tgoop.com/mzravilka/7675
Last Update:
#✍مەحەمەد بێهڕەوان - بۆکان
🌷عیشقی پڕ سۆز
ئەوانەی شێت لە کێوانن ئیلاقەی بسکی خاوی تۆن
هەژار و مات و بێچارە ئەسیری بەندی داوی تۆن
نەباتی تازە دەرهاتووی ئەوینی عیشق و ئازادی
هەموو هاتوونە دیدارت سەرا سیمەی هەتاوی تۆن
لە گوڵزاران بکە دیدار نیگاری گوڵ تەماشا کە
کە تۆ رۆژی لە خۆشی تۆ بەهاری تیشکی چاوی تۆن
چ قەسرێکە مەکانی تۆ کە بێ هاوتای لە دونیادا
گوڵ و بولبول مەی و ساقی نەماوی شکڵ و ناوی تۆن
بە شوقی ڕووت شەوم ڕۆژە زەوی دەوری لە دەس داوە
دەبێ ئاسمان بەجێ بێڵن کە مانگ و ڕۆژپەڕاوی تۆن
کە دوو دونیا پەشۆکاوە بە زەربی پڕ کەڕانی تۆ
دەڕووخێ شاخ بە سەر یەکدا خراوی دەنگ و باوی تۆن
پڵنگ و شێر شەهێن و باز ئەسیر و دەستەوەستانن
وەکوو ئاسک و کەوی کێوی لە ژێر فەرمانی ڕاوی تۆن
چ سووتانێک لە ڕێدایە بەتینی عیشقی پڕ سۆزت
نەما عاشق لە سەر عەرزی هەموو کوشتەی بەناوی تۆن
١٤٠٣٫٢٫١٩
@mzravilka
BY مزراویلکە
Share with your friend now:
tgoop.com/mzravilka/7675