Самая распаўсюджаная назва вуліцы ў Беларусі - Цэнтральная. Яе можна сустрэць практычна ў кожным населеным пункце. Пра гэта паведамілі ў Нацыянальным кадастравым агенцтве.

Згодна з рэестрам вуліц і дарог адраснай сістэмы Беларусі, Цэнтральныя, Садовыя, Лясныя, Маладзёжныя, Палявыя, Школьныя, Лугавыя, Савецкія, Новыя і Зялёныя складаюць трэць усіх вуліц рэспублікі - 20,2 тысячы з 65,7 тысячы.

У мяне ад такіх назваў бамбіць больш, чым ад якіх-небудзь Леніных. У Леніне хаця б ідэя ёсць, а гэтыя абсалютна безаблічныя, скіраваныя на дэнацыяналізацыю краіны. Ладна Цэнтральныя і Новыя, яны ўзнікаюць натуральна, асабліва калі вёска ў адну ці дзве вуліцы. Але гэтыя Лугавыя, Зялёныя, Вясёлкавыя, Лясныя, Палявыя... 🤮

Дарэчы ў гонар Якуба Коласа названа 234 вуліцы ў населеных пунктах краіны, у гонар Янкі Купалы - 245. У Беларусі 11 гарадоў рэспубліканскага і абласнога падпарадкавання, адымаем іх, бо будзе ў кожным. Застаецца 223 і 234 вуліцы на 118 раёнаў. У сярэднім на адзін раён прыходзіцца прыкладна 1,89 вуліцы Коласа і 1,98 вуліцы Купалы. Не густа.

https://blizko.by/notes/nazvana-samaya-populyarnaya-ulitsa-v-belarusi-ona-est-pochti-v-kazhdom-naselennom-punkte_nm2

#тапаніміка