tgoop.com/salahkotb/1573
Last Update:
الصورة دي من داخل الإحصائيات عندي على يوتيوب على آخر فيديوهين. مكتوب: "إن مشاهدين القناة بتاعتي أبدو اهتمام أقل بهذا الفيديو. " و واضح إن الإحصائيات منخفضة ف المشاهدات على غير الطبيعي.
مع إن الفيديوهات دي محتوى جديد و مفيد و نوع جديد بمشي فيه معاكوا في الصحة النفسية و الاتزان الداخلي. و عارف إنكم بتحبوا ده. و نفس الفيديوهات لما بتكون مقاطع قصيرة على انستاجرام بتكسر الدنيا عندي.
عرفتوا ليه بكون مُحبَط اني أرجع يوتيوب و أصور حلقات طويلة مكلفة و مرهقة؟
قيمة المحتوى اللي بقدمه عالية، و ده أكتر سبب مخليني بطيء إني أنزل جديد؛ لأني بحترم عقولكم و دايماً بقول لو معنديش معلومة أو فكرة جديدة هلتزم الصمت.
نزل ٣ حلقات من بودكاست جراحة نفسية، و لسه في زيهم و أكتر هينزلوا تِباعاً. دعمكم مهم في انتشار المحتوى. أنا عارف إني لسه بخلق قاعدة جديدة باهتمام جديد لجمهوري على يوتيوب اللي كان متابعني لمحتوى التعليم و المذاكرة، و اللي مش هسيبه بالعكس في جديد مختلف قادم في نفس النوع، لكن في محتوى جديد في اتجاهات جديدة انتوا محتاجينها زي الصحة النفسية و الوعي و الاتزان. ف الأرقام اللي بشوفها هي اللي بتقولي أكمل و لا أوقّف؛ لذلك هي مهمة.
لذلك بطلب منكم تدعموا المحتوى اللي بتحبوه، هنرجع تاني كأننا لسه في أول كام ألف مشترك في القناة اللي عدد مشتركينها أكتر من نصف مليون شخص. البداية من عندكوا من هنا. الفيديو اللي يعجبك اعمل عليه لايك، و اكتب رأيك عليه ف الكومنت، و اعمل شير للناس اللي تحب يشوفوه. اسألوني في الكومنتات هيطلع حلقات جديدة. صور استوري و انا انت بتشوف الفيديو و اعملي منشن على انستاجرام. قص الفيديو و نزله عندك ف استوري. و أي فكرة متقوليش عليها نفذها علطول. كل ده مهم لو انت فعلاً مهتم بالمحتوى اللي بقدمه و شايف إن لسه محتاج أقدم فيه أكتر و أعمق.
محبتي
BY د.صلاح قطب
Share with your friend now:
tgoop.com/salahkotb/1573