Барысаглебская царква ў Навагрудку адзін з наважнейшых помнікаў беларускай готыкі, але пры гэтым адзін з найменш даследаваных. У пачатку гэтага дзесяцігоддзя быў праведзены зандаж сцен, які выявіў над бакавым уваходам рэшткі гатычнага акна з трыфоліем (трыліснікам), якое, верагодна, з'яўляецца самым усходнім у Еўропе акном такога кшталту. Храм раскрыў бы яшчэ мноства сваіх таямніц, калі б яго нарэшце пачалі рэстаўраваць, але пакуль далей за касметычны рамонт і цыбуліны на вежах справа не пайшла.