Паспрабаваў скарыстацца сучаснымі тэхналогіямі, каб прачытаць тэкст. Давялося абвесці тое, што я бачу, каб палепшыць якасць прачытання чатам джыпіці.

Вось што ён прачытаў (АБНОЎЛЕНА):
1 радок: פה אברהם בר — Тут (пахаваны) Аўраам, сын

2 радок: יוזפא שטיינשא — Ёзэф Штэйнша… (хутчэй за ўсё працяг прозвішча)

3 радок: בי״ג אדר ו׳ — у 13-ы дзень месяца Адар, у год «Ваў» (частка даты паводле яўрэйскага календара)

Верым?

У любым разе выглядае, што гэтыя дзверы звязаныя з чымсьці пахаваннем. Дык можа гэта не сінагога, а магільны склеп? 🤔

#Быхаў #сінагогі #дзверы

У 2023 годзе мы з дапамогай планаў і сучасных спадарожнікавых здымкаў спрабавалі лакалізаваць размяшчэнне касцёл Унебаўзяцця Найсвяцейшай Панны Марыі пры кляштары кармелітаў і мураўёўку, якія былі знішчаны за савецкім часам. Сёння пра іх існаванне не нагадвае нічога.
Што ж, цяпер, з дапамогай нямецкага аэрафотаздымка, выкладзенага Нацыянальным архівам ЗША - які ўпершыню паказвае план горада да яго разбурэння - можна пацвердзіць, што разлікі былі правільнымі.

Шукайце свае мясцовасці тут
#Бялынічы #цэрквы #касцёлы

Бастыённыя ўмацаванні Быхава ўсё яшчэ з'яўляюцца важным элементам структуры гарадскога ядна. Яны лепш бачныя на нямецкіх здымках, дзе нават ёсць абвадненне, але і сёння горад на Дняпры захоўвае з космасу выгляд крэпасці. Ёсць патэнцыял для рэгенерацыі комплексу, але ніхто не бярэцца за гэты рэгіён.

#замкі #Быхаў

Нейкія кансервацыйныя работы адбываюцца на палацы Халецкіх у Хальчы. Узялі ў абойму бакавую прыбудову і падперлі драўлянымі брусамі.

#Хальч #сядзібы #кансервацыя