📄 Cisco сертификатлари ҳақида қисқача ва фойдали маълумот

Cisco сертификатлари тармоқ технологиялари соҳасидаги энг нуфузли сертификатлардан бири ҳисобланиб, ахборот технологиялари мутахассислари учун тармоқ, хавфсизлик, дастурий таъминот ва бошқа соҳаларда малака ошириш ва ўз билимларини тасдиқлаш имконини беради.

1993 йилда Cisco биринчи сертификация дастурини ишга туширган бўлиб, Cisco Certified Internetwork Expert (CCIE) биринчи ва энг юқори даражадаги сертификат ҳисобланади.

CCNA (Cisco Certified Network Associate) ва CCNP (Cisco Certified Network Professional) сертификатлари 1998 йилда жорий этилган. Ва бу сертификатлар илғор ва профессионал даражадаги билим кўникмаларини қамраб олади.

2001 ва 2013 йиллардан бошлаб ушбу соҳада ихтисослик ва тармоқ архитектураси бўйича сертификация тизимлари жорий қилиш бошланди.

2020 йилда сертификация тизимлари модернизация қилиниб, вертикал даражадаги сертикация (Entry, Associate, Professional, Expert, Architest) тизимлари кўпайтирилди. Devnet (дастурлаш ва тармоқларни автоматлаштириш) бўйича ихтисослик сертификатлари ҳам жорий этилди. 2023 йилда сертификация тизимларига жиддий ўзгартиришлар киритилди.

Ўзбекистонда халқаро IT-сертификатларни олиш харажатларини қоплаш бўйича дастурлар мавжуд бўлиб, 2023 йил 1 октябрдан бошлаб, B2 ва ундан юқори даражадаги хорижий тил билимига эга фуқароларга халқаро IT-сертификатларни олиш ва ўқиш харажатларининг 100% қисмини қоплаш тизими жорий этилди*.

Бу турдаги сертификатлар рўйхатида қуйидаги Cisco сертификатлари мавжуд:

✔️ CCT
✔️ CCNA
✔️ CyberOps Associate
✔️ DevNet Associate
✔️ CCNP Enterprise
✔️ CCNP Collaboration
✔️ CCNP Data Center
✔️ CCNP Security
✔️ CCNP Service Provider
✔️ CyberOps Professional
✔️ DevNet Professional
✔️ CCDE
✔️ CCIE Enterprise Infrastructure
✔️ CCIE Enterprise Wireless
✔️ CCIE Collaboration
✔️ CCIE Data Center
✔️ CCIE Security
✔️ CCIE Service Provider
✔️ Cisco Certified Specialist – Enterprise Core
✔️ Certified DevOps Engineer

* Фақат халқаро IT-сертификат мавжуд бўлган тақдирда фақатгина IT-сертификат учун имтиҳон тўлов пулининг 60 фоиз қисми тўланади.

Шунингдек, давлат органлари ва бошқа бюджет ташкилотларининг ахборот технологиялари ва коммуникацияларини ривожлантириш учун масъул ходимларнинг лавозим маошига қўшимча устама тўлашга асос бўлувчи IT сертификатлар рўйхатида ҳам Cisco сертификатлари (CCNP Security, CyberOps Professional, CCIE Security) келтириб ўтилган.

@tarmoq_tizim

🇺🇸 AQShning sun’iy intellekt (SI) texnologiyalari sohasidagi global gegemonlikni saqlab qolishga qaratilgan siyosati yangi bosqichga o‘tmoqda.

2025-yil 13-yanvar kuni SI texnologiyalari uchun zarur bo‘lgan yuqori texnologik chiplarning eksportiga yangi va yanada qattiq cheklovlar kiritdi.

✅ AQSh 18 ta yaqin ittifoqchisini, jumladan Buyuk Britaniya, Germaniya, Kanada, Yaponiya va Janubiy Koreyani bu cheklovlardan istisno qildi.

✅ Boshqa davlatlarga ilg‘or grafik protsessorlarning yillik sotilishi 50 ming dona bilan chegaralanadi. Ammo ba’zi davlatlar yoki kompaniyalar maxsus ruxsatnomalar orqali bu limitdan oshib chip xarid qilish imkoniyatiga ega bo‘lishi mumkin.

✅ Isroil, Polsha, Shveytsariya, Portugaliya va Meksika kabi davlatlar ham ushbu cheklovlarga duch kelmoqda.

✅ Ushbu qadam asosan Xitoyning ilg‘or SI chiplariga kirish imkoniyatini cheklashga qaratilgan bo‘lsa-da, boshqa davlatlar ham bu cheklov ta'sirini sezadi.

✅ Shu bilan birga, AQSh texnologik kompaniyalari uchun o‘z ma’lumot markazlarini faqat ittifoqchi davlatlar hududida joylashtirish rag‘batini kuchaytirmoqda.

✅ NVIDIA kabi yetakchi kompaniyalar ushbu cheklovlarni “misli ko‘rilmagan va xato” deb baholab, ular global innovatsiyalar va iqtisodiy o‘sishga zarar yetkazishi mumkinligini ta’kidladi.

✅ AQShning texnologik gigantlari bu siyosat o‘zlarining savdo daromadlariga hamda yuqori texnologiyalarni rivojlantirish istiqbollariga salbiy ta’sir ko‘rsatishi mumkinligi haqida ogohlantirmoqda.

@tarmoq_tizim

Hayotingiz faqat tartibdan iborat bo'lsa, unda betartiblikning achchiq "sarguzashtlarini" hali boshdan kechirmagansiz 😂

@tarmoq_tizim

Ispaniyada internet va mobil aloqa to‘liq o‘chdi — sabab Telefónica‘ning xatosi

Ispaniyaning Madrid, Barselona, Valensiya, Sevilya va Bilbao kabi yirik shaharlarida internet va mobil aloqa butunlay ishdan chiqdi.

Movistar, Orange va Vodafone kabi asosiy operatorlar muammoni tasdiqladi. LBC radiostansiyasi maʼlumotiga ko‘ra, barchasiga Telefónica kompaniyasi amalga oshirgan omadsiz tarmoq yangilashi sababchi bo‘lgan.

P.S. "Tarmoqni o‘rganish nima beradi? Faqat CCNA sertifikat uchun" deganlar hozir Madrid, Barcelona ko‘chalarida GPS o‘rniga quyoshga qarab yo‘l topishyapti ekan 😂

@tarmoq_tizim

💥💥💥 KERIO CONTROL bo‘yicha video darsligimiz endi YouTube’da ochiq holatda!

Ushbu darslikda Kerio Control’ning asosiy funksiyalari, sozlamalari va samarali foydalanish usullari haqida batafsil ma’lumot berilgan. Tarmoq xavfsizligini oshirish va tizimni boshqarishni o‘rganmoqchi bo‘lsangiz, videodarslikni tomosha qiling. Va ushbu postni imkon qadar boshqalar bilan ham bo‘lishing.

01. KIRISH. VIRTUALBOX DASTURI 👉 VIDEO
02. VIRTUAL ISHCHI MAYDONNI TAYYORLASH 👉 VIDEO
03. KERIO CONTROLNI O"RNATISH 👉 VIDEO
04. KERIO CONTROLDA DASTLABKI SOZLAMALARNI AMALGA OSHIRISH 👉 VIDEO
05. TARMOQ INTERFEYSLARIGA IP MANZILLARNI BERISH 👉 VIDEO
06. KERIO CONTROLDA DHCP SERVER 👉 VIDEO
07. TARMOQ DNS SOZLAMALARI 👉 VIDEO
08. FOYDALANUVCHILAR BILAN ISHLASH. AD DOMEN FOYDALANUVCHILARI 👉 VIDEO
09. KERIO CONTROLDA TRAFIK QOIDALARI 👉 VIDEO
10. TRAFIK QOIDALARI (TELEGRAMNI BLOKLASH) 👉 VIDEO
11. TRAFIK QOIDALARI (FAQAT TAS-IX) 👉 VIDEO
12. KERIO CONTROLDA WEB FILTIRATSIYA 👉 VIDEO
13. KERIO CONTROLDA TEZLIKNI NAZORAT QILISH 👉 VIDEO
14. XAVFSIZLIK PARAMETRLARI (IKKI BOSQICHLI AUTENTIFIKATSIYA) 👉 VIDEO
15. XAVFSIZLIK PARAMETRLARI (GEO IP FILTR, BOG"LANISHLAR) 👉 VIDEO
16. XAVFSIZLIK PARAMETRLARI (MAC FILTR) 👉 VIDEO
17. VPN SERVER (KERIO VPN, IPSEC VPN) 👉 VIDEO
18. PROXY SERVER 👉 VIDEO
19. BOSHQARUV MODULLARI (IP TOOLS, SSH) 👉 VIDEO
20. KERIO CONTROLDA STATISTIKA VA HISOBOTLAR 👉 VIDEO
21. BONUS DARS (PAT) 👉 VIDEO

@tarmoq_tizim

🔎 Tajribali tarmoq administratori ishga qabul qilinadi

📍 Ish joyi: UZBEKISTAN GTL LLC (ish joyi xodimning xohishiga qarab Toshkentda yoki Qashqadaryoda)
🕘 Tajriba: Kamida 3 yil

Asosiy talablar:
• Cisco, Juniper, Checkpoint bilan ishlash tajribasi
• TCP/IP, BGP, OSPF, EIGRP, STP, VLAN, NAT, VPN protokollari
• Firewall, IDS/IPS, DMZ, HA/HS, QoS, L2/L3 tarmoq arxitekturasi
• Troubleshooting: ping, traceroute, log tahlili
• Monitoring tizimlar: Zabbix, PRTG, SolarWinds
• Tarmoq xavfsizligi, zaxira infratuzilma yechimlari

Afzallik beriladi:
• CCNA, CCNP, JNCIA, CCSA sertifikatlari
• Data-markaz va virtualizatsiya (VMware NSX, Proxmox) tajribasi
• Linux/Unix muhitida ishlash ko‘nikmalari
• Ingliz tilini texnik darajada bilish

Shaxsiy fazilatlar:
• Jamoada ishlash, mas’uliyat, tashabbuskorlik
• 24/7 ishlashga tayyorlik (navbatchilik asosida)

💸 Oylik maosh: Suhbat asosida aniqlanadi

📩 Biz bilan aloqa: jobs.uzgtl.com Linkedin

@tarmoq_tizim

#css2025 #cknews

🦁“CYBERKENT 3.0”da ishtirok etish uchun ro‘yxatdan o‘tish boshlandi

2025-yilning 7-8 oktabr kunlari “Kiberxavfsizlik sammiti – Markaziy Yevroosiyo, CSS 2025” o‘tkazilishi rejalashtirilgan. Dastur doirasida “Cyberkent 3.0” respublika musobaqasi bo‘lib o‘tadi. Shu munosabat bilan, Kiberxavfsizlik markazi “Cyberkent 3.0”da ishtirok etish istagida bo‘lgan yoshlar uchun saralash bosqichini e’lon qiladi!

Musobaqada quyidagi 3 ta ko‘rinish bo‘lib o‘tadi:

🔴 Hujumchi jamoa (Red team) – har bir jamoa 3 kishidan 5 kishigacha a’zolardan iborat bo‘ladi. Saralash bosqichi orqali eng yuqori ball to‘plagan 10 ta jamoa tanlab olinadi.

2025-yil 9-sentabr kuni Hujumchi jamoa (Red team) jamoalari uchun saralash bosqichi o‘tkaziladi va unda ishtirok etish uchun arizalar 25-avgustdan 8-sentabrgacha qabul qilinadi. Hujumchi jamoa (Red team) saralash musobaqalari attack.cyberkent.uz orqali onlayn ko‘rinishida bo’lib o‘tadi.

⏺Himoyachi jamoa (Blue team) – har bir jamoa 3 kishidan 5 kishigacha a’zolardan iborat bo‘ladi. Saralash bosqichi orqali eng yuqori ball to‘plagan 10 ta jamoa tanlab olinadi.

2025-yil 16-sentabr Himoyachi jamoa (Blue team) uchun saralash bosqichi o‘tkaziladi va unda ishtirok etish uchun arizalar 25-avgustdan 15-sentabrgacha qabul qilinadi. Himoyachi jamoa (Blue team) saralash musobaqalari defence.cyberkent.uz sayti orqali onlayn ko‘rinishida bo‘lib o‘tadi.

❗️Hujumchi jamoa (Red team) saralash bosqichidan o’tgan jamoalar Himoyachi jamoa (Blue team) uchun bo’lib o’tadigan saralash bosqichida ishtirok eta olmaydi.

🟢Ochiq topshiriqlar – Yakka tartibda ishtirok etadiganlar uchun alohida yo‘nalish.

“Cyberkent 3.0” g‘oliblari quyidagi tartibda rag‘batlantiriladi:

🔴Hujumchi jamoa (Red team)

🥇1-o‘rin –50 mln so‘m
🥈2-o‘rin –30 mln so‘m
🥉3-o‘rin –10 mln so‘m

⏺Himoyachi jamoa (Blue team)

🥇1-o‘rin –50 mln so‘m
🥈2-o‘rin –30 mln so‘m
🥉3-o‘rin –10 mln so‘m

🟢Ochiq topshiriqlar

🥇1-o‘rin –15 mln so‘m
🥈2-o‘rin –10 mln so‘m
🥉3-o‘rin –5 mln so‘m

✅Bundan tashqari, g‘oliblar sertifikat va esdalik sovg‘alar bilan taqdirlanadilar.

Batafsil ma’lumot: (55) 502-10-10
Veb-sayt: cyberkent.uz

🌐Website | 📝Telegram | 🌐Facebook | 📹Youtube