شهران قضيناها ضيوفك سيدي أبا عبدالله وفي رحابك الطاهر.
بسكب الدموع .. بلبس السواد وإعلان الحداد .
شكرًا لكَ أن دللتنا عليك ففتحت لنا باب خدمتك وأعنتنا بالبكاء عليك..
لعلنا اقتربنا بدموعنا واحتراق قلوبنا
فقد نغفل فنذنب ونعصي ونعصي.
ولكنك الكريم ويقيني بك أن لاترد خادمك السقيم..
سأظل أنتظر شهر محرم في كل عام سأظل أنتظر الحداد عليك سيدي مادامت أنفاسي باقية..
نعـوذُ باللهِ من يــومٍ
لا نبكي فيه على الحُســين

من يجتمع الشاعر المبدع والرادود المبدع يكون الأبداع المميز

الشاعر جابر الكاظمي
الرادود حسن الصالحي

تابعو القصيدة الراقية 👇🏻👇🏻👇🏻

https://youtu.be/YtqKpmsbNFk?si=-rNFCFTdzM4AbQo9

#الزهرااااء


اتجاوز الحد وسطرهه بعينهه
وشاهِد البسمار بينه وبينهه

☆☆☆☆

تعنه هوه وزمرته شايل حطب
گلبه شايل غيض وأحقاد وغضب
هالزنيم الماله اصول ولا نسب
خله ام حسين عالي ونينهه

☆☆☆☆☆

النار شبّاها وحرگ بيت الرسول
الناس گالو (إنّ في الدارِ البتول)
جاوب بچلمة وإن وابده يگول
ورعب زينب والحسن وحسينهه

☆☆☆☆

غيره ما عنده وسطر خد فاطمه
وفوگ خدهه ياوسف اجره الدمه
اغضب الباري وملائكة السمه
وماعرف سر فاطمه وتكوينهه

☆☆☆☆

رفس باب الدار وانصاب الضلع
البالحرب صوته ابد ما ينسمع
والخيانه چانت بروحه طبع
وين تاريخه ابدر وحنينهه

☆☆☆☆

يتمّ حسين بعملته والحسن
خله حسره بروحهم طول الزمن
سنين فاطم من وكت شو گوّضن
شكثر حنّو للوفه بچفينهه

☆☆☆☆

فرّقو بين الخليل ومهجته
وسفه ابو الحسنين عاشر دمعته
راحت اويه الزهره ذيچه عشرته
الله يحرگ باللظه جبتينهه

☆☆☆☆

ثار عدنه وننتظر يوم الظهور
بيد ابو صالح نخليهه الامور
يحاكم اهل الفاينه واهل الفجور
بسم فاطم محكمه مسمينهه

☆☆☆☆

حيدر بشار الدراجي

قصيدة الرزية التي حذفها اليوتيوب
الرادود محمد بو جبارة

#يازهراااء

أيا إلهي أشتكي الأذية
قد عطلت يا خالقي الوصية
ثم اعتدى القوم على الزكية
رزية مامثلها رزية

عايف يتيمة اتون وراي
وبالجنة آهاتي و بچاي
ياربي أشكو لك أذاي
و آذوا ذوي القربى معاي

إنت ابعثتني بالسور
هادي و مبشر للبشر
و گلبي تحمل واصطبر
و جازوني بالسم و القهر

عشت حياة الرزء و العذاب
و حاربوا الزهراء في غيابي
صابرة مرضية رضية
رزية مامثلها رزية

ما قصروا زمرة قريش
وحدي أنا وعدواني جيش
بأحزاني ما يهنالي عيش
و المدعي إسلامه ليش

ايخالفني بالگول و فعل
همه أموت أو انقتل
وللمرتضى ما يمتثل
و داس الوصية بالرجل

حين احتضاري مسني التحسر
قال دعوه إنه ليهجر
و مذ أتت لروحي المنية..
رزية مامثلها رزية

ماحد حضرني بموتتي
ظلت ثلاثة اجنازتي
وحيدر دفني ابحفرتي
آه اعلى حال ابنيتي

ماجف ترابي و العجب..
شبوا على الدار الحطب
و الزهرة خانگها اللهب
و الطاغي يشتمها بغضب

الباب للطهر غدى حجابا
و أي صدر حقدها أصابا؟
و سطرة في خدها قوية
رزية مامثلها رزية

گالوا ترى البضعة تون
و جيشه يظن گلبه يحن
وبالصرخة ناداهم و إن
و بعصرته طاح الإبن

محسنها بالعتبة وگع
و بچفه خد بنتي انصفع
هشم ضلعها و مارجع
و دمها من العصرة نبع

إذ غرس المسمار في حشاها
آه بضرب مبرح أتاها
للسوط و الركل غدت ضحية
رزية مامثلها رزية

إشهد يرب العالمين
جروا أمير المؤمنين
و خلفه الزچية بالأنين
وجاها وسطر خدها اللعين

بضرب العصا اتلوج و تخر
و بسيفه صارت تعتفر
ألم جنبها و يفتخر
و بالعلة تنزل للگبر

بنت الرسول المصطفى الوحيدة
تأتي إلى جنانك شهيدة
فحسبي الله على الدعية
رزية مامثلها رزية

لحن القصيدة 💔😭

ليلة الفداء.. حين ضحّى الإمام عليّ (عليه السلام) بنفسه لحماية رسول الله (صلى الله عليه وآله)

(في مثل هذا اليوم، الأوّل من ربيع الأوّل، بات الإمام علي عليه السلام في فراش الرسول الأكرم صلى الله عليه وآله فداءً له)

في ليلة المبيت حين اجتمعت قريش على قتل النبي (صلى الله عليه وآله)، طلب الرسول الكريم من الإمام عليٍّ (عليه السلام) أن ينام في فراشه متغطياً ببرده الأخضر ليُفشل مؤامرتهم، فابتسم الإمام علي وقال: "أوتسلم يا رسول الله إن فعلتُ؟" قال: "نعم"، فأجاب بثبات: "إذاً لا أبالي".

وبينما أحدق الأعداء بالدار بأسلحتهم، كان الإمام عليٌّ (عليه السلام) ممدداً على الفراش، يفدي رسول الله بنفسه، حتى نزل فيه قوله تعالى: ﴿وَمِنَ النَّاسِ مَن يَشْرِي نَفْسَهُ ابْتِغَاءَ مَرْضَاتِ اللَّهِ﴾ (البقرة: 207).

كانت تلك الليلة شاهداً خالداً على بطولة الوصي علي (عليه السلام) وفدائه، وحفظاً للرسالة واستمراراً لنور الإسلام.

#الامام_علي ✨

قصيدة مربعة لرجوع السيدة زينب الى الديار الخاليه

{ مستهل القصيدة }

دار حسين يازينب وصلتيها
عكب اوجوه اهلها شلون شفتيها

•───✧◐◐✧───•

دخلت الدار ظلمه وموحشه بعيني
يدار اهل المحنه حيل تاذيني
خليه دارهم وحشه وتبجيني
كل اهلي مشو ماردو اعليها

•───✧◐◐✧───•

جانت دارهم تحله بكعدتهم
يرتاح الكلب لو شفت لمتهم
يظل مرفوع راسي وانه اخيتهم
يدنيه ابيوتهم كلهه هجمتيها

•───✧◐◐✧───•

طيبين اخوتي وكلش حنينين
ومشو عنج بعد بيمن تزمطين
ظل للموت ذكراهم يطيبين
ديار اهل المجد وحشه لكيتيها

•───✧◐◐✧───•

ماكو حسين بيها ولاكو عباس
اخوتي اسباع بيهم رفعت الراس
صعب فركه اخوتي يصعب يهالناس
چانت زاهيه من ودعيتيها

•───✧◐◐✧───•

شيفيد العتب لو عاتبيتيهم
راحو كل هلچ چاوين تلكيهم
شالو مايردون لمبانيهم
عينچ عالأهل زينب عميتيها

•───✧◐◐✧───•

بقلم ✍🏻المله والشاعره ام علي الأماره
غير مبري الذمه اليحذف اسم الشاعره وبنسب الكلام له

https://www.tgoop.com/um_ali313

#قصيدة_لديار_الحسين

{ مستهل القصيدة }

للدار اطب خلوني - وارد اعمي بيها عيوني
واذكر الكعده اويه الأهل
واتمنـه موتـي بالعجـل
ارد اعمي بيها عيوني 2

•───✧◐◐✧───•

يم عتبت الباب ارد اصيحآ وين الأخوان
دكيت باب اهل المجد كعدو يالحنان
محد يجاوب من صحت موحشه الديران
بس الصدى يردلي يخوتي وحالي تعبان

ميتين ماواحد عدل
واتمنه موتي بالعجل
وارد اعمي بيها اعيوني 2

•───✧◐◐✧───•

توجعني يادار اخوتي دار الحسين وعباس
الجانت زهيه منوره بوكعتهم وطاح الساس
ومنين اجيبنهم بعد كلهم حميه ونوماس
بت حيدر انه مدلله تالي ارجعت وي ارجاس

مجتوفه جابوني بحبل
واتمنه موتي بالعجل

وارد اعمي بيها عيوني 2

•───✧◐◐✧───•

مالوم عيني لوبچت لفراك ذيچ الأحباب
الچانو اوياي بكل مسه صّبحو كلهم غياب
والدار من عكب المشو غاطيها ياناس اتراب
واني على افراك اخوتي والدمع مني سچاب

هيهات يلتم الشمل
واتمنه موتي بالعجل

وارد اعمي بيها عيوني 2

•───✧◐◐✧───•

متعود ايام المضت چانت زهيه وياهم
وياچلمة الخويه بعذب يكولوها لي اهواهم
مية هله بالغاليه يكلولي واتعناهم
مااكدر انسه عشرتي وماينحمل فركاهم

عشرتنه مابيها ملل
واتمنه موتي بالعجل

وارد اعمي بيها عيوني 2

•───✧◐◐✧───•

مااملها ياعشرة هلي للروح مثل البلسم
شمحلاها وبوكت العصر كل يوم لمن نلتم
وبجال اخوتي امددله وللدنيا ابد مااهتم
تالي غدر بيه الزمن والضيم بيه اتلملم

واصبحت مركز للعلل
واتمنه موتي بالعجل

وارد اعمي بيها عيوني 2

•───✧◐◐✧───•

#2022
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tgoop.com/um_ali313

كلام هام حول الهجوم على دار فاطمة ع

#قصيدة_للزهراء_جديدة

#المستهل

شيـل ايـدك يظـالم لاتـطكها
هاي ام الحسن محني ظهرها

ظهر الزهره مـحـدوب
بطحن الرحّـى متعوب

شيل ايدك يظالم لاتطكها

•───✧◐◐✧───•

نـعمة الزهرة خلاها الله بالكـون
تطحن بالرحى وتنطي اليجوعون
الفـقره واليتـامه الـها يـكصدون
تنطي العدها والماعدها مرهون

مكصدها يفرحـون
ومن جفها يشبعون

شيل ايدك يظالم لاتطكها

•───✧◐◐✧───•

شيل ايدك عساها احتركت بنار
تعبانه ام حسن أبعد من الدار
فاطم هاي بنت النبي المختار
لاتـزرع حطب والفتـنـه بالنار

جـايـب حـطب للبـاب
بحقد داس اعله العتاب

شيل ايدك يظالم لاتطكها

•───✧◐◐✧───•

يرضى الله لرضاها إعلم ابهاي
لاتـكرب عـليها اتراجع هواااي
اخذ وياك نارك وامشي بهداي
بـيـوم الآخـرة والـدها رواي

لاتبدي المصيبة
وتكسر هالحبيبة

شيل ايدك يظالم لاتطكها


•───✧◐◐✧───•

بعمر ثمنطعش تهجم عليها
وتـحرك دارها وتغضب وليها
محسن راح ياوسفه من اديها
وعملتو الماجرى وسويتو بيها

آيـا سطـرة العـيـن
توجع كَلب الحسين

شيل ايدك يظالم لاتطكها

•───✧◐◐✧───•

نـار وبـاب من جذوع وثكيل
وزنها الباب يـنقاس بزناجيل
طبكو عالزجية وشافت الويل
والبسمار اعوج من نبت حيل

كسر ضلع الزچيه
بسمـار الـدعيـه

شيل ايدك يظالم لاتطكها

•───✧◐◐✧───•

#2023
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

اهدي ثواب القصيده الى روح والدة الحجية ام مرتضى الشمري

https://www.tgoop.com/um_ali313

حديث هجوم الدار مع نعي
من ديوان
#مواجع_الزهراء_جزء_الأول

الهجوم على دار الزهراء (ع)
دخلت فاطمة (ع) على رسول الله (ص) في مرضه الذي توفي فيه فقال لها: بنية أنت مظلومة بعدي وأنت المستضعفة، فمن آذاك فقد آذاني ومن غاضك فقد غاضني ومن جفك فقد جفاني ومن قطعك فقد قطعني ومن ظلمك فقد ظلمني ومن سرك فقد سرني ومن وصلك فقد وصلني، لأنك مني وأنا منك، وأنت بضعة مني وروحي التي بين جنبيَّ، إلى الله أشكو ظالميك من أمتي وكأني بك يا بنية تستغيثين فلا يغيثك أحد من أمتي. فبكت فاطمة (ع) فقال لها: لا تبكي يا بنية قالت: لست أبكي لما يصنع بي ولكن أبكي لفراقك يا رسول الله. فقال لها: أبشري يا بنت محمد بسرعة اللحاق بي فإنك أول من يلحق بي من أهل بيتي.
وكان رسول الله (ص) في تلك الأيام كثيرا ما يبكي إذا نظر إلى أمير المؤمنين وفاطمة والحسن والحسين (عليهم السلام) فإذا سألوه عن بكائه يقول إني أتذكر ضربة علي على رأسه ولطم فاطم على خدها وطعن الحسن في فخذه والسم الذي يسقاه، وقتل الحسين.
أقول: كما أخبر رسول الله (ص) لقد تحقق كل شيء حيث جرت المصائب على أهل البيت الواحد بعد الآخر وأولهم ظلامة فاطمة الزهراء (ع) التي اقتحم القوم عليها دارها.
يقول السيد المقرم في وفاته الصديقة نقلا عن البحار: فأصر ... أن يبعث إليه (إلى علي بن أبي طالب (ع)) فأرسل قنفذا أحد بني كعب بن عدي من الطلقاء، ومعه جماعة فاتوا بيت أمير المؤمنين فلم يأذن لهم في الدخول فرجع الجماعة وثبت قنفذ على الباب ولما سمع... من الجماعة ذلك غضب وأمرهم بحمل حطب ليضعوه على الباب فإن خرج أمير المؤمنين إلى البيعة وإلا أحرقوا البيت على من فيه ووقف... على الباب وصاح بصوت رفيع يسمع علياً وفاطمة لتخرجن يا علي إلى البيعة وإلا أضرمت عليك النار فصحت فاطمة مالنا ولك فأبى أن ينصرف أن تفتح الباب له ولما رأى منهم الامتناع أضرم النار في الحطب ودفع الباب وكانت ابنة رسول الله (ص) خلفها فمانعته من الدخول فركل الباب برجله وألصقها إلى الجدار ثم لطمها على خدها من ظاهر الخمار حتى تناثر قرطها وضرب كفها بالسوط فندبت أباها وبكت بكاءا شديدا عاليا ثم عصرها إلى الجدار ثانية فنادت أهكذا يفعل بحبيبتك وأستغاثت بجاريتها فضة وقالت لقد قتل ما في بطني من حمل

وأقبلت إليها فضة فأخرجتها من وراء الباب وجاءت بها إلى حجرتها وهناك أسقطت جنينها فأغمي عليها.

رحم الله من نادى يافاطمة يااازهرااء

هجمو عليها ومارعوها
وحركو الدار وعذبوها
ما هابو الزهره ولا ابوها

•───✧◐◐✧───•

لاذت وره الباب وعصرها
ونبت البسمار ابصدرها
متعمد اعليها وسطرها

•───✧◐◐✧───•

صااحت يفضه اتلاحكيني
عصرني النذل سقط جنيني
ومن سطرته عماينه عيني

•───✧◐◐✧───•

سنديني صاحت ها يفضه
مابيه حيل وضلعي رضـّه
صوابه بصدري حيل مضّه

•───✧◐◐✧───•

سنديني خل انهض بطولي
محسن وكع مني مدلولي
ميت لو عدل يافضه كولي

•───✧◐◐✧───•

تكلها يزهره الولد ميرد
لا نفس بي لاروح يكعد
مذبوح حاله حيل يمرد

•───✧◐◐✧───•

فوك المصاب الصار بيها
تشوف الولد طايح بديها
يوجع مصاب المر عليها

•───✧◐◐✧───•

صاحت يفضه الولد شيلي
ميت اوليدي وكومي غسلي
وجيبي الچفن يافضه چفني

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

⚫ في مثل هذا اليوم‼️

إسقاط المحسن (عليه السلام) وهو جنين في بطن أمِّه الصديقة الكبرى العظيمة القدّيسة السيدة فاطمة الزهراء (عليها السلام) بعد كسر ظلعها وضربها...😭


🗓 (3)ربيع الأول/ سنة 11 للهجرة..

نعي للزهراء عليها السلام

يمه يمه يمه يم حسن يمه

لاذت وعصروها وره الباب
صاحت يفضه صدري انعاب
ومحسن وكع يم عتبت الباب

•───✧◐◐✧───•

لأذت وره الباب وعصرها
صاحت صوت يابويه وضربها
على عينهه الظالم سطرها

•───✧◐◐✧───•

زينب بجت صاحت يبضعه
وصدرج ييمه انگسر ضلعه
وبسمار بي واشلون اطلعه
صوتج خفه مگدر اسمعه

•───✧◐◐✧───•

نبتّ البسمار ابصدرها
واضلوعها انگسرت سمعها
ومحسن وكع منها وفجعها

•───✧◐◐✧───•

اضنج ييمه اتفاركيني
واحسج بخوتي توصيني
امي الحبيبه وماي عيني

•───✧◐◐✧───•

الله يساعد العافتهه أمها
گل يوم تزداد بهضمها
وتذگر حجاياهه وسمرها

•───✧◐◐✧───•

محلاتها من تمر بيه
تسولف حلو ونگعد سويه
راحت ومن ينشد عليه

•───✧◐◐✧───•

على ام الحسن لعمي اعيوني

بقلم المله والشاعرة ام علي الامارة
غير مبري الذمه اليحذف اسم الشاعره ويتلاعب بالقصيده

https://www.tgoop.com/um_ali313

قصيدة ثقيلة للسيدة زينب ومولاتي وفاطمة

#جديدحصريآ ❤️‍🔥💔

بين زينب والزچيــه
ارد اسولف هلقضيه

أبدي من ياظيم واحچي
دمعتي عـالوجن وابچي

ارد أسولف هالقضيه

•───✧◐◐✧───•

ارد اسولف قصة مابين الحبايب بدت بمصاب النبي وصارن مصايب
ثنينهن نفس الألم شافن عجايب

مصابهن والعله واحد
عالجره الله يشاهــد

لوعة مرت بيهن وحلت أذيـه

ارد أسولف هالقضيه

•───✧◐◐✧───•

نار يم عتبت الدار اليوم شبت
والزچيه ابيتها والكوم فزعت
حيل علزهره بحقد للضلع كسرت

ابد مارحمو وضعها
قنفذ برجله دفعها

وابتدت قصة الباب وهل الرزيه

بين زينب والزچيه

•───✧◐◐✧───•

هاي أول قصة صارت ألمتهن
النبي والباب والمحسن اشدهن
زادت العله عليهن عذبتهن

وابتدت كل المصايب
مرت عليهن عجايب

تحملن كل آه والونه خفيـه

بين زينب والزچيه

•───✧◐◐✧───•

انعادت النار اعله زينب بالطفوف
نفس زمره الهجمت اعله امها تشوف
هناك حركو دارها وزرعو الخوف

وردو يرعبون بيها
بكربله ذبحو وليها

وشبت النار بثياب الهاشميه

ارد اسولف هلقضيه

•───✧◐◐✧───•

سوط قنفذ يلضرب متن البتول
نفسه رفعوه علحرم وبلا عقول
وداسو الأطفال بچعاب الخيول

محسن مصابه كضاني
والرضيع مصاب ثاني

يظهر المهدي ويحل هاي الرزيه

بين زينب والزچيه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

قصيدة جنوبية لجنين الزهراء للمحسن عليه السلام

{ مستهل القصيدة }

وزيدي النوح - للطايح وره الباب
للمحسن لطمنه وضلع الأنصاب

•───✧◐◐✧───•

عالمحسن نريد انوح هاليوم
جنين الزهره رايح منها محروم
شدي لطمتچ للراح مظلوم
{ زهره اعله امصابه _ عينيها }

•───✧◐◐✧───•

عيني ام الحسن بالنوح والونه
ومحسن بالعزه هليوم اذكرنه
الزهره اتكول محسن لالتنسنه
{ من ذاك امصابه - موجوعه }

•───✧◐◐✧───•

ماخفت اعله روحي من عصرني
خفت بالباب يوكع ابنــي منـي
يظالم كتله لاتدفع شتمنـي
{ احا يالمحسن - يايومه }

•───✧◐◐✧───•

ذكرو ابني يشيعه بدمعة العين
اسمع ونتج يامـــن تونين
ويامحسن ييمه من تصيحين
{ اتكابل يمج - تلكيني }

•───✧◐◐✧───•

المله خادمه وتقرالچ اقرايــه
وام حسين تحظر بالعزه اعنايه
تسجل النايحه وتشريكم اشرايه
{ بالجنه اتجازي - اللطامه }

•───✧◐◐✧───•

اهدي ثواب القصيده للمحسن ابن الزهراء عليها السلام

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له


https://www.tgoop.com/um_ali313

👆🏻👆🏻هذا مهم الكثير يسألون عن فرحة الزهراء تابعو المقطع كي تستفيدون من المعلومات
#الشيخ_عقيل_الحمداني