tgoop.com/readk/16296
Last Update:
🚦🚥الحياه اشاره مرور🚥🚦
حياتنا ببساطه هى اختيار من تلاته
اما انك تختار انك تقف مكانك و اشاراتك حمرا🛑
خايف تعدى
خايف حد يدوسك
خايف من التجربه
واقف محلك سر 🛑
الناس بتعدي من حواليك و انت بتتفرج عليهم يدوب أقصى حاجه تعملها انك تزحزح نفسك علشان إللى وراك يعديك
او اشارتك خضرا ♻️⚃
مافيش حاجه توقفك عن هدفك
يمكن الزحمه تعطلك
يمكن الدوشه تقلقك
يمكن تغير الطريق لان الطريق مقفول و فيه إصلاحات
يمكن جربت الGbs و التكنولوجيا و عملت غير الناس ما بتقول
لكن عارف نقطه الوصول عارف هدفك و بتسعى اليه حتى لو اتأخرت قلت لعله خير ادينى بتعلم من طريقى
و لما تكون اشارتك صفرا🔶️⚂
على قائمة الانتظار
انتظار يمكن الحظ يضحك ليك
انتظار يمكن حد يفتكرك و يشغلك
انتظار يمكن حد يسأل عليك
انتظار و اللوم ان الدنيا مش عايزة تفتح لى الاشاره عشان اعدى
و فلان و فلان ركبوا عربيات اهليهم و اشارتهم خضرا علطول
و يا عينى ع الانتظار مريح لان شماعه الانتظار بتريح الضمير و انت مش السبب
دى اشاره المرور
ناس كتير عايشين على امل الانتظار سنين
و ان ربنا يسهل و طاقه القدر تتفتح و ان السما حتمطر فل و ياسمين و دهب و ياقوت
و الله زمن الأساطير طار
و عم على بابا سلم الكنز للمسؤلين
نفض عنك تراب الانتظار و حول اشارتك الصفرا و الحمرا لخضرا
ربنا قال توكلوا عليا مع شغلك فى الارض
مش اتواكل و قول يارب
و اكسر شماعه الكسل إللى رامى عليها هدوم الشغل و البس لبس الشغل و قول
BY دعوة للقراءة والرقي
Share with your friend now:
tgoop.com/readk/16296