Kimlar keldi?

Hammaga “xayrli” tong

Toza havodan oʻpkamizni toʻldirib nafas olamiz)

Kun keladi, ko'chada katta brendlarning reklamalarida xatolarni ko'rasiz

Va Telegramga kirib, o'sha brendning marketing direktoriga yuborib qo'yasiz

Linkedin: eng kuchli qurol

Oxirgi 90 kun ichida
Ko'rishlar soni: 48 787 marta
Qamrab olingan insonlar soni: 15 201 nafar
Eng mashhur post: 13 426 ta ko'rish, 210 ta reaksiya

Xo'sh, Linkedinni qanday va nega yuritish kerak?
Linkedin mutaxassislar o'z shaxsiy brendini rivojlantirishi uchun eng qulay platforma va unda profil yuritish uchun 3 ta tavsiya

1. Profilni to'g'ri sozlang
Ism-familiya, karyera, ta'lim, qo'shimcha sertifikatlar, rasm (eng og'riqli mavzu) va boshqalarni to'g'ri va aniq to'ldiring. Bo'rttirmang.

2. Kerakli odamlarni toping
Marketing direktorlar, art, kreativ direktorlar va boshqa sohangiz yaqin bo'lgan kishilarga do'stlik taklifi yuboring. Taniqli kompaniyalarning sahifalariga obuna bo'ling.

3. Faol bo'ling
Sohangizga oid postlar yozing. Postlar ostida insonlar bilan fikr almashing.
*post yozish kerak ekan, deb har kuni yozavermang, arzirli mavzu bo'lsagina yozing

Linkedin ancha jiddiy joy. Instagram va Telegramdan ancha farq qiladi. Vakansiyalar ham chiqib turadi)

@copirayt

Almashtirib bo'lmaydigan kadr?

Kurslarda, seminarlarda lektor va mentorlar bir narsani ta'kidlashadi: Almashtirib bo'lmaydigan kadrga aylaning. Lekin ko'pchilikning gapiga quloq solsak, almashtirib bo'lmaydigan kadr yo'q. Xo'sh, aslida qanday? O'sha afsonaviy inson bormi?

Bu albatta vaziyat hukmiga bog'liq.
Rasmda kompaniya ichidagi tuzilma tasvirlangan. Qo'chqorvoy bo'lim boshlig'i, qolganlar esa bo'limdagi xodimlar.

1. Siz Teshavoysiz va sizni almashtirishmoqchi
Avvalo bunga Qo'chqorvoyni roziligi kerak. Axir bo'limda kim ishlashini u ham hal qiladi oladi. "Katta og'a" majburlab almashtirgan taqdirda ham uni "sig'ishtirmaslik"lari mumkin. Shu sababdan albatta Qo'chqorvoy bilan kelishiladi. Agar siz kompaniyada 15 yildan beri dizayner bo'lsangiz, sizni almashtirish qiyin, lekin buning imkoni bor.

Qanday?
Yana bitta dizaynerni ishga olishadi va u 3-4 oy siz bilan ishlaydi. Tamom

2. Siz Qo'chqorvoysiz va sizni almashtirishmoqchi
Bu jiddiy va nozik masala. Chunki siz jamoangiz uchun qadrli kishi bo'lsangiz, jamoa siz bilan ketishi mumkin. Ya'ni kompaniyadan bo'limni "sug'urib" olib ketishingiz mumkin.

Faqat
Faqat jamoangizdagilarga boshqa ish topib bera olishingiz yoki ular bozorda talabgir kadrlar bo'lishi kerak

Har qanday vaziyatda xodimni 1 kunda almashtirib bo'lmaydi. Agar u o'zi ketmasa yoki hech narsaga javobgar bo'lmasa.

3. Siz Teshavoysiz va Qo'chqorvoyni almashtirishmoqchi
Agar rahbaringiz yaxshi kishi bo'lsa va uning o'rniga keladigan Qo'zivoy yomon kishi bo'lsa, rahbarning yonida turing. Kompaniya unga qo'shib sizni ham yo'qotishini tushunsin.

Va yangi ish izlashni boshlang))
Chunki bu kabi qo'zg'olonchilarni baribir "chopishadi". Shunchaki bu sal keyinroq ro'y beradi))

Odatda almashtirib bo'lmaydigan kadrlar "tirik arxiv"lar bo'lishadi. hamma ish ular orqali bitadi.

Kompaniyada tizim yaxshi bo'lsa, ularni yo'qotishni ko'zlamaydi, shu barobarida ularga "shogird'larni biriktirib qo'yishadi.

Real keys: katta xoldingda ta'minot bo'limi boshlig'ini ishdan haydab, o'rniga boshqa kadr olib kelishgan. Xolding bilan ishlaydigan boshqa zavodlar esa yangi ta’minotchiga "eshikni orqasidan yopib ketish"ni aytgan. Xolding 2x maosh bilan eski kadrni ishga qaytargan va bu oʻrtada bir necha mlrdlik tovarni 2 oy kechikish bilan olgan

Xulosa: almashtirib bo'lmaydigan kadrlar bor va ularni faqat tinchlik yo'li bilan almashtirsa bo'ladi

@copirayt

Ekspert blog yoza oladi

Oxirgi paytda hamma joyni "ekspert"lar bosib ketdi. Mikrofon, iPhone va CapCut. Bo'ldi, ekspert tayyor))

Xo'sh aslida qanday bo'lishi kerak?
O'zini ekspert yoki kamida middle+ deb hisoblaydigan mutaxassis sohadagi biror mavzuni maqola ko'rinishida yoritib bera olmasa, u hech kim. (kamida men uchun shunday)

Aynan shu maqsadda bir platformani taqdim etamiz. Marketolog, shifokor, muhandis, matematik va istalgan sohaning mutaxassislari blog yozishlari uchun

Siz qaysi mavzularda ilmiy-ommabop maqolalar o'qishni istaysiz?

*tez orada

@copirayt

Amaliy marketing

Koʻpchiligimiz marketing boʻyicha ma’lumotlarni kurslar, kitoblardan oʻqib olamiz va nazariy bilimlar bilan cheklanib qolishadi.

Aslida marketingda amaliyotchilar bilan tanishish, ularni kuzatish foyda beradi. Shunday insonalardan biri Premier brendi marketing direktori Shohzod aka Poʻlatov. Juda qiziq blog yuritadi va amaliyotdagi ajoyib keyslarni ulashib boradi

Va ekspert sifatida blog ham yuritadi: @scaleupuz

Blogda marketing boʻyicha qiziq keyslar va ularning tahlillarini ulashib boradi

Marketingni instagram “mentor”lardan emas, marketing direktorlardan oʻrganishni istasangiz, obuna boʻlib qoʻying: @scaleupuz

@copirayt

YouTube'da Propaganda degan video bor ekan. 3 qismdan iborat, 3 kunga bo'lib ko'rsa, ancha narsa o'zgarsa kerak...

*o'zim Head of SMM bo'lib ishlasam ham telefonimga instagram uchun kuniga 15 daqiqalik cheklov o'rnatilgan

Shaxsiy brendim uchun reklama:
O'zbekistondagi №2 kopirayter

Kopirayter yoki matnchi? 🤔

Bozorda kopirayterlar ko‘p, lekin ularning aksariyati aslida textwriter — ya’ni oddiy matn yozuvchilar. Haqiqiy kopirayter qanday bo'lishi haqida shu videoda aytib o'tilgan...

💬 Sizningcha, kopirayter va matnchi o‘rtasidagi farq nimada?
🎙 Lokals Agentligi Senior Kopirayteri Said Nazrillayev bilan suhbat.

To‘liq podkastni YouTube’da tomosha qiling 🎥👇
🔗 YouTube’ga o‘tish

Oʻzbek tilida soʻzlashuvchi marketologlar hamjamiyati

Tez orada bir foydali loyihani qayta ishga tushiramiz

Sizningcha bu qaysi loyiha?

Telegram ADS bilan shug‘ullanayotganimga 1 yildan oshdi

Telegram ADS’da 100 dan ortiq, Yandex Direct Telegram ads’da 50 ga yaqin loyihalar bilan ishladim. 10 dan ortiq ADS akkauntlarni blok qildim)

Telegramda qanday target yoqish bo‘lsa, barchasini qilib ko‘rdim.

Ton kabinetda yaxshi natijalar bo‘ldi va bo‘layapti ham.

Yevro kabinetda ham ishlab ko‘rdim.

Yandex direct (Telegram ads) kutganimdan ham yaxshiroq bo‘ldi.

Shu 1 yil ichida Telegram ADS bo‘yicha 20 dan ortiq insonlarga dars ham o‘tdim. Narxi 250-300$ edi. 10 dan ortiq insonlarga esa (pullik) Konsultatsiya berdim. 80-100$ dan.

Xullas, yangilik bor.

Telegram ADS (TON kabinet) bo‘yicha cheklangan odamlarga mini kurs tashkillashtiryapman.

Asosan, Targetolog, Marketolog, SMM menejer, Kopirayter Telegram blog egalari va Onlayn sotuv bilan shug‘ullanuvchilar uchun.

❗️Darslar 10-martdan. Joylar cheklangan.

👆Batafsil ma’lumot yuqoridagi PDF faylida.

Boshidan oxirigacha o‘qisangiz to‘liq yozganman.

Savollar uchun yozing - @tg_ads_menejer

Kishi sotishni bilmasa?

Ko'pchilik "sohaning eng zo'r mutaxassisi" bo'lish yetarli deb o'ylaydi. Ya'ni "sen ish izlamaysan, seni izlashadi" darajasiga chiqishga urinishadi. Aslida ham shundaymi?

Keling, uzoqroqdan boshlaymiz. Mutaxassis kim va u kimga kerak? U ham oddiy inson va boshqa bir insonga kerak. Demak, biz insonlar bilan ishlaymiz va ularga kerakmiz

Insonlar bizga murojaat qilishi uchun nima kerak? Ular biz haqimizda bilishi kerak.
Do'stidan eshitgan, o'zingizdan eshitgan, instagramda ko'rgan va hokazo. Xullas, ularda siz haqingizda ma'lumot bo'lishi kerak

Bu sotuvning birinchi qismi — siz haqingizda bilishlari kerak

Ammo buning o'z yetrali emas. Endi siz ularga o'z fikringizni sotishingiz kerak. Masalan: santexniksiz, mijoz sizga "hammomga uchburchak ko'zgu o'rnatish" kerakligini aytayapti. Deylik, bu noto'g'ri yechim va keyinchalik noqulayliklarga olib keladi. Buni mijozga tushuntira olishingiz kerak va yechim taklif qilish kerak.

Va yechimga mijozni ishontirish kerak. Bu normal. Chunki siz mutaxassissiz, mijoz santexnik emas. Aynan o'sha ishontrish asnosida siz nega mijozdan pul olayotganingiz aniq bo'ladi.

M: yaqinda sotuv bo'yicha juda kuchli mutaxassis menga murojaat qildi. Aytishi bo'yicha, u juda ko'plab kompaniyalar bilan ishlagan, ammo uni faqat tor doirada bilishadi. Muammo shundaki, u o'sha tor doiradagi odamlarnig barchasiga sotib bo'lgan

M: boshqacharoq muammo bilan ikkinchi kishi. Uni hamma taniydi, ammo ish jarayonida o'zi istagan narx, sharoitni so'ray olmaydi.

Xulosa: sotuv 2 qismdan iborat
1. Mijozning onggiga o'rnashish
2. Yuzma-yuz uchrashuvda o'zini munosib tutish

Sizda qaysi muammo: sizni tanishmaydimi yoki doim ko'nglingiz bo'shlik qilib 50% chegirma berasizmi?

@copirayt

Mahalliy “rang”larni tushunish qanchalik muhim?

Ayrim xorijiy brendlar mahalliy bozorga kirishda AI va oʻzlarining ekspertizalariga koʻp ishonishi toʻgʻri emas

Mahalliy bozorda qadriyatlar, an’analar va urflar boʻladi, ularni kontentda ishlatish uchun esa anchagina mashaqqat talab qilinadi. Nimani nimaga bogʻlamaslik haqida Said aka yaxshi post qilgan edi

Yuqoridagi oddiygina bannerni olaylik. Dizayn Ramazondan koʻra Halloween uchun qilingandek.

Yana bir keys: yaqinda bir xalqaro kompaniyaga konsultatsiya xizmati koʻrsatdim. Navroʻz uchun kampaniyani Ramazonga bogʻlab qoʻyibdi. Agar bu reklamaga chiqib ketganida, qancha zarar koʻrar edi, bilmadim. Hozir qayta ishlashgan.

Xalqaro kompaniyalar bozorga nimadir chiqarishidan oldin insonlarni oʻrganishi kerak.
Ishga mahalliy kontent, kontekstni tushunadigan mutaxassislarni olishi, ular bilan maslahat qilishi kerak

*dizayner yoki kontentmeykerlar ham trendlarni chetdan koʻr-koʻrona koʻchirmasliklari maqsadga muvofiq

@copirayt

Salom, O‘zbekiston kopirayterlari 👋 “Seed” agentligi iste’dodli kopirayter izlamoqda!

Agar siz quyidagilarni qila olsangiz, aynan bizga kerakli odamsiz:

✏️ Kuchli ssenariylar, neyminglar va shiorlar yozish.
💡 Uyalmasdan taqdim etish mumkin bo‘lgan g‘oyalar va konseptlar yaratish.
📢 Loyihalarni brifdan amalga oshirishgacha boshqara olish.
🇺🇿 O‘zbek tilini bilish va mahalliy madaniyatni his qilish.

⚡️ Reklama agentliklarida ish tajribasi bo‘lishi shart.

📩 Portfoliongizni hello@seedalmaty.kz pochta manziliga yuboring — biz sizni kutyapmiz!

________________________________

Salom, копирайтеры Узбекистана! 👋 Агентство Seed в поисках талантливого копирайтера!

Если ты умеешь:
✏️ Писать сильные сценарии, нейминги и слоганы
💡 Генерить идеи и концепты, которые не стыдно показывать
📢 Вести проекты от брифа до реализации
🇺🇿 Знаешь узбекский язык и чувствуешь местную культуру

⚡️ Опыт работы в рекламных агентствах обязателен.

📩 Присылай портфолио на hello@seedalmaty.kz — мы уже ждём тебя!

@copirayt

Ish yoʻqmi yoki mutaxassis?

Bozordagi vaziyatni kuzatadigan boʻlsak, hech qayerda ish yoʻqdek. Ammo tanish kompaniyalar HR boʻlimidagi tanishlarimning fikricha, mutaxassis yetishmaydi

Doim misol bilan tushuntirish osonroq. Bozorni Afrika deylik, siz sher, ish zebra. Ishga joylashish uchun zebrani tuta olishingiz kerak

Afrikada sherlar ham koʻp, zebralar ham. Ishga joylashish uchun esa avval ovga tayyorlanish, keyin zebrani topish kerak. Zebra ham “Iya sher-ku” deb oldingizga kelmaydi. Siz kerakli joyda kerakli vaqtda kuch-quvvatga toʻlgan holatda shay boʻlishingiz kerak

Xuddi shu kabi ov maydonlaridan biri: @Ish_Toshkent

*unutmang, zebra kasal yoki qari boʻlsa, tutish oson boʻladi. Semiz va yogʻli zebrani tutish esa oson emas))

@copirayt

Bugun 4-kishi shu bo'yicha yozdi

Sohani o'rganmoqchi bo'lganlar shogird tushish istagida yozishmoqda.
Eng birinchi talab EdFix'dagi kursni tugating
Keyin murojaat qilishingiz mumkin

Mayib loyihalar qanday boshlanishi haqida. Ko‘pchilik kopirayterlar duch keladigan holat. Xotirjamlikni saqlaymiz)

#KopirayterNolasi

@mirzodanmaktub