tgoop.com/lawlaw1400/1498
Last Update:
باڵای بەرزی بێمورادی
لە گێژاوی خەمێکی بێسەر و بندا پەناهم بە!
لە پاکی و بێگوناهیما، گوناهم بە! گوناهم بە!
نیگاکوێرم لەوێ و لێرەش، تریفەی چاوەکانم تۆی
نەزەربازی، بە سیلەی چاوێ بڕوانە! نیگاهم بە!
شەڕێک وا نابەرامبەر بێ، کە ڕۆندک سەد، چەمیش هەر دوو
گەرەکتە خەم بدۆڕێنێ، عەلەمداری سوپاهم بە!
دەزانم ڕژد و دژوارە، ئەوەی ڕێگەی لە بەرمایە
دە بێ! قەیناکە ئەمجارەش، ڕەفیقی نیوەڕاهم بە!
خەتام کرد چون کوتم ئەی دڵ! هەتاکوو ڕۆژ مەناڵێنە!
وەرە تاکوو سیوادی سوبح، نزوولە و تووک و ئاهم بە
دڵێکم بوو تەباهت کرد و مەغبوون مامەوە دیسان
لە سەودای دڵبەریدا تۆش، فەقەت جارێ تەباهم بە!
گەدای دەرگانەتم باوان! بە هیوای مێهرەبانیتم
لە مەڵبەندی موحەبەتدا، گەدا خۆم، پادشاهم بە!
ئەبەد! ناڵێم دەبێ دادم بدەی هەردەم، بەڵێ کوفرە
بە هەڵکەوت ئاوڕم وێ دە! ئەنیسی گاھ گاھم بە!
موریدی قامەتی ڕەعنام و پێم فەخرە موریدیی وا
لە تەکیەی بێمورادانا، موراد و تەکیەگاهم بە!
لەیلا بەهرامبەگی "لاولاو"
ڕێبەندانە تووشەکەی ۲۷۲۳ی کوردەواری
https://www.tgoop.com/lawlaw1400
BY لاولاو
Share with your friend now:
tgoop.com/lawlaw1400/1498