tgoop.com/salahkotb/1537
Last Update:
من واحد كان جايب في الثانوية العامة 99.9% و مؤسس عبقرية المذاكرة اللي بفضل الله فرق في مستقبل ملايين الطلاب، و مؤلف الكتاب الأكثر مبيعاً بطَّل دَح و ذاكر صح.
- آدائك في الامتحانات حالياً بيعتمد بنسبة 80% على حالتك النفسية و الذهنية. عاوز هدوء و روقان و تركيز بس. كل ما قدرت تسيطر على عالمك الداخلي و تبقى رايق كل ما كان آدائك أتحسن في الامتحان.
- ده مش وقت أذاكر حاجة جديدة و أوتّر نفسي. ده وقت ترتيب أفكار و ترتيب دماغي في الحاجات اللي ذاكرتها. ركز على إنك ترتب دماغك و تجمّع الحاجات اللي شبه بعضها مع بعض. و تلقي نظرة ع الأفكار الرئيسية مع بعض.
- لا تغرق في التفاصيل. اقرأ المعلومات الرئيسية و الأفكار الرئيسية اللي مجرد ما تفتكرها هتعرف ترغي ف التفاصيل براحتك في الامتحان.
- المراجعة فنّ و ذكاء. طبق الخطوات السابقة + إنك تلقي نظرة على الأسئلة و بعدها الإجابات. أنا مش بذاكر أنا براجع.
- المراجعة بنفس طريقة المذاكرة مش هتستفيد حاجة خالص. المراجعة مش تكرار المعلومات و خلاص. أنا عاوزك تضيف عُمق لدماغك بقراءة الأسلة و الأجابات و تجميع الأفكار و ترتيبها عشان لما تيجي ف الامتحان تعرف تحل بسهولة.
- لو قدامك ساعة واحدة ع الامتحان تذاكر و لا تنام؟ نام. النوم أهم. لو منتش ذهنك هيبقى مرهق فمش هتعرف تفتكر اللي انت مذاكره و لا هتعرف تفكّر. لكن لما تبقى نايم كويس ذاكرتك هتكون أفضل و هتعرف تفكر حتى في السؤال اللي مذاكرتوش.
بقية البوست على فيس بوك