قناة قمر الحسين...ام محمد الهاشميه
نعي بحق لاخ المرحوم فيصل حسيب ابو علي اسكنه الله فسيح جناته

اووف..يادفان اجوك الاجاويد
وين اليجينه بليله العيد
حنين وعطايا تارسه لايد
*
كون النحبهم مايشيلون
وبشوفتهم نكحل العيون
ما نحمل افركهم يدرون
*
يادرب النجف شو تعبتني
من كثر شيل الجنايز هدل متني
بعدني بشوكهم والله بعدني
****
كل يوم انا الك زاتوت
وين النحبه ياخذه الموت
ابو حجي الحلو وعالي الصوت
****
ردو يااهلنه باجر العيد
تجونه ونلبس الجديد
راحو بعد ردتهم بعيد
*
يابو حجي الحلو وملكه الخطار
تبجي عليك ازغار وكبار
تريدك وحتى المار والجار

يابو طول الحلو وايدك سخيه
ترد لبنات عمك لوهاي هيه
عليك معلمات ويبجن خطيه

يا معدل وعينك وسيعه
قاطك نظمه لونبيعه
ماننساك وحق الوديعه
*
خويه ياظيم كلبي يهد الجبال
وحك المشت للشام بحبال
ماظنيت بيه الدهر ميال
*
الدار من عكبك حزينه
وبالمجالس فاكدينه
احااه ياكلبي وونينه
*
دير بالك عليه يادفان
وبهداي تهيل التربان
من المرظ جسمه نحلان
اوووف خلصو هلي سؤده عليه😭ام محمد الهاشميه لايجوز حذف لاسم ذمه رجاءhttps://www.tgoop.com/joinchat-AAAAAEHY9hoqdfkVRv78tg

راح نتحسر على مثل هذه الأيام
👇🏻👇🏻

يوم الحساب :
صاحوا باسمي لا ألقاب ولا مقدمات ، واجو اثنين اخذوني وخلوا صحيفتي بيدي وجابوني للمنصة ، على رؤوس الاشهاد ، وبدوا يفتحون الصفحات .
الصفحات الأولى صغيرة وبسرعة عبروها بدون حساب ، حتى وصلت للتكليف بدأت الصفحات تكبر والكتابة تصير كثيرة وناعمة وبالتفاصيل ، تعبت هواي من هذن الصفحات ، كل صفحة تنفتح انسأل عنها ، صليت الصبح بوكتها لو لا ؟ صليت الظهر ؟ المغرب ؟ امك وابوك ، جيرانك اهلك، الفقراء ، الواجبات ، أسئلة كلش هواي ، وبعد وين رحت وين اجيت وين باوعت؟ عليمن حجيت ، يعني حتى الصغار بكد مثقال الذرة هم انسال عنهن تعبت هواي وخايف وما ادري شنو ورا هذه الأسئلة والتحقيق والناس كلمن مشغول بنفسه والتحقيق جدّي وما بيه تهاون..
كل مرة تطلعلي صورتي وأنا اصلي بسرعة شكد تمنيت لو شوية اطولها ، القران على الرف بس كون امد أيدي واقرا شوية ، يا الله فتحت القران بس ليش صفحة وحدة ، هذن كم كلمة يبيضن الصفحة كلها. هذا فقير يدك الباب ، يا الله بس كون انطيه شي ، هم زين انطيته ، عجيب هذا الألف صار سبعة صار سبعمية صار سبعة الألف وجاي يزيد وانا مستغرب والله يضاعف وانا فرحان شكد تمنيت لو امشي واوزع على الفقراء، بهذه الاثناء شوية أجر نفسي ويهدأ الخوف شوية بس اعرف اكو بعد هواي صفحات . اكو هواي سطور سود ممسوحات ومو واضحات انا اعرفهن ومستحي حيل منهن وخايف من حسابهن . سألت سويت نفسي ما اعرف . كالو هذن الله مسحهن ومحد يعرفهن غيره . لأنك تبت منهن والله سترك بالآخرة مثل ما سترك بالدنيا..
بعدين شفت صفحات بيض ، بيهن حسنات هواي بيهن تسبيحات هواي أنا ما مسويهن وبيهن ختمات قرآن وبيهن عبادة ورضى ومغفرة ، وحتى ضواهن غطى الصفحات الفاتن ، اول صفحة مكتوب بيها امساك ،اثاري دخل شهر رمضان ، عجيب أنا اشوف صورتي نايم والملائكة تكتب حسنات وحتى من اتنفس كل نفس بيه ثواب ، عجيب حتى لو كلت (بسم الله الرحمن الرحيم) ينكتبلي ثواب ختمة قرانية كاملة ، وظلت الملائكة تجيب حسنات وتصب بصحيفتي حتى فاضت .
كل آية اقراها من القرآن ينطوني ثواب ختمة كاملة ، شكد تمنيت لو كنت مستمر اقرا قرآن طول الوكت!! . بعدين شفت جايبين حسنات بكد الدنيا ... وقت الإفطار كالوا لأن قريت سورة القدر. وكالوا راح ننطيك بكد ثواب كل الصايمين اليوم لأنك كلت ( اللهم لك صمت وعلى رزقك افطرت وعليك توكلت) .
بعدين ظلوا كل صفحة يفتحونها من صفحات الشهر وانا وجهي يستبشر ويفرح . شكد اتمنيت لو الشهر 60 يوم او 120 يوم او حتى كل السنة كلها شهر رمضان ، بعدين شافوني مستغرب كالوا لا تستغرب انت بضيافة الكريم . وحتى تصورت ماكو احد عنده ثواب بكدي بالرغم انا اصلا كلشي ما مسوي .
بعدين اجت ليلة القدر وانا اشوف الملائكة تنزل بكل مكان وكل زاوية وبيدهم أكياس الرحمة والمغفرة والعطايا ، و شفت يوزعون على الناس صكوك العتق من النيران وانا اباوع بالصكوك بلكي اسمي بواحد منهن ، بعدين شفت هواي ناس تصلي وتقرا دعاء وتتصدق ويصلون ارحامهم وكلهم اكثر مني وبداوا يوزعون عليهم وانا اباوع للناس واباوع للصكوك خاف يخلصن ، بعدين خلصن الصكوك وانا كلش خفت ، بعدين اجا واحد من الملائكة جاب صكوك اكثر من الوجبة الأولى مكتوب عليهن (السلام على الحسين ) كالوا هذن للزاير بليلة القدر للما حصل بالوجبة الأولى ، مختومات بختم النبي الأكرم سيد الشفاعة وانطوني صك باسمي ، وانا مستغرب كالوا ليش انت ما سمعت الحديث ( من زار الحسين ليلة القدر وجبت له الجنة)! ، وظلت الحسنات تجينا من كل صفحة حتى وصلنا ليلة العيد والملائكة اجوا بصكوك عتق من النار جديدة بكد الأوليات كلهن وفوكهن ، وظلوا يوزعون على الناس يمكن ما بقى واحد ما استلم .
شكد تمنيت لو ما مضيع دقيقة من هذا الشهر ، شكد شهر كريم وكله عطايا ومنح وشكد مقصر بيه شكرا يا رب على عطاياك شكرا يا رب على كرمك ومنك شكرا يا رب على نعمة شفاعة محمد وآله. كعدت من النوم وأنا اردد الصلاة على محمد واله واكول هم زين باقي شكم يوم من شهر رمضان.
استثمره قبل لا يخلص..

- د. عبد الباقي خلف علي

اجه العيد وضحكتك ماكو بالبيت
وين الگاك خاطر وجهي يندار
يالمعزب بروحك من يجي العيد
اجانه الموت بعدك بويه خطار
انه امگضي الليالي اعليك صفنات
وتارسلك دليلي ترس اسرار
وين الگاك بويه من يجي العيد
شگولن للنشدني اشصار ماصار
نايم بالنجف يالعيدك ابموت
فگ ريج المنيه وربك اختار
انه امعاتب اخلص الليل بسكوت
بقت منك ليالي الفرگه تذكار
ياموت استچن شمسوي وياك
يوميه ابعزيز وغالي تندار
الفاگدله ابو ديوانه مبيوگ
وبنص السلف بيه وجة النار
الاخو احزام الضهر والوالد عگال
تتنومس عليه من يچهب الدار
خيالك بالغرف يفتر على البيت
يالعمرك گظه من دون الاعمار
يريت الگبر يفتح بابه والگاك
وسولفلك ابحالي بعدك اشصار
……
علي الحاج الصبيحاوي

بالعيد اتعايد كل الاحباب
والحبابه بعيده ايعيد شلون
الگبل چان ايتعايد غبشه وياي
هسه بالنجف ياعيد مدفون
اجانه العيد ماجاب العزيزين
جابلنه دمع يترس بالعيون
ماتسوه الليالي بلايه خلان
يوميه ظلع مني يشلعون
ياعيد ابتعد لاتگرب هنا
انه امودع نشامه المايروحون

شلونك يانجف يالماخذ اعزاز
چانوا كل سنه ويانه يعيدون
الدافنله شهم يحسد بالگبور
ويصيح اعله صوته ومايسمعون
بعد ذيچ الصور غطاها التراب
وبعد كلشي انتهى ماينفع الكون
دفناهم بدينه وفرغت الدار
الچانوا بيها كل ليله يباتون
ظل فراشهم ماشالته الايد
بيه ريحة عطرهم من ينامون
ائيس ياگلبنه الراحوا بعيد
ولاظنه يعود اليموتون
… ..
علي الحاج الصبييحاوي

تهنى خاصه الى الرادود سجاد الداينى وجبار الحريشاوي لحصولهم على المركز لاول والثاني في برنامج منشد العراق الف الف مبروك لكم واتمنى لكم التوفيق جميعا..اختكم ام محمد الهاشميه

قناة قمر الحسين ام محمد الهاشميه
ابوذيه للسيده زينب ع ج ١٠
الدنيا بظل كم ظالم رمتني
بيه حيل اوجرت وما رمت ني
اخوتي كم سهم قاسي رمتني
صواب وما حنو لأيام والديه لايجوز حذف لاسم ذمه رجاءhttps://www.tgoop.com/joinchat-AAAAAEHY9hoqdfkVRv78tg

قناة قمر الحسين..ام محمد الهاشميه
ابوذيه للسيده زينب ع ج١٠
سياسه وحرب كله حييل
يخويه من السبي ماظل بعد حيل
بسوطه النذل يظرب متني حيل حيل
عكب عباس والغايب عليه😭ام محمد الهاشميه لايجوز حذف لاسم ذمه رجاءhttps://www.tgoop.com/joinchat-AAAAAEHY9hoqdfkVRv78tg

قناة قمر الحسين..ام محمد الهاشميه
لطميه ائمه البقيع ع ج١٠
بالبقيع اليوم خلننصب عزانه
نلطم ونبجي والزهره ويانه
******
بالبقيع اليوم خل نلطم سوه
نعزي الحسن واصحاب اللوه
واليزور كبروكم ياخذ دوه
لاظريح ولاكبه اه يابلونه
*****
اه ياكبور البقيع المتربات
لاظريح وكبه ويمهن نبات
ولامشي نمشيلهن وترف رايات
نعزي ام الخدر كون ويانه
****
نذكر الصادق ونلطم عالحسين
يكون من دم نبجي وتهل العين
نقره الزياره باه ونين
انتم نجوم وتظوي دنيانه
*****
يابو صالح ظاكت الوسعه علينه
نريد نزور الصادق بس موبدينه
الشيعي حزنان ويحسب سنينه
بيوم تظهر الشيعه فرحانه..ام محمد الهاشميه لايجوز حذف لاسم ذمه رجاء
https://www.tgoop.com/joinchat-AAAAAEHY9hoqdfkVRv78tg

* أين تسكن الارواح
بعد الممات..؟*

نقول دائماً لقد انتقلت روح
فلان .. ونقول انها انتقلت الى الرفيق الاعلى .. ونقول ونقول ..

* فهي اين تذهب بالضبط..؟*

* وهل كل الارواح تسكن في مكان واحد ..؟*

* واين يكون العذاب هل داخل الحفرة ام اين ..؟*

* الجواب ..*

روي عن امير المؤمنين انه قال : أن كشف عنكم الغطاء سترون أرواح المؤمنين خلف هذه المدينة ( النجف الاشرف ) متحلقين حول بعضهم ويرون بعضهم ، ويتحاورون مع بعضهم، وهنا تسكن روح كل مؤمن .. وأن ارواح الكافرين
تحل في وادي برهوت ( واد جاف وحارق في حضرموت في بلاد اليمن )

وروي عن الامام الصادق ( ع ) :
أن الله عندما يقبض روح الموءمن يحشره على الصورة التي كان عليها في الحياة الدنيا، وهناك تأكل وتشرب ، وكلّ من يدخل عليهم يعرفهم على صورتهم التي كانوا عليها قبل الموت ، وأن الجنة المذكورة في هذه الرواية تقع خلف الكوفة في وادي السلام في النجف الاشرف ..
خلقها الله سبحانه للمؤمنين و قد اخفاها بقدرته عن انظار الناس .. وارواح المؤمنين هناك في قوالب مثالية..( جسم شفاف لطيف شبيه بالبدن ) وهياكل نورانية لطيفة .. يتمتعون بمآكل ومشارب لذيذة الى قيام القيامة حيث يدخلون الجنة الخالدة التي وعدهم الله بها وجعلها مقرّ نعيمهم وكرامتهم..

* والسؤال الاخر هو هل تجري هذه الأحداث من عذاب الميت داخل الحفرة أم أنها تجري في مكان آخر ..؟*

* والجواب ..*

ينتقل الميت من اللحظة الأولى إلى البرزخ، فبحسب ظاهر الآية الكريمة ﴿وَمِن وَرَائِهِم بَرْزَخٌ إِلَى يَوْمِ يُبْعَثُونَ﴾ ( المؤمنون : 100 ) وما ذكره المفسرون أن البرزخ يمتد من لحظة الموت إلى يوم البعث، وهذا يعني أن الأحداث التي تجري مع الميت لا بد أن تجري معه في البرزخ وليس في مكان آخر. وبما أن الحفرة وجسد الميت هما في عالم الدنيا فلا يجري أي حادث من تلك الحوادث في القبر.

يقول الشيخ المفيد قدس سره :
" إن الله تعالى يجعل لهم أجساماً كأجسامهم في دار الدنيا ينعّم مؤمنيهم فيها ويعذّب كفارهم وفساقهم فيها دون أجسامهم التي في القبور يشاهدها الناظرون تتفرق وتندرس وتبلى على مرور الأوقات وينالهم ذلك في غير أماكنهم من القبور "(1).
إذاً، فحكم جسم الميت الموجود في الحفرة هو نفس الحكم فيما لو بتر أحد أعضائه وهو حي فكما أن اليد أو الرجل المبتورة تفقد الحياة تماماً ولا يجري عليها أي شيء فكذلك جسم الميت وذلك أنه تم استبدال جسمه الدنيوي بجسم برزخي وكل ما يجري على الميت يجري على ذلك الجسم ولو ضرب جسم الميت بألف ضربة سيف وفأس ولو نهشته الأفاعي والعقارب أو أكلته الذئاب فالميت لن يشعر بشيء مطلقاً ؛
إذ إن العلاقة بين الجسم والروح انقطعت وحلت محلها علاقة أخرى بين الروح والجسم البرزخي أو المثالي أو الملكوتي وأصبح جسمه الدنيوي أو المادي أو الملكي طعاماً للحشرات وفاكهة للديدان فالموت أشبه باستبدال ثياب بثياب أخرى حسب ما ذكرت بعض الروايات..

*اللهم نسألك حسن العاقبة..*

*المصدر :*
1- أوائل المقالات، الشيخ المفيد، ص77.
كتاب ( الاموات يتكلمون معنا )
منقول
_📚📖📚📖📚📖📚________________

قناة قمر الحسين ..ام محمد الهاشميه
نعي الى كل من فقدت اخوانها بطلب من احدى الخوات...ج١٠
ريت اخواني وولد عمي ميه
ومن ايدهم حلوه العطيه
ويردون العايل عليه
*********
وانا فكدت اثنين خوان
نامو ياخيه حدر تربان
عافوني ذليله الكلب خلصان
******
عيوني عمت ومناطره الباب
اكول يايوم ترجعلي الغياب
ايس ياكلبي من لاحباب
*****
ياخال الولد ياحلو العيون
يمتى يااهل كلبي تردون
فراككم موعالبال اشلون
*****
ياخويه خلص كلبي من الونين
وعلى فراكم عميانه العين
مرحلين يااهل كلبي مرحلين
***
دموعي لاهل زينب جريه
اويلاه جي راحت سبيه
واذكر الطفله رقيه..ام محمد الهاشميه لايجوز حذف لاسم ذمه رجاءhttps://www.tgoop.com/joinchat-AAAAAEHY9hoqdfkVRv78tg