tgoop.com/kmrrr/7452
Create:
Last Update:
Last Update:
اجه العيد وضحكتك ماكو بالبيت
وين الگاك خاطر وجهي يندار
يالمعزب بروحك من يجي العيد
اجانه الموت بعدك بويه خطار
انه امگضي الليالي اعليك صفنات
وتارسلك دليلي ترس اسرار
وين الگاك بويه من يجي العيد
شگولن للنشدني اشصار ماصار
نايم بالنجف يالعيدك ابموت
فگ ريج المنيه وربك اختار
انه امعاتب اخلص الليل بسكوت
بقت منك ليالي الفرگه تذكار
ياموت استچن شمسوي وياك
يوميه ابعزيز وغالي تندار
الفاگدله ابو ديوانه مبيوگ
وبنص السلف بيه وجة النار
الاخو احزام الضهر والوالد عگال
تتنومس عليه من يچهب الدار
خيالك بالغرف يفتر على البيت
يالعمرك گظه من دون الاعمار
يريت الگبر يفتح بابه والگاك
وسولفلك ابحالي بعدك اشصار
……
علي الحاج الصبيحاوي
BY قمر الحسين ام محمد الهاشميه
Share with your friend now:
tgoop.com/kmrrr/7452