tgoop.com/jadriyawolf/9757
Last Update:
" علي ظالم ... لكل من خالف الله "
يگولون اكو جماعة ضايجين من خضر عباس على هلحچاية ... الجماعة على رأسهم المرجعيين واكسير الحكمة الرهبريين
للتوضيح قبل كلشي ...
خضر عباس... هو عبارة عن كائن مقرف ويلعب النفس بكلشي ... شكلة وشعرة وصوتة وقصائدة وحركاتة واختيار الشعر والصوت وما اطيقة ولا اجرعة وبالنسبة الي مجرد قرف ب قرف، حتى من اعرف اكو واحد معجب بقصايدة هم ينزل من عيني
ثانيا ... إسرائيل... اني هم ما اعتبرها لا شيطان ولا عدو ولا غدة مدري شنهية وقصتها ودولتها مجرد وضع دولي صار حالة حال تقسيمات الدول بعد الحرب العالمية... ودرجة غصبها - المدعاة - لأراضي فلسطين ما تختلف عن تقسيم كردستان وتسلط الاتراك والعجم والعرب على الأكراد واضطهادهم ... او تسلط العجم على عرب الأحواز ... والصراع والمشاكل وكل ما يجري هو نفس قصص جنوب السودان وصرعات افريقيا ومينمار وذولة المسلمين مال الصين الخ ... أما النظر والايمان والتعامل مع الموضوع - من ١٩٤٨ ولحد الان والتراكمات التي نتجت عنه بمرور الزمن - بطريقة السنة العرب العثمانيين الي دمهم ازرگ Sunni supremacism ... فهو شي ما يخصني ولا اعترف بي ولا يربطني بي شي
واني شخصيا بالنسبة إلي ... مليون يهودي ولا سني واحد
وكل المؤيدين لهل خبال والخبل ... يدرون أنه كلش زين ما يگدرون يبررون هذا التأييد ولا يسندوا بسند عقلي ولا سياسي ولا اقتصادي ولا حكمة إنسانية ... مجرد خبطة زيدية سنية قومچية عربية واستلهام مبادئ سنية وتصديرها كونها تشيع وعقل وشجاعة واقتدار ... بغيرها ... كلشي ما عدهم ... مجرد خرط
نرجع سالفتنا " علي ظالم ... لكل من خالف الله "
هسه هو هذا خضر عباس والشاعر منين جابوها؟!
ما جابوها من البيئة الدينية الشيعية الحالية الي من أقوالها هاي اليومين " علي غدير قم " و" الي بايع علي بخم لازم يبايع علي بقم "؟! مو هاي كتابات القنوات المرجعيين وبينات المرجعية نفسها أيدت شخوص وأفعال هيه مجرد ظلم بظلم سواها هذا النظام الظالم؟! من قتل السوريين " السنة " إلى قتل اضطهاد الأكراد إلى قتل واضطهاد الإيرانيين إلى قتل واضطهاد العراقيين واشكال الوان الظلم من سفك الدماء لسلب الأموال إلى تسليط السفلة والظلمة على رقاب الناس
كله ظلم بظلم بظلم ... ويتمجد من أعلى مستويات الحوزة العلمية المحترمة مالتنا ... بحجة وتبرير ديني من جيبهم ومخالف لكل الروايات وسيرة وقصص الائمة واصحابهم ... بس حرفوا دين الله علمود يمشوهن ويمجدون هل سفلة والظلمة ...
فليش خضر عباس ما تعجبة هاي الحچاية؟ ليش الشاعر ما يكتبها؟!
ابو مهدي مو ظالم؟! سليماني مو ظالم؟! ذولة الي وصفتهم المرجعية الدينية العليا المحترمة بالشهداء العظام... مو ظلمة؟!
اصناف وانواع الظلم مثلوها وسووها... بالشيعة قبل غير الشيعة ...
هذا الي دتسوي الحكومة الإيرانية الظالمة المجرمة مو تشويه للتشيع؟!
قبل چان التاريخ يوصف السنة وملوكهم وأفعالهم بالإرهاب والظلم والخزي ... وحكومة إيران سوت كل جهدها طول هاي السنين علمود تخلي التاريخ يگول ترة الشيعة هم نفس الشي... ماكو فرق
وهذا من صنف " مما يلقون من بني هاشم " الي الروايات گالتلنا علية وشلون راح يشوهون دين الله ويكرهون الناس بي
وهذا ببركة وتسديد الحكومة الإيرانية والمرجعية الرشيدة
اذا ضايجين أنه خضر عباس گالها بقصيدة ... فهاي شعوب العالم كلها دتشوف " علي " ودين علي هيچ
BY Jadriya Wolf
Share with your friend now:
tgoop.com/jadriyawolf/9757