tgoop.com/spadczyna/12893
Last Update:
У красавіку 2025 года пачнуцца падрыхтоўчыя работы па рэстаўрацыі інтэр'ераў касцёла Божага Цела ў Нясвіжы.
Будаўнічым праектам прадугледжаны рэстаўрацыя жывапісу малельнай залы, бабінца, прэсбітэрыя, памяшкання правай сакрыстыі ва ўзроўні першага паверха, хораў, сцен лесвіцы правай сакрыстыі ва ўзроўні другога паверха, рэстаўрацыя алтароў, амбона, аднаўленне люстраў, спавядальні, лавак і іншыя працы. Гэты праект з'яўляецца толькі пачатковым этапам навуковай рэстаўрацыі інтэр'ераў.
Агульная працягласць работ складзе 66 месяцаў — пяць з паловай гадоў. Работы плануецца пачаць ужо ў красавіку 2025 года, яны працягнуцца да канца 2030 года.
На рэстаўрацыю будзе выдзелена амаль 34 млн рублёў — гэта больш за 10 млн долараў па цяперашнім курсе. Ліміт фінансавання на 2025 год складае 1 млн 330 тыс. рублёў.
#Нясвіж #касцёлы #інтэр'еры #роспісы #рэстаўрацыя
BY Спадчына
Share with your friend now:
tgoop.com/spadczyna/12893