tgoop.com/namanganim24/32908
Last Update:
#RESPECT
#DEPUTAT_VA_HAYOT
ДЕПУТАТ СЎРОВИГА ВАЗИРДАН ЖАВОБ КЕЛДИ
🇺🇿💼🏔 Сайловчилар мурожаатига кўра, Қамчиқ довони- Андижон–Тошкент йўналиши A-373 “М-39” автомобиль йўлидаги қурилиш ишлари бўйича Олий Мажлис Қонунчилик палатаси депутати Дилноза Азизова йўллаган депутатлик сўровига Республика Транспорт вазири Илҳом Маҳкамовдан расмий жавоб хати олинди.
Маълумот ўрнида, Президент фармонига асосан 2024–2026 йиллар давомида ушбу йўлнинг 119–121 км. қисмида замонавий цемент-бетон қопламали йўл қурилиши ва тўлиқ реконструкция ишлари олиб борилиши белгиланган.
Жавобда қайд этилишича:
- Биринчи тасмада бетон қопламаси қўйилиши якунланган.
- Иккинчи тасмадаги ишлар 2025 йил 10 октябрга қадар тугалланиши режалаштирилган.
- 2025 йил 15 октябрдан бошлаб ушбу йўналишда транспорт ҳаракати тўлиқ йўлга қўйилиши кутилмоқда.
Текширувлар жараёнида айрим қоидабузарликлар аниқланган бўлиб, масъул ташкилотларга расмий чоралар кўрилган. Шунингдек, талабларга риоя қилинмагани сабабли айрим шартномалар бекор қилинган.
Бош мақсад — йўл қурилишида сифат ва хавфсизликни таъминлаш, йўлдан фойдаланувчи фуқаролар учун қулай ва хавфсиз ҳаракатни таъминлашдир.
" - Биз депутат сифатида, ушбу йўлдаги ишлар белгиланган муддатда ва юқори сифатда амалга оширилиши устидан назоратни давом эттирамиз", - дейди парламентга Наманган вилоятидан сафланган депутат Дилноза Азизова.
🌐 namangan24.uz
👉 @namanganim24
BY Namangan24 | Расмий канал
Share with your friend now:
tgoop.com/namanganim24/32908