Nimaga koʻzlar qizaradi?

— Ko'zlarning qichishi va qizarishi tez-tez uchraydi. Ko'zlar ko'z olmasining yuzasida joylashgan kichik qon tomirlarining kengayishi tufayli qizaradi.

— Agar koʻzingiz qizarsa, unda qichishish yoki og'riq his qilsangiz, birinchi navbatda ko'zda begona jism – qum zarrasi, soch yoki kiprik borligini tekshiring. Agar bunday narsalarni topa olmagan bo'lsangiz, unda har qanday holatda ko'zingizga tegmang, aks holda alomatlar kuchayadi. Bu holatda eng maʼqul yoʻl — darhol shifokor qabuliga borishdir.

P.S. Yaqinlaringizga ushbu postni ulashing. Oʻzingizni va qadrdonlaringizni asrang.

👉 @NIMAGA — kanalini kuzatib boring!

Nimaga fortochka derazaning tepa qismida oʻrnatiladi?

— Sabab sovuq ob-havo sharoitida havoning aylanishini hisobga olingani bilan bogʻliq. Yaʼni tashqaridan kirgan sovuq havo isitgich batareyaga tushadi, u qiziydi va ko'tariladi. Bu sovuq havoning issiq havoga aylanishini taʼminlaydi. Xonadan iliq havo fortochka orqali chiqadi va havosi tozalanadi.

P.S. Shunaqa, sizga oddiy koʻrinadigan har bir narsada hikmat bor.

👉 @NIMAGA — kanalini kuzatib boring!

Nimaga dieta insonning his-tuygʻularini oʻzgartiradi?

— Hech kimga sir emaski, dietalar insonni odatdagidan ko'ra biroz asabiylashtiradi, sababi bu jarayon kishini sevimli taomlarini iste'mol qilishdan cheklashidadir. Ammo yaqinda amerikalik olimlar dietada boʻlmagan ayollar ko'rish uchun romantik komediyalarni, dieta tutadiganlar esa triller va dahshatli filmlarni tanlashlarini aniqladilar.

— Tadqiqotlar yana shuni koʻrsatdiki, o'zlarini oziq-ovqat bilan cheklaydigan ayollar ko'proq tajovuzkor bo'lishlari aniqlangan.

P.S. Shu sababli ham dieta tutadigan insonlar bilan ehtiyotkorona munosabatda boʻlish tavsiya etiladi 😅

Dieta tutadiganlarga "лёгкий" yuborib qo'yamiz!

👉 @NIMAGA — kanalini kuzatib boring!

Nimaga koʻp miqdorda olma danaklarini isteʼmol qilish inson uchun xavfli?

— Olma danagi tarkibida xavfsiz va isteʼmolga yaroqli boʻlgan Amigdalin moddasi boʻlib, u oshqozonga tushganda inson uchun zaharli hisoblangan Sianidga aylanadi. Toʻgʻri, agar olma danaklari kam boʻlsa, Sianid ham zararsiz miqdorda boʻladi.

— Ammo 150 ta olma danagi (taxminan 18 ta olma) bir vaqtda isteʼmol qilinsa bu – oʻlimga olib keluvchi Sianid miqdorini hosil qiladi. Shu sababli ham olma danagini koʻp miqdorda bir vaqtda isteʼmol qilmasligingizni tavsiya qilamiz!

P.S. Olma danagini sevadigan tanishlaringizga yuboring 😊

👉 @NIMAGA — kanalini kuzatib boring!

Nimaga baʼzida ovqatlangandan soʻng koʻngil aynishi kuzatiladi?

— Nonushta yoki tushlikdan keyin ko'ngil aynishiga og'ir oziq-ovqat (asosan yog'li taomlarni) isteʼmol qilish, ortiqcha ovqatlanish, psixogen ovqatlanish buzilishi (anoreksiya, bulimiya) sabab bo'lishi mumkin.

— Ammo ko'p hollarda kishining noxush holati ovqat hazm qilish traktining patologiyalari bilan bog'liq. Bularga gastrit, kolit, oshqozon yarasi, enterit kasalliklari kiradi.

P.S. Agarda sizda shunday koʻngil aynishi kuzatilsa va bu bir necha bor takrorlansa shifokor qabuliga borishni tavsiya qilamiz.

👉 @NIMAGA — kanalini kuzatib boring!

Nimaga baʼzilarda sochlar tez toʻkiladigan boʻlib qoladi?

— Mutaxassislarning fikricha, sochlar toʻkilishi birinchi navbatda irsiyat bilan bogʻliq boʻlishi mumkin. Keyingi oʻrinlarda turadigan sabablar esa stress, tugʻriqdan soʻng vitamin yetishmasligi yoki homiladorlikning oqibatlari, gormonal dorilarni qoʻllanishi, vaznning keskin kamayishi yoki ortishi bilan izohlanadi.

— Sochlarning holatiga nima isteʼmol qilishingiz ham muhim rol o'ynaydi. Bugungi kunda ko'p odamlar sochlarning sifatiga bevosita ta'sir ko'rsatishi mumkin bo'lgan zararli oziq-ovqatlarni iste'mol qiladilar. Ha aytgancha, sochingizni asrash uchun bosh teringizga ham jiddiy e'tibor bering. Agar boshingizda kepak, yiring va boshqa необычный narsalar paydo boʻlsa, darhol shifokorga murojaat qiling.

P.S. Yumshoq qilib aytganda sochi yoʻq insonlarga bu postni yuborib, asablariga oʻynamang 😁

👉 @NIMAGA — kanalini kuzatib boring!

Nimaga mushuklar bodringdan qoʻrqadilar?

— TikTok, Instagram va boshqa ijtimoiy tarmoqlar, YouTube'ga oʻxshash platformalarda mushuklarning bodringni tasodifan koʻrib qolib, qattiq qoʻrqqani aks etgan videolar tarqalmoqda. Koʻpchilik bundan hayratda.

— Olimlar mushuklarning bodringga bo'lgan munosabati — ularning azaliy instinktlari uyg'onishi deb hisoblashmoqda. Mushuklar bodringni ilonga oʻxshatadi va qo'rqib ketishadi. Xuddi shu uslub bilan siz har qanday cho'zinchoq narsalarni - banan, sabzi, baqlajon va boshqalarni qoʻyganingizda ham mushuklarning sakrashiga guvoh boʻlasiz.

P.S. Mushugi borlarga yuboramiz 😉

👉 @NIMAGA — kanalini kuzatib boring!

Nimaga ishtaha yoʻqoladi?

— Ishtahaning yo'qolishi mutlaq (anoreksiya), qisman (giporeksiya) va kamayishi (doimiy ochlik hissi bilan oz miqdorda ovqatlanish) bo'lishi mumkin. Buning sabablari turlicha bo'lishi mumkin.

— Ishtaha yoʻqolishining sabablari qilib masalan, stress va turli hayotiy voqealar taʼsiri, ma'lum dori-darmonlarni qabul qilish, harakatsiz turmush tarzi, aqliy va jismoniy charchoq va qattiq oqsilli dieta kabilarni keltirishimiz mumkin. Yana bu holatni yoshga bog'liq o'zgarishlar taʼsiri, yaʼni, ta'm va hidni sezadigan retseptorlar soni kamayashi bilan ham izohlash mumkin. Eslatib oʻtamiz, ishtahasizlik 1 oy davom etsa, albatta shifokorga uchrashish tavsiya etiladi.

P.S. Shu kunlarda ishtahasiz yurgan yaqinlarimizga yuboramiz, qani ularning sabablari nima ekan 😊

👉 @NIMAGA — kanalini kuzatib boring!

Nimaga "infoloʻttibozlar" atamasi trendga chiqdi?

— Infoloʻttibozlar — qandaydir kurslarga qatnab yoki kitoblar oʻqib, shu bilimini amalda qoʻllamasdan, boshqalarga pulga oʻrgatadigan axborot tashuvchilari hisoblanishadi. Ulardagi asosiy maqsad moddiyatga borib taqaladi va berayotgan "bilim"larining koʻp qismi yolgʻon boʻlish ehtimoli ham yuqori.

— Bilsangiz kerak, yaqinda Subyektiv loyihasi infoloʻttibozlar haqida koʻrsatuv tayyorlab, ommaga taqdim etdi. Ushbu koʻrsatuv internet foydalanuvchilarini shu qadar harakatga soldiki, har bir biznes treneri, psixologlar postlarining izoh qismi negativlarga toʻlib ketdi.

P.S. Media — haqiqiy kuch. Birgina koʻrsatuvning natijalarini koʻring 😅

👉 @NIMAGA — kanalini kuzatib boring!

Nimaga sharqiy osiyoliklarning koʻzlari qisiq boʻladi?

— Osiyoning sharqidagi xalqlarning koʻzlarining torligi, qovoqlarning maxsus tuzilmasini, yaʼni yuqori qovoqning mavjudligi sababidandir.

— Haqiqatga eng yaqin taxminlardan biri, bu quruq cho'llar yaʼni iqlimning taʼsiri hisoblanadi. Bu — shamol ko'taradigan chang, qum va qordan saqlash uchun shakllangan tananing evolyutsion immuniteti deb izohlanadi.

P.S. Koʻzi qisiq tanishlarga yuboring 😁

👉 @NIMAGA — kanalini kuzatib boring!

Nimaga uzoq vaqt davomidagi suvning taʼsiri kaftlarimizdagi terini boʻshashtiradi?

— Uzoq vaqt davomida kaftlarda hosil boʻladigan ajinlar — suv taʼsiridagi terining shishishi deb hisoblanar edi. Ammo soʻngi tadqiqotlar shuni koʻrsatdiki, suv taʼsirida qon tomirlari siqiladi, buning natijasida simpatik asab tizimi harakatga keladi va teri "boʻshashib qoladi".

P.S. Shunaqa, bizning koʻzimizga oddiy koʻringan voqeliklar aslida murakkab jarayonlardir.

👉 @NIMAGA — kanalini kuzatib boring!

Nimaga pul – "soqqa" deb ham ataladi?

— Pulni "soqqa" deb atalishi "Soqqa" oʻyiniga borib taqaladi. Ushbu oʻyin maxsus sharsimon soqqa deb nomlanuvchi toshlar bilan (baʼzi hududlarda yongʻoqlar bilan) oʻynaladi. Oʻyinning maqsadi — raqibning soqqalarini yutib olish hisoblanadi.

— Aynan shu maqsad, yaʼni soqqani koʻp toʻplash – pullarni koʻpaytirishga alternativ boʻlgani uchun shunday oʻxshatish paydo boʻlgan. Pulni yana mullajiring, loy, qurugʻi, koʻki singari nomlash shakllari bor.

P.S. Pulni sevadigan tanishlarga yuboramiz 🤑

👉 @NIMAGA — kanalini kuzatib boring!

Nimaga sichqonlar pishloqni yoqtirmaydi?

— Afsonadan farqli oʻlaroq, sichqonlar pishloqning ashaddiy muxlislari emas, ammo ular negadir multfilmlarda va hatto filmlarda ham pishloqni sevadigandek qilib namoyish etiladi.

— Bilasiz, sichqonlar kemiruvchilar hisoblanib, ular asosan don va o'simliklarning turli mevalarini yaxshi koʻradilar. Agar ular yetarlicha ovqatga ega boʻlsa, unda pishloq ularni hech qachon jalb qilmaydi. Bundan tashqari, sichqonlar kuchli hidi tufayli baʼzi pishloq turlarini yaqiniga ham yoʻlamaydi.

P.S. Shunaqa yolgʻonlarga ishonib yuradigan tanishlarga yuboramiz 😁

👉 @NIMAGA — kanalini kuzatib boring!

Nimaga tish pastasidagi ranglar oʻzaro aralashib ketmaydi?

— Gap shundaki, tish pastadadagi turli rangdagi pastalarning kimyoviy tarkibi oz-moz boʻlsada turlicha. Shu sababli ham ularning zichligida farq mavjud boʻladi va siz biladigan oq, koʻk, yashil kabi ranglar aralashib ketmaydi.

P.S. "Tish pastasi" yoki "tish" soʻzlarini aytganda birinchi yodingizga tushadigan tanishingizga yuboring 😁

👉 @NIMAGA — kanalini kuzatib boring!

Nimaga geliy gazi inson ovozini oʻzgartirib yuboradi?

— Internetda geliy bilan toʻldirilgan shardan nafas olib, ovozi oʻzgarib ketgan insonlar videolarini koʻrgandirsiz. Balki buni montajdagi ovoz effektlari deb oʻylagandirsiz? Ammo unday emas! Geliy haqiqatan ham ovozni oʻzgartiradi.

— Geliy zichligi havodan 7 marta kichik boʻlib, shuning uchun ovozlar havoda emas, balki unda tebransa, ovoz tebranish chastotasi ortadi va ovoz balandroq bo'ladi. Geliydan tashqari yana bir qiziqarli gaz bor - oltingugurt geksaftorid. U havodan ancha zichroq, shuning uchun uni nafas olsangiz, ovoz ancha past bo'ladi.

P.S. Agar siz bunday video-tajriba koʻrmagan boʻlsangiz ushbu koʻk yozuv ustiga bosing.

👉 @NIMAGA — kanalini kuzatib boring!

Nimaga poyezd oldinga yurishidan oldin orqaga siljiydi? (Fizikaga murojaat qilamiz)

— Buning asl sababini fizik jarayon tushuntirib beradi. Yaʼni poyezd g'ildiraklari ustidagi relslar tomonidan ta'sir etuvchi umumiy statik ishqalanish kuchi, o'qlar tomonidan yaratilgan va teskari yo'nalishga ega bo'lgan lokomotivning harakatlantiruvchi g'ildiraklarining sirpanish kuchidan oshib ketadi.

Shuning uchun, doimo birinchi navbatda, haydovchi poezdni atayin orqaga qaytaradi, ulagichlarning kuchlanishini bo'shatadi va shundan keyingina vagonlarni oldinga harakatga keltiradi.

P.S. Oʻquvchi yoki talaba tanishlaringizga yuboring va bilimlarini tekshirib koʻring 😅

👉 @NIMAGA — kanalini kuzatib boring!

Nimaga supurgini tik holatda qoʻymaslik kerak?

— Baʼzi hududlarda "supurgini tik qoʻyma, yomon boʻladi, falokat keladi" shaklidagi irim tarqalgan. Bu gapga asos bor! Buning sababi...

Davomini oʻqish uchun pastdagi tugmani bosing 👇👇👇

Nimaga kalit, ko'zoynak, telefon, kabi kichik narsalarni qayerga qo'yganimizni unutib qo'yamiz?

— Miyamizda keraksiz xotiralarni tozalaydigan mehnatsevar hujayralar mavjud. Ushbu hujayralar xotiramizdagi barcha "foydasiz" narsalarni unutishga yordam beradigan gormon ishlab chiqaradi. Miyamiz esa kichik narsalarni keraksiz deb o'ylab xotiradan o'chirib tashlaydi.

— Qizig'i shundaki, zavq bilan yaratilgan xotiralar yaxshiroq saqlanadi. Shuning uchun quvonchli xotiralarimizni ko'p vaqt eslab yuramiz.

P.S. Shunday qilib, kalitlarni biron joyga qo'yib, shu joyda xursand bo'lishni unutmang, shunda ularni 2 soat davomida esdan chiqarmaysiz :)

👉 @NIMAGA — kanalini kuzatib boring!

Nimaga suyaklarimiz qarsillaydi?

— Aslida qarsillash suyak emas, balki, bo'gʻim sohasida boʻladi. Demak baʼzida keskin harakat sababli boʻgʻimlardagi suyaklarning taʼsir qismlari kengayadi va suyuqlik yetishmovchiligi sababli gaz pufakchalari paydo boʻladi.

— Bunday boʻshliqlarning paydo boʻlishida ovoz chiqadi va biz uni qarsillash deb tushunamiz. Sogʻlom insonda bunday qarsillash davri 15 daqiqadan uzoq boʻlishi kerak.

P.S. Qoʻllarini doim qarsillatib, asabga tegadigan tanishlarga yuboramiz 😁

👉 @NIMAGA — kanalini kuzatib boring!

Nimaga chips idishining yarmi havoga toʻla boʻladi?

— Chips yeb koʻrganingizda, hech idish ichidagi havoga eʼtibor qilganmisiz? Aslida bu havo emas, balki azot gazidir. Bu albatta chipsning ogʻirligini oshirib, narxini koʻtarish uchun oʻylab topilmagan.

— Mutaxassislarning taʼkidlashicha azot gazi chipslarni yana uzoq muddat qarsildoq boʻlishini yaʼni yaxshi saqlanishini taʼminlaydi. Yana shuni maʼlum qilishimiz kerakki, ushbu azotning inson sogʻligiga zarari yoʻq.

P.S. "Chipsxoʻr" tanishlaringizga chips isteʼmolini meʼyorda saqlashlarini tavsiya qiling va albatta ushbu postni ular bilan boʻlishing 😊

👉 @NIMAGA — kanalini kuzatib boring!