Сурхондарё вилояти ҳокими Улуғбек Қосимов Термиз шаҳри ва Термиз туманидаги йирик қурилиш ва инфратузилма объектлари билан танишди. Жумладан, Термиз шаҳрида "Янги Термиз сити" ва "Термиз бизнес сити" мажмуалари, шунингдек, "Фаровон" массивидаги биринчи ва иккинчи қаватларида савдо ва хизмат кўрсатиш нуқталари жойлашадиган кўп қаватли турар жой бинолари қурилиши ҳамда ер ишлари жараёнлари ўрганилди.

Термиз туманидаги "Келажак" маҳалласини барқарор электр энергияси билан таъминлаш мақсадида амалга оширилаётган 1,13 миллиард сўмлик лойиҳа ижроси ҳам кўздан кечирилди. Унга кўра, 2 та трансформатор пункти қурилди, 185 та бетон устун ўрнатилди ва 8,7 км электр тармоғи тортилиши таъминланди.

Шунингдек, "Янги Ўзбекистон" массивидаги Амфитеатр ҳамда катта байроқ ўрнатиладиган майдонда олиб борилаётган қурилиш ишлари ҳолати ҳам ўрганилди.

Каналга уланиш: https://www.tgoop.com/murodbekdavlatov