Baliq olmang, baliq tutishni o‘rganing.
Baliq bermang, baliq tutishni o‘rgating.

Qidirishni, izlanishni, o‘rganishni o‘rganing - shunda siz ustozsiz ham yangi bilimlarni o‘zlashtira olasiz. Agar 6 oylik kurs davomida faqat tayyor bilim olsangiz, kurs tugashi bilanoq mentorsiz o‘rganish imkonsizdek tuyuladi.

Qidirishni, izlanishni, o‘rganishni o‘rgating - shunda o‘quvchingiz sizsiz ham mustaqil o‘rganishni davom ettira oladi. Agar 6 oylik kurs davomida faqat o‘rgatsangiz, kurs tugashi bilanoq o‘quvchi sizsiz o‘rganishni imkonsizdek deb o'ylashi mumkin.

@mukhammadkarim_tukhtaboev

"Sandanam mandanam, undanam bundanam ... "

Faqat mening atrofimda shu ovozlarmi yoki barchada shu ahvolmi?

Microsoft genotsidmi?

Shu kunlarda LinkedIn da Microsoft sun'iy intellekt dasturlarini Falastinga qarshi foydalanish uchun Isroilga berayotgani haqida postlar aylanib yuribdi. Ha, bu haqiqat. Avval, voqea haqida qisqacha aytib bermoqchiman.

"Microsoft AI" CEO si Mustafa Suleyman Microsoft ning 50 yilligi munosabati bilan o'tkazilayotgan konferensiyada nuqt so'zlayotgan bir paytda, bir musulmon qiz norozilik bilan shunday dedi: "Mustafo, uyat sizga! Siz AI dan yaxshilik uchun foydalanishni da'vo qilasiz. Lekin Microsoft Isroil armiyasiga AI qurollarini sotyapti. 50 ming odam o'ldi va Microsoft bu genotsidni qo'llab quvvatlayapti. Siz Suriyaliksiz, bilasizmi? Siz urushdan foydani ko'zlaydiganlardansiz. Uyat sizga! AI dan genotsid uchun foydalanishni to'xtating. Qo'llaringiz qonga to'lgan. Microsoftning qo'llari qonga to'lgan. Siz qanday qilib bayram nishonlayapsiz? Microsoft bolalarni o'ldiryapti-ku! Barchangiz uyaling!"

Barchaga vaziyat tushunarli bo'ldi deb o'ylayman. Keling, chuqurroq yondashib ko'ramiz. Bu bo'yicha konferensiyada Mustafo aniq fikrlar keltirmagan. Shunchaki u qiz vaziyatni kutgan va bayramda namoyish tashkil qilgan. Ishoning, men Microsoft ning bunday ishlarini xech qachon qo'llab quvvatlamayman. Nafaqat Microsoft, balki Apple, Meta, Google ham huddi shu ishlarga aralashgan. Ammo nima qilaylik? Ba'zi talabalar Microsoftning Student Ambassador dasturlaridan chiqib ketgan yoki shunga o'xshash vaziyatlar. Ammo bunday qilish juda to'g'ri yechim ham emas. Agar IT olamida "ketish" yo'lini tanlasak, vaziyatimiz battar yomonlashadi. Microsoft AI (Copilot) ni qo'ying, ammo LinkedIn, Github, Windows, Azure, Office, xattoki OpenAI ham Microsoftning qo'lida. Shunchaki "tashlash" bu yechim emas. Shu bo'yicha postlar ostida ajoyib fikrni o'qib qoldim:

"Urushda qurolsiz qolganingda dushmanning qurolidan foydalanishing mumkin. Agar qurolsiz qolsang, seni o'ldirishadi."

Aytgancha, u qiz ishdan ketib, eng to'g'ri ishni qilgan. Chunki u to'g'ridan to'g'ri Falastinga qarshi ishlatilayotgan qurollarni yasashda qatnashayotgan edi. Hozirda u insonni kattagina startup juda yaxshi oylik maoshi evaziga yollashga ulgirdi.

@mukhammadkarim_tukhtaboev

“Vibe coding” haqida bir yaxshi, bir yomon gap ayta olaman:

Yaxshisi:
- MVP darajadagi ajoyib maxsulotni yasash mumkin, xattoki, zo’r dizayn bilan.

Yomoni:
- Kodlar musr bo’ladi, uni to’g’rilash esa ko’p vaqt olishi mumkin, dastur kattalashgan sari AI ning ko’zi xiralashadi.

Hozirgacha, 6 ta dastur yasab ko’rdim (web, mobile). Jumladan: prep4job.com, tavsiya.com

Yaxshi dasturchi bo’lmasa bu qurollardan foydalanish qiyin. Oddiy aytganda, AI dan foydalanish uchun ham yaxshigina dasturchi bo’lish lozim. Sifatli kod yozdirish uchun, sifatli prompt berish kerak. Uning uchun esa, kod yozishni emas, dasturlashni o’rganish kerak. Kodni AI yozib beryapti. Ammo dasturlash bu umuman boshqa daraja …

@mukhammadkarim_tukhtaboev

.NET dasturchi bo'lishni istaganlar uchun imkoniyat

Eng zo'r o'quvchilarimdan biri Jamshid .NET bo'yicha dars berishni boshlayotgan ekan.

Dars formati: Offline, 2 soatdan.
Dars vaqtlari: Dushanba, Chorshanba, Juma, 17:00 - 19:00
Kurs narxi: 1.300.000 so'm
Bog'lanish uchun: +998883338803
Manzil: Yunusobod, Bodomzor

Jamshid hozirda Rossiya kompaniyalaridan birida Senior .NET dasturchi sifatida 2.5 yildan beri ishlab keladi. Shu bilan birgalikda u Najot Ta'lim va HAAD o'quv markazlarida ham ustoz sifatida faoliyat olib borgan.

Darslar seshanba kundan boshlanar ekan. Shoshilib qoling. Aytgancha, sizdan dasturlash bo'yicha boshlang'ich bilimlar talab etiladi.

@mukhammadkarim_tukhtaboev

Haqiqiy boykot

Agar qaysidir katta kompaniya haqida yaxshi fikrda bo'lmasangiz, uni boykot qilishni eng yaxshi yo'li nima bilasizmi?

Bu uning mahsulotlarini sotib olmay qo'yish emas (bundan eng katta zararni o'zingiz ko'rasiz), unga raqobatchi kompaniya yaratib uni bozordagi o'rnini olib qo'yish.

Eplay olsangiz butun xizmatlaridan ko'ra yaxshiroq xizmatlar, mahsulotlar yarating. Eplay olmasangiz hech bo'lmaganda o'z davlatingizdagi, o'z shahringizdagi, o'z mahallangizdagi xizmat / mahsulotidan ko'ra chin ma'nodagi yaxshiroq bo'lgan alternativ mahsulot taklif qiling. Ana shunda odamlarni chiqib boykotga chaqirib, battar kambag'allashtirmaysiz. Balki yaxshiroq mahsulot berib boyitasiz.

Qo'lingizdan kelmaydimi? Hozircha kelmaydimi? Unda keladigan paytgacha o'qing, o'rganing, izlaning, harakat qiling.

O'rganish uchun eng yaxshi variant esa o'sha kompaniya o'zi. Zo'r kompaniyadan zo'rroq narsa qilishning eng yaxshi usuli tashqaridan turib "divanniy" analitika qilish emas, ichkaridan turib barcha kuchli, kuchsiz tomonini o'rganish.

Va eng asosiysi - kimnidir boykot qilish, sindirish uchun harakat qilmang. Shunchaki eng yaxshisi bo'lishga, eng yaxshi mahsulot yaratishga va ko'proq odamlar hayotini yaxshilashga harakat qiling.

Muammo "yomonlar" kuchli ekanida emas, "yaxshilar" juda ojiz ekanida!

#justthoughts

@musayev_blogi

IT Blogerlar o'rtasida stol tennis musobaqasi o'tkazilayotgan ekan. Men ham qatnashmoqchiman. Yana kimdir uchun qiziq bo'lsa, quyidagi havola orqali ro'yxatdan o'tishingiz mumkin:

https://www.tgoop.com/pingpong_dev/68

@mukhammadkarim_tukhtaboev

❗️Ўзбекистонда сунъий интеллект ёрдамида шахсга доир маълумотларга ноқонуний ишлов берганлик учун жавобгарлик жорий этилади

Қонун лойиҳасига кўра, сунъий интеллект орқали шахсга доир маълумотларга ноқонуний ишлов бериш ва уларни ОАВ ёки Интернетда тарқатиш учун жавобгарлик белгиланиши режалаштирилмоқда.

👉 @r_kusherbayev

React mi yoki Angular?

Umar yutkazdi. Bunchalik mazza qilmagandim. React topda. 😂

Issiq suv, svet, wifi yo’q :(

Kim Yunusobodda turadi?

Elbek va uning Tarteeb jamoasi .NET bo'yicha offline kurslarni yo'lga qo'yibdi. Agarda kimgadir qiziq bo'lsa, kurslarida o'qishni tavsiya qilaman.

Elbek odatda amaliyotga qattiq e'tibor beradi. Uning aytishicha o'z loyihalari uchun kuchli dasturchilar tayyorlamoqchi. Ma'lumot o'rnida aytish joizki, u .NET tehnologiyasining qurilishda o'z hissasini qo'shgan Hassan Habibning shogirdi bo'ladi.

@mukhammadkarim_tukhtaboev

Tashlab ketmang

Shu kunlarda menga "Birinchi ishimni qanday topsam bo‘ladi?", "Kursni tugatganman, ammo ish topolmayapman" mazmunidagi gaplar bilan murojaat qilishyapti.

Jigarlar, bir narsani yodda tuting. Hech qayer yoki hech kim sizga ish kafolatini bermaydi. Ish topishda na bilim, na tajriba birlamchi bo‘la oladi. Qancha dasturchilarni ko‘rdik, tajribalilari turib, tajribasizlarining ishga kirganini. Bu holat faqat sizda emas, hattoki senior dasturchilarda ham kuzatiladi. Agar yozilmagan bo‘lsa, 4-5 yillik tajribali dasturchi bo‘lsangiz ham shunchaki 6 oy ishsiz qolishingiz mumkin. Bu kabi vaziyatlarni oddiy qabul qilishingiz kerak.

Siz ko‘rgan katta dasturchilarning hammasidan birma-bir so‘rab ko‘ring. Ularning hech biri birinchi ishini kursni tugatiboq topmagan, yillar ketgan. Miyangizdan "kursni tugatishim bilan ishga kiraman" degan fikrni chiqarib yuboring.

Yechim bitta - tashlab ketmang! Ba’zi tanishlarim ish topa olmagani uchun tashlab ketishgan. Ishoning, sabr qilsangiz, kirasiz o‘sha ishga bir kuni. Tog‘dan tashlangan toshning yerga tushishi aniq. Faqat, gap uning qachon tushishida. O‘sha tushish davrida sabr qilib, o‘z ustingizda ishlashdan to‘xtamasangiz bas.

Aytgancha, 3-4 ta recruiter ga yozib, reject olganingizda, o‘zingizdan depressiyaga tushgan odamni yasamang, kino qilib. Birorta joyni bitirdingizmi, kamida 20 ta joyga topshiring. O‘sha kompaniya bilan bog‘liq bo‘lgan yoki u yerda ishlovchi shaxslarni LinkedIn dan qidiring. Ulardan ishga tavsiya qilishlarini so‘rang. Tavsiya qilinganlarni esa kompaniya birinchi bo‘lib ko‘rib chiqadi. Eng zo‘r yechim shu.

Xullas, ishlaringizga omad, siz kutgan kun sizni ham kutyapti. Muhimi - tashlab ketmang. Postni tashlab ketganlarga yuborib qo'ying )

@mukhammadkarim_tukhtaboev