كتبَ فلان

إلى محافظ الديوانية
تدري لو بعدك ما تدري محافظتك اليوم مو بس متأخرة صايرة قرية منسية تعيش بأسوأ حالاتها من التسعينات ليهسه لا خدمات لا نظافة لا شوارع لا حتى كرامة للمواطن.
محافظات ثانية تركض بمشاريع وخطط والديوانية بعدها تعاني من المجاري الطافحة وانقطاع المي وقائمة الانتظار بالمستشفى اطول من الأمل.الناس تكول اكو شوية مشاريع صارت هالسنة… زين نسألك هاي مشاريع الأمن الغذائي الله يوفق الدولة والرجال الشرفاء الي سواهن لا تحسبهن الك ولا تجي تتبجح بيها لأن انت ما عندك بيها لا فضل ولا جهد نرجع ونكلك سنة كاملة انجاز حقيقي واحد ينحسب الك… ماكو مدينة بحجم الديوانية تصير نكتة باللسان الناس من سوء حالها… وانت تطلع مبتسم بكاميرا اللقاءات تتفاخر بعلاقاتك يطلع أخوك سيد جعفر ويكول حضرتك احسن محافظ اجا على الديوانية لأن عندك علاقات… طيب وهاي العلاقات وين انجازها وين اثرها على الأرض المواطن يريد خدمة مو اسمك ولا علاقاتك. الديوانية تريد رجال مو بس مسؤولين يطبون للوزارة يتصورون ويطلعون تريد واحد يگعد ويدگ عالطاولة يكول هاي محافظتي وأهلها مو أقل من أحد
بس انت سكوت تهاون مجاملات وجلسات تملق.
كافي الديوانية أكبر من كراسيكم وأشرف من تواقيعكم وتستحق واحد يحمل همها مو يشيل سمعته بس.

رسالة اهل الديوانية

❤35💯6

www.tgoop.com/newsbyt/44850

1.35K viewsAug 2 at 08:08

إلى محافظ الديوانية
تدري لو بعدك ما تدري محافظتك اليوم مو بس متأخرة صايرة قرية منسية تعيش بأسوأ حالاتها من التسعينات ليهسه لا خدمات لا نظافة لا شوارع لا حتى كرامة للمواطن.
محافظات ثانية تركض بمشاريع وخطط والديوانية بعدها تعاني من المجاري الطافحة وانقطاع المي وقائمة الانتظار بالمستشفى اطول من الأمل.الناس تكول اكو شوية مشاريع صارت هالسنة… زين نسألك هاي مشاريع الأمن الغذائي الله يوفق الدولة والرجال الشرفاء الي سواهن لا تحسبهن الك ولا تجي تتبجح بيها لأن انت ما عندك بيها لا فضل ولا جهد نرجع ونكلك سنة كاملة انجاز حقيقي واحد ينحسب الك… ماكو مدينة بحجم الديوانية تصير نكتة باللسان الناس من سوء حالها… وانت تطلع مبتسم بكاميرا اللقاءات تتفاخر بعلاقاتك يطلع أخوك سيد جعفر ويكول حضرتك احسن محافظ اجا على الديوانية لأن عندك علاقات… طيب وهاي العلاقات وين انجازها وين اثرها على الأرض المواطن يريد خدمة مو اسمك ولا علاقاتك. الديوانية تريد رجال مو بس مسؤولين يطبون للوزارة يتصورون ويطلعون تريد واحد يگعد ويدگ عالطاولة يكول هاي محافظتي وأهلها مو أقل من أحد
بس انت سكوت تهاون مجاملات وجلسات تملق.
كافي الديوانية أكبر من كراسيكم وأشرف من تواقيعكم وتستحق واحد يحمل همها مو يشيل سمعته بس.

رسالة اهل الديوانية

BY كتبَ فلان