نزال احمد العكيلي

علي ثاني نشوفه من دخل للكوفه
ـــــــــــــــــــــــــــــــــــــــــــــــــــــــــــــــ
مسلم الحيد .. يصنديد .. يغيره ومرجله
رافع الهام .. والازلام .. بقت تتوسله
يصدح الصوت .. اجه الموت . منو اليكرب اله
رتّل ايات .. والاثبات .. شرحها الزلزله
فسّرتها احروفه من دخل للكوفه
ــــــــــــــــــــــــــــــــــــــــــــــــــــــــــــــــ
يعرف اهنا .. علي وياه .. وحشته تنجلي
تزهك ارواح .. اذا صاح .. دخيلك يا علي
كال وياي .. مدد جاي .. يطوعه هلهلي
بسمه لوصيح .. ولاطيح .. سند هو الي
صارمه بجفوفه من دخل للكوفه
ـــــــــــــــــــــــــــــــــــــــــــــــــ
جرّد السيف .. على الكيف .. يكطّع بالركب
ترجف الكاع .. والاسباع .. اذا مسلم غضب
حيله حيلين .. يجي منين .. بعد يمه التعب
طوعه مضياف . ولاتخاف . اكل عدها وشرب
والزلم مجتوفه من دخل للكوفه
ـــــــــــــــــــــــــــــــــــــ
تهتز اجبال .. اذا صال .. على اشباه الزلم
واليلاكيه .. ويجاريه .. يقينا ينهزم
جنه عباس .. بالاحساس .. شهم يشبه شهم
ينطي لحسين .. ضوه العين .. عشك هذا الاسم
والسبط ميعوفه من دخل للكوفه
ــــــــــــــــــــــــــــــــــ

يكطع الروس .. بقه ايدوس .. عليهن بالدرب
كدها واكدود .. بالوعود .. ولا يخلف حرب
بأمره محتار .. بلا انصار .. بقه بموقف صعب
وسفه غدروه .. ولاجوه .. ومنيته تقترب
صعبه حيل ظروفه من دخل للكوفه
ــــــــــــــــــــــــــــــــــ
ما يطخ راس .. للارجاس .. لجن عنده العذر
ما يكدرون .. يكربون .. عليه الا بغدر
موتة ابطال .. والأرجال .. شهادتهم نصر
طول السنين .. قرابين .. يقدمون العمر
الموت سل سيوفه من دخل للكوفه

قصائد الانصار


يا الله ينصار الولايــه مسلم ايصيح الحبيب
خلي نتوضى ونصلي موعد الجنه قريـــب
*

سلت اسيوف الحمــــيه وشدت انكَاب الــــزلم
ولبست ادروع الشهامــه وعدلت اسروج العزم
فارت اعروك النجابـــه اليـــــــــوم لازم تنتقم

اتحاشمو ســــمعو ينادي من صبح مسلم خطـيب

*
زمجر الميدان مســــلم حـــــــيل مهتم بالحرب
امن العطش كَلبه تفطر عنه ممــــــنوع الشرب
لاجن السان البســـــاله باشط ومامضــــــطرب

هايفرسان الشـــــجاعه اينادي والمدمع نحـــيب


صاح ياشيخ الصــحابه ونكَلــــة الحـظ والبخت
هذا يوم الغاضريـــــــه وهاي كل زلمك اجـت
ليمت الصوله تناطـــــر بالسيوف اتحشـــــــدت

ياعظم حظنه وبختنــــه وياشرف هذا النصيب
**
*
ياعظم حظنه وبختنــه بعد ميهمنه الممــــــــــات
خلي نتوضه ونصلـــي بعد ســــــــاعه للوفــــــاة
والله محلاها شطعمها وي الحسين الصـــــــــلاة
آخر اللحظات هــاذي وي ابو اليمه النجـــــــيب


يا الله يصحابي النشامه يا الله يهل المرجلــــــــه
هاي بيبان الجنــــــــان انفتحت وصاحت هلــــه
نغتسل غسل الشـــهاده بالدمـــــــوع الهاملــــــه
لاجل الحسين ومصابه لوصبح ظامي وخضيب

*
لأجل الحســين وعياله مانبالــــــــــــــي بالعمر
كون ألف مره انتــوذر والله وانضوك الجــــــمر
فدوه اله انصيح وننادي ومنه نلتمـــــــــس العذر
نشعر امقصـــرين والله ويه مولانــــــــه الحبيب

أحنه كَلناها وصرخنه ألهم انبـــــــــــــيع الدمه
فدوه لتراب التسحكَه ارقـــــــيه والله وفاطمه
احنه تربات الولايــــه وهذا يـــــــــوم الملحمه
بالدمه انوقع عهدنــــه احنه انصـــــار الغريب


الشاعر ابو علي الركابي

بحق مسلم ابن عقيل //ع //على لسان حميده



اقره بعيونك سفر والجرح بيّه كُبر
الينتظر جيّة محب نار انتظاره
بويه سولفلي ابخبر هاي السفاره
*÷÷÷÷÷÷÷÷÷*÷÷÷÷÷÷÷÷÷÷÷*

امودع الله ودعوتي ايصير التريده
اليدعي لحبابه العلي ميرجع ايده
بويه گلي ابسفرتك يمكن بعيده
خايفه ابطول الهجر تنسه حميده

تجرح سنين البعد ازرع لجيتك ورد
گلي ارجع واحفظ ابگلبي البشاره
*÷÷÷÷÷÷÷÷÷÷*÷÷÷÷÷÷÷÷÷*

صعبه تهمل ددمعتي بشوگ ابتعادك
لغربه رايح والبلد ماچن بلادك
انتظر جيتك واحن واذكر ودادك
اسجد لربي شكر لو ليّه عادك

غيبة الوالد حزن ابقه بغيابك احن
تدري بالخاطر صعب مر انكساره
*÷÷÷÷÷÷÷÷÷÷*÷÷÷÷÷÷÷÷÷*

تمشي وابقه بغيبتك شوفي أديره
فجئه راحل والسفر معرف مصيره
يا كبر جرح الابو واني زغيره
خاطري وگلبي انكسر كسره چبيره

اتودع ودمعك يصب چنك ابسفرة حرب
حيلي هدّمته ودمع جفني ايتجاره
*÷÷÷÷÷÷÷÷÷÷*÷÷÷÷÷÷÷÷÷÷*

تدري طفله وخايفه ايغيبك زماني
انته شمعة ناظري وحبي وحناني
ابهذا عمري وماتت ابروحي الاماني
بعدك اگبالي وألم حزنك غزاني

حايره وغاب الامل دمْعِتي صارتلي حل
ابعيني خليت السمه يسود نهاره
*÷÷÷÷÷÷÷÷÷÷÷*÷÷÷÷÷÷÷÷*

روحي يالغالي تره فگدت املهه
غايب وچنك أبد ما ترجع الهه
دنيتي من الهجر اجزع واملهه
ترخص الدمعه وعلى اخدودي اهلهه

تنطفي شموع العمر وانتظر طيفك يمر
جاوب بكلمت عطف وانطق عباره
*÷÷÷÷÷÷÷÷÷=*÷÷÷÷÷÷÷÷÷÷÷*

ادري اخلصنه العمر عِشره اويه نوحي
وادري بوداعك تضل ملهوفه روحي
مرسه اصيرن للحزن واغفه بجروحي
بويه حسيت السفر موّت طموحي

احلم ايمرني الفرح والگلب بيك انجرح
اليفگد الحب والعطف عمره خساره
*÷÷÷÷÷÷÷÷÷÷*÷÷÷÷÷÷÷÷÷*

✍بقلم خادم الحسين ع
الشاعر رعد الچريخي

قصيدة مسلم(ع)
.
.
.
 
ماقبل موتي بثواني      چانت اهواي الاماني
وتمنيت 
چانـت امنــيتي الاخيره
جسمي ينشال بحصيره
تمنــيت

*

عالقصر من صعدوني حسـين بس ابراسي چان
وصوت كسر اضلوع صدره بداخلي شاهد عيان
اتذكرت ســــالوفه عـــمي علـــي سولـفها بمـكان
وگال يامســـلم اخـــيك راســـه ينـــشال بســنان
 
اتگـطع اعضـائه البواتر .. اطشر اعـضامه الحوافر
وتمنيت
البي يصـير بروحـي اديـره
جسمـــي ينــشال بحصيره
تمنــيت

*
 
أطـلب الذبـــاح گــــلي گبــــل ما گـــص الوتين
گتـــله اتمـــنه اصـــلي لـــبواليــمه ركـــعــــتين
بالقنوت ارفعت ايدي انـــــخيت رب العــــالمين
كون من انذبح جـسـمي ينـطحن مـثل الحسين
 
حَلفت ربي بغيـاثه .. ابلا دفن ابقه ثلاثه
وتمنيت
هاذي احــلامي الچبيره
جسمي ينشـال بحصيره
تمنــيت
 
*

الدعوه الاخره ادعيت ربي قبل طبگت ناظري
كون ســلاب المــحابس مثــله يگـطع خنصري
أي يذبـــاحــي احـــلفـــك لــو ردتلـــي تنـــبري
من القـفه بثنعش طبره اطبــرني انتــه بمنحري
 
هالطلب مسلم يريده .. من تحز انته وريده
وتمنيت
مثـله ابقـى ابلا عشـيره
جسمي ينشال بحصيره
تمنـــيت

*

راسم الطف ابـن عمـــي في مخـــيلتي صــور
سالفتهـــن مــو ثوانـــي لا يريـــدالهـــن شــهر
من القصر لمن اطيح اتمنــه لو ظـهـري انكسر
مثل ما ينكسر ظــهر حســــين باچـــر عالگمر
 
حلمي من تلفي المنيه .. كلهن يصـــيرن عليه
وتمنيت
ابنيتـي وي بنـته اسيره
جسمي ينشال بحصيره
تمنيــت
 
*
بالشمس كون ابقى مرمـي ابلا دفن وبلا غسل
وراسي وي راس ابو اليمه برمح عالي ينحمل
وبنتي وي بنته رقيه مچتـــفات اعلــــه الهزل
وين الله وابــوفاــــضل حـــلم عـــمري يكتمل
 
الله شاهد چان حلمي .. يدفن السجاد جسـمي
وتمنيت
مـن يحــطني بالحفيره
جسمي ينشال بحصيره
تمنــيت
*
حيدر تركي الكربلائي

المن طالعه بهالليل تمشيـن
اذا لحسين هوه شضال بحسين
المن رايحه شتلكين منه
يزينب والحوافر طشرنه
خافن ماتعرفينه وتتيهين
ــــــــــــــــــــــــــــــــــــــ
رايحه المن يالغريبه بهالظلام وهالتلول
الف سيف والف جثه البينج وبينه تحول
شنهي تلكين منخيج ضال سالم حته اكول
ضلوعه ظلن بالحوافر وين تلكين الخيول

اخيج داست الخيل اعله صدره
يزينب طبكن ضلوعه اعله ظهره
كل وصله بنويه
اعلى كبر الغاضريه
جا من جسم اخوج شراح تلكين
ــــــــــــــــــــــــــــــــــــــ
ياهو اليـزتج يزينب ليهم وعباس نــام
وانتـي تعبانه يخيه وتــونه طفينه الخيام
ابن امج مغطين جسمه برمل ويضيعه الظلام
مثلم منالطعن كله وغيــرة لونه السهام

بلا رجال صعبه الليل ينداس
يالمتعوده يمشي وياج عباس
يخيه شلون ممشاج
وكفيلج موش وياج
يبعد اهلي شيردج للصواوين
ــــــــــــــــــــــــــــــــــــــ
الف طعنه والف ضربه والجرح فوك الجرح
وكلهم بـلا روس يختي شلون تلكين السمح
خيـه زينب همه كثــره وموش واحد منذبح
خيه ضلي ويانه هسه وبلكت نشوفه الصبح

باجـر بالضعن يمهــم يمــرون
وبلكت يرضه نوكف حادي الضعون
نحول يم السباع
ويحله انوب الوداع
وابدي اعتابج وكولي شتريدين
ــــــــــــــــــــــــــــــــــــــ
شويه خل تصير سفره والصبح لمن يجيج
موش مالت ليل يختي معلعه وشوفج رجيج
وسود مـن كثر المشاكف صايرات اديـج
ارتاحي لاتامشين هسه حسين مايعتب عليج

يم عون استراحي مروة الليل
طريج بعيد وانتي منيلج حيل
نامي شويه يم عون
اخــوتج مــايعتبــون
جبيره وهذا ليل وما تشوفين
ــــــــــــــــــــــــــــــــــــــ
خيه كافيجن سوالف انــه مــابيـاش روح
كاعـد متـانيني هسـه تعطلت خلنـي اروح
انـه اعـرف حسين اخيي ومايضيعنه الجروح
وشلون اتيهه وريحت امي بصدره وبنحره تفوح

جنـه يصيحلـي منبعيــد اسمعـه
بجف يوميلي بس مبتور اصبعه
شلون اكعد بصيوان
وبره حسين عريان
شيهود الكلب ويغمض العين
ــــــــــــــــــــــــــــــــــــــ
ما اتاني الصبح يبطي وكلبي مايحمل يطك
انه مــامتعـــوده اطول عن الحسين اختنك
راح اروحله بعباتي وهضمـي ومتوني الزرك
يكوملي منبعيد اخيي بس يشم ريحت حرك

شصبر والكلب لحسين مشتاك
بطيت وموش متعوده عللفراك
اريد اتمدد وياه
طول بطول وانعاه
واشوف صواب اخيي اليوجعه منين
ــــــــــــــــــــــــــــــــــــــ
طلعت الماكبل طالع صوتهت وتنكط خجل
هاي اول مره تمشــي وموش وياهــا الاهل
عثــرة بعــون بدربهـا وشافته وكالت فشــل
شلون اضل يمك ييمه وخالك مكطع وصل

ظلام ومـا اشـوفك واعثـرت بيك
ييمه ابجي اعلى خالك مابجي عليك
خالك ها يلوليد
بس لاعنك بعيد
دلوني اعلى جثة خالكم وين

الشاعر رائد الناشي

(دارمــــــــــــــــــــــــــــــــــــــــــــــــي)
ثلاث دگات كربلائية

يــا گطـعـت الچفـيـن گطـعت أمـلنه
وأبـطـيحت الـعـباس سـلبوا خـيمنه

قـائـد وضـحه الـروح لـجل الـعقيده
وگطـعت حـبل الـزود گطعت وريده
وأبـهـيـبته الايـتـام چانــت سـعـيده
وأبـفگده صـاحت ويـن كـافل أهلنه

مــــن فــــرّت الايــتــام بـالـغـاضريه
وهجمت على الصيوان غارات أميه
والـحرم صـاحت ويـن أهـل الحميه
مـن شـوفت الـعباس دهـري حرمنه

الـبدر الهواشم جيت اعرض شكايه
مـن طـاحت الچفـين طـاحت الرايه
ومـن غـابت الأرواح ابـكهف المنايه
ذاك الـزمـان الــراح مــا يـرجـع الـنه

هـم صـدگ يـا عـباس يـرجع دلالـي
والـطـيـبه بــالامـال تــرجـع عـيـالـي
ريـتك عـدل وتشوف محنة اطفالي
ابگلــب الـيـتامه الـيـوم زادت الـونّه

واتـصل هـذه الـصوت مـن الـوديعه
لـلّـي بگه مـطـروح فــوگ الـشـريعه
چفـيـنه يــم الـجـود ظـلـت گطـيـعه
وعگب الـكـفيل الـيـوم مـحد كـفلنه

ما حصل راعي الزود يا من ايتامي
عگبــك ولا نـغـار يـحـرس اخـيـامي
زيـنـب انــه وضـليت عـنهم احـامي
وچم محنه هذا اليوم عگبك حملنه

لـو ردت يا عباس احسب اجروحي
يـتـمـرد الـــدلال مــن جـمـر نـوحـي
روحــي بگت ويـاك رجـعلي روحـي
لـــو تــرجـع الايــتـام لــديـار اهـلـنـه

ولــو تـعـتذر وتگول سـهـم الـبـعيني
چم عـهـد يــا عـبـاس بـيـنك وبـيني
ولـو مـا تـطفي الـيوم جـمره ونيني
طـفـيلي نــار اضـماي حـرگت گلـبنه

مـــن جــمـرة الـنـاريـن گلــبـي تـألـم
نـــار الـضـمه والـنـوب نــار الـمـخيم
انـته الگلـت هـالجود يـنترس بـالدم
چا ويــن عـهدك ويـن تـنسه عـهدنه

عــوف الـكـفاله عــوف آنــه الـكفيله
حــاشـاهـا هـالايـتـام تـطـلـع ذلـيـلـه
ولو شفت دمع العين فايض مسيله
ردت اطفي يا عباس جمرة عطشنه


طـــــــــــــــــهـــــــــــــــــران 1981 م
جابر الكاظمي

بين العباس وام البنين ع

يعباس .. عينك أعله زينب
ــــــــــــــــــــــــــــــــــــــ
امبلّل ابماي يوفّاي علي انطاك العلم
حته بالطيف نده بصيف تنگّـط عالخيم

اخلس الحومه خلس ياثگيـل السطره
كون تسمعهه ترن من تذب الابـــره

يعباس .. اعطــش ولتشرب
يعباس .. عينك أعله زينب
ــــــــــــــــــــــــــــــــــــــ
راسك الحار اذا فار جهنم تنچوي
اتزلزل الگاع والاسباع رگبهم تنلوي

والگرب صوب الخيم يوگع ابزلزالك
امك آنه وافتخر ياسبـع بأفعالك

يعباس .. نـار أريدك تنصب
يعباس .. عينك أعله زينب
ــــــــــــــــــــــــــــــــــــــ
همه سبعيـن والاحسين يعرفك هم سبع
عالخيم ذوب يمحبوب وأخذ دور الشمع

اتداين أمن الله الشته وذبه وسط الهيمه
لاتخلّي الحرْ يجي ويجوي ظهر الخيمه

يعباس .. والرمـل لا يلهب
يعباس .. عينك أعله زينب
ــــــــــــــــــــــــــــــــــــــ
ازعل ودوس عله الروس لأجل بنت النبي
واگلب الشام عله الشام اذا گالو سبي

الهاشمي ايحرگه حرگ الزعـل لو جاسه
وعلي گالو غيرته اندارت ابعبــاسه

يعباس .. وللوفه انتـــه الرب
يعباس .. عينك أعله زينب
ــــــــــــــــــــــــــــــــــــــ
يبـني عبّاس عله الراس احطنك چنت
وافتخر بيك واصلّيك فرض لو أذّنت

كثرتلك بالـوفه اكثر أمن اخوانك
لان گـلّالي علي عن گطع ذرعانك

يعباس .. يبن شـــاطر مرحب
يعباس .. عينك أعله زينب
ــــــــــــــــــــــــــــــــــــــ
عالضعن دور يناطور مثل نجمه بسمه
واحرس احجاب الاحباب ودايـع فاطمه

من تضحّي بهـامتك هامتي اتعليهه
المهدي عاشگ رايتك عالنهر خليهه

يعباس .. المهدي يومه گرّب
يعباس .. عينك أعله زينب


محمد الجماسي

يوم القاسم ابن الحسن ع

يارمله شمعچ طفيه .. العريس دمه محنيه
يارمله ذبحوها الشمس .. چا وينچ وين العرس
يارمله شمعچ طفيه
………………………….....
للحومه جاسم من طلع .. گلبچ وره وليدچ وگع
بين العده ودنگ اظن .. شسع النعل ماله انگطع

من راد شسعه يعدله
بعسكر تحاوط وانوله
وحيدچ بقه محد اله .. أيسي يرمله مارجع

شعندچ يرمله اتانين .. غاب الولد عن العين
غاب وبعد شوماله حس .. چا وينچ وين العرس
يارمله شمعچ طفيه
………………………….....
عريسچ ابراسه انطبر .. وفوگ الرمل مخه انتثر
مثل الملبس من يطش .. راس الولد سووه وذر

يارمله هالمنظر صعب
مخه اختلط وي الترب
ودمه على اچتافه يصب .. يجري يرمله چن نهر

ابنچ وگع واتولوه .. وداروا عليه ايطبروه
الطبره عالطبره ترس .. چا وينچ وين العرس
يارمله شمعچ طفيه
………………………….....
ببنچ بقه وشالت نفس .. ياعمي الحگني همس
شافه الشمر وعليه رجع .. وبصدره يارمله رفس

ايلوج ضل اعله الثره
امتاني عمه شأخره
وحسين يمه ومادره .. شاله ولاجاسم يحس

بحظين عمه من مات .. وصالچ بهل كلمات
العمي ضحيت النفس .. چا وينچ وين العرس
يارمله شمعچ طفيه
………………………….....
يارمله طفيه الشمع .. احسين جابه بياوضع
ماشايله بجاسم يجر .. يزحف اجه محني الضلع

لجسام ظهره منكسر
وكلساه ابو اليمه ايعثُر
مهضوم يلطم عالصدر .. وعلى ابن اخوه يجري الدمع

بالقاسم احسين انصاب .. مذبوح عريس وشاب
ثوب العرس ماينلبس .. چا وينچ وين العرس
يارمله شمعچ طفيه
………………………….....
يارمله مذبوح الحلم .. نصين راسه منجسم
ابهيده مومالت حظن .. خافنه جاسم ينلچم

سالم ولاضل بي كتر
لا راس سالم لا صدر
كل جسمه جاسم منعصر .. يحتار البجسمه يلم

شمخليه بيه الطبرات .. ماينلزم بالراحات
حتى لمس ماينلمس .. چا وينچ وين العرس
يارمله شمعچ طفيه
………………………….....
ايسي يرمله من الولد .. ميلمه حظنچ لا بعد
مشتاگه ادري البوسته .. بس الولد ماعنده خد

وجنات جاسم وارمه
طبرات متروسه ودمه
واشفافه فطرها الضمه .. والدم على شفافه جمد

بوجه الولد ضل نيشان .. دم جامد وبي تربان
مغطيات ضحكات الأمس .. چا وينچ وين العرس
يارمله شمعچ طفيه

الشاعر عقيل الحسناوي..

نزلة ليلة القاسم س

عوفه
عرسك يجاسم يالـولد عوفه
وعمك وحيد بـــكربله شوفه
-------------------------
گوم عفيه ابني التعدل الميله
گــوم لا ارفــع عليــك الـشيله
عـمك انتــه الچـان ما تفزعله
منــك انــه اتــبره مــن هاليله

اسيوفه
والجيش هذه كسر سيوفه
عمك وحيد بـــكربله شوفه
-------------------------
هــا يالمــعـــدل يـأبــن امعدل
خـلي سيـفك بالـرگب يـتـغزل
يبني هالسبعين الف تـعدادهه
هسـه يـم رجلك تجي تتوسل

اظروفه
بالك الجيش اتقدر اظروفه
وعمك وحيد بــكربله شوفه
-------------------------
اخــزر الحـومـه خـزر بعيــونك
وادري هــذه الجــمع ميـهمونك
انته ابـوك الحـسن نزل روسهم
وجيـش وحـدك لام ايحسبونك

اچفوفه
جيش ال اميه رَجـف اچفوفه
وعمـك وحــيد بــكربله شوفه
--------------------------
جيشــهم مــنك اريــده ايعاني
وگلهم ابن الحسن جاسـم اني
الراد منهم يوصل الحــد عمك
لا تخـلي لهــله يــرجــع ثــاني

احروفه
خليه ينـسه اسمه واحروفه
وعمك وحيد بـــكربله شوفه
-------------------------
الحومه كلهـه هاي وشما بيهه
كون محبــس بيــدك اتخليهه
تــره عمــك يالــولد يســتاهل
الماتــصير بـكربلـه ســـويــهه

اطفوفه
غرگها يبني امن الدمه اطفوفه
وعمــك وحــيد بكربلــه تـشوفه
--------------------------
جيوشهم الـعب لعــب بأعصابها
گلــوبهـم خـليني اشــم عطـابها
اجيوش اميه التارسه هالحومه
يبــني خــليـها تعــيد احــسابها

اصفوفه
هالجيش يبني فرق اصفوف
وعـمك وحيد بـــكربله شوفه
-------------------------
مـن تطب عالجيش فرق ناسه
وخلي عمـك بيـك يــرفع راسه
چنــك العـباس اريـــدك يبــني
خـلي كـل جندي يحـير براسه

طوفه
والجمع هذه بصارمك طوفه
وعمك وحـيد بـــكربله شوفه
&&&&&&&&&&&&&
لخادمكم حيدر تركي الكربلائي

٦\ نزلة ..... في رثاء القاسم بن الحسن المجتبى عليه السلام


ودع امّه وعمّته جاسم وشد رايته
والسيوف تلگته. ينصر حسين 2
.....................

سمع صوت حسين عمّه وصاح لبيك
ابـن اخـوك ابشر يعمي الروح افديك
مثل ما وافــاك الاكبـر كـون اوافيـك
آني جاسم وانت عمي وفـتـخـر بيك
ياجماله وهيبته. جاسم وشد رايته
والسيوف تلگته. ينصر حسين 2
........................

ودع امّه وحب اديـها وللحـرب گــام
وعمّتـه زينـب اجتّـه تـصـيـح جسـام
هـذا سيف الحسن يبني وهـذا لحزام
وهذا درعه شيله يبني بصدرك اوسام
لبس درعه ولامته. جاسم وشد رايته
والسيـوف تلـگـتـه. ينصر حسين 2
...........................

طلـع والسيـف بيمينــه وللـحـرب راح
توسّـط الميـدان جاسم اغضب وصاح
يابنـي سـفـيــان دمـكــم بالوغه انبـاح
اليوم يومي وهذا سيفي يقبض ارواح
والكتايب عرفته. جاسم وشد رايته
والسيوف تلگّـتـه. ينصر حسين 2
.......................

شردت الفرسان منّه وشافت الموت
هـذا جاسـم بالمعاره سيفه مبخوت
يحصد بروس آل اميّه يهجم بيوت
مثل صولة جده حيدر بيـهـم يفوت
عـذّبتـهـم صولته. جاسم وشد رايته
والسيوف تلگّـتـه. ينصر حسين 2
....................

هــذا ابـن الحسـن هـذا وعـمّـه عبـاس
بسيفه حز روس آل اميّه مايطخ راس
خيل فـوگ الزلم صعدت شردت الناس
المات من الخـوف واللي بخيلها انداس
ما يثنّي بضربته. جاسم وشد رايته
والسيوف تلگّـته. ينصر حسين 2

سيد زيد الفحام
____________________________________