tgoop.com/mstfa45/861
Last Update:
ثكيل لمولاتي العليله (عليها السلام )
الونة ثجيلة ... بنيتةالعليلة
وانة ارتجيلة... امشي وياه
_ _
يا سند عمري وحياتي خلني بحضانك ابات
حسبت امشي يبوية حالي من حال البنات
لاتركبني اعلة محمل اكعد ابصف الخوات
يا عزيزي اخلاف عينك ماكو معنة للحياة
ميتة بغيابة... كلة مهابة
حرك ركابة... زيدني اه
_ _
من يسافر علة الموعد انة ابقة ساهرة
اغفة ليلية وافزن وابقة ليه امناطرة
شو اشوفن كل خواتي صفة وانة مكترة
انة كل ضني اروحن ما اضل امحيرة
غركن عيوني... خابت ضنوني
ذبلت جفوني... من البجي
_ _
نزلت الدمعة ابعيوني وابجي لمن سافرت
ابعتبت الباب انة اوكف بوية ليك اتنطرت
ما تكلي صعدي بتي هالكلام انة ردت
انة بغايبك يروحي هجرتني وهاجرت
يالماخذتني... يالودعتني
لمن عفتني... انغة عليك
_ _
من وكفت اباب داري الناس كلهة اتنوعت
كامو ويحجون عني هاي هية الما مشت
ليش عفتوني ومشيتو وليلي كلة انة انحبت
انةكمت ابجي يغالي وروحي من كلبي اطلعت
انة ابونيني... ولهفت حنيني
ما جن تجيني... وية العيال
_ _
حسين الفاطمي
BY قصائد مصطفى صادق اللامي
Share with your friend now:
tgoop.com/mstfa45/861