Наколькі больш шляхетнай сталі гістарычныя фасады, калі з дамоў па Сацыялістычнай вуліцы 58 і 60 у Бабруйску часткова знялі фарбу. Абсалютна незразумела, навошта ўвогуле фарбавалі. Калі фасад дома № 60 яшчэ патрабуе давядзення да розуму, то фасад дом № 58 выглядае цудоўна нават з тымі дэфектамі што ёсць.
#бабруйск #гістарычнаязабудова #ачыстка #каларыстыка

На каталіцкіх могілках у Радашковічах аднавілі два надмагіллі паэта і публіцыста Ежы Ляскарыса, чый род выводзіў сябе ад візантыйскіх Ласкарысаў, з якога паходзіць у тым ліку шэраг нікейскіх імператараў.

Пасля падзення Візантыйскай імперыі Ласкарысы эмігравалі ў Італію. У 1738 г. дзед Ежы Тэадор Ляскарыс прыбыў з Італіі у Рэч Паспалітую, заслужыўшы званне генерала войска Вялікага Княства Літоўскага.

Ежы Ляскарыс сябраваў з Зыгмунтам Чаховічам, мясцовым шляхціцам і паплечнікам Кастуся Каліноўскага. У канцы жыцця па запрашэнні Чаховіча, які вярнуўся з катаргі, Ляскарыс перабраўся ў Даўбарова пад Радашковічамі, дзе і памёр у 1888 годзе. Па смерці ягоны рукапісны архіў захоўваўся ў Бясядах Зыгмунта Чаховіча.

Пахаваны разам з жонкай на мясцовых могілках. Два надмагільныя помнікі датуюцца розным часам. Адзін з іх, больш позні і больш багаты, з чорнага каменю, выкананы у Мінску майстрам Грундонам, пра што сведчыць кляймо на самімі помніку.

Магіла самога Чаховіча, які мусіў быць пахаваны побач з Ляскарысам, бо за яго магілай стаіць вялікі помнік Чаховічавай жонкі, не выяўлены, відаць, не захаваўся.

Фота
#Могілкі #аднаўленне #Радашковічы

У вялікай харальнай сінагозе ў Гродне знеслі ўнутраную перагародку паміж вестыбюлем і малельнай залай.

Аркі заклалі цэглай у два пласта і замазалі тынкоўкай у савецкія гады — так з’явіліся пустыя ўнутры перагародкі. Уваходная група сінагогі была замуравана амаль 70 гадоў. Прыбраўшы перагародкі, гэтую частку сінагогі вярнулі да аўтэнтычнага знешняга выгляду — менавіта такім ён быў у арыгінале, пасля апошняй перабудовы будынка ў 1902−1905 гг.

Фота

#Гродна #сінагогі #інтэр'еры