MOKSHAMASTOR

Ethnic Map by Aleksandr Rittich (1875).jpg

78.7 MB

Кирдемасторонь нолай пинетненди ашель кода кемамс аф кунардонь пингста, аш кода кемамс тяниень пингстовок — тя эряфонь кой, кона мзярдовок аф полафневи ризфу модать лангса, коса сатовсь эрямс атяньконь атяснонды, коса сатовсь эрямс тейневок мархтонтт, цебярь мокшень ломатть. Пади лиякс ульсь тёжяшка кизода инголе, мзярда мокшетне эрясть веронь потяй инекуйфтома, конат пефтома врьгятькшнесть лангозонк омбамасторста, аньцек кие тяни сянь содасы. Кода дяль уль, тячи мон ёран няфтемс тейнть пяк аф ёмла кагод лопа, конань лангс архтфт ломаньтналхнень эряма вастсна сюдоф империясонк кемгафксувоце сядокизоть омбоце пялькссонза. Ули тоса пяк кальдяв эльбятькс, мзярда архтысь кати-мезенкса сембе шава васттнень Мокшамасторса, кода вирьхнень-паксятнень веленьконь ёткова, архтозень якстерькс — арьсян тяфта пинесь нолазе азоронц афток кяденц, афток нинге мезенц. Аф лац нинге шовордамазь фкя ломаньтналс эрзянь шабраньконь мархта, тянкса ламотненди кармай стака шарьхкодемс кие коса эрясь ся пингста.

«Автор взял за основу материалы 10-й ревизии, проведенной в 1858 году, списки населенных мест Российской империи, собранные Министерством внутренних дел в начале 1860-х годов, и различные статистические материалы — на карте Александра Риттиха показано 46 народов, каждый из которых обозначен соответствующим цветом. Народы в легенде карты сгруппированы по лингвистическому принципу. Родственные в языковом отношении этносы отмечены в единой гамме цветов. Риттих придерживался взгляда на этнографию, как на практическую науку, инструмент для проведения определенной политики в отношении различных этнических групп. Он проявил себя как непримиримый русскоцентричный панславист и сторонник русификации инородцев Российской империи».

Афкукс, сембе тя тиендевсь васекиге рузыяфтомать келептеманцты, кодамовок лия кеме туфтал эста ашель сяшкава оцю тевти. Ёрасть синь вишкоптомс ёмла ломаньтналхнень машфтомаснон, а сянди эрявсь лацкас шарьхкодемс кие коса эряй. Мокшетнень эрзятнень мархта архтозь сифтем лаца сенемня китьксса — ванода конашкова ичкози ворьготькшнесть синь шачема вастстост оцязорхнень азорондамаснон инкса. Атяньконь атяснон эса люпштасть сембе ширде, пефтома кошарязь кадондомс кельгома мастороньконь. Кунара нинге мокшетнень эрзятнень мархта оцязорхне панцезь эряма вастстост, а кудозост усксесть урят, конат меле кармасть пряснон лувома азоркс модасонк. Веленьконь ёткс оцязорхне пефтома путнесть од урень велет, коса меле синь раштасть апак сашентт ёжес. Сяльде тейст оцязорхне путсть од ломаньтналонь лем, конань уретнень уноксна тяникиге кандсазь апак содак коста синць тиевсть. Сяда меле тя тевть сембода пяк вишкоптозь аф оцязорхне, а якстерь инекуйхне — эста рузыяфтомась пачкодьсь эрь велети Мокшамасторса.

💔5

www.tgoop.com/mokshamastor/150

283 viewsedited  Jan 8 at 12:17

Кирдемасторонь нолай пинетненди ашель кода кемамс аф кунардонь пингста, аш кода кемамс тяниень пингстовок — тя эряфонь кой, кона мзярдовок аф полафневи ризфу модать лангса, коса сатовсь эрямс атяньконь атяснонды, коса сатовсь эрямс тейневок мархтонтт, цебярь мокшень ломатть. Пади лиякс ульсь тёжяшка кизода инголе, мзярда мокшетне эрясть веронь потяй инекуйфтома, конат пефтома врьгятькшнесть лангозонк омбамасторста, аньцек кие тяни сянь содасы. Кода дяль уль, тячи мон ёран няфтемс тейнть пяк аф ёмла кагод лопа, конань лангс архтфт ломаньтналхнень эряма вастсна сюдоф империясонк кемгафксувоце сядокизоть омбоце пялькссонза. Ули тоса пяк кальдяв эльбятькс, мзярда архтысь кати-мезенкса сембе шава васттнень Мокшамасторса, кода вирьхнень-паксятнень веленьконь ёткова, архтозень якстерькс — арьсян тяфта пинесь нолазе азоронц афток кяденц, афток нинге мезенц. Аф лац нинге шовордамазь фкя ломаньтналс эрзянь шабраньконь мархта, тянкса ламотненди кармай стака шарьхкодемс кие коса эрясь ся пингста.

«Автор взял за основу материалы 10-й ревизии, проведенной в 1858 году, списки населенных мест Российской империи, собранные Министерством внутренних дел в начале 1860-х годов, и различные статистические материалы — на карте Александра Риттиха показано 46 народов, каждый из которых обозначен соответствующим цветом. Народы в легенде карты сгруппированы по лингвистическому принципу. Родственные в языковом отношении этносы отмечены в единой гамме цветов. Риттих придерживался взгляда на этнографию, как на практическую науку, инструмент для проведения определенной политики в отношении различных этнических групп. Он проявил себя как непримиримый русскоцентричный панславист и сторонник русификации инородцев Российской империи».

Афкукс, сембе тя тиендевсь васекиге рузыяфтомать келептеманцты, кодамовок лия кеме туфтал эста ашель сяшкава оцю тевти. Ёрасть синь вишкоптомс ёмла ломаньтналхнень машфтомаснон, а сянди эрявсь лацкас шарьхкодемс кие коса эряй. Мокшетнень эрзятнень мархта архтозь сифтем лаца сенемня китьксса — ванода конашкова ичкози ворьготькшнесть синь шачема вастстост оцязорхнень азорондамаснон инкса. Атяньконь атяснон эса люпштасть сембе ширде, пефтома кошарязь кадондомс кельгома мастороньконь. Кунара нинге мокшетнень эрзятнень мархта оцязорхне панцезь эряма вастстост, а кудозост усксесть урят, конат меле кармасть пряснон лувома азоркс модасонк. Веленьконь ёткс оцязорхне пефтома путнесть од урень велет, коса меле синь раштасть апак сашентт ёжес. Сяльде тейст оцязорхне путсть од ломаньтналонь лем, конань уретнень уноксна тяникиге кандсазь апак содак коста синць тиевсть. Сяда меле тя тевть сембода пяк вишкоптозь аф оцязорхне, а якстерь инекуйхне — эста рузыяфтомась пачкодьсь эрь велети Мокшамасторса.

BY MOKSHAMASTOR