Ko’pchilik Yandex Go dagi foydalanuvchilarni reytingi bo’yicha yozvorishdimi deyman, bu funksiyani o’chirishibdi 😅

P.S. Asosiysi man hozirgi reytingimni yozib oldim, boshqatdan yoqilganda reytingni solishtiraman, reyting tushib ketmiydi degan umiddaman 😆

@temur_pm_blog

Salom, salom! 🌟

"Generalning honasidagi hisobot bilan jang maydonidagi holatdan farq qiladi" degan xazl gapni eshitganmisiz?

Man uchun bu xazl gap emas, balki kichik bir qoidadir. Deyarli har ishlagan kompaniyamda jang maydoniga chiqib ahvolni ko'rishga harakat qilaman. Shunda ishlayotgan mahsulotim bo'yicha tezroq ma'lumot yeg'a olaman va muammolarni ko'ra olaman.

Mana bugun ham ishlagan mahsulotim bo'yicha jang maydoniga chiqib keldim, o'zimga kerakli bo'lgan ko'p insaytlarni olib keldim, boshqa Product managerlarni boshini og'ritishni boshladim nega u bunday qilingan, nega bu bunday qilingan deb.

Eng kerakligisi o'zim uchun backlog uchun kerakli insaytlarni yig'ib oldim, endi sekin-sekin har bir insaytni chuqurroq o'rganishga harakat qilaman.

Mahsulotingizni o'rganish uchun jang maydoniga ohirgi marta qachon chiqqansiz?😃

@temur_pm_blog

Alif Product managerlar uchun 3 oylik bepul kurs ochibdi. Bu manimcha shu sohaga qiziqayotganlar uchun juda zo'r yangilik, Alif uchun esa iqtidorli bollarni o'ziga saralab olish uchun juda zo'r imkoniyat.

Kompaniyaning bir necha xodimlarini yaxshi taniyman, eshitishimcha aynan produktoviy podxodni ancha yo'lga qo'yib olishgan deyishadi, lekin o'zim ichiga kirib ko'rmaganman :)

Click da ham shunaqa tajriba bor, faqat u yerda 3 oylik kurs emas balki 2 oylik stajirovka, stajirovkadan o'tkanlarning eng iqtidorlilariga Click ish taklif qiladi. Maqtanib qo'yi, o'zim ham 2 ta shogird shiqarishga ulgurdim Click da😂

O'zim shu sohaga kirayotganimda juda qiynalganman, na stajirovka bor, na bizda kurs bor, Rossiyadan kurs sotib olib o'qiganman. Omadimga u vaqtlarda Qozog'istonning yirik AyTi kompaniyasi Kolesa Groupda "Kolesa Upgrade" loyihasi boridi, shu loyiha doirasida Product managerlikka o'qib olganman. O'sha vaqtlarda (2018 yillar) Kolesa Groupda ham stajirovka loyihasi bor edi, O'zbekistonda ham shu yo'nalish ishga tushsa zo'r bo'lardi deb havas bilan qarirdim.

Xullas, kimda-kim real keyslar bilan ishlab ko'rmoqchi bo'lsa, uyalmasdan, tortinmasdan kursga yozilsin. Kursga yozilish xavolasi.

Kurs yakuni bo'yicha Junior Product manager bo'lib chiqasiz.

P.S. Alifdan post qo'yib bering deb xech kim chiqmadi, agar kimda-kim kanalimdan kursga yozilsa Alifdagilar bir finjon qaxva bilan mehmon qilsa bo'ladi😁

@temur_pm_blog

Salom, salom! 🌟

Bugun Junior Product manager sifatida start upda ish boshlash yaxshimi yoki yirik kompaniyada ish boshlash yaxshimi degan savolga o’zimning fikrimni yozmoqchiman.

Junior Product manager sifatida ishni boshlashda har ikkala yo’nalishning o’ziga yarasha plus va minus tomonlari bor. Eng avvalo, sizning maqsadingiz nima? Hamma narsani birdek o’rganmoqchimisiz yoki Product frameworklar bo’yicha chuqurroq bilim olishni xohlaysizmi?

Yirik kompaniyada ishlashning pluslari va minuslari:

Plus:
- Protsesslar yo’lga qo’yilgan. Kompaniya ancha barqaror.
- Ko’p mentorlarga ega bo’lishingiz mumkin.
- Product framework bo’yicha ishlaysiz.
- Tadqiqotlar uchun UX tadqiqotchilari, ma’lumotlar tahlili uchun Product analystlar bor. Bular yordamida insaytlar tayyorlab, tahlil qilish osonlashadi.
- Katta xatolar qilish ehtimoli kamroq.
- Maosh va ish vaqti tartibi o’rtacha yaxshiroq.

Minus:
- Siz ishlayotgan product katta va murakkab bo’lgani sababli, metrikalarni juda katta ko'rsatkichlarga ko’tarish juda qiyin bo’ladi.
- Ba’zi masalalarni boshqa departamentlar bilan kelishish ko’proq vaqt oladi.

Start upda ishlashning pluslari va minuslari:

Plus:
- Ko’p tajriba orttirish imkoniyati bor, barcha sohalarda ishlash imkoniyatini yaratadi.
- Byudjet katta emas, shuning uchun har bir so’mdan samarali foydalanasiz.
- Marketing, sotuv, tadqiqot, product analysis – bularning barchasini o’z zimmasiga olish imkoniyati bo’ladi.
- Xatolar ko’proq bo’ladi, ammo shu xatolarni o’rganish orqali juda katta tajriba orttirasiz.

Minus:
- Product frameworklarga kamroq e’tibor beriladi, asosiysi – bozorda nimalar o’zgarishini kuzatish.
- Protsesslar hali to’liq yo’lga qo’yilmagan, hammasi o’zgarib turadi.
- Har bir sohada mutaxassislar bo’lmasligi ehtimoli katta (scrum master, product, data, product marketing analystlar, va boshqalar).
- O’rganadigan narsalaringiz ko’proq biznesni tushunish, resurslarni tejash va maksimal foyda olishga qaratiladi.
- Ish haqi unchalik katta bo'lmasligi mumkin, ish vaqti esa unchalik normallashtirilmagan bo'lish ehtimoli katta.

Xulosa:
Ikkala yo’nalish ham o’ziga yarasha yaxshi va qiyin tomonlarga ega. Yangi mutaxassis sifatida nima maqsadni belgilashingizni bilishingiz kerak. Siz Product manager sifatida ishlashni o’rganmoqchimisiz yoki har bir sohadan bilim olgan holda rivojlanmoqchimisiz?

@temur_pm_blog

Salom, salom! 🌟

G‘oyalarni qayerda topish mumkin?

Ko‘pincha, barcha kerakli ma’lumotlar dashboardda mavjuddek tuyuladi: ARPU, Retention, konversiyalar, drop-off — bular orqali qarorlar qabul qilinadi.

Lekin oxirgi haftalarda shuni tushundim: raqamlar — bu faqat yarim kartina. Ikkinchi yarmi esa Sales jamoasida.

Ular har kuni foydalanuvchilar bilan muloqotda bo‘lishadi. Qayerda foydalanuvchilar adashadi? Nima uchun ular jahli chiqadi? Nega ular mahsulotni tushunmaydi?

Hozirgi kunda odat qilib oldim:
Sales bilan muntazam uchrashuvlar o‘tkazish.
Ba’zan ularning bitta so‘zi muammo haqidagi tasavvurumni butunlay o‘zgartiradi. Hech qanday grafik buni qilishga qodir emas.

Oldinlari bu jihatni kam baholardim, hozir esa bu jarayonning ajralmas qismi qilib olishga harakat qilaman:
Birinchi — tingla, keyin qaror qil.

Sizda nima holat? Sales jamoasi mahsulotni muhokama qilishda qatnashadimi?

@temur_pm_blog

Salom, salom! 🌟

Bugun sizlarga o'zim uchun juda qiziqarli mavzuda post yozishga qaror qabul qildim. Digital Double — ya’ni raqamli ikkinchi nusxa. Endi bu haqiqatga aylanishi mumkin.

Bir necha yil oldin bu faqat fantastika edi, lekin hozirda startaplar, yirik kompaniyalar va hatto telekanallar bu texnologiyani sinab ko’rishmoqda.

DeepBrain AI (AQSh) — raqamli avatarlarni sotadi. Fotosurat va ovozingizni yuklaysiz va AI-klon sizni yig’ilishlarda ishtirok etishga tayyor, nutqingizni tilda va lablarni sinxronlashtirib takrorlaydi.

Synthesia (Reuters, Accenture foydalanuvchilari) — video yaratish uchun ishlatiladigan platforma, minutlar ichida AI-speakerlar yaratish mumkin.

Baidu (Xitoy) yangi ERNIE Botni chiqardi — bu model haqiqiy insonlardan ajralib turmaydigan raqamli boshliqlarni yaratishga imkon beradi.

Janubiy Koreyadagi MBN telekanali o‘zining AI-dublikatini tanishtirdi — o‘zining xabarchisini raqamli ko‘rinishda yaratdi, uning ovozi va mimikasini imitatsiya qilmoqda.

China Mobile esa 100,000ta raqamli ishchilarni yaratib, mijozlarga xizmat ko‘rsatish uchun ishlatmoqda.

Boshqa sohalarda nima bo‘lmoqda?
UBS banki AI-videolarni ishlatib, analitiklar uchun bir xil videolarni yozib olishga vaqt sarflamaslikka yordam bermoqda.
Lil Miquela kabi raqamli inflyuensylar dunyo brendlari bilan hamkorlikda ishlamoqda.
Samsung “NEON” loyihasi orqali raqamli avatarlarni sinab ko‘rmoqda, lekin hozirgi vaqtda buning amaliyotda qanday ishlatilishi haqida aniq ma’lumotlar yo‘q.

Etika va amaliy xavflar:

Massachusetts Institute of Technology olimlari bu texnologiyalarning salbiy tomonlarini e’tiborga olishmoqda:
- Jonli aloqaning yo‘qolishi
- Haqiqiy va raqamli o‘rtasidagi chegaralar bartaraf bo‘lishi
- So‘rovlar va yig‘ilishlarda aldanish ehtimoli
- Raqamli “DNK”ning oqibati

Bundan tashqari, kompaniyalar, masalan, Amazon va Meta, AI texnologiyalarini ishlatishda yangi siyosatlarni ko‘rib chiqmoqdalar.

Asosiy savol:

Bugun siz bilan videokonferensiyada kim edi? Shunchaki odammi yoki uning raqamli nusxasi? 😅

Savol:
Raqamli kloningizni biror uchrashuvda yuborishni xohlaysizmi yoki bunday texnologiyalar xavf tug‘diryaptimi?


P.S. Ma’lumotlar to’plashda manga AI yordam berdi :)

@temur_pm_blog

AI ni bir chetga qo’yib turiylik, hozir taksida nima gapla endi 😂

@temur_pm_blog

Klarna sabog‘i: AI kuchli, ammo empatiyasiz

Salom, salom! 🌟

Klarna — bu buyurtmalarni to‘lash va kreditlashga ixtisoslashgan mashhur FinTech kompaniya. U dunyo bo‘ylab millionlab foydalanuvchilarga xizmat qiladi.

Yaqindan Klarna sun’iy intellekt (AI) o‘rniga yana jonli operatorlarga qaytishni boshladi.

O‘tgan yili ular 700 ta qo‘llab-quvvatlash operatorini AI bilan almashtirgandi. Texnologiya OpenAI bilan hamkorlikda yaratilgan va har oy 2,3 mln murojaatni 35+ tilda ko‘rib chiqardi.

Ammo 1 yildan so‘ng kompaniya qarorini qayta ko‘rib chiqdi.

CEO Sebastyan Siyatkovskiyning shu yilning may oyidagi gapi:

“Biz ortiqcha tejamkorlikka kirib ketdik, natijada xizmat sifati pasaydi.”

Endi Klarna gibrid modelga o‘tishmoqda:
AI — tez va oddiy ishlarni bajaradi.
Inson — empatiya va kontekst talab qiladigan vazifalarni hal qiladi.

Sebastyan gapining davomida:

“AI tezlikni ta’minlaydi, inson iste’dodi esa empatiyani. Birgalikda ular eng yaxshi xizmatni taqdim etadi.”

Xulosa:
AI — bu inson o‘rnini bosuvchi emas. Bu kuchaytiruvchi vosita. U samaradorlikni oshiradi, inson esa sifat va kontekstni ta’minlaydi.

P.S.
Bu mavzuni Instagramda Максим Спиридонов sahifasida o‘qib qoldim. Menga juda qiziq tuyuldi va sizlar bilan bo‘lishmoqchi bo‘ldim.

@temur_pm_blog

Obunachilarning profili

Salom, salom! 🌟


O’zimcha telegram blogimni analitikasini qilib ko’rgim keldi, Telgram blogim man uchun bir hobbi bo’lishiga qaramay, bu ham bir kichkinagina product. Blog muvaffaqiyatli bo’lishi uchun obunachilar o’zi kim, nima ishlar qilishadi, nimalar ularga qiziq shu savollarga javob topishga urinib ko’rdim (to’g’risini etaman ko’p vaqt ajratomadim 😁 )

Taxminiy profil shunday bo’lib chiqdi
Ism: Muhammad, Diyor, Feruza (ismlar tavakkaliga yozilgan)
Yosh: 23-33
Kasbi: Junior/Middle Product Manager, Digital marketolog, UX/UI dizayner, Frontend dasturchi
Motivatsiya:
– Bilim va ko‘nikmalarini oshirish
– Senior darajaga o‘tish
– Продуктовый мышления ni o’rganish (tarjima qila olmadim)
Ishlatadigan platformalari:
– Telegram
– LinkedIn
Kanalda eng qadrli narsa:
– Haqiqiy hayotiy keyslar orqali o‘rganish
– Karyera yo‘nalishini aniqlash
– O‘xshash fikrlovchi jamoaga tegishli bo‘lish

Endi eng asosiy savol! Shu profilda o’zizzi ko’rvossizmi yoki umuman kalla qo’yib tashaganmanmi? 😂

Keyingi post bunaqa profil tuzishni nima foydasi borligini yozishga harakat qilaman.

P.S. Blogimda O'zbekistondagi yirik AyTi kompaniya asosichilari, rahbarlari yoki TOP-menedjmentidan ham obunachilar borligini bilaman no mani fikrim hurmat yuzasidan obuna bo'lishgan yoki blogni arxivga jo’natishgan.

Mani blogim aynan professional jihatdan ularni qiziqtiradi dib o'ylamiyman, hali unaqa jaaaa kotta odam bo'lib ketmaganman😆



@temur_pm_blog

Foydalanuvchingni bilmasangiz, mahsulotingni ham tushunmaysiz

Salom, salom! 🌟

Ko‘pchilik Product managerlar bitta savolga javob bermasdan ishlay boshlaydi:
Bu mahsulot kim uchun?

Persona chizish zerikarlidek tuyuladi. Ammo bu sizga aniq narsa beradi — kimga nima kerakligini tushunib olish.

Nega bu muhim?

Muammo kimniki — yechim ham shunga mos bo‘lishi kerak
Hammaga bir xil bo‘lgan yechim — odatda hech kimga to‘liq kerak emas.

Funktsiyalarni prioritet qilish osonlashadi
Talaba uchun muhim narsa bilan ishbilarmon uchun kerakli narsa bir xil emas. Foydalanuvchi profili bunga yordam beradi.

UX, til, onboarding — hammasi real odamga moslashadi
Yozgan matningizdan tortib, tugmachagacha — kim foydalanishini bilmasangiz, “random” bo‘lib qoladi.

Metrikalarni tushunish osonlashadi
Masalan, retention pastmi? Balki siz notog‘ri auditoriyani tortgansiz? Profil bo‘lsa, sabab topiladi.

Xulosa:
Foydalanuvchi profili — bu oddiy chizma emas. Bu sizning mahsulotingizga yo‘l ko‘rsatadigan kompas.

Mini-test:
Agar siz mahsulotingiz foydalanuvchisini 3 ta gapda tushuntirib bera olmasangiz — demak, hali foydalanuvchingizni bilmayapsiz.

Sizchi?
Siz kim uchun mahsulot qilyapsiz? Profili aniqmi? Kommentariyada yozing 👇

@temur_pm_blog

Hammasini darrov “to‘g‘rilash”ni istamaslik, o‘sish alomati bo‘lishi mumkin

Salom, salom! 🌟

Oldinlari har qanday muammoni ko‘rsam — darrov uni “tuzatish”ga urinardim.

Muammo? → Zudlik bilan yechim izlash!

Endi esa boshqacharoq yondashuv paydo bo‘lgan:

– Nega bu narsa shunday ishlayapti?
– Bu haqiqiy xato (bug)mi yoki kimningdir ongli qarorimi?
– Agar hozir bu yerga teginsam, boshqa nima buzilishi mumkin?

Bilmadim, bu “seniorlik”mi yoki yo‘q.
Lekin harakatdan oldin biroz pauza qilish - endi odat bo‘lib qoldi.

Xulosa:
Har doim yechim emas, avval nimaga bunaqa qilingan degan savol kerak bo‘ladi.
Tinchlik bilan kuzatish - bu ham mahsulotni rivojlantirishning bir qismi.

Sizchi?
Qachon shunaqa o‘zgarish bo‘lgan sizda? “To‘g‘rilash”dan oldin to‘xtab o‘ylay boshlaganingizni qachon sezgansiz?

@temur_pm_blog

Yaxshi Product manager - bu doim hamma narsaga javob beradigan odam emas

Salom, salom! 🌟

Ishni endi boshlaganimda, o‘zimni doim tayyor tutardim:
🟢 Har bir savolga javob
📱 Har bir Telegram/Slackdagi xabarga “tezkor reaksiya”
📆 Har bir mitapda qatnashish
🧩 Har bir jarayonda bo‘lish

Lekin bir narsani tushunib yetdim:
Shunaqa Product manager bo‘lish → o‘zimni yeb bitirish degani ekan.

Chunki:
– Fokus yo‘qoladi
– Fikrlash emas, yong‘inga o‘t o‘chirish boshlanadi
– Charchoq odatiy holatga aylanadi
– Va eng yomoni: sen doim kimningdir o‘rnini yopib yurasan, o‘rningni emas

Hozir esa boshqacharoq yondashishga harakat qivomman:
✅ “Yo‘q” deyishni o‘rganish
✅ Javob bermasdan oldin savolning egasiga ham javob topish imkonini berish
✅ Slack, chat, task — hammasini tartibga solish
✅ Faqat “band bo‘lish” emas, foydali bo‘lish haqida o‘ylash

Xulosa:
Yaxshi Product manager - bu hammasini biladigan emas.
Bu: qachon jim bo‘lishni ham biladigan odam.

Sizchi?
Qachon “har doim online bo‘lish” sabab charchoqni his qilgansiz? Charchoqni his qilmaslik uchun nimalarni o'zgartirdiz?

@temur_pm_blog

Hambi Superapp mahsulot menejeri Alina Aliyeva ishtirokida bo‘ladigan ochiq seminarga kevoldim endi

Tadbir haqigadi ma’lumotga ko’ra quyidagi mavzular haqida gapiriladi:

— Telekommunikatsiya sohasi qanday raqamlashtiriladi?
— Mahsulot menejeri kim va uning haqiqiy vazifasi nimadan iborat?
— Kimlar bozor va hambi jamoasi talabiga mos keladi.

Mundoooo qarasam anchadan beri tadbirlaga qatnashmabman, bu seminar qanchalik foydali bo’ladi bu endi boshqa hikoya :)

P.S. Tadbir School21 da bo’votdi

@temur_pm_blog

Ana endi shu videoni qo’yadigan vaqt keldi 😅

@temur_pm_blog

Katta kompaniyaga intervyu: kosmik bilim kerakmi yoki oddiy fikrlash?

Salom, salom! 🌟

Yaqinda O‘zbekistondagi eng yirik Fintech kompaniyalaridan biriga suhbatga chaqirishdi.
Ko‘pchilik Product Managerlar ishlashni orzu qiladigan joy.

Nomini eshitganimdayoq bir oz xavotir bo‘lishi aniq edi:
“U yerda boshqa darajadagi odamlar ishlaydi-ku… Men qanchalik tayyorman ” degan fikr keladi hayolga.

Lekin suhbat juda oddiy va aniq o‘tdi.

So'ralgan savollar:
– Qilgan ishlarim
– Qanday qarorlar nima uchun qabul qilingan
– Raqamlarda qanday natijalarga erishganmiz
– Qanday xatolar qilganman
– Yangi g‘oyani qanday chiqarishdan boshlab, live’ga olib chiqqan processim
– Noaniqliklar vaqtida qanday qarorlar qabul qilganman va aynan nega bunday qarorlar qabul qilganman

Bu postni yozishimdan maqsad:
Shu fikrlarni o‘zim uchun ham eslab qo‘yish.
Ko‘pchilikda katta kompaniyaga chaqirilsa:
“Men hali tayyormasman” — degan fikr keladi.
Bu — xato.

Suhbat vaqtida uchragan asosiy xatolar:

1. “Men hali bunaqa katta kompaniyada ishlashga tayyormasman”
Aslida siz tayyormisiz yoki yo‘qmi, buni kompaniya baholaydi.
Sizdan faqat CV yuborish va suhbatga borish talab qilinadi.

2. “Kosmik bilimlar kerak”
Suhbatda sizning qanday fikrlashni bilishingiz va qanday tajribaga ega ekanligingizga qarashadi.
Qo‘shimcha kurs yoki bitta extra sertifikat kutishning keragi yo‘q.

3. “TOP PMlar boshqacha odamlar”
Yo‘q, ular ham oddiy odamlar. Faqat o‘z natijalarini aniq va ravshan ko‘rsatishni bilishadi.
Biz esa odatda ortiqcha kamtarlik qilamiz.

Xulosa:
Agar o‘zingizga yuqori baho bera olmasangiz, boshqalar ham sizga yuqori baho bermaydi.

Maslahat:
Qo‘rqmang! Agar sizni suhbatga chaqirishgan bo‘lsa — boring, suhbatdan o'tib ko'ring.
Hech kim sizni yeb qo‘ymaydi. 😊

P.S.
Bu holat yana kimga tanish? :)

👉 Agar post foydali bo‘lsa saqlab qo‘ying, keyingi suhbatga tayyorlanishda asqotadi.

@temur_pm_blog

Kutganimdek og'riqli mavzu haqida yozibman, bu qo'rquvlarni yo'qotishning eng zo'r yo'li suhbatlardan o'tib turish 🙂

O'zimga bo'lgan ishonch kamayishni boshlasa suhbatlarga borishga harakat qilaman, shunda
A) Qaysi sohalarda yaxshi bilimlarim bor, qaysi sohalar oqsavotdi
B) Man o'ylagan darajada yomon mutaxassismasligimni bilib olaman😁


@temur_pm_blog

"To‘g‘ri" qaror ham ba’zida natija bermiydi

Salom, salom! 🌟

Mening kuzatishlarimga ko‘ra, bu holat productda ko‘proq uchrashni boshladi.

Hamma ma’lumotlar, logika bo'yicha bu qaror ishlashi kerak.
Yangi funksionalni ishga tushirasan.
Raqamlarga qaraysan - Bag'dodda hammayoq jim-jit degan narsa bo'ladi.

Keyin esa oddiy bir g‘oya keladi, hech qanday aqlli framework dan o‘tolmaydigan g‘oya.
Sinab ko‘rasan, natija bir necha barobar kuchliroq chiqadi.

So‘nggi vaqtlarda buni ko‘p kuzatvomman.

Va har safar shuni o'ylavomman:
faqat “logik” qarorlarni emas, shunchaki “ishlab qolsa-chi?” degan intuitiv qarorlarni ham sinab ko‘rish kerak.

Axir istalgan g‘oya xoh intuition bo‘lsin, xoh data asosidagi bo‘lsin - sinovgacha faqat gipoteza bo‘lib qoladi.
Natija esa kutilmaganda ham chiqishi mumkin.

Sizchi?
Shunaqa holatni boshdan o‘tkazganmisiz?

@temur_pm_blog

Hamma narsani nazorat qilishni xohlash, Product Managementdagi eng kuchli illyuziyalardan biri

Salom, salom! 🌟

Product manager bo‘lib ishlashni boshlaganimda ko‘p narsani boshdan o‘tqazdim.
Ulardan biri: hamma narsani nazorat qilishga urinish.
- Har bir task ni ko‘rib chiqish kerak
- Har bir bug ni o‘zim ko‘rib chiqishim kerak
- Har bir chatga “tez javob” berishim kerak

O‘shanda o‘zimni “faol va kuchli PM”dek his qilardim.

Lekin vaqt o‘tishi bilan bitta narsa aniq bo‘ldi:
👉 hamma narsani nazorat qilish - bu charchashga eng to‘g‘ri yo‘l ekan.
👉 Va bundan ham yomoni: jamoani ishonchsizlikka o‘rgatarkan.

Hozir azgina boshqacha ishliyman:
✅ Ishonchli va mustaqil jamoa qurishga
✅ Qanday natija kerak, shuni tushunarli qilib etishga harakat
✅ Delegirovat qilishdan qo‘rqmiyman
✅ Har bir masalada ishtirok etish shartmasligini qabul qilganman

Nazorat qilishni kamaytirish va jamoaga ishonishni oshirish uchun 5 ta oddiy odat

1. Har narsaga o‘zingiz javob bermaslikni o‘rganing
Agar jamoa javob bera oladigan bo‘lsa — ularga joy bo‘shating va imkon bering.

2. Natijani aniq tushuntiring, jarayonni bo‘sh qo‘ying
Nimani olish kerak — shuni aniq ayt, QANDAY qilishini teamga ishoning.

3. “San nima deb o‘ylaysan?” degan savolni ko‘proq bering
Maslahatlardan ko‘ra savollar ko‘proq foyda beradi.

4. Review jarayonlarini tartibga soling
Faqat kerakli joyda qatnashing. Har bir detalga kirmaslik bu normal holat.

5. Xatolarni qabul qilishga ochiq bo‘ling
Jamoa hammasini ideal qilolmaydi. Xatoni ko‘rgan joyda birga o‘rganish madaniyatini yarating.


Xulosa:
Product manager hamma narsani nazorat qiladigan odam emas.
U to‘g‘ri savol beradigan va natijaga yetaklaydigan odam.

Sizchi?
Shu bosqichni boshdan o‘tkazganmisiz? Qachon “hamma narsani bilaman va nazorat qilaman” degan fikrdan voz kechgansiz?


@temur_pm_blog

Salom, salom! 🌟

Bugun offtop post bo'ladi. Ohirgi vaqtlarda hamma postlarimni turmush o'rtog'im imloviy xatolarga tekshiradi, kechagi post esa juda bir qizg'in bahsga aylanib ketdi😅.

Turmush o'rtog'imning so'zlariga qaraganda postdagi matnlar o'zbek tili qoidalarini qo'pol buzib tashirkan va ko'pchilikka tushunarsiz bo'lish ehtimoli katta ekan😅

Hozircha bahona qilishga bitta qurolim bor, u ham bo'lsa O'zbekistondagi universitetnimas, balki Rossiyadagi universitetni tugatganim 😂

Qanchalik postlarni o'qishga qiynalasiz, qanchalik tushunarsiz yozaman😁 ?

@temur_pm_blog