>>>>>>>
ما تنراد  الكعدة المو يم  طرواك
ادعي امن الله سنيني اگضيهه وياك
ولو انسه الربوني هم ما انساك


ياحبيب عيوني يامصدر نجاتي
نذر كل سنيني و واهبلك حياتي
سهم نحرك قبله ودلاني بصلاتي


اسمك ايه .... عندي حجايه
يا حزن اهاتي
ماكف حزني .... وما خف وني
يامحل دعواتي
>>>>>>>>>>>>>>>>>>>>>>>>
حسين الفاطمي