tgoop.com/newsbyt/45376
Last Update:
نحتاج تعريف انفسنا للعالم من جديد
مرة خلال نقاش ويه شخص مصري الجنسية گتله كان يحتاجلكم سنوات وسنوات حتى تگولون للعالم انه الافلام المصرية مال حقبة السبعينات مو هي طبيعة المجتمع المصري ،، حتى جاء محمد رمضان وشلته التعبانة واخرج الكم مجموعة مسلسلات واغاني
تصور الانسان البلطجي الحرامي اللي سچينته بجيبه والناس تخاف منه هو الانسان الصح الناجح بالحياة والقدوة ،، وهنا يحتاجلكم فد ٥٠ سنة حتى تگولون للعالم هذوله مو احنه ك مصريين
احنه العراقيين احتاجينه نكسة ٢٠١٤ حتى العالم يشوف شبابنا اشلون يصعدون اللوريات رايحين للجبهات بدون سلاح حتى يهزمون دا عش
ونمحي الصورة اللي رسمها مصور تافه ( زهير العطواني ) عن شبابنا واخذت صدى بكل انحاء الوطن العربي ..، وحتى خارج الوطن العربي
هسه ما اعرف كم سنة نحتاج حتى نعرّف للعالم طبيعة مجتمعنا من جديد بعد موجة التسويق لحفلات الكاولية ( حاشا القارىء) والبلوكرات والفاشنستات وجماعة غسيل الاموال السا قطين
وشلون نشرحلهم انه المرأة العراقية ناجحة بكل مجالات الحياة من ربة البيت ولغاية كل الوظائف المحترمة اللي تشغلها ..،،
المشكلة من هو المسؤول عن مكافحة النوع الاول والترويج للنوع الثاني ..!! حتى نستعيد شيء من سمعة بلد رايحة للهاوية بسبب هاي الممارسات الفاسدة ..!
احمد البغدادي
BY كتبَ فلان
Share with your friend now:
tgoop.com/newsbyt/45376