tgoop.com/readk/14382
Last Update:
ساعه حاجة مثلا
و هكذا ده مجرد امثلة للتوضيح انتى ممكن يكون عندك وسائل أفضل او اكتر او اهداف مختلفة
ممكن يكون فى بعض الحاجات معنديش عنها معلومات كفايه
انفذها اذاى او اوصل للى انا عايزاه اذاى
فى الحالة ده أسأل أو أقرأ أو يكون عندى مصدر احصل منه على معلومات كافيه تساعدنى
كتير امهات بيشتكوا من المذاكرة و حمل المذاكرة كتير عليهم
انتى مش المفروض تذاكريلهم على فكرة
احنا بنشتكى ان احنا بنذاكر للأولاد كتير من غير ما ندور على حل
يباه احط خطوات 1 2 3 انا حعمل كده عشان الأولاد يعتمدوا على نفسهم فى المذاكرة
و مش مشكلة لو فشلت و عادى لو مكانتش النتيجة ذى ما توقعت
اجرب تانى و من جديد
هدف اكون هاديه مع الاولاد
1 – اقرب منهم فى الوقت اللى بقضيه معاهم
2 – لما حيحصل موقف و حزعق احط نفسى مكان الولد
ده طفل و طبيعى انه يغلط
3 – اتقبل الاولاد على حالهم ذى ما هم .. اشوف ايه الحلو فيهم احبه و اركز عليه
4 – أقرا كل يوم و لو 10 دقايق حاجة عن تربية الاولاد
لو قريت كل يوم 10 دقايق او كل يوم عرفت معلومة واحدة او طريقة واحدة فى التعامل و طبقتها .. أفضل كتير من التأجيل اللانهائى .. و أفضل من انى سايبه الدنيا تمشى على مزاجها كده و خلاص
و طبعا الاهداف ده لازم ترتبط بجدول الوقت
كل شهر او اسبوع لازم اقعد و اقيم الموقف و الطرق اللى انا متبعاها .. لازم اقيم و اعدل
الاهداف بالطريقة ده كبدايه تعتبر كويسه لحد لسه مش عارف طريقة وضع الاهداف ...
بس هو المفروض يكون اعمق من كده ... و تكون اهداف بتحمل فى مضمونها رساله مستمرة ...
يعنى انا بصحى كل يوم الصبح عندى هدف لخطوات جزئية من الهدف بتاعى
اكون هادية مع الاولاد .. اصلح علاقتى بزوجى ...
اتعلم الرسم
طيب المفروض انى اعمل ايه عشان احقق ده ..
المفروض النتيجة تكون ادام عينيكى طول الوقت
و ابدأ و انا متوقعه النجاح و الوصول 100 %
بنات كتير بتبدأ تصلح علاقتها بزوجها ..
و هى متوقعه الفشل
و هو متوقعه اصل مفيش فايده
و هى متوقعه اصله مش حيتغير
اصل مش حوصل
لو انتى بداتى و انتى متوقعه الفشل يباه حتفشلى ...
لما انتى تغيرى نظرتك ليه و للامور فى الحالة ده بس حتنجحى
لكن انا أبدا كل المرة بالتفكير القديم ..
يباه بتتعبى نفسك على الفاضى
خلاص اتفقنا اجندة للاهداف
المفروض يكون عندك اهداف شهرية
و اهداف سنوية
بعد سنه عايزة اكون ايه و احقق ايه
و بعد 5 سنين عايزة اكون ايه و حققت ايه
و بعد 15 سنة عايزة اكون ايه و حققت ايه و هكذا
حتجيبى ورقة تانيه تكتبى فيها 15 او 20 هدف على الاقل و تعلقيها فى مكان ظاهر فى البيت
على الدولاب .. على التلاجه
و كل يوم الصبح تقريها او كل ما تعدى عليها تقريها
على فكرة 3 % من الاشخاص على مستوى العالم ... بس اللى كاتبين اهدافهم
يعنى انتى لو عملتى كده حتكونى حد مميز
و مفيش واحدة تقول لى انا عارفه انا عايزة ايه و مش محتاجه اكتب و كله متسجل فى دماغى
اتعملت دراسة على شباب فى الجامعه سألوهم ايه اهدافكم .. كل واحد قال حاجة .. فى ناس قالت انها كاتبه اهدافها و ناس قالت ان عندها اهداف بس مش كاتباها
بعد 15 سنة ... الباحث راح لنفس الطلبة ..
الناس اللى حققت اهدافها بس .. هم اللى كانوا كاتبين اهدافهم
اللى مكتبوش محققوش حاجة
تفتكروا ايه السبب ؟؟
العقل الباطن عشان يشتغل محتاج تأكيدات مكتوبه و رسايل طول الوقت ..
دفتر الاهداف حتفتحيه كل يوم تقرى اهدافك و تاكدى عليها
BY دعوة للقراءة والرقي
Share with your friend now:
tgoop.com/readk/14382