tgoop.com/mstfa45/891
Last Update:
كل اعضاي وگلبي ليك انملك
يا شيخ اعللساده اتوسلك
لو بكنوز الدنيا ما بدلك
ياعشگ ايامي خليني اعتنيلك
مد علي ابخيرك واشرب من سبيلك
ارد اجيك مدنگ خليني ذليلك
يا محبوبي ... ستري وثوبي
انته ملهم روحي
همي اشكيلك... والله ابچيلك
يادوه اعله اجروحي
>>>>>>>>>>>>>>>>>>>>>>>>>
مشتاگات عيوني الفي گبتك
ضعنه وشفنه الحب بنص رحمتك
خسرانات عيوني لو عافتك
بالشدد من ضاگت مديت انته ايدك
انته اول واحد تعطف وي عبيدك
كلهة اريد اخسرهه وبس انته اريدك
بحبك طامع .... باسمك شابع
خل اضيع ابحبك
هاي الخدمه .... اصل النعمه
صرت والله ابدربك
>>>>>>>>>>>>>>>>>>>>>>>>>
يامحبوبي وروحي وكل الايام
بكل صورة تضل ساهر ما ترضه تنام
وعيونك بالصورة تضل عالخدام
نضره من عيونك هاذه كل طموحي
روحي باسمك سجلهه وزيد جروحي
روحي إذا متريدك ماريد انه روحي
وي خدامك ... كل ايامك
واهب الهم نعمه
حبنه الأول .... كلشي اتأمل
وياك تحله الخدمه
>>>>>>>>>>>>>>>>>>>>>>>>>>>
لو ما اذكر اسمك ماتغفه العين
لو سئلوني شلونك ماگلهم زين
يا لون يضل بيه ومسلوب حسين
من الأسوء لفضل حزنك غيراني
منفطر دلالي ودهري لوعاني
اقسملي وي اطفالك بلكت اركض اني
ينفذ صبري .... غايه عمري
مر علي بحلامي
فدوة ادموعي .... كسر اضلوعي
ياعشگ ايامي
>>>>>>>>>>>>>>>>>>>>>>>>>
ما تنراد الكعدة المو يم طرواك
ادعي امن الله سنيني اگضيهه وياك
ولو انسه الربوني هم ما انساك
ياحبيب عيوني يامصدر نجاتي
نذر كل سنيني و واهبلك حياتي
سهم نحرك قبله ودلاني بصلاتي
اسمك ايه .... عندي حجايه
يا حزن اهاتي
ماكف حزني .... وما خف وني
يامحل دعواتي
>>>>>>>>>>>>>>>>>>>>>>>>
حسين الفاطمي
BY قصائد مصطفى صادق اللامي
Share with your friend now:
tgoop.com/mstfa45/891