tgoop.com/mokshamastor/144
Last Update:
Инголентт оцю валкс, конань кочказе шавоманц инголе Черапонь Осесь — васенце мокшень кялень аралайсь Мокшамасторса. Кунардонь мокшень валда башка тяса кочкафт идень валхт, мезе лия валксса тинь мзярдовок аф мутада. Кялень тонафнембачк эрь иднясь тиенди лама эльбятькста, сяс мес сон теряфни азомс валхнень эсь лацонза, азомс кода теенза сяда тёждяняста ляпаксави — тяфта шачи, кода корхтайхть, идень ётконь кяль. Идень корхтамань эльбятьксне тиевихть фкя коень вельде, лац маряви синь фкаксшисна, кона сотф иднять кизонзон мархта сяка, кода кялень содамашинц мархта. Идень ётконь кяльсь няфтьсы тейнек, кода од ломанць саворня, эльбятькшнема вельде нолдасы потмозонза тядянь-алянь кяльть, сянкса васень кизонзон потмос пърдаф пяк оцю танад эрькодама кялень тонафнемаса. Мзярда иднясь касы, тонадомс тядянь-алянь кяльть кармай пяк стака — аф ули сонь аф кеме мялец, аф ётка пингоц. Сянкса эряви тонафтомс ёмла шабатнень мокшень кяльс снярда, мзярда уйсна нинге ашезь кевонза, мзярда нинге сембонь ули мяль пинге мархта.
BY MOKSHAMASTOR
Share with your friend now:
tgoop.com/mokshamastor/144