📖 #የመራም_ማስታወሻ
           ክፍል ~ ➊➐
✍ ፀሀፊ ☞አሚር ሰይድ


...ቤታችን አብሮኝ እንዲሄድ ብዙ ለመንኩት አሻፈረኝ አለ እሺ ልጆቹን ይዘህ ወዴት ነዉ የምትሄድ?? ስለዉ መሄጃዉን አያቀዉም ብቻ"እግሬ ወደመራኝ ቦታ እሄዳለሁ ቤቴን እንደሆነ ሚስቴ ሽጣ በመጠጥና በጫት ጨርሰዋለች"አለኝ

...ከልቤ አዘንኩ አባቢ ግድ የለም አብረን እንሂድ ከበላነዉ ትበላላቹህ፤ ከምንጠጣዉ ትጠጣላቹህ፤ ደስታቹህ ደስታየ ሀዘናቹህም ሀዘኔ ነዉ።
አንተ የወለድካቸዉ ልጆች ለኔ የሞተዉን ወንድሜን ማስታወሻ እና የሞተችዉ እናቴ ቅሪት ናቸዉ ..ወንድም እና እህቴችን መልሰህ አትንጠቀኝ !!!እናንተ አብራቹህን መኖር ከጀመራቹህ ቤታችን ይደምቃል የሰዉ መድሀኒቱ ሰዉ ነዉ ደሞ እነሪምን አስብ አልናፈቁህም እንዴ???.....አባቢ አብሮኝ ቤት እንዲሄድ በስንት መከራ አሳመንኩት ...ከተወሰነ ደቂቃ ቡሀላ አብደል ከሪም ከአዲስ አበባ በመኪናዉ የምሰራበት ቦታ ደረሰ ... አባቴን አገኘሁት አብደል ከሪም ብየ በደስታ አስተዋዉቄዉ አብረን ወደ ቤት ሄድን

ቤት እንደደረስን የቤቱን በር ስናኳኳ ሪም የአብዲን መምጣት በጉጉት እየጠበቀችኝ መሆኑ ያስታዉቃል ፊቷ በፈገግታ ተዉቦ በሩን ከፈተችልን።

....አባቢ ሪምን ሲያያት ደነገጠ ሪምም ያ ፈገግ ያለ ፊቷ ሆምጣጣ ሎሚ የመጠጠች ይመስል በአንዴ ኩስትርትር ብሎ ቲማቲም መሰለ ደነገጠች "አአአአ... "ምን ብላ ትጥራዉ ??አባቢ ሪምን ይዞ ልቅሶዉን ቀጠለ ጩኸቱን የሰሙ እማማየ በፍጥነት ወደኛ መጡ "ምንድን ነዉ? ምን ተፈጠረ..."አሉን አባቢን ሲያዩ እማማየም ..አልሀምዱሊላህ እንኳን ደህና መጣህ ያልሞተ ሰዉ ይገናኛል ብለዉ እቅፍ አደረጉት

..ከዘም አዩብ መጣ አባቢ በናፍቆት ሪምንና አዩብን አቅፎ የደስታ አይሉት የሀዘን ለቅሶ ያለቅሳል "እማማየ ኑ ወደዉስጥ ግቡ"ስትል ነበር ሪም" ጮክ ብላ ምን እንደተከየለባት አላዉቅም...አንተ ማን ነህ? "ብላ ከአባቢ እቅፍ ወጣች

ሪም አባቢ መሆኑን አላዉቅ ብላ ሳይሆን ይሄን ያህል ጊዜ ስለጨከነብን አባቴ ብሎ ለማለት ከብዷት ነበር ማን ነህ ያለችዉ.....
---->>>>> አባቢ ደነገጠ ምን ይበል "ሪሪሪሪሪ"ስሜን እንዳትጠራዉ ብላ ወደ ቤት እየሮጠች ገባች፡፡ እኔም ተከትያት ከገባሁ ቡላት እያለቀስኩ ሪምየ የኔ ዉድ አባታችን ነዉ አልመቸዉ ብሎ እንጂ በኛ ጨክኖብን አይደለም ያን ያህል ጊዜ ስንሰቃይ አይዟቹህ ያላለን አታይዉም ሰዉነቱን ያግርማ ሞገስ የነበረዉ አባታችን እንዴት እንደሆነ እና ተመችቶት ይመስልሻል ከኛ የራቀዉ??? ደሞ አባት ምንም ቢሆን አባት ነዉ፡፡ እዉጭ ያየሻቸዉ አንድ ወንድ እና ሴቷ ልጆች ወንድምና እህቶቻችን ናቸዉ፡፡ አባቴ ስም ያወጣላቸዉ ፈይሰል እና ለይላ ብሎ ነዉ... አየሽ እህቴ የቤተሰብ ፍቅሩ ልቡ ላይ አለ ግን አላህ ሁን ያለዉ ሁኗል ... በአላህ ሪምየ እኔ አዉፍ ብየዋለሁ አንችም አዉፍ በይዉ....... ብየ በስንት መከራ አሳምኘ ይቅር እንድትለዉ አደረኳት
ሪምና አባቢ አዉፍ ተበባሉ በጣም ደስ አለኝ አዩብም ያለ አባት ፍቅር አድጎ የአባቱን ፍቅር አሀዱ ብሎ እየጀመረ ነዉ .....አንዴ አባቢ ጋር አንዴ አብዱ ጋር
ታናሽ ወንድም እህቶቹ ጋር ሲጫወት ቤቱ የሌለ ፍቅር በፍቅር ሆነ

....በዛሬዋ ቀን አብዱንና አባቢን አገኘሁ ያ!የቀዘቀዘ ቤት በሳቅ ደመቀ ቤተሰባችን ከድሮዉ በጥፍ ጨመረ
.... ለአላህ! ክብር ምስጋና የተገባ ይሁን።
ምንም ነገር ቢሆን እንደነበረ የሚቀጥል የለም ሁሉም በጊዜ ዉስጥ ይቀየራል ያጣዉ ሲያገኝ ያገኘዉ ሲያጣ፤ ከተከፋዉ ሲደስት የተደሰተዉ ሲከፋ፤ የታመመዉ ሲድን የዳነዉ ሲታመም፤ ሂወት ስትመር አንዴ ስትጣፍጥ፤ መወለድ፤ መሞት፤ማግኘት፤ማጣት፤ማልቀስ፤መሳቅ.....በቃ ሂወት እንዲህ ናት ዝብርቅርቅ ብላ ለመግለፅ የማትመች!
አብዱም ግን መራም ልጆች እንደዚህ ሲንጫጩ ደስ አይልሽም? አለኝ
...አዎ በጣም ደስ ይለኛል
........ግን ምን እንደተመኘሁ ታቂያለሽ መራም?
.....ምንድን ነዉ??
...........የኮምቦልቻ ልጅ የነለይላ ቤተሰብ የሆነችዉን ልጅ ጋር በትዳር ተጣምሮ ደስታ የሆነ የትዳር ሂወት መስርቶ መኖር አለኝ
.....እኔም ኢንሻ አላህ ሁን ያለዉ ይሆናል አብዱ አልኩት


አሁን የምንኖርበት ቤት ጠባብ ስለሆነ አብዱ ሀሳብ አመጣ ...ኮምቦልቻ ላይ ቤት ተከራይቶ አባቴ ልጆቹን እንዲያሳድግ አዩብም አባቱ ጋር ከታናሽ ወንድም እህቶች ጋር አብሮ መኖር ጀመረ ...ሶስት ልጆች ነበርን አሁን አምስት ልጆች ሁነናል...የሞተዉ ፋይሰል እና እናቴ አሁን በተወለዱት ወንድምና እህቶች ማስታወሻ አገኘን ....
ሪም እነሱ ጋር እየሄደች መንከባከብ የሷ ስራ ሆነ

...ከተወሰነ ጊዜያት ቡሀላ እኔና አብዱ ለመጋባት ወስነን ደስ በሚል በኒካህ ፕሮግራም አድርገን አልሀምዱሊላህ አብረን የመኖር ጎጆ መሰረትን .. እንደአጋጣሚ ከአብዱ ጋር አላህ አገናኘን ለኔም ለቤተሰቦቼም ከአላህ ቀጥሎ የዱንያየ መከታ የችግሬ መፍቻ መፍትሄ ሆነን ቤታችን በድጋሚ አሸበረቀ
ግን ምን ይደረጋል የኔ ደስታ ሁሌ አትጨምር የተባለ ይመስል እኔና አብዲ ከተጋባን ከአንድ ሳምንት ቡሀላ ሁሉም ነፍስ ሞትን ቀማሽ ናትና እማማየ ሳይታመሙ ድንገት ሞቱብን አለቀስኩ ወደኩ ተነሳሁ... ነገር ግን በኛ ለቅሶ ከሞት የሚመለስ ሰዉ ቢኖሮ በተመለሰ ነበር
..እማማየን እንደናቴ ነበር የማያቸዉ ቤት ስገባ የሚቀመጡበትን ወንበር ሳይ ማልቀስ የሁል ጊዜም ስራየ ሆነ


ከአምስት ወር ቡሀላ አብዲም አዲስ አበባ ነዉ የምንኖረዉ ስላለኝ ወደ አዲስ አበባ ለመሄድ እየተዘጋጀን ነዉ..የሪም አብሮ አደግ የሰፈር ልጅ የሆነዉ ሀቢብ ሀራም ከመጀመሩ በሀላል ማሸብረቁ የተሻለ ስለሆነ መጥቶ ሀቢብ እህትሽን ዳሪኝ ብሎ ጠየቀኝ...ሀቢብ ሪምን ይወዳታል የእሱ ታናሽ ነች ከልጅነት ጀምሮ አሳድጓታል ግን ለመጥፎ ነገር መቼም ተመኝቷት አያቅም ..እናም ሪምን አማከርኳት
እሷም እኔ የእህቴን አምር አልጥስም ሀቢብም አብሮ አደጌ ነዉ ጥሩ ልጅ ነዉ መርሀባ ተቀብያለሁ አለችኝ

እኔም ሀቢብ ቀጥታ እህቴን ሳያወራት እኔዉ ለእሷ ብዙ ነገር አድርጌ ማሳደጌን ስለሚያቅ እኔን መጠየቁ አስደስቶኝ ሀቢቤ እስከ ዛሬ እኔ ከእናቴ ሀላፊነት ተቀብየ እዚህ ደረጃ አድርሻለሁ መቼም ታቃለህ ..ከዛሬ ጀምሮ እኔ ደግሞ እናቴን የሰጠችኝን ሀላፊነት ለአንተ ሰጥቸሀለሁ አደራ!!!! ሪምን እንደሚስት አርገህ ሳይሆን እንደ እህትህ እንደ እናትህ አድርገህ ተንከባክብልኝ...ሰዉ ነንና ስህተት አይጠፋም..ሪም ካጠፋች አደራ ሽማግሌ አስታራቂ እንዳትጠራ ለምን እኛ ዘመድ የለንም ሪም ሊከፋት ይችላልና ...አንተዉ ወንድም አባት ሁነህ በመመካከር ሀሳባችሁን የተፈጠረዉን ችግር በወያየት ተግባባታችሁ ኑሩ፡፡
በዚህ የማይፈታ ችግር ከገጠመህ ለሌላ ሰዉ ሳታወራ ቀጥታ ደዉለህ ለኔ ንገረኝ እንደዚህ የምልህ ሪም ታጠፋለች ብየ ሳይሆን ሸይጧን በመሀከላችሁ ከገባ ምን እንደሚፈጠር እርግጠኛ መሆን ስለማልችል ነዉ እንጂ እኔ በሪም ከራሴ በላይ እመሰክርላታለሁ
ስለዉ ሀቢብም በደስታ መርሀባ ቃል እገባለሁ መራም ብሎኝ ሪምም ከሀቢብ ጋር አብሮ የመኖር ዋስትና የሆነዉን ኒካህ አሰሩ..አልሀምዱሊላህ

ለአባቴና ለታናሽ ወንድም እህቶቼ ደግሞ አብዱ አላህ ኸይር ስራዉን ይጨምርለት ኮምቦልቻ በርበሬ ወንዝ ሰፈር ቤት ገዝቶ መናሀሪያ👇👇

አካባቢ ኮንቲነር ተከራይቶ እቃ አሟልቶለት የቤት ሰራተኛ ልጆቹን የምትንከባከብለት ይዞለት እሱም እየሰራ ልጆቹን የሚያሳድግበትን የእርዚቁን ማገኛ አመቻቸለት....

አሁን የቀረን አዲስ አበባ መሄድ ነዉ
....ከአላህ ጋር እዚህ ያለዉን ነገሮች ቦታ ቦታቸዉን የያዙ መሰለኝ አለ አብዱ
...እኔም አዎ አብዲ አላህ ኸይር ጀዛህን ይክፈልህ ምንም የምለዉ ቃላት የለኝም አላህ እኔና ቤተሰቦችን አይቶ እንድደርስልን የላከህ ነዉ የመሰለኝ አልኩት
....እሱም አደራ እንደዉለታ ቆጠረሽ ከአሁን ቡሀላ እንዳታነሺብኝ ለአላህ ብየ ነዉ የሰራሁት ደግመሽ እንደዚህ አረክልኝ ብለሽ አንድ ቃል ለራሱ እንዳታነሺ አለኝ

አብዱ ጋር በራሱ መኪና አዲስ አበባ አብረን ሄድን....አዲስ አበባ በስም የኢትዮጲያ ዋና ከተማ ተብየ ስንማር እንጂ መጥቼም እመጣለሁ ብየ አስቤዉም በጭራሽ አላዉቅም ...እኔ ያሳለፍኩት የድህነትና የስቃይ ኑሮ ስለሆነ አዲስ አበባ እኖራለሁ የሚል በህልሜም ስቶኝ ታይቶኝም አያቅም ነበር..

ወሎ ሰፈር አካባቢ የተንጣለለዉ አፓርታማ ቤቱ ላይ መኖር ጀመርን ፡፡ አብዲ ጋር ያለን ፍቅር ይሄ ነዉ ለማለት ይከብዳል በጣም እንዋደዳለን ሳልሰስት ፍቅር እሰጠዋለሁ እሱም ይለግሰኛል...ፍቅር ማለት ከትዳር ቡሀላ ነዉ ከትዳር በፊት ፍቅር ከተጀመረ የትዳሩ ቀን ያበቃል ትዳር ከጀመሩ ቡሀላ ትዳር መሆኑ ቀርቶ እንደ ወንድም እህት ይሆናሉ በመሰለቻቸት የፍች ቀጠሮ የበዛባቸዉ ብዙ አሉና ..


አንድ ቀን አብዲ የ12 ክፍል ያመጣሁትን ዉጤት ካርድ ይመለከተዋል ...,ከዛም

#ክፍል ➊➑
ይቀጥላል......

Join
https://www.tgoop.com/Islam_and_Science

📖 #የመራም_ማስታወሻ
        ክፍል ~➊➑ የመጨረሻዉ ክፍል
✍ ፀሀፊ ☞አሚር ሰይድ


አንድ ቀን አብዲ የ12 ክፍል ያመጣሁትን ዉጤት ካርድ ይመለከተዋል
..... እህት ወንድሞችሽን ለማስተማር ብለሽ ያቋረጥሽዉን ትምህርት በዲግሪ መማር አለብሽ ብሎ በግል ኮሌጅ በኔዉ ምርጫ Acounting ተመዝግቤ እየተማርኩ ነዉ.....በቅርቡ ደግሞ የልጅ እናት መሆኔ ነዉ ነፈሰ ጡር ነኝ ..
የታገሰ መጨረሻዉ እንዴት አማረ!!! በህይወት ዘመናት የሚፈራረቁ ደስታና ሀዘን የህይወት ሁለት ገፅታዎች ናቸዉ ...ሁሌም ቢሆን ሀዘን በደስታ ሲተካ ደስታም በሀዘን ይቀየራል ሂወት እንደዚህ ነች ፡፡

አላህ ከታጋሽ እና ከአመስጋኝ ብራያዎቹ ያድርገን.....
ስኬት አጋጣሚ አይደለም ..ስኬት የአመለካከት ዉጤት ነዉ ..አመለካከት ደግሞ ምርጫ ነዉ፡፡ ስለዚህ ስኬት የምርጫ ጉዳይ እንጂ የዕድል ጉዳይ አይደለም...ስኬት በህወይወት ዉስጥ በደረስንበት ከፍታ ያህል አይለካም፡፡ ይልቅስ ስንወድቅ ምን ያህል ጊዜ ወድቀን ተነስተናል??በሚለዉ መልስ ያዘለ ጥያቄ ነዉ ስኬት የሚለካዉ ...ወድቆ የመነሳት ችሎታ ነዉ የኛን ስኬት የሚወስነዉ....

አንዳንድ ሰዎች እንዲህ ይላሉ፡-"" እንዲሳካልህ የምፈልግ ከሆነ የዉድቀትህን ቁጥር እጥፍ አድርገዉ ..ሽንፈት የስኬት ረጅም ጎዳና ነዉ ብለዋል፡፡""
የስኬት ብቸኛዉ መለኪያ የሆነ ነገር መስራት ብቻ ከሆነ ..መዉደቅ የሚገፋን ወደ ፊት ይሆናል ማለት ነዉ፡፡
ስኬትን ለማግኘት ብለዉ ብዙ ሴቶች ስኬት እየመሰላቸዉ ብዙ መጥፎ ሀራም ነገር ይሰራሉ ..በጭራሽ ይሄ የስኬት መንገድ ሊሆን አይችልም፡፡ ሴትነት በርካሽ መንገድ የሚረከስበት በሀራም መንገድ የሚሸቀልበት በአላማ በለለዉ ወንድ አላማዋን የምትስትበት አይደለም!!" ሴትነት ማለት በእሾህ የተከበበ እስር ቤት ነዉ..ማምለጥ የማይቻል ለመኖር ደግሞ አንዱ እሾህ ሲወጋ እየነቀሉ እያስታመሙ የሚኖርበት የስቃይ የፈተና ፆታ ነዉ ..ይሄን እስር ቤት በጣጥሰሸ ለመዉጣት መታገስ መሶበር በማስተዋል መራመድ እንጂ ያገኘሽዉ ጋር እነፍሳለሁ ካልሽ ...ያዉ ገለባ ንፋሽ ሁነሽ ትቀሪያለሽ ፡፡

እንደ እኔ ከችግር ጋር ከመከራ ጋር ማደግ ችግር እንዳይፈታ ያደረገ ስብዕና አልብሶ ያጠነክራል፡፡
አንድ ሰዉ በሆነ ነገር ከአንተ የተሻለ ከሆነ ምክንያቱ ሊሆን የሚችለዉ ከአንተ የበለጠ ብዙ ጊዜ የወደቀ እና ተስፋ ሳይቆርጥ ለሽንፈት ቦታ ሳይሰጥ ግቡ ላይ ደርሷል ማለት ነዉ፡፡ አንድ ሰዉ ከአንተ የባሰ ከሆነ ደግሞ ምክንያቱ አንተ ባለፍክበት የሚያሰቃይ የመማር ልምምድ ዉስጥ አላለፈም ማለት ነዉ፡፡
የዱንያ ኑሮ ሲኖር መኖራችን ካልቀረ ችግር የህይወት ጅራቱን ይዞ ወደሆላ ገትቶ የድህነት ጉረኖ ሊደፍቀን አይገባም እኛም ልንፈቅድለት መፍቀድ የለብንም ፡፡
እኔ ሳድግ በቤተሰብ ግጭት አእምሮ ተጨናንቆ ነበር
ከዛም እናቴ ስትሞት ያወረሰችኝ ጥንካሬን ተስፋ አለመቁረጥ ቅንነት እና የወንድም እህቴን ሀላፊነት ብቻ ነበር ከእናቴ መዉረስ የቻልኩት...ነገር ግን ተስፋ የቆረጠ ያገጠጠ የታረዘ የደከመ እኔነቴና ሰዉነቴ በጭራሽ እንዲታይ አላደረኩም እንደዉም የእህትና የወንድሞቼን አደራ ስለተቀበልኩ ብርታቱን ሰጠኝ
የጥንካሬ መለኪያ ሚዛን መሆን ያለበት ፊት ለፊት የገጠመን የህይወት ጥያቄ በአሸናፊነት መወጣት እንጂ ምክንያት በመደርደር በመሸሽና ተስፋ በመቁረጥ ለዚች ለማትረባ ዱንያ እጅ አልሰጥም ብየ በአላህ እገዛ ብዙዉን ያሳካሁ ይመስለኛል

ትናንት የነበረዉ ዛሬ የለም ..ዛሬ ያለዉ ችግሬ ጠንካራ ከሆንኩ ነገ የለም..ለመጣዉ ችግር ሁሉ በአላህ ተስፋ አርጎ አላህን ይዤ አልቸገርም አላህን ከያዝኩ ብቻ መሸሻ መንገድ እንዳለዉ ሁሌም እርግጠኛ ነኝ፡፡

ዉድ የተከበርሽዉ እህቴ ግን ክብርሽን ደረጃሽን እወቂዉ ሴትነት መልክሽን የሰዉነት ቅርፅሽን ችግር ያላየ የሚያምር እጅና እግርሽን ጠዋት ማታ በማጠብ በመዋዋብ ከቤት ስትወጪ የወንድ የሙገሳ ምላስ እና የመንገድ ላይ ፉጨት ፊሽካ ተጠባባቂ አትሁኝ ..ወይም በመኪና መንገድ በገበያ በሚዲያ ዉበትሽን የኔ ነዉ ብለሽ ስትበትኝም ዋዉ አምሮብሻል ስትባይ አመሰግናለሁ ..አይደል አልቀረብህም እያልሽ የወንድ የጫፍ ምላስ ኮመንት አንባቢ የአንቺ ዉበት መገለጫ ሲሆን ሊያሽሞነሙነሽ ልብሽ ጩቤ እንዲረግጥ መቼም አትፍቀጅለት ፡፡የሴት ልጅ ዉበት አላማዉን በረሳ ስራ በሌለዉ ወንድ የሚገለፅ አይደለምና...የአንቺን ዉበት የምወስኚዉ እራስሽ ነሽ አላማሽ የወንድ አድናቆት ከሆነ ኢነማል አእማሉ በኒያ ገና ከቤት ስትወጭ ጀምሮ ፊሽካ ይጀምርሻል በግ ሙቶ ተኩላ ቢያለቅስ ወይም አህያ ሙቶ ጅብ ለቅሶ ቢደርስ ጥቅም የለዉም ሲያደንቅ ፊሽካዉ ሁሉ አንድ ቀን መዘዝ ይዞብሽ ይመጣል፡፡ አባቶቻችን እንዲህ ይላሉ """አህያ ቢሰባ ምኑ ረባ ይቆያል እንጂ አህያ የጅብ ናት""" ተብሏል፡፡ እዉነት ነዉ...አህያ ቢሰባ ቢወፍር ቢያምር የኛ ማህበረሰብ መቼም ቢሆን ለምግብነት አይጠቀመዉም ..ጊዜ ይፈጃል ይቆያል አህያ ከልጅነት ጀምሮ እስከ እለተ ሞቱ ሲያገለግል ሲሸከም ሲገረፍ ይኖራል ከዛም ሲያረጅ ወይ ሲሞት አህያዋን የሚበላዉ ጅብ ነዉ ..እንደዉም አህያ ሲያረጅ ወደ ጫካ ማታ ተወስዶ ይጣላል ለምን ጅቦች እንዲበሉት፡፡ እናም እህቴ አንቺ የተከበርሽ ፍጡር ነሽ ግን በዉበትሽ የምትተማመኝ ከሆነ እንደዚህ እንደ አህያ ማንም የሚወጣብሽ ማንም አምሮብሻል እያለ ቸብ የሚረግሽ ማንም እየመጣ የስሜት ማብረጃ እንዳያደርግሽ ነገ ጂብ የሚበላዉ የአህያ ህይወት ለመኖር አትወስኝ...አህያስ የተፈጠረዉ ለዚሁ አላማ ነዉ ግድ የለም ተሸከመም ተመታም አርጅቶም ጅብ በላዉ እንስሳ ነዉ ነገ የዉመል ቂያማ አፈር ይሆናል ግን አንቺ ነገ የዉመል ቂያማ ተቀስቅሰሽ ለምትጠየቂዉ ጥያቄ ምን ብለሽ እንደምትመልሽ አስበሽ ታቂያለሽ???

በዉበትሽ ተጠቅመሽ ጥሩ አማች ለቤተሰብ ለማምጣት ብር ያለዉ ባል ላይ ለመዉደቅ ብለሽ የምሰሪዉ የመዋዋብ ስራ የሚገጥምሽ ከዉበት መራጭ ሴት አሳዳጅ የሆነ ወንድ ጋር እንደሆነ አዘንጊ..ዉበት አንቺ እንዳሰብሽለት ነዉ በዉበትሽ አድናቂሽ ከበዛ ከአንቺ ችግር አለ ማለት ነዉ ነገ
ይሄ የሚጨራመት የሚያሸበሽብ ዉበት የአንቺ እድሜ ሲገፋ በዉበት ብሎ የገባዉ አባወራ ሌላ ቆንጆ ሴት መፈለጉ አይቀርምና፡፡ ይልቅ ዉበት ይረግፋል የማያምር እጅሽን ፃፊበት ተማሪበት ስሪበት በዉበት ማሰብ አቁመሽ በጭንቅላትሽ አስበሽ ለሌሎች መድረስ ቻይ...የሚያምር እግርሽን ተራመጅበት ሂጅበት ባይሆን ሀራም ቦታ ሳይሆን ቂርአት ለመቅራት ዲነል ኢስላምን ለመማር ተራመጂበት የዛን ጊዜ የሚመጣልሽ የወደፊት አጋርሽ ዉበት ተመልካች ሳይሆን የአንቺን ዲን ስብዕና ጥሩ አመለካከት አይቶ ጎጆ ይቀልሳል የዘላለም ደስታ ነዋሪ ትሆኛለሽ..ካልሆነስ በዉበትሽ ያገባሽ ወንድ 90% የሚያስበዉ አለ ቆንጆ ያገባና በሬ ያረደ ብቻዉን አይበላም የሚለዉን አባባል መቼም ከአእምሮዉ ስለማይፍቀዉ ዉበት ብቻ አይቶ ካገባሽ ቤት ሁነሽ አያምንሽ ..ቤተሰቦችሽ ጋር ብትሄጅ አያምንሽ ..እሱ ሌላ ቦታ ቢሄድ አያምንሽም ለምን ሲያገባሽ ያገኘብሽ ፊትሽን እጅሽን እግርሽን አለስልሰሽ ቀብተሽ እንጂ ልብሽን በኢማን አጠንክረሽ አይደለምና ከዛስ ከዛማ
ካልተማመኑ ፍች ነዋ..የዉበት ወጥመዱ ቆንጆ ያገባና በሬ ያረደ ብቻዉን አይበላም በሚለዉ ፍች ይሆናል👇👇

ግን ወንዶች ሆይ ለሴት ብቻ ማስጠንቀቂያ ሆነ አይደል እስኪ ለእናንተም አንድ የእንስሳ ተፈጥሮን እንድታስተዉሉ ላስታዉሳችሁ ሴት ዉሻ..
ሴት ዉሻ ወንድ ጋር ስትሆን ምን እንደሚያደርጋት አይታችሁ ታቃላችሁ??
እኔ በተደጋጋሚ አይቻለሁ አይታወቅም እናንተ ያላያችሁት ዉሻ እኛ ሰፈር ስለሚበዛም ይሆናል፡፡
አንድ ሴት ዉሻ ያነገር ሲያስፈልጋት አራት አምስት ወንድ ዉሾች እሷ ጋር እንትን ለማድረግ በጣም ይጣላሉ ይነካከሳሉ ከዛ ያሸነፈዉ ዉሻ ሁሉንም ያባርና ወደ ሴቷ ሲሄድ እሷ እምቢ ትለዉና ስትሄድ ሲከተል ጊዜዉን ፈጅቶ እዳዉን አሳይታ የፈለገዉን ሲያገኝ ..ከዛ ትቆልፍበታለች ..እኔ የሚያለቅስ ዉሻ ብዙ አይቻለሁ በቃ ተሰቃይቶ ተሰቃይቶ እሷ በሂደችበት እሩጦ እሩጦ የቀለፈችበትን ስትለቀዉ ልብ እርግት የሚል ነዉ የሚመስለኝ ...ግን የሚገርመኝ አምስት ዉሾችን አሸንፎ እንደገና እሷን በግድ ሳያገኝ እዛ ነገር ላይ ሳይረካ ዉሻዉ ማልቀሱ ያሳዝነኛል፡፡
ግን በሰዉ ሴት በዛ እንጂ ወንድ ቢበዛ ኑሮ ምን ይኮን ነበር???
እናም ወንድሜ ሆይ ለአንድ ሴት የሚዉጀበጀብ የሚያሳፈስፍ ሰዉ ከበዛ ተወት አድርግ ለምን እንደነዛ ዉሻ ተናክሶ ተናክሶ አንዱ ሀራም ላይ የወደቀባት አይጠፋምና .......እናም አደቧን የጠበቀች በዲነል ኢስላም ያደገች ..የጨዋ ቤተሰብ ልጅ ከሆነች ዉሻ አይቀርባትም ለምን ሀራም ፈልጋ ተቀባብታ የቱርክ ልብስ ለብሳ የተወጣጠረ ሂጃብ ለብሳ...ፋሽን ልብስ እየመረጠች የገዛችዉን ለብሳ አትሄድማ ..የሷ አለባበስ ጅልባብ ኒቃብ አንገቷን ደፊ ብዙ የሴት ጓደኛ የሌላት ከሆነች በትርፍ ጊዜዋ ቂርአት ጋር የምታሳልፍ ከሆነ ..ቤተሰቦቿን በስራ የምታግዝ ከሆነች ..ወዳጄ እሷ ጋር ክብር አለ ፣እሷ ጋር ሀያእ አለ፣ እሷ ጋር መዉደድ አለ ፣እሷ ጋር ቀይ የደም ሴል አለ ከሌለም ከቶበተች ችግር የለም እንዳታሳልፍ ...እሷ ጋር ነገ ለምወልደዉ ልጅ ዋስትና መሆን የምችል በተርብያ የማሳደጉ ብቃት አለ፣ እሷ ጋር ለስራ ምክንያት አገር ጥለህ ብትሄድ አማናህን ልጆችህን ንብረትህን የምጠብቅ ብቃት አለ ..እሷ ጋር ቆንጆ ያገባና በሬ ያረደ ብቻዉን አይበላም የሚባለዉ የጃሂል ተረት አይሰራም ..እሷ ነች የትዳር አጋር ምርጫ ማድረግ ያለብህ...
ለምን የዋሁ ትዳር ለማግባት በሚዲያዉ በስልክህ ባለ ፎቶ በምትመርጠዉ ሴት ብዛት የተወዛገብክ የቱን ላድርግ ብለህ ዉዝግብግብ ያልከዉ አንዷን ላግባ ብለህ ወስነህ ዘወር ስትል ከእሷ የተሻለ ሶስት አራቱን ስታይ ሀሳብ ለምቀይር ወዳጄ ሆይ!! እወቅ የአላህን ትዕዛዝ የማታከብር ሴት መቼም ቢሆን የኔን ትዕዛዝ ትቀበላለች ታከብራለች ብለህ አትሰብ!!!!!
አለባበሳ አነጋገሯ አካሄዷ አኗኗራ ከአላህ ትዕዛዝ ዉጭ ከሆነ የፈጠራትን ጌታ ትዕዛዝ ካላከበረች የአንተ አባወራዉን ትዕዛዝ ልታከብር አትችልም.. አደራህን ተጣላሁ እንዲህ ሆነች እያልክ እንደ ባቄላ ንፍሮ እንዳትነፋረቅ ..ወይም ሸይጧኑ አሟሙቆት በጥፊ በካልቾ ብለህ ተከሰህ በሴት መብት ወህኒ ቤት እንዳገባ ..ሸሪአ ፍርድ ቤት አፋቱኝ እያልክ ቡሀላ ጊዜ እንዳትፈጅ አሁን ባለህ ጠባብ ሰአት ጊዜህን ተጠቀምበት !!! ፈጦ የተቀመጠ አይንህን ግለጠዉና አእምሮህ ጋር አቆራኝተህ ዲነኛዋን ጀሊሉ የሰጣትን ዉበት ብቻ የያዘችዉን እንስት ነገ የማለድምበትን በእጅህ አድርግ!!!
ከስድብ ክፉ አቅሙን የማያቅ ነዉ!!!! እናም ሸርጥ መስፈርት ሳታበዛ በአቅምህ በአንተ አቅም የምትኖረዉን ሀዋህን በጊዜ በእጅህ አድርገህ የሙስሊም ኡማዉን ቁጥር አብዛዉ፡፡

ግን ሁላችንም ማወቅ መገንዘብ ያለብን ጊዜያዊ ደስታችን እና የእለት ከእለት ኑሯችን የቀበሮ ፈንጠዝያ እንዳይሆን መጠንቀቅ አለብን ...ቀበሮ አድኖ ከገደለ ቡሀላ ደስታዉ ወሰን የለዉም...የገደለዉን አስቀምጦ በደስታ እየሮጠ በጩሀት ያቀልጠዋል በደስታ ብዙ ስለሚጓዝ ተመልሶ ያደነዉን ሲፈልግ ያጠዉና በእጅጉ ያዝናል፡፡ እናም በሰዉ ልጅ የህይወት ዉጣ ዉረድ ለደስታም ለሀዘንም ልክ ይኑረን በመሶበር የማይገኝ ነገር የለምና፡፡

ማስታወሻየ እዚህ ላይ ጨርሻለሁ ምን ይታወቃል ወልጄ በተማርኩት ተመርቄ አስተማሪ የሕይወት ዉጣ ዉረድ ለወደፊት ካሳለፍኩ በማስታወሻየ ፅፌ ጀባ እላችሆለሁ ለዛሬ በዚሁ ፡፡
ማስታወሻየን ዘጋሁ ...

ተ..............ፈ.............ፀ................መ


@Islam_and_Science

የመራም ማስታወሻ የሚለዉ ታሪክ አልቋል

አስተያየት አልቀበልም😊....ከትንሽ ቀን ቡሀላ የሆድ ዉስጥ ፉም እሳት የሚለዉን በ45 Part የቀረበዉን ለዩቲዩበሮች እና ለሌሎቻ ቻናሎች እንዲመች በመሀል የገቡ አባባሎች ሀዲሶች ተቀንሶ ወደ 25 part size አንሶ አቀርባለሁ...

መልካም ቆይታ

✍ አሚር ሰይድ

✋ አሰላሙ አለይኩም ወራህመቱሏሂ ወበረካትሁ፡፡
አንዳንድ የቻናል admin እና ዩቲዩበሮች የሆድ ዉስጥ ፉም እሳት እዉተነኛ ታሪክ በ45 part የተቀረበዉን በአጭር part አርግልን ስላላችሁ በዉስጡ ያሉትን አባባሎች እና አጭር ምክሮች ተቀንሰዉ እና ሁለቱን part በአንድ በማድረግ ከዛሬ ጀምሮ ይቀርባል መልካም ንባብ፡፡

⚠️በአስተያየት መስጫ ማንኛዉንም ሀሳብ አስተያየት አልቀበልም

✍አሚር ሰይድ

🔺〰〰አሳዛኝ እዉነተኛ ታሪክ〰〰🔺
 
🎖የታሪኩ ርዕስ
😔😢 #የሆድ_ዉስጥ_ፉም_እሳት🔥🔥
      #ክፍል ☞  አንድ 1⃣

✍ ፀሀፊ ☞ #አሚር_ሰይድ



    በሰዎች ዉሳኔና ፍላጎት ምኞት እና ጉጉት ብቻ ተፈፃሚ የሚሆን ነገር የለም የአሏህ ፍቃድ እስካልታከለበት ድረስ.. አንዳንዴ በሰዉ በዘመድ ተከበህ ሰዉ ይናፍቃል. እዉነት ነዉ በአለም ላይ በቢሊየን የሚሆን ህዝብ እያለ የዉስጡን የሆዱን የታፈነ ነበልባል አንድ ሰዉ ላይረዳህ ይችላል...የዚህን ጊዜ ብቸኝነት ማለት ምን ማለት እንደሆነ መረዳት ይቻላል ፡፡

     ዉሀ ላይ ሁኜ ዉሀ ይጠማኛል
     እሰዉ ጋር ሁኜ ሰዉ ይናፍቀኛል
      የያዘኝ በሽታ ወንድም ያሰኘኛል
አንድ መንዙማ ላይ የሰማሁት ነዉ . እዉነት ነዉ ዉሀ ጠምቶህ ጠጥተሀዉ ሆድህ ቢገባም ዉሀዉ ጥምህን የማይቆርጥ ከሆነ
በሰዉ መሀል ተከበህ ሰዉ ሲያስፈልግህ ሰዉ ግን አንተን ለመረዳት ሳይፈልግ በአንተ ላይ የሚሳለቅ ከሆነ ሰዉ መሀል ተከበህ ጥቅሙ የሚሆነዉ የሰዉ ቆጠራ ጊዜ አብሮ ተቆጥሮ አለ ይሄን ያህል አለ ለማለት ያህል ካልሆነ በቀር ....

የተፈጠርንበት ማንነት ዲነል ኢስላም በወንድምነት በእህትነት አስተሳስሮን ነገር ግን ዛሬ ጓደኛ ነገ ደግሞ ጥላት እየሆነ የመጣ ይመስላል. ታዳ መቼ ይሆን ለሰዉ እዉነተኛ ሰዉ የምንሆነዉ???..ለሰዉ ልጅ በሽታዉም ህመሙም ያዉ አላህ እንደቀደረዉ ሁኖ ታንቆም መርዝ ጠጥቶም የሚሞተዉ ያዉ በሰዉ ምክንያት ነዉ ..ምክንያቱም ይህን ዉሳኔ የወሰነዉ መቼም ሰዉ ነዉ እና ጥፋት አይቀርም..አጥፍቶ መሄጃ ሲያጣ በአማከረዉ ሰዉ ወይም ለልብ ጓደኛዉ የልቡን ነግሮት ግን የተናገረዉን ከጆሮ ባልዘለለ ከልቡ ሳያስቀምጠዉ ሲቀር ያኔ ከሰዉ በላይ አላህ ይጠብቀን ሸይጧን ይቀርበዋል ይሳሳታል ይታነቃል ወይ መርዝ ይጠጣል ..ይሄን ዉሳኔ የሚወስነዉ ዱንያን መሮት እንጂ ተመቸቶኝ ብሎ ራሱን የሚያጠፋ የለምና...

በጥናት ዉጤት ስናየዉ አሜሪካ በአንድ አመት ብቻ 25,000 ሰዎች ራሳቸዉን ያጠፋሉ ቻይና በየዓመቱ 30,000 ሰዉ ራሱን ያጠፋል በአለም ላይ በየ20 ሰከንዱ ሰዎች ራሳቸዉን ያጠፋሉ ይህ ማለት በአለም ላይ ወደ በአንድ አመት ሁለት ሚሊየን ህዝብ እራሳቸዉን ያጠፋሉ ማለት ነዉ፡፡

ሁሉም ሰዉ ሊያወቀዉ የሚገባ የማይካድ ሀቅ ደስታ በዲነል ኢስላም አላህ ጋር ባለን ግንኙነት እንደሚወሰን መገንዘብ አለብን..የቁርአንን መመሪያ መከተል ለዚህ ያለእድሜዉ እራሱን ለሚያጠፋዉ እና በሂወት እያለ ሒወት እንደ ዥዋ ዥዌ ጨዋታ ለሆነችበት ቁርአን መፍትሄ እንደሆነ እርግጥ ነዉ .... አሁን ጊዜ ላይ ያለነዉ የሁላችንም ጥፋት የቁርአን መመሪያ እኛ መከተሉን ትተን በእኛ መስመር እንዲከተለን መፈለጋችን ነዉ፡፡

ታዳ ለዚህ ሁላ ራሱን ላጠፋዉ ተጠያቂዉ ሰዉ አይደለም ብላችሁ ታስባላችሁ??? ሰዉ ከሚሳሳትባቸዉ ምክንያቶች ዋናዉ እና አንደኛዉ ባለፈዉ ጊዜ ምን ምን ነገሮች ነበሩ??ዛሬ ምን ይደረጋል?ነገስ ምን ይመጣ ይሆን? የሚሉትን ጥያቄዎች ሳያስተዉሉ ሁሉንም ነገር ለዛሬ ብቻ ሲሰጡ ነዉ፡፡

አንዳንድ ሰዎች ደስታ የሚገኘዉ በብር ብቻ ነዉ ብለዉ የሚያምኑ አሉ... ስህተት ነዉ ደስታ የሚገኘዉ በዲነል ኢስላም ነዉ :: ዲነል ኢስላምን አዉቆ ያልሰራበት ደስታ በጭራሽ አያገኝም..ለምሳሌ አሜሪካንን እንዉሰድ የአለም ኢኮኖሚ 50% በአሜሪካ እጅ ይገኛል ነገር ግን በአለም ላይ በደስታ የሚኖሩ አገሮች ቁጥር ተርታ ስትሰለፍ 116 ደረጃ ላይ ትገኛለች፡፡በተዘዋዋሪ ደግሞ በአለም ላይ በደስታ የሚኖሩ ሀገሮች የመሪዎችን ደረጃ የያዙት ሙስሊም ሀገራት ሲሆኑ.....ቁጥር 1 ናይጀሪያ ናት ..ናይጀሪያ እንደምናዉቀዉ የሙስሊም ሀገር ናት በኢኮኖሚዋ ዝቅተኛ ብትሆንም ግን የመጀመሪያ አላማቸዉ አላህን ማስደሰት ስለሆነ በአላቸዉ ተብቃቅተዉ በደስታ ይኖራሉ

የሰዉ ልጅ ብር ደስተኛ እንደማያረግ የጃፓኑን ትልቅ ድልድይ በቀን ከ300 መኪና በላይ የሚተላለፍበትን የገነባዉ ኢንጅነር በቢሊዮን የሚቆጠር ዶላር ገቢ ያገኘ ቢሆንም ተመርቆ አገልግሎት በሚሰጥበት ቀን በትንሽ ቁራጭ ወረቀት ኑዛዜ አስቀምጦ ራሱን ከድልድይ ላይ በመጣል ራሱን አጥፍቷል...በኑዛዛዉ እንዳስቀመጠዉ """"እኔ የገንዘብ ችግር አላጋጠመኝም ደስታ በማጣቴ ብቻ ከዚህ አለም ለመሰናበት ፈልጊያለሁ"""" ነበር ያለዉ ፡፡

በአለም ላይ የሰዉ ልጅ ራሱን ለመቀየር 24ቢሊዮን ዶላር/ ሴቶች ለኮስሞቲክስ 18ቢሊዮን ዶላር /ፀጉርን ለመንከባከብ 38ቢሊየን ዶላር /ለሽቶ ደግሞ 15ቢሊዮን ዶላር በአመት ያወጣሉ... ታዳ ሰጥቶን ስጡ ለተባልነዉ ዱንያ የአላህ ወዴታን ለማግኘት ስንት አዉጥተናል?? ለተቸገረ ሰዉ ስንቶቻችን የችግሩ መፍትሄ ሁነናል??ስንቶቻችን ነን ደሀ እና ሀብታምን ሳንለያይ በአንድ አይን የምናየዉ???
ነብዩ ሙሀመድ ሰ.ዐ.ወ አንድ ሰዉ ጀሀነም እሳት ዉስጥ ለመግባት ሙስሊም ወንድሙን በዝቅተኛ አይን ማየቱ በቂ ነዉ ብለዋል..እስኪ ሆድ ይፍጀዉ

    የኔ ታሪክ ስለ ሁላችንም የሰዉ ማንነት ላይ ዱንያ የደስታ ህይወት አለመሆኗን  ያተኮረ ሲሆን እስኪ ሳይረፍድ ወደ ታሪኩ እንግባ
    ቅድሚያ መተዋወቅ ይቀድማል እንተዋወቅ የእናንተን ባለቅም የእኔ ስም ነዋል እባላለሁ አሁን ላይ የኔ እድሜ አስራ ዘጠኝ ሲሆን ፡፡ እኔ የመጀመሪያ ልጅ ነኝ ከእኔ በታች በሶስት አመት የምበልጠዉ አንድ ታናሽ ወንድም እና በጣም ታናሽ እህት አለችኝ..በጠቅላላ ለቤተሰቦቻችን ሶስት ልጆች ነን፡፡
ተወልጄ ያደኩት የፍቅር የመከባበር ሀገር በሆነችዉ የአባጅፋር ሀገር ጅማ ከተማ በአጂፕ ሰፈር አዲሱ ገቢዎች ግምሩክ አካባቢ ነዉ፡፡

   አባቴ  ጅማ ከተማ ላይ ታዋቂ ኮንትራከተር ህንፃ ተቋራጭ ሲሆን በዚህም የተነሳ ዉብ የሆነ ቤት እና ወደ ሰባት የሚሆን መኪና ያለን ሲሆን ጅማ ላይ እስኪ ብር ያለዉ ባለሀብት ጥሩ ቢባል ቁጥር አንድ የሚጠራዉ የኔ አባት ነዉ፡፡ እንደ መጀመሪያ ልጅ በመሆኔ ምንም ሳይጎልብኝ የፈለኩትን በልቼ የፈለኩትን ጠጥቼ ነዉ ያደኩት ፡፡ አባቴ በጣም ተንከባክቦ ነዉ ያሳደገኝ ፡፡

መቼም ማንኛዉ ሰዉ እድሜዉ ከትምህርት ከደረሰ ትምህርት ቢያነስረዉ መመዝገቡ አይቀርም  ...እኔም ጅማ የሚገኘዉ ኮምዪኒቲ ትምህርት ቤት--KG1 ተመዘገብኩ፡፡ KG ትምህርቴን እንደ ጨርሼ አንደኛ ክፍልም እዛዉ ኮምዩኒቲ ትምህርት ቤት ተመዘገብኩ፡
  
የሰፈር ልጆች ጋር ከልጅነቴ ጀምረን ስጫወት እነሱ ግን እኔ ጋር መጨዋት አይፈልጉም ነበር
.....ለምን እኔ ጋር አትጫወቱም ስላቸዉ ??
....እናት አባቶቻችን አንቺ ጋር እንዳትጫወቱ ተብለናል ይሉኛል፡፡
እኔም ልጆቹ ያሉኝን ለአባቴ ሂጄ እነግረዋለሁ
...አባቴም አንጫወትም ካሉሽ አትጫወቺ ምን ያረጉልሻል እቤትሽ አድበሽ ተጫዋቺ ይለኛል


     አንደኛ ክፍል እየተማርኩ የኔ ጓደኛ ለመሆን የማይጥር የለም ... ትምህርት ቤት ስሄድም ስመጣም መኪናዉ የራሳችን ስለሆነ አባቴ በያዘልኝ ሹፌር ነዉ የምመላለሰዉ ፡፡ የሀብታም ልጅ ስለሆንኩ ነዉ መሰለኝ ብዙ ሴት ልጆች እኔን ጓደኛ እንድሆናቸዉ ይቀርቡኛል 👇👇👇

  ከአንደኛ ክፍል ጀምሬ አንዲት ጓደኛ ያዝኩኝ ልጅቱም ፌሩዛ ትባላለች ...ፌሩዛ በትምህርቷ ጎበዝ ነች እኔም እንደ እሷ ጎበዝ መሆን የኔም የአባቴም ምኞት ነዉ  ጓደኛየ ማድረግ ወሰንኩ ፡፡ ክፍላችን ዉስጥ ተሰሚነት ነበረኝ እኔ ከክላስ ልጅ አንድ ልጅ ጋር ከተጣላሁ የተጣላሇትን እሷን እንዳታወሩ ካልኩኝ የሚያወራት የለም ፡፡ እኔ የወደድኩትን ይወዳሉ የጠሉትን ይጠላሉ....እኔ የምጫወትዉን ይጫወታሉ እኔ የማይመቸኝን ጨዋታ አይጫወቱም ፡፡

   ቁርአን ደግሞ መቅራት የጀመርኩት KG ተማሪ በነበርኩበት ሰአት ሲሆን ቁርአን የገባሁትም ጅማ ኑር (አጅፕ)መስጊድ ያለዉ ቁርአን ቤት ነዉ ..ገና አፌ መናገር ሲጀምር አባቴ ቁርአን እንድቀራ በቁርአን ጎበዝ እንድሆን ይመክረኝ ያበረታታኛል..ግን ምን ዋጋ አለዉ በአንድ ሰዉ ጥረት አይሆን..ቁርአን እንድቀራ እናቴ ትኩረት ስላልሰጠችኝ መድረሳ ቁርአን ለመቅራት እመላለሳለሁ እንጂ አሊፍ ባታ ሳ ጂም ብሎ ሁሉንም ፊደል ለመለየት  ሶስት አመታት ፈጅቶብኛል፡፡
   
    ቀን ማታ መሽቶ ነግቶ ሁሌ ሀሳብ የሆነብኝ ነገር የሰፈር ልጆች ልጫወት እነሱ ጋር ስሔድ አንቺ ጋር አንጨዋትም እያሉ እኔን ለብቻየ የሚያገሉኝ ነገር ሚስጥሩን ምክንያቱን ላዉቀዉ አልቻልኩም  ..እንደ ልጅነቴ የሰፈር ልጆች ጋር የመጫወት እድል ላገኝ አልቻልኩም....እኔ ከእነሱ ጋር የማልጫወትበት ምክንያት ምንድን ነዉ ??? እያልኩ እራሴን ብጠይቅ መልስ ሊመጣልኝ አልቻለም..

    አባቴንም ሁሌ ቀን በቀን እኔ ጋር አልጫወትም አሉኝ እያልኩ እነግረዋለሁ የአባቴ መልስ ግን ምንም ሊቀየር አልቻለም ...
....ተያቸዉ ልጆቹ ጋር አትጫወች የምትለዉ መልስ ብቻ ነዉ የሚመልስልኝ...ተለዋጭ መልስ ሊሰጠኝ አልቻለም
   

    አንድ ቀን የሰፈር ልጆች ተሰብስበዉ ሲጫወቱ የሚጫወቱት ጨዋታ በጣም ደስ አለኝና ...እኔም  በግድም ቢሆን ሂጄባቸዉ የሰፈር ልጆች ጋር ጨዋታ ጀመርን ....ልጅነት መቼም ጨዋታዉ ፈረሰ ዶቦዉ ተቆረሰ ከተባለ መጣላታችን አይቀርም አይደል...አንዲት የጎረቤታችን ልጅ ጋር ተጣላን ...ከዛም ከልጅቱ ጋር ሲያገላግሉን መሰዳደብ ጀመርን ....
........ተጣልተን ስንሰዳደብ እኔ የልጅነት አንቺ ማስጠሌ አይጥ እያልኩ ስሳደብ እሷ ግን የሰፈር ሰዉ በተሰበሰበት መሀል ከአእምሮ የማይዋጥ የሚዘገንን በልጅ አቅሜ መሸከም የማልችለዉ ስድብ ሰደበችኝ
....እኔም ይሄን ስድብ እንደሰደበችኝ ደነገጥኩ ... እሷ ጋር ስድብ መመላለስ አፍ መካፈቴን አቁሜ ስድቡን እያብሰለሰልኩ እየተገረምኩ እንዴት እንዲህ ብላ ትሰድበኛለች???እያልኩ ወደ ቤቴ ሄድኩኝ..

እቤት ስገባ የአላህ ነገር አባቴ ቁጭ ብሎ አገኘሁት...
ፊቴ መቀያየሬ መናደዴን ያየዉ አባቴ ምን ሁነሽ ነዉ ልጄ ፊትሽ ተቀያይሯል ሰዉ ጋር ተጣልተሻል እንዴ???? አለኝ
......እኔም አባቴ የጎረቤታችን ልጅ""" ........."""ብላ ሰደበችኝ እኮ አልኩት ..
.......ወዳዉ አባቴ ፊቱ ተቀያየረ ተናደደ እና ቁጭ ካለበት በመነሳት መኝታ ክፍል ገብቶ ሽጉጡን ከአስቀመጠበት አንስቶ ወዳዉ አቀባብሎ ከመኖሪያ ቤት ወጥቶ የሰደበችኝን ህፃኒቱን የኔኑ እኩያ በሽጉጥ ሊገላት ይፈልጋት ጀመር፡፡ 


አባቴ በጣም ተናዷል ጅማቱ ዉጥርጥር ብሏል....ልጅቱ መኖሪያ ቤት ሂዶ ነይ ዉጪ የት ነሽ ዛሬ እገልሻለሁ እያለ እየፈለጋት ነዉ...

ሰፈሩ በአንድ እግሩ ቆመ ..የኛ ጎረቤቶች በኛ ቤት አቅራቢያ የሚገኙ ዘመድ አዝማዶች ተሰብስበዉ ንዴት አብርድ እያሉ እየለመኑት ነዉ ...

አባቴን ተረጋጋ እባክህ ተብሎ በጓደኞቹ በዘመድ አዝማዶች በስንት ጉድ ተለምኖ ተመልሶ እቤቱ ገባ፡፡ ግን አባቴ ልጅቱን አለቃትም ሌላም ቀን ቢሆን በዚህ ሽጉጥ አናቷን ብየ ነዉ የምገላት እያለ ይደነፋል............

  ማታ ተኝቼ ብቻየን ማሰብ ማሰላሰል ጀመርኩኝ አብረን የምንጫወት የሰፈራችን ልጅ እንዴት ልሰድበኝ ቻለች ???ይሄን ለጆሮ ለመስማት የሚዘገንን ስድብ እንዴት ሰደበችኝ ???አባቴስ ስነግረዉ ለምን እገላታለሁ ብሎ ደነፋ ???? እያልኩ ብቻየን ሳስብ አደርኩኝ....ግን ይሄን ስድብ እዉነት ነዉ ወይስ ዉሸት?? ማጣራት አለብኝ ብየ ወሰንኩ ...ግን ማንን ልጠይቅ ???
   
የምጠይቀዉ ሳጣ ሲጨንቀኝ አንድ ሀሳብ መጣልኝ ለምን የቤት ሰራተኛችንን አልጠይቃትም???ብየ አሰብኩኝ...እሷን ለመጠየቅ ወሰንኩ

የቤት ሰራተኛችንን ልጅቱ ለምን"""""""____"""""እንደዚህ ብላ እንደሰደበችኝ ጠየኳት ...ሰራተኛችን ለመንገር ፍቃደኛ አልሆነችም ... ግን እኔ ንገሪኝ እያልኩ አፋጥጬ ስይዛት የቤትሰራተኛችን እያለቀሰች ....,እንደዚህ አለችኝ.........


ልጅቱ የሰደበቻት ምን ብላ ነዉ ????  የተደበቀዉ ...ማንነት ምንድን ነዉ ???ለምን አባትየዉ ገና ነፍስ ያላወቀችን ልጅ አገላለሁ ብሎ ለምን ተነሳ ??? የተቆለፈዉ ሚስጥር ምንድን ነዉ ???
በሚቀጥለዉ ክፍል እናያለን


#ክፍል 2⃣
ይ....ቀ...ጥ.....ላ....ል

www.tgoop.com/Islam_and_Science

🔺〰〰አሳዛኝ እዉነተኛ ታሪክ〰〰🔺
 
🎖የታሪኩ ርዕስ
😔😢 #የሆድ_ዉስጥ_ፉም_እሳት🔥🔥
      #ክፍል ☞ ሁለት

✍ ፀሀፊ ☞ #አሚር_ሰይድ



 የቤት ሰራተኛችን እያለቀሰች እንዲህ አለችኝ፡- ነዋል አሁን ለአንቺ መንገር አልችልም ገና ልጅ ነሽ ....የወር አበባ ማየት ስጀምሪ  የዛን ጊዜ እነግርሻለሁ እንድነግሪሽ አታጨናንቂኝ አለችኝ እያለቀሰች ፡፡
...እኔም መንገር ካልፈለክሽ አላስገድድሽም አትጨናነቂ አልኳት ፡፡

እሷን ማጨናነቅ አልፈለኩም.. በቤት ሰራተኛችንም አልፈረድም ለምን እኔ እና አባቴ በጣም እንቀራረባለን ይሄ ሚስጥር እሷ እንደነገረችኝ ከአወቀ አባቴ ጋር እንደሚጣሉ አቃለሁ .......
  
የሚገርማችሁ እኔ ሳድግ እቤት ጥሩ ኑሮ ብንኖርም ብር ብቻ ለሰዉ ልጅ ደስታን አይፈጥርም እናት እና አባቴ ሁሌ እንደተጣሉ እንደተጨቃጨቁ ነበር... በሰላም ሳይጣሉ ያደሩበትን ቀን መቁጠር ይቀላል፡፡ እኔ ታዳ ማታ ማታ በተጣሉ ቁጥር እኔ መጨነቅ መጠበብ ነዉ ስራየ..

    ሁሌ ታዳ እናቴ አባቴን በነገር ስትወጋዉ ከሳሎን ተነስቶ ሌላ ክላስ ገብቶ ብቻዉን ቁጭ ይላል.....እኔም ለአባቴ እራቱን ይዤ ያለበት ክላስ እሄዳለሁ ... አባቴም ፀጉሬን እያሻሸ እንዲህ ይለኛል  .....ነዋልየ የአይኔ ማረፊያ እናትሽ ጋር ብዙ ቀን ለመፋታት አስባለሁ ግን አንቺ ትዝ ትይኛለሽ እኔና እሷ ተፋተን አንቺ ስትሰቃይ አባቴን ወይ እናቴ ናፈቁኝ እያልሽ ስትሰቃይ በአይኔ እየታየኝ እንደገና እተወዋለሁ....እኛ ስንጣላ አትጨናነቂ መኝታ ክላስ ግቢ ብዙ ነዉ ሚስጥሩ ነዋል ይለኛል፡፡

_እናቴ ደግሞ እንዲህ ትለኛለች.......በሂወቴ አንቺን ካረገዝኩ ጊዜ ጀምሮ አሁን ድረስ የተረገመ ሒወት ዉስጥ ነዉ የገባሁት ምነዉ ተወልደሽ ባልነበር ትለኛለች እየተናደደች ...
.......እናቴ ከምነግራችሁ በላይ በጣም ሀይለኛ ቁጡ ዉሀ ለምን ቀጠነ ብላ የምትጨቃጨቅ ...ለሰዉ በቀላሉ የማትመለስ ናት ፡፡ እኔን ለራሱ ስትናገረኝ ሁሌም ቢሆን ለኔ ክብር የላትም ቃላቶችን መጥና ከአፏ መወርወር አትችልም ... በተዘዋዋሪ ደግሞ አባቴ አስተዋይ እረጋ ያለ ነገሮችን በትግስት የሚያልፍ ለቤተሰቡ ክብር ያለዉ እና በተናደደ ሰአት ደግሞ ፊቱ ለመቅረብ የሚፈራ ቁጡ ሀይለኛ ነዉ ግን ለነገሮች ሁሉ አይቸኩልም ፡፡ አባቴ ትዳሩ እንዳይበተን ተረጋግቶ ይዞት ነዉ እንጂ እንደ እናቴ ሀይለኝነት ትዳሩ ፈራሽ ነዉ ፡፡

ትዳር ማለት የአንዱን ጎዶሎ አንዱ ይሞላል ማለት ይህ ነዉ፡፡ አባቴ የእናቴን ጎዶሎ እየሞላ ትዳራቸዉ እንዲቀጥል አስተዋፅኦ አድርጓል፡፡
እናቴ ይሄን የነብዩ ሀዲስ የረሳችዉ ይመስለኛል
★★★ተወዳጁ የአላህ መልዕክተኛ ነብዩ ሙሀመድ ሰ.ዐ.ወ እንዲህ ብለዋል ፡-በሚስት ላይ ያለባት ከባዱ ሀቅ የባሏ ሀቅ ነዉ..በወንድ ላይ ደግሞ ያለበት ከባዱ ሀቅ የእናትና አባቱ ሀቅ ነዉ..በማለት የባል ሀቅ ምን ያህል ከባድ እንደሆነ ለማሳየት ሞክረዋል..

ነብዩ ሰ.ዐ.ወ በሌላ ዘገባቸዉ ማንኛዉም ሴት ባሏ እርሷን እየወደዳት በርሷ ላይ ተደስቶ ከሞተች ጀነት ትገባለች...ብለዋል፡፡ እናትሽ ፀባዯን አላህ ያስተካክልልኝ ብላችሁ እስኪ ዱአ አድርጉልኝ

  
    በትርፍ ሰአቱ ቁርአን ቤት እየሄድኩ ስቀራ  ኡስማን ከሚባል ልጅ በፍቅር ወደኩኝ........በፍቅር ስል የሌላ እንዳታደርጉት በልጅነት ስናድግ በጣም የምንቀራረብ ልጆች ነን፡፡ አንድ ቁርአን ቤትና ትምህርት ቤት ነን
  የኡስማን አባት እና እናት የመንግስት ሰራተኛ ናቸዉ .......ኡስማን አንድ እህት አለችዉ ... ቁርአን የሚያቀራን ሸህ ስለሚገርፉን መድረሳ እንገናኝና የኡስማን ቤተሰቦች እቤት ካሉ ቁርአን እንቀራለን ግን እቤት ከሌሉ ዛሬ የሉም ስራ ናቸዉ ከተባለ ቁርአናችንን መቅራት ትተን አሱር አዛን እስከሚል ድረስ እነ ኡስማን ቤት ሂደን ስንጫወት ስንደባደብ እንዉላለን ....አሱር አዛን ሲል እኔ ወደ ቤቴ ተመልሼ ቁርአን የቀራሁ መስየ እሄዳለሁ፡፡

ኡስማን ጋር ያዉ የልጅነት ነገር መጫወት መደባደብ እንጂ ሌላ ነገር የለም ግን የእቃቃ ባል ይባል የለ ....ኡስማን ጋር በልጅነታችን በጣምምም እንዋደዳለን፡፡
  
አባቴ ከትምህርት መልስ ቁርአን ቤት እንድቀራ የፈለገዉ የሰፈር ልጆች ጋር እንድቀራረብ ስለማይፈልግ ነዉ....ከሰፈር ልጅ ጋር አብሬ አላደኩም የወንድም የሴትም የሰፈር ልጅ ጓደኛ የለኝም፡፡ ለምን ያቺ ልጅ ከሰደበችኝ ቡሀላ ከሰፈር ልጆች ጋር እኔም መጫወት እየከበደኝ መጣ .....

አንዳንዴ ብቸኝነት ሊዉጠኝ ሲደርስ ልጆቹ ጋር ልጫወት ስቀርባቸዉ የሚጫወቱትን ጨዋታ ትተዉ ይነሱና እኔን ብቻየን ጥለዉኝ ይሄዳሉ
.....እኔም ስማቸዉን እየጠራሁ ለምን ትሄዳላችሁ??አብረን እንጫወት እንጂ ??? ስላቸዉ
..........እነሱም ቤተሰቦቻችን አንቺ ጋር እንዳንጫወት ከልክለዉናል አንቺ ጋር አንጫወትም እያሉኝ ጥለዉኝ ይሄዳሉ..........እኔ ለመጫወት ወደ ልጆቹ ሲሄድ እነሱም ይሸሹኛል ወይ ክፉ እድል.......
 
   ከአሱር ቡሀላ ከቁርአን ቤት ስመለስ እቤት እየመጣ ትምህርት የሚያስጠናኝ አንድ ልጅ አለ........ከዛ ዉጭ ግቢ ዉስጥ ታናሽ ወንድሜ እና እህቴ ጋር እየተጫወኩ ነዉ ጊዜየን የማሳልፈዉ፡፡


ጊዜዉ በቀልዱም በምሩም ቁሞ አይጠብቅም   ቁርአን ቤት ሄድኩኝ እያልኩ ስጫወት መዋል ከጀመርኩ ሶስት አመት ሆነኝ ፡፡ ኡስማን እና እህቱ ጋር ከሁለተኛ ክፍል ጀምረን ነበር ቁርአን ቀራሁ እያልኩ መኖሪያ ቤታቸዉ እየሄድኩ የምጫወተዉ
 
ጉድ እና ጅራት ከስተቡሀላ ነዉ አይደል የሚባለዉ መቼም ይሄ ጉድ ተደብቆ አልቀረም....አንድ ቀን አባቴ ቁርአን ቤት መጥቶ ሸህየዉን ስለእኔ ሲጠይቃቸዉ ብዙ ቀን እንደማልመጣ እና እነ ኡስማን ቤት ስጫወት እንደምዉል መረጃዉ ደረሰዉ
  
እቤት ስገባ------- አባቴ ተቆጥቶ ፊቱ የእሳት ፉም መስሎ ጠበቀኝ.........
   
.... ነዋል ነይ ቁጭ በይ አለኝ በንዴት
......እኔም እሺ ብየ ቁጭ አልኩኝ.
...... ለስንት ደረጃ ትደርሻለሽ እያልኩ አንቺ ቁርአን ቤት ነኝ እያልሽ ሶስት አመት ስቀልጂ መቆየትሽን ዛሬ ቁርአን የሚያቀራሽ ኡስታዝ ነገረኝ....እንዴት እንደዚህ ትሰሪያለሽ ??? አለኝ
....እኔም ደንግጬ አፌ ተያያዘ የምመልሰዉ ጠፋኝ

አባቴም የመኖሪያ ቤታችንን በር ቆልፎ ለመጀመሪያ ጊዜ ገረፈኝ ....ከቀበቶ አልፎም እጄን አስሮ በርበሬ አጠነኝ

...አባቴ ከተናደደ ተናደደ ነዉ ብጮህ ብጮህ የሚገላግለሉኝ ሰዎች ወደ ቤት መግባት አልቻሉም.. አባቴ ገርፎ በርበሬ ከአጠነኝ ቡሀላ በሩን ከፈተዉ እና ጥሎኝ ሄደ
    
እናቴ ጎረቤት እና የቤት ሰራተኛችን ተሰብስበዉ ቢያባብሉኝ ቢያባብሉኝ እምባየ ሊቋረጥ አልቻለም

.........ከዚህ ቀን ቡሀላ አድቤ ቁርአን ቤት እየሄድኩ መቅራቴን ቀጠልኩ ... ከነኡስማን እና እህቱ ጋር ለጊዜዉም ቢሆን ጓደኝነታችንን ሰረዝን...


አባቴ እኔን ወደ ሶሰት ቀን የሚሆን አኮረፈኝ ...እኔም መልሼ አይኑን ማየት ፈራሁ ፡ አባቴ ሲመጣ ተጠምጥሜ እንደማልስመዉ ..አሁን ግን የእሱ መምጫ ሰአት ሲደርስ አይኑን ማየት እየፈራሁ መኝታ ክፍሌ እገባለሁ፡፡
  
ከሶሰት ቀን ቡሀላ አባቴ ነዋል ነይ ዛሬ ይዠሽ የምሄድበት ቦታ አለ አለኝ
...እኔም እሺ ብየ  አባቴ ጋር መኪናዉን እየነዳ ከጅማ በ45Km በቅርብ እርቀት የምትገኘዉ ወደ አጋሮ ከተማ አባቦቃ መናፈሻ ወስዶ ሲያዝናናኝ ሲያስደስተኝ ዋለ👇👇

አባቴም ነዋልየ አትከፊብኝ እኔ እኮ ተናድጄ ነዉ የገረፍኩሽ በቁርአንሽ ጎበዝ እንድትሆኝልኝ ነዉ ሁሌም ምኜቱ ፡ብዙ ጊዜ ነግሬሻለሁ ለአንቺ ብየ ነዉ ከእናትሽ ጋር የምኖረዉ ደልቶኝ ተመችቶኝ ሳይሆን አንቺን ብየ እንደሆነ ..ነዋል መቼም ቢሆን አንቺን አልጠላሽም.... ከገረፍኩሽ ቡሀላ የዛኑ ቀን ተፀፅቻለሁ ማታ ወደ ቤት ስገባ እኔን ፍርቻ ብቻሸን መኝታ ክፍልሽ ስትገቢ ምነዉ ባልገረፍኳት እያልኩ እየፀፀተኝ ነዉ አለኝ
.......እኔም አባቴ አንተ ልክ ነህ ጠፋቱ የኔ ነዉ ይቅርታ አድርግልኝ......ከአሁን ቡሀላ ጨዋታ አያታልለኝም መጥፎ ጓደኞችንም አልይዝም የዛሬን ይቅር በለኝ አልኩት አንገቴን አቀርቅሬ
....አባቴም አረ ዛሬ እዚህ ላዝናናሽ የመጣሁት አንቺ ተሸማቀሽ አንገትሽን እንድትደፊ ሳይሆን እኔ የገረፍኩሽን ይቅርታ ልልሽ ነዉ አለኝ፡፡ ከዛም ሁለታችንም ታረቅን አንዴ ሳቅ በሳቅ ደስታ ሆነ ..ከዛም ወደ ጅማ ጥሩ ጊዜ አሳልፈን ተመለስን

  አምስተኛ ክፍል ተምረን ጨረስን እኔ በምማርበት ጊዜ ክረምት ላይ የረመዷን ፆም ያዝን ....እኛ ሰፈር የሚገኘዉ ኑር(አጅፕ) መስጂድ ተራዊህን ለመስገድ አንዲት የሰፈራችን ልጅ ጋር ተራዊህ አብረን ሂደን አብረን ወደ ቤት እንመለሳለን ፡፡

ረመዷን አጋምሰናል ኑር(አጅፕ) መስጂድ ኢሻን ልንሰግድ ተቀምጠን .....ልጅቶ እንደዚህ አለችኝ
.......ነዋል የሆነ ነገር ልንገርሽ አዳምጪኝ ?? አለችኝ
....እኔም ..ምንድን ነዉ??ንገሪኝ አልኳት እናቴ እኮ """ #ነዋል " ..........."ብላኛለች.. አለችኝ ...

ይሄንን ስትነግረኝ ፍዝዝ ድንዝዝ ብየ ቀረሁ መሬት የዋጠኝ ነዉ የመሰለኝ ላቤ በግንባሬ ችፍ ችፍ ሲል ይታወቀኛል......እራሴን መቋቋም አቃተኝ ..ጭንቅላቴ ፍልፍል ቋጥኝ ዲንጋይ ይመስል በጣም ከበደኝ...
መስጊድ እስከ መሆኔ ዘንግቸዋለሁ...

   ያቺ ልጅ በልጅነቴ የሰደበችኝ አባቴ በሽጉጥ እገላለሁ ያለዉ ሚስጥር ሙሉ በሙሉ እየተገለጠልኝ መጣ.....


  የተደበቀዉ ሚስጠር ምን ይሆን???

#ክፍል 3⃣
ይ......ቀ........
.....ጥ.......ላ..........ል



·¨: ❀ share
           `·.     www.tgoop.com/Islam_and_Science
www.tgoop.com/Islam_and_Science
  •════•••🍃🌺🍃•••════•
  

🔺〰〰አሳዛኝ እዉነተኛ ታሪክ〰〰🔺
 
🎖የታሪኩ ርዕስ
😔😢 #የሆድ_ዉስጥ_ፉም_እሳት🔥🔥
      #ክፍል ☞ ሶስት

✍ ፀሀፊ ☞ #አሚር_ሰይድ


     ያቺ ልጅ በልጅነቴ የሰደበችኝ አባቴ በሽጉጥ እገላለሁ ያለዉ ሚስጥር ሙሉ በሙሉ እየተገለጠልኝ መጣ.....
.....ኢሻ ሶላት እስከሚደርስ ደአዋ እየተደረገ ሶላቱን እየተጠባበቅን በነበርንበት ሰአት እምባየ እንደ ወራጅ ወንዝ ይወርድ ጀመር.... በአንዴ የለበስኩትን ሒጃብ በእምባ አራስኩት ....ግን የነገረችኝ እዉነት ነዉ እንዴ?እያልኩ በእድሌ ማዘን ጀመርኩ....

ልጅቱንም ከአሁን ቡሀላ አንቺ ጋር ወደ መስጊድ መሄድም መምጣትም ጓደኛም መሆን አልፈልግም ብየ ከመስጊዱ ዉጭ በመዉጣት እምባየን ጠርጌ ፊቴን ታጥቤ መልሼ መስጊድ ገብቼ ኢሻንም ተራዊህን ሰግጄ እቤቴ ብቻየን ተመለስኩኝ...........
    
በመነገታዉ ወደ መስጊድ ብቻየን ስሄድ የእሷ ቅርብ ጓደኞች መስጊድ መግቢያ በር ላይ አገኘሆቸዉና ነዋል በምን ተጣልታችሁ ነዉ ?? አብራችሁ መስጊድ እየሄዳችሁ አልነበር እንዴ ?? አንቺም ብቻሽን እሷም ብቻዋን ነዉ የምትሄደዉ ምን ሁናችሁ ነዉ ??ብለዉ ሰብሰብ ብለዉ ጠየቁኝ
......እኔም አይ ለጊዜዉ ተጣልተን ነዉ ቀላል ፀብ ነዉ እንታረቃለን ብየ ማለፉን ፈለኩኝ ለምን የተጣላንበትን ምክንያት መንገር ለኔ በጣም የሚቀፍ እና አሳፋሪ ነዉ ............
   እነሱም ነዋል ለምን ትዋሺናለሽ ?? አንቺ ባነግሪንም እኛ የተጣላችሁበትን ምክንያት አዉቀንዋል ፡፡ የተጣላችሁበትን ምክንያት እሷ የአንቺን የምታቀዉ ሚስጥር እናቷ ስለነገረቻት ስለምታዉቀዉ ነዉ አይደል አንቺ "..................." ስለሆንሽ በዚህ እዉነተኛ ወሬ አፍረሽ አይደል የተጣላሽዉ አሉኝ፡፡
.....እኔም በልጅቱ ነገረኛነት ሚስጥር አለመጠበቅ በማዘን ጥሩ ጓደኛ አለመሆኗን ታዝቤ ልጆቹን ትቻቸዉ ጥሩም መጥፎም ሳልመልስ ሄድኩኝ....አንዷ እየሄድኩ ከሆላየ እየተከተለች መጥታ """"""ነዋል አንቺ"" ............. ""ስለሆንሽ አታናግሯት ብላኛለች ስለሆነም እኛም ከአሁን ቡሀላ አናወራሽም አሉኝ፡፡
  
የዚች ልጅ መጥፎ ጓደኝነት ከነከነኝ በሰራችዉ ስራ በጣጣም አዘንኩ ...ለነገሩ ሰዉ አመሉ መጥፎ ከሆነ ጥሩ ለመሆን እድል ይጠይቃል ፡፡መጥፎ ጓደኛ በህይወት ላይ የራሱ የሆነ መጥፎ ጫና አለዉ ...
  ነብዩ ሙሀመድ ሰ.ዐ.ወ በሀዲሳቸዉ ሙዕሚንን እንጂ አትጎዳኝ ...እንዲሁም አንድ ሰዉ በጓደኛዉ እምነት ላይ ነዉ ;ከእናንተ አንዳችሁ ከማን ጋር እንደሚወዳጅ ይመልከት ..እንጂ ዝም ብሎ ወዳጅነት አይመስርት ሲሉ ይመክራሉ

አብደላ ቢን ኡመር ደግሞ አስገራሚ ምክር ለግሰዉናል ፡- "ጠላትህን ራቀዉ፡ወዳጅህን ተጠንቀቀዉ ሙዕሚን ሲቀር፡አላህን ከሚፈራ በቀር ታማኝ የለምና፡ጠማማን አትጎዳኝ ከጥመቱ ያስተምርሀል፡ሚስጥርህን ለእሱ አትንገር ፡ማማከር ስትፈልግ አላህን የሚፈሩ ግለሰቦችን አማክር...ብለዋል

ጓደኝነት በኢስላም ልዩ ትኩረት ከተሰጣቸዉ ግንኙነቶች አንዱ ነዉ፡ሰዉ ዉሎዉን ይመስላል ይባላል ከመጥፎ ሰዎች የዋለ እንደዛዉ መጥፎ የመሆን እድል ይገጥመዋል ፡ ከጥሩ ሰዎች የዋለ እንደ እነሱ ጥሩ ሰዉ የመሆን እድሉ ሰፊ ነዉ፡፡

    በሰፈር ልጆች ወሬ ሒወት ገና በልጅነቴ አስጠላችኝ...ለወደፊት ለመኖር ተስፋ ቆረኩ በልጅነቴ ህይወት ጨለመችብኝ ..ኑሪ ኑሪ የሚል ተስፋ ከኔ ላይ ጥሎኝ ሲሄድ ታየኝ.... ብቻየን በየመንገዱ ማልቀስ ጀመርኩ ...ግን ፈጣሪ በልጅነቴ ጀምሮ ለምን ሊፈትነኝ ፈለገ እያልኩ ብቻየን አስባለሁ..... በኔ እኩያ ያሉ ልጆች ደስታ ጨዋታና ሳስታዉስ በተዘዋዋሪ ደግሞ እኔ በመደሰቻየ ስቄ ተጫዉቼ በማደጊያየ የሰቀቀን የለቅሶ ህይወት ለመኖር ተገደድኩ .....
ወሬዉ ትክክል መሆኑን ሲደጋገም አረጋገጥኩ......... ግን የበለጠ እርግጠኛ መሆን የፈለኩት ሰራተኛዋ ስነግረኝ መሆኑን እራሴን አሳመንኩኝ....

ረመዷን አልቆ ክረምቱም አልፎ ስደስተኛ ክፍል ገባሁ ....የቤት ሰራተኛችን የአላህ ነገር የአባቴ ጓደኛ እሷን አግብቶ ወደ ናዝሬት እንደሚወስዳት ከአባቴ ሰማሁኝ....

   ይህን ወሬ አባቴ እንደነገረኝ ማሻ አላህ አልኩ..ከዛም አባቴ ለስራ ከቤት ሲሄድ ...
የቤት ሰራተኛችንን ሚስጥሩን እንድነግረኝ ...እባክሽ ስሰቃይ አልኑር እዉነቱን ንገሪኝ እኔ የሰፈር ልጆች እየነገሩኝ ነዉ አንቺ እዉነት ነዉ በይኝ እና ቁርጤን ልወቀዉ ብየ እያለቀስኩ ለመንኳት
......እሷም እንባየን እያበሰች ነዋል እሺ እነግርሻለሁ እምባሽን ጥረጊ አለችኝ.....
...እኔም ሚስጥሩ እዉነት መሆኑን ለማረጋገጥ ወዳዉ እንባየን ጠረኩኝ
......, ሰራተኛችንም ለአባትሽ ላልናገር ብለሽ በአላህ ስም ማይልኝ አለችኝ
...........እኔም ወላሂ ለአባቴ በጭራሽ ላልናገር ብየ ማልኩኝ
....ሰራተኛችን ለስለስ ባለ ድምፅ ነዋል እኔ ባልወልድሽም የማይሽ እንደ ልጄ ነዉ እዚህ ቤት ሰራተኛ ሁኜ ማገልገል የጀመርኩት ገና አንቺ ሳትወለጅ እናት እና አባትሽ ከተጋቡበት ጊዜ ጀምሬ ነዉ.....በመንከባከብ ያሳደኩሽ እኔዉ ነኝ፡፡

ነዋል ግን በልጅነትሽ አንድ የተፈጠረ ነገር አለ.. ስነግርሽ መጨናነቅ አያስፈልግም ለወደፊት ጠንካራ እና ለሰዉ ወሬ የማትበገሪ መሆን አለብሽ ..ይሄ በአንቺ ቤተሰብ እና በኔ ቁጥጥር የሆነዉ ሚስጥር አገር ያወቀዉ ፀሀይ የሞቀዉ የአደባባይ ሀቅ ነዉ.... ከሰፈር ልጆች የምሰሚዉ ሚስጥሩ በሁሉም የሰፈር ሰዉ ትልቁም ትንሹም ያቀዋል .....

   ነዋል አንቺ ገና የልጅነት ሒወትሽን ሳታጣጥሚ ክፉ እና ደጉን በማትለይበት በለጋ እድሜሽ በአራት አመትሽ..........

#ክፍል 4⃣
ይ.......ቀ........
......ጥ.......ላ...........ል



JOIN
´´´´´´´ :¨·.·¨: ❀ share
           `·. www.tgoop.com/Islam_and_Science
www.tgoop.com/Islam_and_Science
•════•••🍃🌺🍃•••════•

🔺〰〰አሳዛኝ እዉነተኛ ታሪክ〰〰🔺
 
🎖የታሪኩ ርዕስ
😔😢 #የሆድ_ዉስጥ_ፉም_እሳት🔥🔥
      #ክፍል ☞ አራት 4⃣

✍ ፀሀፊ ☞ #አሚር_ሰይድ




  ነዋል አንቺ ገና የልጅነት ሒወትሽን ሳታጣጥሚ ክፉ እና ደጉን በማትለይበት በለጋ እድሜሽ በአራት አመትሽ በጎረቤታችን ልጅ  አንቺም እኔም በምናቀዉ በቶፊቅ  ተደፍረሽ ነበር ..ለዛ ነዉ ልጅቱ ጋር ስትጣሉ #በቶፊቅ_የተደፈርሽዉ ያለችሽ ..መስጊድ ዉስጥ ያቺ ልጅ እናቷ ነግራት አንቺን የነገረችሽ የማይካድ ሀቅ ነዉ ነዋልየ  

አንቺ ልጅ ስለሆንሽ ስለማታስታዉሽ ነዉ  ብላኝ እንባዋን እየዘረገፈች  የቤት ሰራተኛችን ነገረችኝ፡፡

ሰራተኛችን ስነግረኝ ቁሜ ቀረሁ እንባየ በሁለት ጉንጮቼ ኩልል እያሉ ወረዱ ...እዉነት መሆኑን አረጋገጥኩ ... ወደድኩም ጠላሁም አምኖ መቀበል እንጂ መቀየር የማልችለዉ የተፈጠረ ሀቅ ነዉ፡፡
የኔ ሂወት ዉጣ ዉረድ ስቃይ ፈተና ከዚሁ ከአራት አመቴ ይጀምራል

       ሬቱን ከማር ለይቼ ሳላውቀው
       ሀራሙን ከሀላል ከቶ ሳለየው
       አፍረተ ገላዬን መሸፈን ሳለምድ
      ጣፍጭ የሚያታለኝ በግድም በውድ

     ብልጠት ያላበቀልኩ እንቡጥ ከረሜላ
     ገና ያልበሰልኩ ጥሬ እንቡቅላ
     እንኳንስ ቀበቶ ለኔ ሊፈቱ
     የስሜታቸውን ጥግ በኔ ላይ ሊያበርዱ

      ገና ሲያዩኝ ላይን የማሳሳ
     እንኳንስ ሊነኩኝ ሲያዩኝ የሚያሳሳ
    እንዴትስ ተችሎት ስቃይ አሸከመኝ??
     አካሌን ለአካሉ ለምኑ ተመኘኝ???
     

ሰራተኛችን ከነገረችኝ ቡሀላ ወደ ሆላ ማሰብ ጀመርኩ በዛ ጊዜ አባቴ ቶፊቅን በሽጉጥ እገላለሁ ሲል እና ገና በተደፈርኩኝ አካባቢ ሆስፒታል ስሄድ ፓሊስ ጣቢያ አባቴ ጋር ስሄድ ፍርድ ቤት አብረን እየሄድን አባቴ ሲከራከር ትንሽ ትዝታዎች ብልጭ ይልልኝ ጀመር ፡፡

ቶፊቅም እዛዉ ፍርድ ቤት ሲቀርብ ታወሰኝ ነገር ግን አልታሰረም በብር ቅጣት ተቀጥቶ ክሱ የተቋረጠ ይመስለኛል...ግን ለመን አልታሰረም ህይወቴን ልጅነቴን አይደል የወሰደዉ????በአራት አመቴ ህፃን ልጅ ነኝ መደፈር የሚባለዉን አላቅም..ቶፊቅ ግን ትልቅ ልጅ ነዉ ቢያንስ ሀያ አመት ይሆነዋል፡፡ ገና እኔ ሰዉነቴ ሳይጠነክር ሳያዝንልኝ እንደ ደፈረኝ አስተወስኩኝ ፡፡  ሰራተኛችኝም ብዙ ነገሮችን እያረጋጋች ነገረችኝ ...

ቶፊቅ ጅማ የሚኖረዉ ከአያቱ ጋር ነዉ ፡፡ ከእኛ ቤት ጎን ነዉ ቤታቸዉ ፡፡ ሁሌ መጫወት ስፈልግ የእኛ ግቢ በጣም ሰፊ ቢሆንም ቤታችን ሙሉወን G2 የተሰራ ሲሆን  መኪና ማቆሚያ ብቻ ነዉ ያለዉ ...ስለሆነም እነ ቶፊቅ ቤት መጨዋት ለኔ ይመቸኛል ...የቶፊቅ አያቶቹ ነጋዴዎች ስለሆኑ እሱ ነዉ ቤት ሲጠብቅ የሚዉለዉ.....
    እዛ ግቢ እቃቃ ስንጫወት እንትና የኔ ልጅ ትሁን እንትና እየተባለ ቶፊቅ እኔን የኔ ልጅ ናት ብሎ ሁሌ እቃቃ ስንጫወት የቶፊቅ ልጅ ነበር የምባለዉ ፡፡ ቶፊቅ ለቤተሰቦቼ ጥሩ መስሎ የሚታይ ሁሌ እቤቴ ሲወስደኝ አቅፎ ተንከባክቦ ስለሆነ እናቴም አባቴም አይጠረጥሩትም ....እንደዉም አባቴ ልጄን የወደደ እኔን ወደደ ይባል የለ ..ቶፊቅን በጣም ይወደዋል..,

  አንድ ቀን እናቴ ድስት ከእነቶፊቅ ቤት አምጪ ብላ ላከችኝ.... እሱ ቤት ስሄድ ቶፊቅ ማንጎ እየበላ ነበር....ማንጎ ስጠኝ ???ስለዉ
ድስቱን ለእናትሽ አድርሰሽ ነይ እና እሰጥሻለሁ አለኝ
....እኔም ለእናቴ ድስቱን ሰጥቼ ወደ ቶፊቅ ቤት ተመለስኩኝ ...ከዛም ማንጎ ሰጥቶኝ የፈለገዉን የልጅነት ገላየን ሲጫወትበት ...እናቴም ልጄ ምን ሁና ቀረች ??መጣሁ ማንጎ ተቀብየ  ብላኝ ?? ከነቶፊቅ ቤት ዉጭ ሂዳ ይሆን እንዴ ??ብላ ...እነ ቶፊቅ ቤት መኖሬን አልመኖሬን ለማረጋገጥ ስትገባ ቶፊቅ እኔን ልብሴን አስወልቆ እንዳሻዉ ሲያደርገኝ በአራት አመቴ መቀበል የማልችለዉ በደል ሲያደርስብኝ እናቴ በአይኗ ተመለከተች
......እናቴም ያየችዉን ማመን አቃታት. ባለችበት ድርቅ ብላ ቀረች..
....,የምታወራዉ የምትለዉ አጣች አፏ ተያያዘ ..ምን ይደረጋል ይሄ እንኳን የወለደችኝ እናቴ ለኔ የምትሳሳስልኝ አድጌ ብዙ ደረጃ እንድደርስ የምጠበቅ ልጅ ..በልጅነቴ ተደፈርኩ ...እናቴ የኔን ክብር ማጣት በአይኗ አየችዉ፡፡
የምትለዉ ስታጣ ጩኸቷን አቀለጠችዉ.
  የእኛ ሰፈር የሚኖሩ ሰዉ አንድም ሳይቀር ልጅ ትልቁ ወጣቱ ሽማግሌዉ የኔን መደፈር በአንዴ ታወቀ...ቶፊቅም አፍሮ ለጊዜዉ ከአካባቢዉ ተሰወረ፡፡ ሰራተኛችን በሂደት ሁሉንም ነገረችኝ፡፡

   ከሁሉም ሰዉ የቤት  ሰራተኛችን ትሻለኛለች እሷ ትረዳኛለች፡፡ ቤተሰቦቼ ጋር ብር እርዚቅ ቤታችን ላይ ይኑር እንጂ ምንም ስምምነት የለም... ሁሌ መጣላት ነዉ ስራቸዉ፡፡ የመጨረሻ ልጅ እህቴ ከተወለደች ቡሀላ እናት እና አባቴ አንድ ላይ  ሲተኙ እንኳ አይቻቸዉ አላቅም፡፡
     የኔ ስነ ልቦና ጫና እያለብኝ ግን ቤተሰብ ባለመስማማታቸዉ እኔን ከጎኔ ሁኖ አብሽሪ እያለ የሚያፅናናኝ ቤተሰብ ዘመድ ጎረቤት ጓደኛ የለኝም ፡፡

   ቶፊቅ በኔ ላይ የሰራዉ በደል ትዝ ሲለኝ ብቻየን አልቅሼ እምባየን የሚጠርግልኝ የለ እኔዉ እራሴ በአስሩም የእጅ ጣቶቼ እያቀያርኩ ከፊቴ አብሰዉ ይዣለሁ፡፡ ለማን አልቅሼ ነግሬ አብሽሪ ይበለኝ ??? ማን ነዉ ከጎንሽ ነን የሚለኝ ???

አንዳንዴ ይሄ መደፈሬ ትዝ ሲለኝ ብቻየን ሁኜ ድብር ብሎኝ ስቀመጥ....አባቴ በከፋኝ በደበረኝ ቁጥር ከጎኔ ሁኖ ነዋል ምን ሆንሽብኝ?ደብሮሻል ፊትሽ ተቀያይሯል እኮ እያለ  ያፅናናኝ ነበር ....
ግን ይሄንን ወሬ ሰራተኛችን ስለነገረችኝ ለአባቴ መናገር አልችልም፡፡ ያለኝ አማራጭ አባቴ ጋር ስሆን ደስተኛ ምንም ቅር ያላለኝ በሒወቴ የተደሰትኩ እመስላለሁኝ..ብቻየን ስሆን ደግሞ ባለቅሰዉ ባለቅሰዉ ደግሜ ባለቅሰዉ ምንም ሊወጣልኝ አልቻለም ፡፡እምባየ አለማለቁ ለራሴ ይገርመኛል
   ደግሜ ከእኔ ቁስል በላይ የሚያመኝ እናት እና አባቴ ማታ ማታ በተጣሉ ቁጥር እኔ ሌላ ሀዘን ለቅሶ ጭንቀት ነዉ ፡፡ ለማን አግዛለሁ ?? ማን ጥፋተኛ እንደሆነ አላቅም ግን ሲመስለኝ እኔ ጋር የተያያዘ እንደሆነ ይታወቀኛል

ግን ብዙዉን ጥፋቱ እናቴ ትመስለኛለች..ሁሌም ቢሆን ነገር አፈንፍና ነዉ የምትጣላዉ

   እናት እና አባቴ ትዳራቸዉን አይፋቱ እኛ ሶስት ልጆች ተፈጥረናል ፡፡ ተስማምተዉ አይኖሩ መስማማት አልቻሉም ፡፡ ብር ሀብት ሳያንስ ግን መስማማት ባለመቻላቸዉ አላህ የሰጠንን ሀብት ንብረት በደስታ መጠቀም አልቻልንም ፡፡

  ከእናቴ በላይ አባቴ በጣም ይቀርበኛል የቶፊቅን በደል አብሽሪ አይዞሽ አይለኝም..ለምን እኔ የማቅ አይመስለዉም ፡፡ ይሄን ሚስጥር ማወቄን ቢሰማ ቀጥታ ሰራተኛችን ጋር እንደሚጣላ እርግጠኛ ነኝ
 
አባቴ ግን ሁሌ ባገኘኝ ቁጥር በዙ ቀን እየደጋጋመ ፀጉሬን እያሻሸ አንቺ ባትፈጠሪ ኑሮ እናትሽ ጋር መለያየታችን አይቀርም ነበር ...እናትሽ ጋር ለመፋታት አስብ እና አንቺ ትዝ ስትይኝ እንደገና እተወዋለሁ ይለኛል፡፡
ሁሌም ቢሆን የአይኔ ማረፊያየ ነሽ..አላህ ይጠብቅልኝ ብሎ ግንባሬን ሳም አርጎኝ ስሄድ የሆነ ደስ የሚል ስሜት ይፈጥርልኛል..ልቤም እንደመረጋጋት ይላል👇👇👇

   ከልጅነት ጀምሬ የምቀራረበዉ ኡስማን  ትምህርት ቤት አንድ ስለሆነ ቁርአን ቤትም እንገናኛለን እሱም ቁርአን ላይ ጠንክሯል፡፡ ቁርአናችንን እየተዉን እቤታቸዉ እየሄድን ባንጫወትም ግን እኔ እና እሱ የልጅነት ፍቅር ተብየ በሁለታችን ልብ ዉስጥ አለ
   ኡስማን ጋር ከአንደኛ ክፍል እስከ ሰባተኛ ክፍል ድረስ ስንማር አንድ ትምህርት ቤት ስለነበርን የፍቅር ይሁን የልጅነት ነገር ይሁን አላቅም ኡስማንን ሳየዉ ፍዝዝ የማለት ልቤ እንደመደንገጥ ሰዉነቴ አልታዘዝ አልታዘዝ እንደማለት ይሆናል ፡፡ ግን ፍቅር ማለት ምን ማለት ነዉ??
በነብዩ ጊዜ የነበሩ ሱሀቦች ፍቅርን እንዲህ ነበር የተረጎሙት

★★★በአላህ መልዕክተኛ (ሰ.ዐ.ወ) ጊዜ በኡሁድ ዉጊያ ነብዩ ሰ.ዐ.ወ ተገድለዋል የሚል ዜና መዲናን እየናጣት ነበር ..የመዲና ሰማይ በዚህ አሳዛኝ ወሬ በሀዘን አጥልሏል..መረጃዎችን ለማግኘት ወደ ኡሁድ አቅጣጫ እየተመመ ነዉ
ከአንሶሮች መካከል የሆነችዉ ሱመይራ(ረ.ዐ) ሁለት ልጆቿ አባቷ ባለቤቷና ወንድሟ ሰማዕት መሆናቸዉን ተረዳች ..ሱመይራ እነዚህ ሁሉ ወገኖቿ ቢሞቱባትም በዚህ ሁሉ የሀዘን ዉርጅብኝ አልተናወፀችም ..እልቁንስ እሷን ያስጨነቃት በእዉነት የታወቀዉ የጓጓችለት አንድ ዜና አለ ይህም የነብዩ ሰ.ዐ.ወ በሒወት መኖር ነዉ
..በእርሳቸዉ ላይ የደረሰ አንዳች ክፉ ነገር አለ??በማለት ጠየቀች
...የነብዩ ባልደረባዎችም ለአላህ ምስጋና ይገባዉ እርሳቸዉ በሒወት ይገኛሉ በመልካም ሁኔታ ላይ ይገኛሉ አሏት
ሱመይራ እንዲህ አለች ፡-እሳቸዉን እስከማይ ድረስ እረፍት አላገኝም የአላህ መልዕክተኛን (ሰ.ዐ.ወ)አሳዩኝ አለች
እሳቸዉን እንዳሳዩዋትም በቀጥታ ወደ እርሳቸዉ በመሄድ የካባቸዉን ጫፍ ከያዘቼ ቡሀላ እንዲህ አለች
"""""እናቴና አባቴ መስዋት ይሁንለልዎ የአላህ መልዕክተኛ ሆይ!እርስዎ በሂወት እስካሉ ድረስ ሌላዉ ሁሉ ቀላል ነዉ ..ያ በነብዩ ዙሪያ የነበሩ የተባረከ ትዉልድ ለእርሳቸዉ ይህን የመሰለ ድካ የሌለዉ ፍቅር ይለግሳቸዉ ነበር ...እኛስ?? ፍቅርን በሰዉ አይደል የምናመሳስለዉ ???

  እኔ ስድስተኛ ክፍል በምማርበት ጊዜ ኡስማን ጋር ብዙ ጊዜ ቁርአን ቤት እና ትምህርት ቤት እንገናኛለን ቁርአን እቀራለሁ እንጂ ሶላት አልሰግድም ለዚህም ምክንያት ቤተሰቦቼ ስገጅ ብለዉ ስለማያበረታቱኝ ነዉ ...   ትምህርት ቤት ስሄድ ሱሪ እለብሳለሁ ..

ሱሪ በምለብስ ጊዜ ኡስማንም ቁርአን ቤት ስትመጪ ሒጃብ ትለብሻለሽ ትምህርት ቤት ደግሞ ሱሪ ትለብሻለሽ አንዴ ቃልቻ አንዴ ዱሪየ እስታይል አትከይ ከአሁን ቡሀላ ትምህርትም ስትመጪ ሱሪ ለብሰሽ እንዳትመጪ ብሎ ይቆጣኛል፡፡
....እኔም እሺ ከአሁን ቡሀላ አለብስም አልኩት

እኔ ከኡስማን ጋር ጊዜ ማሳለፍ እሱም እኔ ጋር ጊዜ ማሳለፍ ደስ ይለዋል፡፡ ኡስማን ጋር ከትምህርት ቤት ስንመለስም ስንሄድም ተቃቅፈን ነዉ....የክላስ ልጆች ነዋል እና ኡስማን እኮ ይዋደዳሉ ተቃቅፈዉ ነዉ የሚሄዱት እያሉ ሁሌ ያወራሉ ፡፡ አዎ እዉነታቸዉን ነዉ የኡስማን ሰፈር ቆሎ በር አካባቢ ነዉ፡፡ አንዳንዴ እኔን አጂፕ ድረስ ይሸኘኛል
 
አሁን ድረስ የሚገርመኝ ሁሌ እቤቴ ስሄድ ሶላት ባልስግድም __ግን በዱአ አላህን በመለመን አምን ነበር፡፡ መስገጃ ቦታ ላይ ሱጁድ ወርጄ  ስቅስቅ ብየ እያለቀስኩ ያረቢ  ኡስማንን የኔ አድርግልኝ ኡስማን የኔ የወደፊት ባሌ አድርግልኝ አንዴ የፍቅር ጥያቄ ይጠይቀኝ እምቢ አልልም እንዲጠይቀኝ አርግልኝ  እያልኩ አላህን እለምናለሁ ፡፡
   ግን ቢጠይቀኝ ገና ልጅ ነኝ ምን እለዋለሁ??? እንዴ ሁለታችንም ልጆች ነን ትዳር የማይታሰብ ነዉ እንዴት ይሄንን ሀሳብ ልመኝ ቻልኩኝ??? ደግሞ ለኡስማን የተለየ አመለካከት ቢኖረኝም ወንድ ልጅ እንደ ቶፊቅ ጨካኝ ቢሆንስ እያልኩ ብቻየን የሀሳብ ማዕበል ወስዶ ይመልሰኛል ..ነገር ግን ኡስማንን መራቅ የማልችልበትም ደረጃ ላይ ነኝ፡፡

ትምህርት ቤቶች ላይ ጥንቃቄ ግድ ነዉ ትዉልዱ ገና ከአራተኛ ክፍል ጀምሮ ሌላ መስመር ይጀምራል...ቤተሰብ ልጄ ገና ህፃናት የሚለዉን የድሮ ተረት ትተዉ  ልጅን እንደልጅ ሳይሆን እንደ እህትነት አርገዉ ቢቀርቡ የተሻለ ነዉ..አንድ ሰዉ ሁሌ የሚናገራት ንግግር ትዝ ይለኛል የሴት እና የአር ትንሽ የለዉም ይላል እዉነቱን ነዉ ሴት ልጅ ገና ልጅ ናት ቢባል በወንድ ልጅ አፍ መሸወዳ አይቀርም..አርም ትንሽ ብትሆን መሽተቱ አፍንጫ መረብሹ ስለማይቀር ወላጅ የትምህርት ቤት አዋዋልን ልብ ሊል ይገባል ባይ ነኝ፡፡
  
ኡስሚ አንዳንዴ እየቀለደ ነዋል አፈቅርሻለሁ እኮ ምናምን ሲለኝ እዉነት እየመሰለኝ ልቤ ድንግጥ ይላል ወይ የልጅነት ፍቅር ...








#ክፍል 5⃣
ይ.......ቀ.......ጥ
......ላ........................ል


JOIN
´´´´´´´ :¨·.·¨: ❀ share
           `·. www.tgoop.com/Islam_and_Science
www.tgoop.com/Islam_and_Science
•════•••🍃🌺🍃•••════•