tgoop.com/um_ali313/20565
Last Update:
قصيدة مربعة لرجوع السيدة زينب الى الديار الخاليه
{ مستهل القصيدة }
دار حسين يازينب وصلتيها
عكب اوجوه اهلها شلون شفتيها
•───✧◐◐✧───•
دخلت الدار ظلمه وموحشه بعيني
يدار اهل المحنه حيل تاذيني
خليه دارهم وحشه وتبجيني
كل اهلي مشو ماردو اعليها
•───✧◐◐✧───•
جانت دارهم تحله بكعدتهم
يرتاح الكلب لو شفت لمتهم
يظل مرفوع راسي وانه اخيتهم
يدنيه ابيوتهم كلهه هجمتيها
•───✧◐◐✧───•
طيبين اخوتي وكلش حنينين
ومشو عنج بعد بيمن تزمطين
ظل للموت ذكراهم يطيبين
ديار اهل المجد وحشه لكيتيها
•───✧◐◐✧───•
ماكو حسين بيها ولاكو عباس
اخوتي اسباع بيهم رفعت الراس
صعب فركه اخوتي يصعب يهالناس
چانت زاهيه من ودعيتيها
•───✧◐◐✧───•
شيفيد العتب لو عاتبيتيهم
راحو كل هلچ چاوين تلكيهم
شالو مايردون لمبانيهم
عينچ عالأهل زينب عميتيها
•───✧◐◐✧───•
بقلم ✍🏻المله والشاعره ام علي الأماره
غير مبري الذمه اليحذف اسم الشاعره وبنسب الكلام له
https://www.tgoop.com/um_ali313
BY الشاعرة والمله ام علي الإماره
Share with your friend now:
tgoop.com/um_ali313/20565