tgoop.com/lawlaw1400/1474
Last Update:
مێرمناڵان و مناڵە چاوگەشەکانی کوردستان، پەپوولە نازدارەکان، با هەموومان هەوڵ بدەین لەو سەرەودەمی چوونەوە بۆ ناو ژینگە و تێکەڵ بوونەوە لەگەڵ سروشت، وڵاتەکەمان لە زبڵ و خاشاک بپارێزین و ئەزەیەت و ئازاری بوونەوەرەکان نەدەین و بە هەموو ئەو کەسانەی لە دەور و پشتمانن ڕاگەیەنین، ڕێز گرتن لە ژینگە، بە خاوێن ڕاگرتنی و هەروەها ئاژەڵان بە ئاگا لێبوونیان ڕێزگرتن لە خۆمانە. ئێمە بڕیارە سبەینێ سێزدەبەدەر کە سێزدە ڕۆژ لە بەهار تێپەڕیوە، ڕوو لە سروشت کەین و لەگەڵیان ئاشت بینەوە نەک ببینە هۆی ئەزیەت و ئازاری سروشتەکەمان. با بە ڕشتنی زبڵ و پاشماوەی خۆمان چیتر خاکەکەمان ئازار نەدەین، مافی هەناسە کێشان لە گژوگیا و پەلەوەر و زیندەوەران نەستێنین. چاوگەشەکان، با هەموومان پێکەوە ئاگامان لەو بستە خاکە بێ سبەینێ بڕیارە تێیدا وچانێ بۆ حەسانەوە بەدین، چ جوانتر ئەگە ئەویش بە چوونی ئێمە بحەسێتەوە نەوەک بشەمزێ و هیلاک بێ بە دەستمانەوە. هەموومان زبڵ و پاشماوەی خۆمان لە کێسەیەک کەین و بیهێنینەوە لەگەڵ خۆمان، با ببێتە نەریت. چاوەگەشەکان، نیشتمان ڕووناکاییە چاومانە، بیپارێزین.
ئەنجومەنی ئەدەبیاتی مناڵان و مێرمناڵانی نیشتمان
🆔 @nishtiman1
BY لاولاو
Share with your friend now:
tgoop.com/lawlaw1400/1474