كتبَ فلان

من فترة واكو بعض الجهلة، بل اسياد الجهل المركب، يجدون فرص عجيبة لتزوير التاريخ وافساده وخلق تاريخ بديل (بلا راس ولا رجلين)، ويستندون في ذلك على مشاهي نفسية واستحلاءات نفسية وغباء عجيب وجراءة سخيفة ممزوجة بثقة يحسدها عليها شبيب الخارجي، بلا مصادر او مراجع.

شوفوا شنو افكار ذولي؟
"يابة ترة النبي محمد بُعث في الكوفة، والكعبة مدورة، مو مكعبة، وهي موجودة بالكوفة، وهاجر الى ناحية يثرب بصلاح الدين ( الناحية لم تكن موجودة في السبعينات، بل تاسست بهذا الاسم في ثمانينات القرن الماضي بقرار من مجلس قيادة الثورة بعد ضم مجموع من القرى الى بعض وتشكيل ناحية)
والنبي حارب عشيرة گريش (مو قريش) في ناحية (بدر)ة الي يم جصان بالكوت."

زين انتم عبالكم اني گاعد اتشاقى او اسخر !
لا والله ..
اكو كم واحد هذا اعتقاده، لان سمع عبارة تقول (التاريخ مزور)، فتطوع لصناعة تاريخ جديد.

زين بس هاي ؟
لا
"الحسين ما يليق بيه ان يقود 70 واحد"

شلون يابة؟ كل مصادرنا ومصادر غيرنا يگولون هذا.

"لا هذا تزوير . ذولي السبعين هم القادة، اما كل واحد فكان يقود الف واحد، فالحسين قاد 70000 !!"

شفت وين وصلنا!

"والسجاد ما كان مريض ولا وقع في السبي!!
السجاد قاد جيشا عرمرما وقتل وسبى وهو (المختار) واسس دولة حسينية وحكم 20 سنة!"

زين ذولي عقال لو مجانين؟
لا هذا وذاك ..
ذولة مكلفين بافساد كل عقلك وتاريخك ودينك ..
شفت واحد مرة ..
الظاهر بعثيته وقوميته اقوى من غيره
شيگول؟
"الشمر وحرملة مو عرب، من فارس !"

يابة شلون؟
"من هوازن الفارسية"

يابة هوازن قبيلة عربية قيسية مضرية عدنانية.

"لا . حشى للعرب ما يقتلون الحسين .. هذا شغل فارسي.
وقبيلة بني اسد ما شاركت بحرب الحسين."

يمعودين؟!!
ي والله، ومن هاي التفاهات العجيبة الغريبة اللي ما يصدگها لا عاقل ولا مجنون.
فانتبهوا لذولي ..


عباس شمس الدين

👍42❤12👏2💔1😡1

www.tgoop.com/newsbyt/45017

1.77K viewsAug 12 at 20:22

من فترة واكو بعض الجهلة، بل اسياد الجهل المركب، يجدون فرص عجيبة لتزوير التاريخ وافساده وخلق تاريخ بديل (بلا راس ولا رجلين)، ويستندون في ذلك على مشاهي نفسية واستحلاءات نفسية وغباء عجيب وجراءة سخيفة ممزوجة بثقة يحسدها عليها شبيب الخارجي، بلا مصادر او مراجع.

شوفوا شنو افكار ذولي؟
"يابة ترة النبي محمد بُعث في الكوفة، والكعبة مدورة، مو مكعبة، وهي موجودة بالكوفة، وهاجر الى ناحية يثرب بصلاح الدين ( الناحية لم تكن موجودة في السبعينات، بل تاسست بهذا الاسم في ثمانينات القرن الماضي بقرار من مجلس قيادة الثورة بعد ضم مجموع من القرى الى بعض وتشكيل ناحية)
والنبي حارب عشيرة گريش (مو قريش) في ناحية (بدر)ة الي يم جصان بالكوت."

زين انتم عبالكم اني گاعد اتشاقى او اسخر !
لا والله ..
اكو كم واحد هذا اعتقاده، لان سمع عبارة تقول (التاريخ مزور)، فتطوع لصناعة تاريخ جديد.

زين بس هاي ؟
لا
"الحسين ما يليق بيه ان يقود 70 واحد"

شلون يابة؟ كل مصادرنا ومصادر غيرنا يگولون هذا.

"لا هذا تزوير . ذولي السبعين هم القادة، اما كل واحد فكان يقود الف واحد، فالحسين قاد 70000 !!"

شفت وين وصلنا!

"والسجاد ما كان مريض ولا وقع في السبي!!
السجاد قاد جيشا عرمرما وقتل وسبى وهو (المختار) واسس دولة حسينية وحكم 20 سنة!"

زين ذولي عقال لو مجانين؟
لا هذا وذاك ..
ذولة مكلفين بافساد كل عقلك وتاريخك ودينك ..
شفت واحد مرة ..
الظاهر بعثيته وقوميته اقوى من غيره
شيگول؟
"الشمر وحرملة مو عرب، من فارس !"

يابة شلون؟
"من هوازن الفارسية"

يابة هوازن قبيلة عربية قيسية مضرية عدنانية.

"لا . حشى للعرب ما يقتلون الحسين .. هذا شغل فارسي.
وقبيلة بني اسد ما شاركت بحرب الحسين."

يمعودين؟!!
ي والله، ومن هاي التفاهات العجيبة الغريبة اللي ما يصدگها لا عاقل ولا مجنون.
فانتبهوا لذولي ..


عباس شمس الدين

BY كتبَ فلان