⚡️3-4-kurs talabalariga pedagogik faoliyat olib borishlariga ruxsat berildi

Oʻzbekiston Respublikasi Oliy ta’lim, fan va innovatsiyalar vaziriligining 2025-yil 22-sentyabr kungi 02/10-4/1-8393-sonli xati

Oʻzbekiston Respublikasi Oliy ta’lim, fan va innovatsiyalar vazirining 2024-yil 20-maydagi 168-sonli buyrug‘i bilan Oliy ta’limning davlat ta’lim standarti, oliy ta’lim yo‘nalishlari va mutaxassisliklari Klassifikatoriga o‘zgartirish va qo‘shimchalar kiritilgan.

➖ 60540100-Matematika,
➖ 60540200-Amaliy matematika,
➖ 60530500-Fizika,
➖ 60530100-Kimyo,
➖ 60510100-Biologiya,
➖ 60530200-Geografiya,
➖ 60220300-Tarix bakalavriat ta’lim yo‘nalishlari 3-4-bosqichida tahsil olayotgan talabalar va ushbu ta’lim yo‘nalishlarini tamomlagan bitiruvchilar Oliy ta’lim, fan va innovatsiyalar vazirligi tomonidan tasdiqlangan amaldagi Malaka talablariga asosan umumiy o‘rta, o‘rta maxsus va kasbiy ta’lim muassasalarida pedagogik faoliyat olib borishlari mumkinligi to‘g‘risida.

🇺🇿 @nodavlattalim — nodavlat oliy ta'lim muassasalari haqida rasmiy xabarlar!

❗️Texnikumlarning xalqaro ta’lim dasturlariga qabul yakunlanishiga 2 kun qoldi

Davlat komissiyasi bayoniga muvofiq, kasbiy ta’lim tashkilotlari (texnikumlar)ga kamida umumiy o‘rta ma’lumot (11-sinf bitiruvchilari) negizida xalqaro ta’lim dasturlarida o‘qish uchun arizalarni 2025-yil 1-oktyabrgacha (shu kuni ham) qabul qilinishi belgilandi.

📃Hujjatlar Vazirlikning my.edu.uz platformasi orqali kunduzgi va dual ta’lim shakllari uchun qabul qilinadi.

🇺🇿 @nodavlattalim — nodavlat oliy ta'lim muassasalari haqida rasmiy xabarlar!

⚡️1-oktabrda maktab o‘qituvchilari  qancha mukofot puli oladi?

Prezident Farmoniga ko’ra “1-oktabr — O‘qituvchi va murabbiylar kuni” munosabati bilan xodimlarni mukofotlash miqdori mehnatga haq to‘lashning eng kam miqdorining 75 foizigacha etib belgilandi.

Yangi o‘zgarishdagi -GACHA qo‘shimchasi maksimal chegarani anglatadi, bu hamma xodimlar 75% mukofot oladi, degani emas. Qayerdadir 75, qayerdadir 60, qayerdadir 50 foiz berilishi mumkin.

Mukofot miqdori mukofotlash davrida Direktor jamg‘armasining amaldagi moliyaviy holatidan kelib chiqib belgilanadi.

🇺🇿 @nodavlattalim — nodavlat oliy ta'lim muassasalari haqida rasmiy xabarlar!

⚡️Milliy sertifikat imtihoni uchun ruxsatnomalar e’lon qilindi

📆 2025-yil 4-5-oktabr (shanba-yakshanba) kunlari  geografiya, kimyo va matematika fanlaridan bo‘lib o‘tadigan milliy sertifikat imtihoni uchun ruxsatnomalar e’lon qilindi.

📱 Test sinovida ishtirok etadigan talabgorlar ruxsatnomani my.gov.uz saytining "Mening arizalarim" bo‘limidan olishlari mumkin.

📌 Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.

4-5-oktabr kunlari 2 ta smenada talabgorlarni test sinovi o‘tkaziladigan binolarga shaxsini tasdiqlovchi hujjat (pasport yoki ID-karta) asosida kiritish:

➡️ 1-smena uchun soat  7:30 dan 8:30 ga qadar amalga oshiriladi.  (1-smenada soat 8:30 dan kech kelgan talabgorlar test sinoviga kiritilmaydi).
➡️ 2-smena uchun soat  13:00 dan 14:00 ga qadar amalga oshiriladi.  (2-smenada soat 14:00 dan kech kelgan talabgorlar test sinoviga kiritilmaydi).

❗️Test topshiruvchilardan imtihon o‘tkaziladigan binolarga ortiqcha narsalarni (elektron qurilmalar, sumka, kitob, daftar, yozuv materiallari, ichimlik, ovqat, shaxsiy buyumlar va shunga o‘xshash) olib kelmaslik so‘raladi.

🇺🇿 @nodavlattalim — nodavlat oliy ta'lim muassasalari haqida rasmiy xabarlar!

⚡️Bugun nodavlat va xorijiy OTMlarga hujjat topshirishning oxirgi kuni

Prezidentning 2023-yil 3-iyuldagi PF-107-son farmoni bilan kiritilgan o‘zgarishga ko‘ra davlat, nodavlat va xorijiy oliy ta’lim tashkilotlari hamda ularning filiallari bakalavriati va magistraturasiga qabul bir o‘quv yilida bir marta (iyun — sentyabr oylari oralig‘ida) amalga oshiriladi.

Ya'ni 30-sentyabr hujjat topshirishning oxirgi kuni hisoblanadi.

Vazirlar Mahkamasining 2025-yil 30-iyundagi 403-sonli qarorida nodavlat oliy ta’lim tashkilotlari o‘qishga qabul qilingan shaxslar to‘g‘risidagi buyruqni yangi o‘quv yilining 1-oktyabridan kechiktirmagan holda Vazirlikning ta’lim jarayonlarini boshqarish yagona axborot tizimi (HEMIS)da ro‘yxatdan o‘tkazilishi belgilangan.

“Normativ-huquqiy hujjatlar to‘g‘risida”gi Qonunning 40-moddasiga asosan tadbirkorlar javobgarligiga oid yangi choralarni belgilaydigan normativ-huquqiy hujjatlar rasmiy e’lon qilingan kundan e’tiboran kamida uch oydan keyin kuchga kiradi.

Ushbu qaror 2025-yil 4-iyulda e‘lon qilingan bo‘lib, qarorning 6-bandida ham ushbu qaror rasmiy e’lon qilingan kundan e’tiboran uch oy o‘tgach kuchga kirishi belgilangan.

O‘zbekiston Respublikasi Qonunchilik ma’lumotlari milliy bazasi lex.uz da ham ushbu qarorning kuchga kirish sanasi qilib 2025-yil 4-oktyabr ko‘rsatilgan.

Shunday ekan, nodavlat va xorijiy OTMlar abiturientlardan hujjatlarni 1-oktyabrgacha qabul qilishlari hamda 4-oktyabrgacha Vazirlikning ta’lim jarayonlarini boshqarish yagona axborot tizimi (HEMIS)da ro‘yxatdan o‘tkazilish imkoniyati yaratilishi lozim.

Kelgusi yildan esa nodavlat oliy ta’lim tashkilotlari o‘qishga qabul qilingan shaxslar to‘g‘risidagi buyruqni yangi o‘quv yilining 1-oktyabridan kechiktirmagan holda Vazirlikning ta’lim jarayonlarini boshqarish yagona axborot tizimi (HEMIS)da ro‘yxatdan o‘tkazishlari kerak. - Manba

🇺🇿 @nodavlattalim — nodavlat oliy ta'lim muassasalari haqida rasmiy xabarlar!

Kelajak – zamonaviy bilim bilan qurollangan kasb-hunar egalarinikidir!

Prezident Shavkat Mirziyoyev O‘zbekiston o‘qituvchi va murabbiylariga bayram tabrigini yo‘lladi.

Unda kuni kecha BMT Bosh Assambleyasining 80-sessiyasida ta’lim sohasidagi islohotlar natijalari jahon hamjamiyatida katta e’tibor va qiziqish uyg‘otgani ta’kidlandi.

Xususan, keyingi yillarda oliy va kasbiy ta’lim masalasiga ustuvor ahamiyat qaratilayotgani qayd etildi. Amalga oshirilgan islohotlar natijasida o‘tgan sakkiz yil ichida oliygohlarimiz soni 77 tadan 202 taga, talabalar soni esa 250 mingdan 1,5 millionga yetdi. Yoshlar uchun oliygohlarga kirishda tanlov imkoniyati ko‘paytirildi. O‘qituvchilarning oyligi sezilarli darajada oshirildi.

“Kelajak – zamonaviy bilim bilan qurollangan kasb-hunar egalarinikidir. Biz bu haqiqatni hech qachon unutmasligimiz lozim.”

— deyiladi tabriknomada.

🇺🇿 @nodavlattalim — nodavlat oliy ta'lim muassasalari haqida rasmiy xabarlar!

⚡️O‘qituvchilarga berilgan ayrim imtiyoz turlari

➖ 1 oktyabr “O‘qituvchi va murabbiylar kuni” etib belgilangan hamda ushbu kun bayram (dam olish) kuni hisoblanadi.

➖ Bolalarga taʼlim-tarbiya beradigan barcha pedagog xodimlar doimiy ravishda bepul tibbiy ko‘rikdan o‘tkaziladi.

➖ Pedagoglar uchun 56 kunlik yillik haq to‘lanadigan uzaytirilgan taʼtillar beriladi.

➖ Pedagoglar xodimlar uchun ish vaqtining davomiyligi haftasiga ko‘pi bilan 36 soat qilib belgilanadi.

➖ Maktab o‘qituvchilariga faoliyatni baholash mezonlari asosida 10 foizdan 40 foizgacha, kutubxonachi va psixologlarga 10 foizdan 20 foizgacha ustama belgilanadi.

➖ Fan olimpiadasi g‘olibini tayyorlagan o‘qituvchilar rag‘batlantiriladi.

➖ O‘qituvchilar kasal bo‘lib qolganida moddiy yordam beriladi.

➖ Olimpiada g‘olibi bo‘lgan o‘qituvchilarga 150 foizgacha ustama beriladi.

➖ O‘zi dars beradigan fani bo‘yicha xalqaro tan olingan va milliy sertifikatga ega bo‘lgan o‘qituvchilarga ularning tarif stavkasiga nisbatan 50 foiz miqdorida har oylik qo‘shimcha ustama to‘lanadi.

➖ “Xorijiy tillarni o‘qitish bo‘yicha eng yaxshi maktab” tanlovi g‘olibi bo‘lgan maktabga yarim milliard so‘m beriladi.

➖ Inklyuziv sinf o‘qituvchilariga 40 foizgacha ustama beriladi.

➖ Olis hududlarda dars berayotgan o‘qituvchilarga 50 foizgacha ustama beriladi.

➖ Matematika, fizika, kimyo va biologiya fanlari bo‘yicha xalqaro va respublika olimpiadalari g‘oliblarini tayyorlagan professor-o‘qituvchilarga pul mukofoti beriladi.

➖ Ko‘p yillik stajga ega pedagoglar majburiy attestatsiyaga jalb qilinmaydi.

➖ Xalqaro fan olimpiadalarini tayyorlagan o‘qituvchilarga malaka toifasi attestatsiyasiz beriladi.

➖ Respublika fan olimpiadasi g‘oliblarini tayyorlagan o‘qituvchilar malaka toifasi bir pog‘ona oshiriladi.

➖ Tibbiyot sohasi professor-o‘qituvchilariga davolash-tashxis ishlarini bajarganliklari uchun qo‘shimcha haq to‘lanadi.

➖ Taʼlim muassasalarining chet tillar fanlari o‘qituvchilariga oylik ustamalar beriladi.

➖ O‘qituvchilarning faoliyatiga aralashganlik uchun javobgarlik bor.

🇺🇿 @nodavlattalim — nodavlat oliy ta’lim muassasalari haqida rasmiy xabarlar

⚡️Yangi olingan quyidagi sertifikatlar tan olinmaydi

Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligining “Xorijiy tillar va umumtaʼlim fanlarini bilish darajasini belgilovchi milliy va xalqaro tan olingan sertifikatlar roʻyxatini tasdiqlash toʻgʻrisida”gi qarori (Adliya vazirligidan 2024-yil 29-may kuni 3515-raqam bilan roʻyxatdan oʻtkazilgan) qabul qilingan.

Mazkur qarorga asosan 2024-yil 29-maydan keyin olingan Teaching Knowledge Test (TKT), Teaching English for Speakers of Other Languages (TESOL), Teaching English as a Foreign Language (TEFL), Teaching English as a Second Language (TESL) sertifikatlari xorijiy tillar oʻqituvchilarini taʼlim tashkilotlariga ishga qabul qilishda inobatga olinmaydi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Ipoteka subsidiyasiga ariza qabul qilish boshlandi

Bugun, 2-oktyabrdan Oʻzbekistonda ipoteka kreditlari boʻyicha subsidiyalar uchun ariza topshirish jarayoni qaytadan ochildi.

Ariza berish usullari:

👉 davlat xizmatlari markazlariga borish orqali;
👉 Onlayn: my.gov.uz orqali.

📊 Ball toʻplash mezonlari

🔹 Hududlar (Qoraqalpogʻiston va viloyatlar):

👉 3 431 700 soʻmdan 8 897 000 soʻmgacha maosh – 10 ball;
👉 8 897 000 – 10 168 000 soʻmgacha maosh – 5 ball.

🔹 Toshkent shahri:

👉 3 431 700 – 10 168 000 soʻmgacha maosh – 10 ball;
👉 10 168 000 – 11 693 200 soʻmgacha maosh – 5 ball.

🔹 Qoʻshimcha mezonlar:

👉 Turar-joyi yoʻq boʻlsa – 20 ball;
👉 «Labor-migratsiya» dasturida roʻyxatdan oʻtgan boʻlsa – 10 ball.

Chekka hududlarda ishlaydigan mutaxassislar, tibbiyot xodimlari, 30 yoshgacha yoshlar, ogʻir ahvoldagi ayollar, nogironligi boʻlgan shaxslar – 5 balldan

Balllar asosida eng koʻp ustuvorlikka ega oilalar subsidiya olish imkoniyatiga ega boʻladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Texnikumlarda xorijiy ta’lim tashkilotlari ishtirokida qo‘shma ta’lim dasturlarini joriy etish tartibi belgilandi.

Hukumat qarori (614-son, 30.09.2025 y.) bilan “Texnikumlarda xorijiy ta’lim tashkilotlari ishtirokida qo‘shma ta’lim dasturlarini joriy qilish tartibi to‘g‘risida”gi nizom tasdiqlandi.

Nizomga ko‘ra, Oliy ta’lim, fan va innovatsiyalar vazirligi mazkur sohada vakolatli davlat organi hisoblanadi.

Ariza beruvchi qo‘shma ta’lim dasturini joriy etish uchun belgilangan hujjatlarni ilova qilgan holda vakolatli organga ariza bilan murojaat qiladi.

Vakolatli organ 15 ish kuni mobaynida arizani ko‘rib chiqadi.

Belgilangan talablar bajarilganda hamda O‘zbekistonning kadrlar tayyorlash sohasiga mos bo‘lganda, qo‘shma ta’lim dasturini joriy etish bo‘yicha ijobiy xulosa beriladi.

Ijobiy xulosaga asosan texnikum bilan xorijiy ta’lim tashkiloti o‘rtasida kelishilgan muddatlarda belgilangan tartibda shartnoma rasmiylashtiriladi.

Qo‘shma ta’lim dasturi asosida o‘quvchilar texnikum tomonidan hamkor xorijiy ta’lim tashkiloti bilan kelishilgan holda tasdiqlangan tartibga muvofiq o‘qishga qabul qilinadi.

Bitiruvchilarga xorijiy ta’lim tashkiloti joylashgan davlatda hamda O‘zbekistonda tan olinadigan kvalifikatsiya (davlat namunasidagi diplom yoki sertifikat) beriladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Oliy ta’lim tashkilotlari bitiruvchilarini amaliyot o‘tashi va ishga joylashtirish tizimini raqamlashtirish tartibi belgilandi

Hukumat qarori (615-son, 30.09.2025 y.) bilan “Oliy va kasbiy ta’lim tashkilotlari bitiruvchilarining amaliyot o‘tashi va ularni ishga joylashtirish tizimini raqamlashtirish tartibi to‘g‘risida”gi nizom tasdiqlandi.

Nizomga ko‘ra, ta’lim tashkiloti har yili 1-oktyabrgacha “Yagona milliy mehnat tizimi” IDAKga (Dastur) kiritilgan korxona bilan bitiruvchilar amaliyotini o‘tashi bo‘yicha shartnoma tuzish uchun platforma orqali ushbu korxonaga so‘rov yuboradi.

Amaliyotni tashkil etish bo‘yicha ta’lim tashkiloti va korxona o‘rtasida shartnoma amaliyot boshlanishidan kamida 3 hafta oldin platforma orqali rasmiylashtiriladi.

Ta’lim tashkiloti har yili yakuniy davlat attestatsiyasi xulosasi asosida bitiruvchilar to‘g‘risidagi ma’lumotlarni platformaga kiritadi.

Korxona Dasturga har oyning 25-sanasigacha o‘zlari uchun zarur kadrlar, shu jumladan, vakant lavozimlar haqidagi ma’lumotlarni kiritib boradi.

Ishga qabul qilingan va mehnat shartnomalari Dasturda ro‘yxatdan o‘tkazilgan bitiruvchilar platformada avtomatik tarzda “bandligi ta’minlangan” sifatida qayd etiladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Bugun 6-yo‘nalish bo‘yicha roʻyxatdan oʻtish jarayoni yakunlanadi

Bu tanlovda 56.7 va undan yuqori ball to‘plagan quyidagi ikki toifadagilar:

➖ o‘qishga kirolmagan yoki
➖ testga kirgan-u, OTM va ta’lim yo‘nalishini tanlamagan abituriyentlar ishtirok etadi.

Bunda abituriyent bitta emas, 5 tagacha yo‘nalish tanlashi mumkin. Faqat quyidagi vakant qolgan yo‘nalishlar bo‘yicha:

➖ Vakant kunduzgi
➖ Vakant kechki
➖ Vakant masofaviy

Tanlash bugun 3-oktyabrgacha, my.uzbmb.uz platformasi orqali amalga oshiriladi.

Tanlov natijalari 2025-yil 8-oktyabrga qadar e’lon qilinadi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

Biz sizga eng yaxshisini ravo koʻramiz

Axborot tarqatuvchilar soni ortgani sayin ular orasidan xolis va muhimlarini topish qiyinlashib boraveradi.
Biz siz qiynalmasligingiz uchun eng kerakli bloglar roʻyxatini tuzdik.
Aʼzo boʻling va ortiqcha vaqtingizni tejang.

Havola: 👉 https://www.tgoop.com/addlist/uavg5tjM_vJiYzgy 👈

🇺🇿 @nodavlattalim — nodavlat oliy ta’lim muassasalari haqida rasmiy xabarlar!