tgoop.com/mzravilka/7621
Create:
Last Update:
Last Update:
#✍محەممەد بێهڕەوان - بۆکان
🌷بەختی تاڵ
ماڵەکەی تەنگ و سڕم وا پڕ لە زوخاو و خەمە
خەم بە ماڵی خۆی دەزانێ بۆیە نیشتوە سێ ژەمە
هێندە زۆرە ژان و ئێشەم ڕۆژ و شەو هاوار دەکەم
مەرهەمێ ناگاتە زامم هاودەمی سەبرم کەمە
من بە جەوری خۆشەویستی عومری ژینم چوو لە لا
بۆیە خەم باڵی شکاندم دڵ غەریقی ماتەمە
دوژمنم هاتوەبە مەستی دۆستەکەش نەیما وەفا
خەم وەکوو کێو دێتە بەرچاو دایمە ئاسمانم تەمە
زوڵفەکەت لاچوو لەسەر ڕووشەمعی کوڵمەت هاتە ڕوو
پەلپەلیسکە ئەو دڵەی من بۆیە سووتاوی شەمە
بەختەکەم تاڵی نەبێ قەت بەرهەمی خۆشی نەبوە
ڕۆنتکی چاوم کە دەتکێ خاوەنی دەرد و سەمە
ڕوینەداوە وا لە دونیا عیشق و خەم تێکەڵ نەبێ
دیدەکەی خوێناو ڕژاوم وەشتەکەی خاوەن یەمە
تۆ کە "فریا "ویشکە لێوی، ئارەزووی ماچت هەیە
بیبە ژێر گڵ ئەو خەیاڵە وێنەکێشی سەرچەمە
١٤٠٣٫١٫٢٠
@mzravilka
BY مزراویلکە
Share with your friend now:
tgoop.com/mzravilka/7621