tgoop.com/mzravilka/7679
Create:
Last Update:
Last Update:
#✍مەحەمەد بێهڕەوان - بۆکان
🌷 بزەی ساقی
دڵ کە شیشەی پڕ خەم و خوێناوی ئەو دڵدارە بوو
وا لە سەد جێ چڕژی هەڵگرت لەت لەتی ئەم بارە بوو
لێو بزەی ساقی لە ڕووی من ئەو دڵەی هێنامە دەر
لەش بە جارێ کەوتە عەرزی بەو بزەی بێچارە بوو
خونچە وابوو گوڵ کە پشکووت دەم دەمی چۆ ناو دەمی
تێکەڵاو و خوێن بە خوێن بوو دڵ دڵی ئەو یارە بوو
خاڵەکەی سەر کوڵمی ئاڵی گەر بە خەندە هاتە خوار
بوو بە مانگی دەوری لێوی شەو چرای ئەو شارە بوو
باخەکەی سینەی وەبەرهات دوو هەناری هاتە ڕوو
وا بە ئەنگۆستێ لەیەک دوور بەرهەمی ئەو دارە بوو
پێکەنینێ هاتە لێوی شەو بە دەم بادی سەبا
ڕوح نەما دەرچوو لە گیانم شار بە شار ئاوارە بوو
من لەژینم تاقە جارێ خۆشەویستێ هاتە لام
دڵ بە شادی کەوتە هاوار شێتی ئەو هاوارە بوو
١٤٠٣٫٢٫٢٣
@mzravilka
BY مزراویلکە
Share with your friend now:
tgoop.com/mzravilka/7679