tgoop.com/jsman5/770
Last Update:
البارت 14
كانت محتاره لكنها لبست وطلعت مع جدها السياره ، كان في سائق ويزن جنبه
جدها يكلم السائق تحرك ..
يزن كان يشوف لها ب انعكاس المرايا وملاحظ انفعالاها وكبتها لغضبها ..
وصلت الحفله …
المعازيم كثير وماكانت مرتاحه جلست على اطراف القاعه
جدها انشغل بالمعازيم ..
اقترب منها واحد ويتكلم معها الماني ومافهمت ولاشي
كان شكله مكثر شرب ، اقترب اكثر خافت ورجعت للجدار بتوتر ويزن دخل بينهم قال له كلمه وهو مشي
خرجت بسرعه وخرج بعدها وهي تتنفس بسرعه وخايفه
اقترب : مالش ؟ وين بتروحي لحالش
شافت له بتوتر وخوف: ايش ذا المكان ! ايش ذي الحياه ! هذا الجو مش جوي
يزن: ضروري تتاقلمي مع الجو هذا ، هذا جو جدك !
لمحها لها خرجت واقترب يشوفها من الشباك وشافها مع يزن ، واحد من المرافقين المقربين حقه بيكلمه : طول الوقت بيقطع نظراته لها ، شكله معجب بها
الجد : خليه ! انا اشتيه بعجب بها ، يمكن الحب يضعفه ويخليه يكشف سره !
رد: ومازلت تعتقد ان عنده سر ؟
الجد: اكيد ! انا نظرتي ب الناس ما تخيب ! يزن موضف تمام عندي بس عنده غايه وهدف
رجع يكمل الحفله ..
جنى رفضت ترجع تدخل جلست بالسياره ويزن خارج منتظر الجد وخايف يتركها لوحدها ..
خرجت لعنده : بسالك ! اقدر ارجع عند ابي
شاف لها وضحك : ههههه مسرع ؟
رده : قول
يزن: طبعا لا وع فكره ابوك تزوج مره ثانيه !
رفعت حاجبها بدهشه: هاااه
يزن: جدك طلب منه حفيد عشان يرجعه له
كانت مصدومه وهو يشوف لها
وقالت بتعب: يالله انا كان نفسي يكون معي اخ او اخت ع ايه حال
سكتت ويشوف امامه عندما قالت: وانت !
يزن بسرحان: انا معي كثير اخوه وخوات بس كل واحد من ام ، كان معي اخ واحد من ابي وامي ومات الله يرحمه
سكتت وهو مسك التلفون ورجعت هي دخلت السياره وجدها خرج بعد ما انتهت الحفله ..
طلع السياره بضيق : وين كنتي ماشافتك ؟
جنى : خرجت اشم هواء
سكتت ، يزن طلع والسواق بيسوق وهي تشوف لجدها تفكر " هذا ايش في راسه ؟ كيف يخليني احضر حفله هكذا ؟"
BY روايتي 🌸
Share with your friend now:
tgoop.com/jsman5/770