З другой спробы ўдалося прыцягнуць да адказнасці уласніка Латыгальскай царквы ў Вілейскім раёне, дзе ў час рамонту 250-гадовага помніка, проста выкідалі і раздавалі аўтэнтычныя часткі помніка, замяняючы іх на сучасныя.

У выніку праверкі былі выяўлены парушэнні ў парадку і ўмовах выканання работ на гісторыка-культурнай каштоўнасці.

Падрыхтаваная справа аб адміністрацыйным правапарушэнні, якая была разгледжана на адміністрацыйнай Kaмiciяй райвыканкама. Прынята рашэнне у адпаведнасці з дзеючым заканадаўствам.

Адказ даволі слізкі, бо ўжо былі выпадкі, калі падобная камісія пры райвыканкаме, куды запрашалі бацюшку, які горка плакаў пра свае незаслужаныя пакуты, вызвалялі ад любой адказнасці за цалкам знішчаны помнік архітэктуры.

Таксама нічога не сказана пра тое, ці будзе ўласнік выпраўляць тое, што нарабіў.

#антырэстаўрацыя #Латыгаль #цэрквы #драўлянаедойлідства