tgoop.com/lawlaw1400/1477
Create:
Last Update:
Last Update:
ئاواز: عەدنان کەریم
شێعر: مامۆستا کوردی
سەدای سەمتوورە کەللەم گەرمە ئەمشەو
چریکەی بانگی دڵ بێ شەرمە ئەمشەو
بە ناخون کاری فەرهاد دێ لە دەستم
وەها شاهۆ لە ناڵەم گەرمە ئەمشەو
لە تەنیایی بە یادی ڕۆحی مەجنوون
خەیاڵی گەشتی دەشت و دەرمە ئەمشەو
غوباری خاکی وا حەق گەر بەهەشت بێ
لە دەرگای تۆ خەبەر ئاوەرمە ئەمشەو
دڵم وەک حاکمی مەغدوورە قوربان
تەمای سەنعاتەکەی ئازەرمە ئەمشەو
ئەگەرچی یار و یاوەر بوون بە دوژمن
خەمی بێ یاوەری یاوەرمە ئەمشەو
لە دەوریشم گەڕا پەروانە ناکام
لە سەر ڕێی وەسڵی نووری هیجرە ئەمشەو
کە چونکە بۆی ویساڵی تۆی تێدایە
نەسیمی سوبح خەبەر ئاوەرمە ئەمشەو
سەرم شۆری ویساڵی کەوتە سەر باز
دیسان کوردی لە دەردی سەرمە ئەمشەو
تێبینی: وشەی سەمتوور لە زۆربەی دیوانەشێعرە کوردییەکان لە جیات وشەی سەنتوور هاتووە.
https://www.tgoop.com/lawlaw1400
BY لاولاو
Share with your friend now:
tgoop.com/lawlaw1400/1477