#Rasmiy_munosabat

Ijtimoiy tarmoqlarda tarqalayotgan “O‘zbekistonda super-kontrakt to‘liq bekor qilindi” degan xabar haqiqatga to‘g‘ri kelmaydi

Ma’lum qilinadiki, Vazirlar Mahkamasining 2025-yil 13-sentyabrdagi 578-sonli qarori bilan 2017-yil 20-iyunda qabul qilingan 393-sonli qaror o‘z kuchini yo‘qotdi.

393-sonli qarorga muvofiq, avval kirish imtihonlarida 56,7 balldan kam ball to‘plagan abituriyentlarga birinchi o‘quv yiliga amaldagi oshirilgan to‘lov-kontraktning ta’lim yo‘nalishi bo‘yicha belgilangan eng yuqori miqdorining (o‘quv yiliga amalda o‘rnatilgan to‘lov-kontrakt miqdoriga nisbatan 10 barobar va undan ortiq oshirilgan to‘lov-kontrakt miqdorining) 2 barobariga teng to‘lovni amalga oshirish sharti bilan o‘qishga kirish huquqi berilar edi.

Hozirgi kunda aynan shu tartib bekor qilindi.

Endilikda to‘lov-kontrakt miqdori amalda o‘rnatilgan bazaviy to‘lov-kontrakt miqdoriga nisbatan quyidagi miqdorlarda belgilanadi:

✅1,05 ballgacha yetmagan abituriyentlar uchun — bazaviy to‘lov-kontrakt miqdorining 1,5 barobari;
✅1,06 balldan 2,05 ballgacha yetmagan abituriyentlar uchun — bazaviy to‘lov-kontrakt miqdorining 2,0 barobari;
✅2,06 balldan 3,05 ballgacha yetmagan abituriyentlar uchun — bazaviy to‘lov-kontrakt miqdorining 2,5 barobari;
✅3,06 balldan 4,05 ballgacha yetmagan abituriyentlar uchun — bazaviy to‘lov-kontrakt miqdorining 3,0 barobari.

Qabul chegaralariga 4,05 balldan ortiq ball yetmagan abituriyentlar uchun tabaqalashtirilgan to‘lov-kontrakt miqdorlari oliy ta’lim muassasalari rektorlari (direktorlari) tomonidan bazaviy to‘lov-kontraktning 3,0 barobaridan kam bo‘lmagan miqdorda belgilanadi.

🇺🇿 @nodavlattalim — nodavlat oliy ta'lim muassasalari haqida rasmiy xabarlar!

Talabalar to'lov-kontrakt olish maqsadida kontrakt.edu.uz sayti orqali onlayn ariza berayotganda "Shartnoma turini tanlash" degan band bor. Bunda yoki ikki tomonlama, yoki uch tomonlama shartnomani tanlash so‘ralmoqda. Shu bo‘yicha izoh so‘rab, abituriyentlardan ko‘plab savollar kelib tushdi.

Buning javobi juda oddiy.

2️⃣ Ikki tomonlama shartnoma — bu OTM va abituriyent o‘rtasida tuziladi. Boshqacha aytganda, agar kontrakt yoki super-kontrakt pulini abituriyentning o‘zi yonidan to‘lamoqchi bo‘lsa, shu bandni tanlash kerak.

‼️ Bundan tashqari bankdan taʼlim krediti olmoqchi bo‘lsa yoki ota-onasining ishxonasidan oylik maoshidan to‘lamoqchi bo‘lsa ham ikki tomonlama shartnoma olish kifoya qiladi, uch tomonlama olib o’tirmang.

3️⃣ Uch tomonlama shartnoma — bu OTM, abituriyent va yana biror homiy tashkilot o‘rtasida tuziladi. Agar mabodo kontrakt yoki super-kontrakt pulini abituriyentning o‘zi emas, balki biror homiy tashkilot to‘lamoqchi bo‘lsa (balki keyinchalik o‘sha tashkilotga ishlab berish sharti bo‘lishi ham mumkin), unda uch tomonlama shartnoma degan bandni tanlash kerak. Uch tomonlama tanlanganda o‘sha homiy korxonaning (o'qiyotgan universitetning emas) STIR raqamlarini ham kiritish kerak bo‘ladi. - Xushnudbek

🇺🇿 @nodavlattalim — nodavlat oliy ta'lim muassasalari haqida rasmiy xabarlar!

❗️Super kontrakt miqdorlari:

🏛 Andijon davlat pedagogika instituti — bazaviy to‘lov-kontraktning 4 baravaridan 5 baravarigacha (yo‘nalishlarga qarab);

🏛 Andijon davlat chet tillari instituti — 4 baravardan 5 baravargacha;

🏛 Buxoro davlat texnika universiteti — 4 baravardan 6 baravargacha;

🏛 Denov tadbirkorlik va pedagogika instituti — 3 baravardan 5 baravargacha;

🏛 Fargʻona jamoat salomatligi tibbiyot instituti — 8 baravardan 15 baravargacha;

🏛 Jizzax politexnika instituti — 4 baravardan 6 baravargacha;

🏛 Kattaqo‘rg‘on davlat pedagogika instituti — 4 baravardan 6 baravargacha;

🏛 Milliy estrada san’ati instituti — 6 baravar;

🏛 Milliy rassomlik va dizayn instituti — 8 baravar;

🏛 Namangan davlat universiteti — 4 baravardan 12 baravargacha;

🏛 Namangan davlat texnika universiteti — 4 baravardan 5 baravargacha;

🏛 Nukus davlat pedagogika instituti — 4 baravardan 5 baravargacha;

🏛 Qoraqalpoq davlat universiteti — 5 baravardan 10 baravargacha;

🏛 Qoʻqon davlat universiteti — 6 baravardan 8 baravargacha;

🏛 Samarqand davlat pedagogika instituti — 5 baravardan 6 baravargacha;

🏛 Samarqand davlat veterinariya meditsinasi, chorvachilik va biotexnologiyalar universiteti — 4 baravar;

🏛 Samarqand davlat universiteti Urgut filiali — 4 baravardan 6 baravargacha;

🏛 Samarqand iqtisodiyot va servis instituti — 5 baravardan 7 baravargacha;

🏛 Termiz davlat pedagogika instituti — 4 baravar;

🏛 Toshkent arxitektura-qurilish universiteti — 5 baravar;

🏛 TATU Samarqand filiali — 4 baravardan 5 baravargacha;

🏛 Toshkent davlat iqtisodiyot universiteti Samarqand filiali — 5 baravar;

🏛 Toshkent davlat texnika universiteti — 3,5 baravardan 4 baravargacha;

🏛 Toshkent davlat sharqshunoslik universiteti — 6 baravardan 10 baravargacha;

🏛 “TIQXMMI”  Milliy tadqiqot universiteti — 6 baravardan 19 baravargacha;

🏛 Toshkent kimyo-texnologiya instituti — 3,5 baravar;

🏛 TKTI Yangiyer filiali — 3 baravardan 4 baravargacha;

🏛 TTA Urganch filiali — 4 baravardan 12 baravargacha;

🏛 O‘zbekiston davlat jismoniy tarbiya va sport universiteti — 4 baravar;

🏛 Oʻzbekiston Milliy universiteti — 3 baravardan 8 baravargacha;

🏛 Shahrisabz davlat pedagogika instituti — 3,5 baravardan 6 baravargacha;

🏛 Chirchiq davlat pedagogika universiteti — 5 baravardan 7 baravargacha.

🇺🇿 @nodavlattalim — nodavlat oliy ta'lim muassasalari haqida rasmiy xabarlar!

#qabul2025

⚡️Magistraturaga ham qo'shimcha qabul ochildi

2025/2026-o‘quv yili uchun magistratura bosqichiga qabul natijalari tasdiqlandi va oliy ta’lim tashkilotlariga yetkazildi.

Shuningdek, Vazirlar Mahkamasining qaroriga muvofiq, belgilangan kvota doirasida o‘qishga kira olmagan abituriyentlar uchun qo‘shimcha qabul imkoniyati mavjud.

Bunda oliygohlarning quvvati, moddiy-texnik bazasi va professor-o‘qituvchilar tarkibi inobatga olinadi.

Qo‘shimcha qabul parametrlari Oliy ta’lim, fan va innovatsiyalar vazirligi bilan kelishilgan holda tasdiqlanadi.

Yuqoridagilardan kelib chiqib, qo‘shimcha qabulda ishtirok etishni istagan talabgorlar zarur ma’lumotlarni olish uchun oliy ta’lim muassasasi qabul komissiyasi yoki magistratura bo‘limiga murojaat qilishlari mumkin.

Eslatma: davlat OTMlari magistraturasiga qo‘shimcha qabul asosida o‘qishga qabul qilingan abituriyentlarning to‘lov-kontrakt summasi bir talabaga to‘g‘ri keladigan real xarajatlardan kelib chiqib, oliygoh tomonidan mustaqil belgilanadi.

🇺🇿 @nodavlattalim — nodavlat oliy ta'lim muassasalari haqida rasmiy xabarlar!

⚡️O‘zbekiston Respublikasidagi huquqni muhofaza qiluvchi organlarning ishonch telefonlari

Davlat xavfsizlik xizmati – 📞 1520
Murojaat masalalari: milliy xavfsizlikka tahdid, korrupsiya, giyohvandlik va narkojinoyatlar, terrorizmga aloqadorlik, josuslik va konstitutsiyaviy tuzumga qarshi jinoyatlar.

Bosh prokuratura – 📞 1007
Murojaat masalalari: qonun buzilishlari, prokuratura nazoratiga doir masalalar, sudgacha tergovdagi qonunbuzarliklar, mansabdorlarning noqonuniy harakatlari.

Adliya vazirligi – 📞 1008
Murojaat masalalari: huquqiy maslahat, fuqarolarning huquqiy savodxonligi, NNT faoliyati, yuridik xizmatlar sifati, notarial faoliyat va davlat xizmatlari.

Ichki ishlar vazirligi (IIV) – 📞 1102
Murojaat masalalari: jinoyatchilik, ma’muriy huquqbuzarlik, jamoat tartibi buzilishi, yo‘l harakati xavfsizligi, IIB xodimlarining xatti-harakatlari.

Davlat soliq qo‘mitasi – 📞 1198
Murojaat masalalari: soliq qonunchiligiga rioya etilmasligi, noqonuniy tadbirkorlik, soxta hisob-fakturalar, soliqdan bo‘yin tovlash.

Davlat bojxona qo‘mitasi – 📞 1108. Murojaat masalalari: noqonuniy yuk tashish, bojxona qoidalari buzilishi, korrupsiya holatlari, bojxona to‘lovlari bilan bog‘liq muammolar.

❗️Buzilgan huquqlaringiz yoki qonuniy manfaatlaringizni himoya qilish uchun ushbu organlarga murojaat qilishingiz mumkin.

🇺🇿 @nodavlattalim — nodavlat oliy ta'lim muassasalari haqida rasmiy xabarlar!

❗️Eslatma: nodavlat oliy ta’lim muassasalari uchun HEMIS tizimi 1-oktyabrdan yopiladi.

Agar tizim yopilsa, oktyabr oyidan boshlab birorta ham nodavlat oliygoh yangi talaba qabul qilolmaydi. Bu nafaqat abituriyentlarga, balki o‘qishini ko‘chirmoqchi bo‘lgan talabalarga ham taalluqli!

Nodavlat oliygohlar yangi qabul qilayotgan talabalarni faqat 1-oktabrgacha HEMISga kiritishi mumkin. Shundan keyin tizim yopiladi va qabul qilish imkoni bo‘lmaydi.

Demak, 1-oktabrga qadar hujjat topshirib, HEMISga kiritib oling, aks holda kelasi yilgi qabulni kutishga to‘g‘ri keladi.

🇺🇿 @nodavlattalim — nodavlat oliy ta'lim muassasalari haqida rasmiy xabarlar!